இன்று மகளின் CBSE +2 ரிசல்ட் வந்து விட்டது 96% வாங்கியிருக்கிறார்,
கெமிஸட்ரியில் 100% வாங்கி உள்ளார்.
TVS iqube எலக்ட்ரிக் வாகனம் வீல் பெண்ட் நீக்கும் பணி நிறைவு
ஒரு வழியாக என் EV ஹப் மோட்டார் அலாய் வீல் நேற்று புதிது போல சரி செய்து விட்டேன்.
மெக்கானிக் சாதிக் பாட்ஷா என்பவர் இதற்கு உதவினார்,இவர் அலாய் வீல் பெண்ட் பழுது நீக்குவதில் நிபுணர், இந்த மூன்று சகோதரர்களுக்கு பூந்தமல்லி மற்றும் பம்மலில் கடைகள் உண்டு.
நேற்று காலை 10-00 மணிக்கு பம்மலில் என் வண்டியை கொண்டு தந்தேன், சாதிக் பாட்ஷா நீங்கள் எப்படி வீட்டுக்கு போவீர்கள்? எனக் கேட்டார்,நடந்து போய்விடுவேன் என்றதும் கேட்காமல், நீங்கள் என் வண்டியை கொண்டு போங்கள் என்று தந்தார்(எத்தனை உயரிய பண்பு பாருங்கள்), என் வண்டியை பூந்தமல்லி கிளை கடையில் கொண்டு சென்று பழுது நீக்கி கொண்டு வந்தார், சரியாக மதியம் 1-30 மணிக்கு என் வண்டி கையில் கிடைத்து விட்டது, அத்தனை வேலை சுத்தம்,படங்கள் இணைப்பில்.
எல்லா வித மோட்டார் பைக் , ஸ்கூட்டர் ரிம், ரேஸர் பைக், கார் அலாய் வீல் என எதுவானாலும் அத்தனை அழகாக பழுது நீக்கி புதிது போல தருகிறார்கள், தேவைப்படுபவர் பயன்படுத்திக் கொள்ளுங்கள்.
அவரின் விலாச அட்டை இணைப்பில்
1984 ஆம் ஆண்டு வழக்கொழிந்த ரேடியோ லைசன்ஸ் பாஸ்புக்
இன்று தன் அறுபது எழுபதுகளில் இருப்பவர்களுக்கு போஸ்ட் ஆபீஸில் சென்று ரேடியோ லைசன்ஸ் வரி கட்டிய அனுபவம் இருக்கும்.
வானொலி (துவக்கம் 1928)அல்லது தொலைக்காட்சி (துவக்கம்1975 ) என வைத்திருப்பவர்கள் இந்த கேளிக்கை வரி ரூபாய் 15 ஒவ்வொரு ஆண்டும் கட்டினர்,வீட்டின் வெளியே இதற்கென ஆன்டனா கூட நிறுவினர்,இந்த சாதனங்கள் பழுதான போதும் நெடுங்காலம் உபயோகிக்காத போதும் போஸ்ட் ஆபீஸில் இருந்து நேரில் வந்து சோதனை செய்து சென்றுள்ளனர், ஒன்றுக்கு மேற்பட்ட ரேடியோ வைத்திருந்த பணக்காரர்கள் ஒவ்வொரு கூடுதல் இணைப்பிற்கும் 3 ரூபாய் கேளிக்கை வரி தந்து அஞ்சல் தலை வாங்கி இந்த பாஸ்புக்கில் ஒட்டி முத்திரையும் போஸ்ட் மாஸ்டர் கையொப்பமும் வாங்கியுள்ளனர்.
இந்த ரேடியோ பாஸ்புக்கின் உள் அட்டையில் போபாலில் பேரிடர் விளைவித்த யூனியன் கார்பைட் நிறுவனம் தங்கள் நிறுவனம் தயாரிக்கும் UCIL (Eveready)பேட்டரிக்கு பெருமையுடன் விளம்பரம் செய்ததைப் பாருங்கள், இந்த 1984 போபால் விஷவாயு பேரிடருக்குப் பின் UCIL (Union Carbide India Ltd)நிறுவனத்தை EICL (Eveready Industries India Ltd.) என்று பெயர் மாற்றம் செய்து இன்றும் Eveready என்ற பெயரில் சந்தைப்படுத்தி வருவது குறிப்பிடத்தக்கது.
