பிராட் பிட்டின் அடக்கம்

பிராட் பிட் ஹாலிவூட் இயக்குனர்களின் மனம்கவர்ந்த நடிகர்,இவர் நேரம் தவறாமை,மிகுந்த தன்னடக்கம், நடிப்பை தவம் போல செய்தல் , பிறருக்கு உதவும் தன்மை என சொல்லிக்கொண்டே போகலாம், அதில் மகுடம் வைத்தார்ப்போல சமீபத்தில் நான் பார்த்த இரு திரைப்படங்கள் .

1.தி க்யூரியஸ் கேஸ் ஆப் பெஞ்சமின் பட்டன் (THE CURIOUS CASE OF BENJAMIN BUTTON )
(இதில் மனிதர் 90 வயது கிழவனின் தோற்றத்துடன் பிறந்து படிப்படியே இளமையடைந்து கடைசியில் 1 வயது குழந்தையாக இறக்கிறார்)கை தேர்ந்த நடிப்பு,அசல் ஒப்பனை,(முக மூடிகள் அறவே இல்லை)எல்லா வேடங்களையும் நான் தான் செய்து கெடுப்பேன் என்ற பிடிவாதம் இல்லை.குரலிலும் ,உயரத்திலும் ,உடம்பு கூனன் முதல் திடகாத்திரன் வரை..)கலக்கியிருக்கிறார்.உண்மைக்காதலுக்காக தன் சொத்து சுகங்களை தியாகம் செய்து தனிமையில் வாடும் அற்புத கதாபாத்திரம்.படம் அனைவருக்கும் பிடிக்கும்,படம் பார்த்தால் வியப்பும் சிரிப்பும் பரிதாபமும் நம்மை பீடித்துக் கொள்ளும்.(படத்தில் படுக்கையறைக் காட்சிகள் அதிகம் உள்ளதால் சிறுவர்களுக்கு உகந்தது அல்ல )
2.BURN AFTER THE READING(பர்ன் ஆப்டேர் த ரீடிங் )கோயன் பிரதர்ஸ் இயக்கியது.
இது ஒரு முழுநீள காமெடி கலந்த CIA வையும் RAA வையும் நக்கலடிக்கும் திரைப்படம், இதில் ஜிம் உதவியாளனாக வரும்
பிராட் பிட் தன்னை அதி புத்திசாலியாக கருதும் ஒரு அதி முட்டாள் , இப்படி ஒரு பாத்திரம் இந்திய கதா நாயகர்களுக்கு கொடுக்கப்பட்டால் யாரும் செய்வாரா ? என்பது சந்தேகமே(வளரும் ,இளம்,கதாநாயகர்கள் கூட செய்ய மாட்டார்கள்) இவர் அந்த காமெடி கதா பாத்திரத்தைக்கூட அவ்வளவு நயமாக செய்துள்ளார்.படத்தில் இவர் வருவது மொத்தமே 10-15 நிமிடங்கள் தான் இருக்கும்,ஆனால் மிக முக்கியமான கதா பாத்திரம், ஜார்ஜ் க்ளூனி யை வேவு பார்க்க அவரது வார்ட்ரோபுக்குள் சென்று ஒளிந்திருப்பார். ஜார்ஜ் க்ளூனி குளித்து முடித்து உடை அணிந்து,ஓவர் கோட் எடுக்க கதவை திறப்பார், இவர் அப்பாவியாக அவரை பார்த்து சிரிப்பார், அனால் ஜார்ஜ் க்ளூனி மிகவும் பயந்து துப்பாக்கியை கண்ணிமைக்கும் நேரத்தில் எடுத்து நெற்றிப் பொட்டில் சுட்டுவிடுவார்,மூளை சிதறி பிராட் பிட் இறந்து விடுவார்.சட்டென காமெடி விலகி ட்ராஜெடி வந்துவிடும்.
படம் பார்க்கும் எல்லோரும் ஒரு நிமிடம் அதிர்ச்சியில் உறைந்து விடுவர்.
இவர் இந்த டெட் என்னும் கதா பாத்திரத்தை நன்கு விரும்பியே ஒப்புக் கொண்டாராம்.ஜார்ஜ் க்ளூனி கூட இதில் ஒரு முட்டாள்தனம் கலந்த காமெடித்தனமான வருவாய்த் துறை அதிகாரியாக நடித்திருப்பார்.எவ்வளவு சிறிய பாத்திரமானாலும் தலை வணங்கி ஏற்றுக்கொண்டு சிறப்பாய் நடிக்கும்
இவர்களை பார்த்தாவது இன்றைய இந்திய நடிகர்கள் திருந்துவார்களா?