1984 ஆம் ஆண்டில் மத்திய அமைச்சர் வசந்த் சாத்தே என்பவரால் இந்த வானொலி மற்றும் தொலைக்காட்சி சேவைக்கான கேளிக்கை வரி சட்டம் முற்றிலும் ஒழிக்கப்பட்டது.
இன்று வானொலி தொலைக்காட்சி என எதுவும் சீப்படுகிறது.
பைசா கோபுரத்தின் கரைந்த படிகள்
மகளின் JEE Mains மதிப்பெண்
மகளின் JEE mains score இன்று காலை வந்தது 100 க்கு 96.12 எடுத்துள்ளார்,பாதி கிணறு தாண்டி உள்ளார் இனி JEE advanced ஜூன் 4 ஆம் தேதி எழுத வேண்டி உள்ளது.
PS: 95+ சதம் பள்ளியில் மதிப்பெண் எடுப்பவர்கள் கூடுதலாக FiitJEE ல் துணைப்பயிற்சி எடுத்தால் IIT க்குள் நிச்சயம் செல்லலாம்,
JEE advanced தேர்வில் 95 %க்கு மேல் மதிப்பெண்கள் எடுத்தால் IIT ஐ விட உலகத்தரம் நிரம்பிய வெளிநாட்டு பல்கலையான MIT, NUS, NTU ,TUM என சென்று இளங்கலை படிக்கலாம் , CBSE ,ICSE ,IB வழிக்கல்வியில் படித்தால் மட்டுமே வெளிநாட்டு பல்கலையில் சென்று இளங்கலை படிப்பது சாத்தியம், மெட்ரிகுலேஷன் , மாநிலக்கல்வியில் படித்தால் வெளிநாட்டில் சென்று இளங்கலை படிக்க முடியாது, காரணம் இணையவழியில் விண்ணப்பிக்கையில் அந்த கற்றல் வழியை விண்ணப்ப படிவம் காட்டாது.
JEE பயிற்சி காலமான நான்கு வருடங்களில் சினிமா கிரிக்கெட் இத்யாதி பார்க்க முடியாது,உறவினர் வீட்டு விசேஷங்களில் கலந்து கொள்ள முடியாது, காரணம் பயிற்சி ஏழுநாளும் இருக்கும்.JEE பயிற்சி இங்கே விரிவாக எழுதி உள்ளேன் , படிக்கவும்.
பம்மல் - திருத்தணி பைக் பயணம்
திருத்தணி சென்று 10 வருடங்களிருக்கும், வருடா வருடம் குலதெய்வம் சோளிங்கர் செல்கையில் திருத்தணி செல்ல வேண்டும் என நினைத்தும் முடியாமல் இருந்தது, இன்று காலை 6-30 மணிக்கு வீட்டை விட்டு தனியாக கிளம்பி விட்டேன், ஜூபிடரில் 250₹ க்கு பெட்ரோல் நிரப்பினேன்,பம்மல் முதல் குன்றத்தூர் வழியே Outer ring road பிடித்து , பூந்தமல்லி detour இறங்கி திருமழிசை ஊத்துக்காடு சாலை, திருவள்ளூர் திருத்தணி சாலையில் பயணித்து சரியாக 2-15 மணி நேரத்தில் 8-45 க்கு திருத்தணி மலைக்கோயிலுக்கு சென்று விட்டேன், திருவள்ளூர் மாவட்டம் தமிழ்நாட்டிற்கு வருவாய் அளிப்பதில் முதல் இடத்தில் உள்ளது, எனவே இதன் மாநில நெடுஞ்சாலைகள் அத்தனையும் குண்டு குழியின்றி , நிறைய வேகத்தடையின்றி நன்றாக பராமரிக்கப்பட்டு வருகிறது. உள்வழி சாலைகள் அத்தனை அருமையாக உள்ளன, காரில் செல்பவர்களுக்கு ஒரே ஒரு சுங்க சாவடி தான் குறுக்கிடுகிறது,ஆனால் திருச்சி மார்க்கத்தில் பத்து கிலோ மீட்டருக்கு ஒரு சுங்கச்சாவடி இருக்கும்.
ஜூபிடர் நெடுஞ்சாலையில் லிட்டருக்கு 50 -55 கிமீ சாதாரணமாகத் தரும், நான் சமீபத்தில் அதன் clutch belt ஐ பம்மல் கோத்தாரி TVS ல் விட்டு மாற்றியிருந்தேன், அதனால் pickup , mileage எல்லாம் அற்புதமாக இருந்தது, ஒரு ஆள் போனதால் மிகவும் focussed ஆக point to point பயணம் தான் , வண்டியை மலையில் பார்க்கிங்கில் சென்று தான் நிறுத்தினேன், ஜூபிடரின் suspension இத்தனை வருடங்களாகியும் கூட நன்றாக இருக்கிறது, activa வில் suspension ,braking எல்லாம் இத்தனை நன்றாக இருக்காது .
கோயிலில் எல்லாமே நியாயமான விலை தான், முருகனுக்கு சம்பங்கி ரோஜா மாலை வாங்கிக் கொண்டேன் 100₹, தர்ம தரிசனத்தில் சென்றால் தான் முருகனை பாட முடியும் , கந்த சஷ்டி கவசம், கந்த குரு கவசம் இரண்டையும் படித்தபடியே நெடும் வரிசையில் நகர்கிறேன், அடுத்து நின்றவர் முகம் கூட பார்க்கவில்லை, மூலஸ்தானத்தில் வள்ளி , முருகன், தெய்வானை, தனி சந்நிதிகளில், படிகள் இறங்க உற்சவர்கள் மூன்று பேர் தரிசனம் செய்து, பிரகாரத்தில் மூலவர்களை தரிசனம் செய்து வெளியே இறங்கினால் பிரசாத கடை, 10₹ இட்டால் மஞ்சள் பை தருகிறது நவீன எந்திரம்,
பிரசாத கடையில் 6 வகை பிரசாதங்கள் கிடைக்கின்றன ஒவ்வொன்றும் 15₹ , கோயிலில் எதுவும் அதிக விலை கிடையாது, இருசக்கர வாகன பார்க்கிங் 10₹, கார் என்றால் 50₹, திருத்தணி நகரின் உள்ளே மட்டுமே வாகன நெரிசல் இருந்தது, இன்று சனிக்கிழமை உடன் கோடை விடுமுறையும் ஆதலால் அத்தனை பெற்றோரும் குழந்தைகளை அழைத்து வந்திருந்தனர்,
10-00 மணிக்கு திருத்தணியில் இருந்து நல்ல இருமுறை தரிசனம் கண்டு முடித்து திருப்தியாக மலை இறங்கி விட்டேன், போகும் போதே ஊதுபத்தியும் சாம்பராணியும் வைத்ய வீரராகவசுவாமிக்கும் என எடுத்து boot ல் வைத்ததால் 12-30 க்கு சந்நிதி மூடுவதற்குள் போய் விட வேண்டும் என்று வழியில் எங்கும் நிற்கவில்லை,
வைத்ய வீர ராகவர் கருணைக்கடல், எப்போது கடும் வெயிலில் சேவிக்கப் போனாலும் மேகம் அனுப்பி போர்த்தி மூடுவார், கடும் மழையில் போனால் கடும் மழையை நிறுத்தி வெறும் சாரலாக ஆக்கித் தருவார், இன்று 40° மேல் தான் வெயில் இருக்கும் ஆனால் கருமேகம் குறுக்கிட்டு வெப்பம் உணரவேயில்லை,திருப்பாச்சூர் சிவன் கோயில் எல்லாம் சாலை மேல் இருந்தபடியே ஆத்ம தரிசனம் மட்டும் செய்து பயணித்தேன்.
இடையில் சாரல் வேறு , சரியாக 11-45க்கு திருவள்ளுர் வைத்ய வீரராகவ சுவாமி கோயில் அடைந்தேன், முக்கால் மணிநேரம் காத்திருப்பு, மூன்று முறை திருப்பாவை சொல்லி சுவாமி தரிசனம் செய்து வெளியே வந்தேன், வேகாத வெயிலில் வீட்டுக்குப் போக வேண்டுமே என்ற கடுப்பு இருந்தது, மழை பெய்வது போல வானம் இருண்டது, போன், வாட்ச் ,பர்ஸ் எல்லாம் சீட் அடியில் வைத்து மூடி பயணித்தேன், மழையே இல்லை, மப்பும் மந்தாரமும் மட்டுமே. பூந்தமல்லியில் கவனமாக ORR வலது புறம் திரும்பி கலந்து குன்றத்தூர் இறங்கி அனகாபுத்தூர் வழியே பம்மல் அடைகையில் மணி 2-00.
160 கிமீ சென்று வந்த களைப்பே இன்றி மாலை தி.நகர் காய்கறி மார்க்கெட் சென்று காய்கறிகள் வாங்கி வந்தோம்.