இன்றைய இந்திய சினிமாவின் நிதர்சனம்

1.எனக்கு அறிமுகப்பாடல் வேண்டும்,
2.எனக்கு நான் சொல்லும் ஹீரோயின் வேண்டும்,
3.எனக்கு நனைய மினரல் வாட்டர் மழை தான் வேண்டும்,
4.நான் சண்டைகாட்சியில் அடிவாங்க மாட்டேன்,
5.எனக்கு 5 பாடல்கள் பாங்காக்,மலேசியா,பினாங்கு,ஆம்ஸ்டெர்டாம்,ஸ்பெயின்,மெக்சிகோ ,ச்விச்ஸ் சென்று எடுக்கவேண்டும்.(கதை கிராமத்தில் நடந்தால் கூட)
6.எனக்கு படத்தில் ரேஸ் கார் ஓட்டுவது போல காட்சி வைக்கணும்,(குப்பை பொறுக்கி கதா பாத்திரம்)
7.என்னது கல்யாணம் ஆன ஆளாய் நடிக்கணுமா?என்னாது குழந்தைக்கு அப்பாவாய் நடிக்கணுமா?முதல்ல வெளிய போ..(நிஜத்தில் 2 குழந்தைகள் ,2 குடும்பமாவது உண்டு)
8.என்ன அவன்கிட்ட நான் அடிவாங்கணுமா?(நீ அடி வாங்குவே இப்போ)-இது காமெடி சொன்னது
9.என்னது கண்ணாடி போட்டு நடிக்கணுமா?போடாங்
10.என்னது எனக்கு ரே பான் கிளாஸ், அடிடாஸ்,ரீபோக் ,ஷூ கிடையாதா? (பால்காரன் வேஷத்திற்கு)
11.இதோ பார்,உன்னும் 10 வருசத்தில நான் முதல்வர் அதுக்கு அச்சாரமா பஞ்ச் டியாலாக் வை இன்னா,அப்புடி இஷ்டமில்லாட்டி நான் டைரக்டர மாத்திருவேன்.
12.இந்த மதுரை,கோவை,சேலம்,ராம்நாட் ஏரியா என்னாம் என்னுது இன்னா .இந்தா புடி கால்ஷீட்டு.
13.இன்னாது இனக்கு ஒரே ஹீரோயினா?யோவ் இன்னா அடுத்த படம் செய்யனுமா வேணாமா?
14.இன்னாய்யா?வில்லனுக்கு இவ்ளோ வெய்ட் டா ரோல் ?,அதை முதல்ல கட பண்ணு 15.கதைய மாத்துயா..
16.இதோ பார் எனக்கு இன்னா செய்வியோ? நானும் தீபாளி படத்துல டபுள் ஆக்டிங் குடுக்கறேன்,டபுள் ஹீரோயின்,டபுள் அப்பாம்மா..டபுள் வில்லன்... முருகன் காவடி ,
பாட்டு. குடும்ப பாட்டு ,கண்டிப்பா படத்துக்கு சிவனோட பேரு எல்லாம் இருக்கணும்.
17.அந்த மலேசியா கார் சேசிங் மறுபடியும் எடுக்குறோம்,எனக்கு லைகிங்காவே இல்லை.இப்போ ஹெலிகாப்டரும் வோணும்,இப்போவே சொல்லிடு.
18.இதோபார்,எனுக்கு நடிப்பு பிறந்த குழந்திளயிருந்தே அத்துப்பிடி,எனுக்கு நிடிப்பை தவிர எடிட்டிங்,சவுண்ட் மிக்ஸ்யங்,குப்பத்து குத்து,கும்மாங்குத்து,டைரக்ஷன்,கதை சுடறது ,இசைன்னு ஏகப்பட்டது தெரியும்(நடிப்பை தவிர)
ஐயோ எனக்கு மூச்சு முட்டுது...
இங்க தொடரும் போட்டுக்கறேன்....

curious case of benjamin button திரைப்படத்தின் முன்னோட்ட காணொளி இதோ.

நன்றி விக்கிபீடியா , நன்றி யூடியூப் ,நன்றி கூகுள்

Burn After Reading திரைப்படத்தின் முன்னோட்ட காணொளி இதோ.

நன்றி விக்கிபீடியா , நன்றி யூடியூப் ,நன்றி கூகுள்