GST சாலையில் வாகன நெரிசல் எப்போதும் சகிக்க முடியாதபடி உள்ளது, 3 லேன்களிலும் இடைவெளியின்றி வாகனங்கள், வெப்பநிலையுடன் தகிக்கும் வாகன சூடும் சேருகையில் தான் கோடை வெயிலின் நிஜமான தாக்கம் என்றால் என்ன என்று உணர முடிகிறது.
ரீசார்சபிள் டயர் இன்ஃப்ளேட்டர் பற்றி
வீட்டில் பைக், கார் வைத்திருப்பவர்கள் இந்த டயர் இன்ஃப்ளேட்டர் வாங்கி வைத்தால் மிகவும் உபயோகமாக இருக்கும்.
வாகனங்களில் வெயிலுக்கு காற்று இறங்கும்,எல்லா தெருக்களும் நிலவின் பள்ளங்கள் போல தான் உள்ளது, ஒரு நாளுக்கு சூட்டில் 5 psi இறங்கினாலும் கூட 4 நாட்களில் 20 psi இறங்கி விடுகிறது, நாம் காற்றடிக்க போகையில் பெட்ரோல் பங்கில் ஆள் இருக்கவே மாட்டார், காற்று குறைவாக வைத்து டபுள்ஸ் ஓட்டுகையில், கார் ஓட்டுகையில் அலாய் வீல் பெண்ட் ஆகும்,பல suspension பிரச்சனைகள் வரும், ட்யூப்லெஸ் டயரில் இருந்து காற்று வெளியேறும், இதை தடுக்க இந்த tyre inflater மிகவும் உபயோகமாக உள்ளது, டபுள்ஸ் போகும் முன் கண்டிப்பாக இதை பயன்படுத்தி சரியான அழுத்தமான front 25 psi , rear 35 psi (முரட்டு சாலைக்கு front 30 psi , rear 40 psi) காற்று அடித்தபின் ஒரு வாரமாக வாகனத்தை வெளியே எடுக்கிறேன், இதன் மூலம் எத்தனை பள்ளம் எத்தனை வேகத்தடை இருந்தாலும் அதில் வாகனம் அடியில் உரசுவதில்லை.
நான் 4000mah உள்ள portronics tyre inflator வாங்கினேன், Mi ப்ராண்ட் 2000 mah பேட்டரி என்பதால் அதை வாங்கவில்லை, உபயோகிக்க மிகவும் எளிதாக உள்ளது, நேரம் மிச்சமாகிறது, chasis, suspension அடிபடாமல் காக்கிறது,C type charging port என்பதால் எளிதாக 1 மணிநேரத்தில் சார்ஜ் ஆகிறது,இருளில் tyre nozzle தேட டார்ச் உள்ளது.
சார்ஜ் ஆகையில் சிகப்பு வண்ண விளக்கும், சார்ஜ் முடிந்ததும் நீல வண்ண விளக்கும் ஒளிர்கிறது ,
முழு சார்ஜில் மொத்தம் 4 கார் டயர்களுக்கு 0 முதல் 35 psi காற்று நிரப்பலாம் என்கின்றனர், இரு சக்கர வாகனத்துக்கு அதிக முறை காற்றடிக்கலாம்,நான் பத்து முறை இரண்டு வாகனங்களுக்கு அடித்தும் பேட்டரி மீதம் உள்ளது, இருசக்கர வாகன டயருக்கு முழுதாக காற்று நிரப்ப 3 நிமிடம் ஆகிறது, 10 psi வரையான top up ற்கு 30 நொடிகள் ஆகிறது, 300 கிராம் எடை தான் இருக்கும்.
கார் , மோட்டார் சைக்கிள், சைக்கிள்,பந்து, பலூன் என எதுவும் எளிதாக காற்று நிரப்பலாம்.
ஆன்லைனில் வாங்குகையில் தேடும் போது vlebazaar என்ற மோசடி இணைய தளம் தான் google search விலை மிகவும் மலிவாக காட்டும், முதலில் காட்டும், அது ஒரு trap என அறிக, முதலை வாயில் போன எதுவும் திரும்ப வராதது போல ,இவர்களிடம் ஆர்டர் செய்த எதுவும் வீட்டுக்கு வராது, வந்தாலும் போலியாக ,வேறு சம்பந்தமில்லாத பொருள் வரும், அலைக்கழிப்பே மிச்சம், எனவே portronics இணைய தளம் அல்லது நம்பிக்கையான தளத்தில் சென்று மட்டும் வாங்கவும்.
4000 mah பேட்டரி உள்ளதா? என சரியாக பார்த்து ஆர்டர் செய்யவும்,அது தான் ஆண்டு வரும்.
பெண்களுக்கு இருசக்கர வாகனம் ஓட்ட பயிற்சி
பம்மல் , பொழிச்சலூர், பல்லாவரம் காமராஜபுரம் , அனகாபுத்தூர் குரோம்பேட்டை , தாம்பரம் பகுதிகளில் உள்ள இல்லத்தரசிகள் நீங்கள் இரு சக்கர வாகனம் ஓட்ட கற்க உங்கள் மகள் இரு சக்கர வாகனம் ஓட்ட கற்க வேண்டுமென்றால் இவரை அணுகவும்.
என் மகள் இவரிடம் தான் இரு சக்கர வாகனம் ஓட்டக் கற்றுக்கொண்டாள்,நன்றாக பயமின்றி ஓட்டுகிறாள், பத்து நாள் வகுப்பு, தினம் ஒரு மணி நேரம், உங்கள் பகுதிக்கு வந்து சொல்லித் தருகிறார், வேண்டுபவர்கள் பயன்படுத்திக் கொள்ளுங்கள்.
சைக்கிள் ஓட்டத் தெரியாதவர்களுக்கும் இரு சக்கர வாகனம் ஓட்ட சொல்லித் தருகிறார்,நாற்பது வயதில் இருப்பவர்களுக்கு கூட பயிற்றுவிக்கிறார் .
ஏன் பயிற்றுனர் வைத்து கற்றுத் தருகிறீர்கள்? அந்த காசை மிச்சம் செய்து நீங்களே கற்றுத் தரலாமே என என் மனைவியின் தோழி கேட்டார்.
நாம் கற்றுத் தந்தால் சிறு காயமாவது படும், தவிர மகள் என பதறுவோம், இதில் professional இடம் விட்டு விட்டோம் என நிம்மதியாக இருக்கலாம், சாலை பயம் சுத்தமாக இராது, பேருந்து அருகே,லாரி அருகே, எருமை அருகே நாய் அருகே ஓட்டுகையில் கூட நன்றாக ஓட்டலாம்,சாலையோரம் நடக்கும் முதியோரை அச்சுருத்தாமல் ஓட்டலாம், acceleration அதிகம் தராமல் ஓட்டுவது கைவரும், இண்டிகேட்டர் இடுவது பாதுகாப்பாக ப்ரேக் பிடிப்பது என அனைத்தும் பயிற்றுவித்து விடுவார் என்று சொன்னார் மனைவி.
பத்து வகுப்புகளுக்கு 4000₹ கட்டணம்,ஆனது,each penny worth.
https://youtube.com/shorts/6oyK2erZvks?feature=share
https://g.co/kgs/V9Q6kA
பல் மருத்துவம்
இந்த கோடை விடுமுறையில் மகனை பூந்தமல்லி சவீதா பல் மருத்துவமனையில் பல் சிகிச்சைக்கு அழைத்து வந்தேன்,போன வாரம் இரு மேல் மூலை கடைவாய் பற்களை சொத்தை காரணமாக அகற்றினார் மருத்துவர், அதற்கு கட்டணமில்லை,scan 120, அப்போது இரண்டு filling 200 ஆனது , இன்று இரண்டு மேல் பற்களுக்கு ஃபில்லிங் செய்தார்,வெறும் 200₹ கட்டணம் , ஆக மொத்தம் 520₹ ஆனது.
காலை 8-00 மணிக்கு வந்தால் 10 மணிக்குள் சிகிச்சை முடித்து வெளியேறிவிடலாம்,அதன் பிறகு வந்தால் 3-00 மணி ஆகும், காத்திருப்பு நேரம் மிகவும் அதிகம்.
வேண்டுபவர்கள் பூந்தமல்லி சவீதாவில் இந்த தரமான சிகிச்சை பெற்று பலன்பெறுங்கள் .
மொபைல் ஹோல்டர் எத்தனை அவசியம்?
Stick on magnetic mobile holder வாங்க நினைப்பவர்கள் skyvik நிறுவனத்தின் இந்த தயாரிப்பை வாங்குங்கள்,வடிவமைப்பு எளிமையின் அழகியலாக அமைந்து உள்ளது , நன்றாக மொபைலை பிடித்துக் கொள்கிறது, காருக்கு மிகவும் ஏற்றது.
நிறையபேர் google location map இட்டு பெட்ரோல் டாங்க் மீது மொபைலை வைத்து ஓட்டுவர், சிலர் ஸ்கூட்டர் leg space ல் வைத்து ஓட்டுவர், சிலர் பின்னால் அமர்ந்து உள்ளவர் வழி சொல்லக் கேட்டு ஓட்டுவர்.
நான் என் i Qube ல் இதை நிறுவி உபயோகிக்கிறேன், ather ல் கூட நிறுவலாம், எல்லாவகை ஸ்கூட்டர் dash board கீழும் ஒட்டி நிறுவ முடியும், 7.1cm x 2.1 cm x 0.5 cm அளவு கொண்டது.
மொபைலில் பின்னால் ஒட்ட தரமான powder coated தகடுகள் தருகின்றனர், மொபைல் எளிதில் விழாது, முரட்டு சாலைகளில் மொபைல் விழுந்தாலும் கூட காலடியில் leg space ல் தான் விழும்.
இந்த நிறுவனத்தின் இணைய தளத்தில் விலை 799₹ , croma வில் 574₹
ஸ்கூட்டருக்கு Rear view mirror ல் பொருத்தும் mobile holder போல அவலமான ஒரு வடிவமைப்பை பார்த்ததில்லை, மட்டமான GI , மட்டமான die cast plastic கொண்டு உருவாகி புற்றீசல் போல சந்தையில் கிடைக்கின்றன, இரண்டு முறை பொருத்தி, அதன் clamp விண்டு பழுதாகி லொட லொடத்து அகற்ற வேண்டியதாயிற்று, waste wealth ஆக முடங்குபவை அவை,அவற்றை ஒருபோதும் நம்பாதீர்கள்.
#productdesign
நடிகர் மனோபாலா | அஞ்சலி
இயக்குனர் தயாரிப்பாளர் , நடிகர் மனோபாலா இன்று மறைந்து விட்டார், அவருக்கு இதய அஞ்சலி ,வீட்டாருக்கு ஆழ்ந்த இரங்கலைத் தெரிவித்துக் கொள்கிறேன்.
சமகால தமிழ் சினிமாவில் எனக்கு மிகவும் பிடித்த குணசித்திர நடிகர், கடைக்குட்டி சிங்கம் படத்தில் நீதிபதியாக வந்து கருவேல மரங்களை வெட்டி அகற்று என ஒரு சாதி தலைவனுக்கு பெயில் தந்து தீர்ப்பு சொல்வார், அந்நியன் திரைப்படம் டிடிஆர் கதாபாத்திரத்தை எல்லாம் இவரை அன்றி யார் சுவாரஸ்யமாக செய்ய முடியும்? பிதாமகனில் லங்கர் கட்டை உருட்டும் குழுவில் ஈர நெஞ்சம் கொண்ட கதாபாத்திரம், பொல்லாதவன் திரைப்படத்தில் பஜாஜ் ஷோரூம் மேனேஜராக தினம் தினம் என் நினைவில் வந்து போவார்,எப்படி இருந்த நான் இப்படி ஆயிட்டேன் காமெடி , சதுரங்கவேட்டை படத்தை தயாரித்தது என மக்கள் விரும்பியவற்றிற்கு அப்படி உழைத்தவர்,சுவாரஸ்யம் கூட்டியவர், குரலில் ஒரு தனித்துவம் கொண்டவர், இவர் நடிக்கும் கதாபாத்திரங்களின் வசனங்களுக்கு டப்பிங்கில் ஏற்ற இறக்கம் குழைவு அழுத்தம் தந்து மேலும் சிறப்பு சேர்த்திருப்பார்.
வேஸ்ட் பேப்பர் சேனலில் சினிமா ஆளுமைகளை அத்தனை அழகாக பேட்டி காண்பார், விளம்பர வருவாய் ஈட்ட வேண்டும் என்று துண்டு துண்டாக காணொளிகளை வெளியிடாமல் அந்த சினிமா ஆளுமை பற்றி அரிய தகவல்களை மக்கள் அறிய வேண்டும் என தலைப்படுவார் ஒரு மணிநேரம் எல்லாம் கூட காணொளி வெளியிடுவார்.
போய் வாருங்கள் மனோபாலா சார்.
இதற்கு குழுசேர்:
இடுகைகள் (Atom)
