ய சீரியஸ் மேன் (18+)2009

a serious manங்கள் எல்லா படங்களிலும் நீதிபோதனைக்கதைகள் சொல்லியே பழக்கப்பட்ட கோயன் ப்ரதர்ஸ் இப்போது கையிலெடுத்திருப்பது குடும்ப சப்ஜெக்ட்.அதுவும் ஆச்சாரமான யூத குடும்பத்துள் நிகழும் சுவையான சம்பவங்கள்,கூச்சல்கள் குழப்பங்கள் கலந்த டார்க்ஹ்யூமர் காக்டெய்ல் இது. 

ன் கடமையை சரிவர செய்வதாக நினைத்துக்கொண்டு தன்னை ஒரு சீரியஸ் மேனாக நினைத்து நம்மில் எத்தனையோ பேர் வாழ்ந்து கொண்டிருக்கிறோம். நல்லா படிச்சாச்சு, அடுத்து?, நல்ல வேலை கிடைச்சாச்சு,அடுத்து?, நல்ல அழகிய பெண்ணாய் பார்த்தாச்சு, அடுத்து?. பழகி திருமணமும் செய்தாச்சு அடுத்து?, குழந்தை குட்டிகளும் ஆயாச்சு,அடுத்து?, உடுக்க நல்ல உடையும், வசிக்க நல்ல வீடும் ,வீட்டாரோடு வெளியில் போய் வர நல்ல காரும்,வீடு நிறைய ஆடம்பரப்பொருட்களும் வாங்கிப்போட்டாச்சு,அடுத்து?

 குழந்தைகளுக்கு நல்ல பள்ளிக்கூடத்தில் கல்வியும்,மூன்று வேளை நல்ல உணவும் கொடுக்க முடிகிறது, வாராந்திர கேளிக்கைகளும் விருந்தும்  ,நட்பும்  சுற்றமும் குறைவில்லாமல்  உண்டு , அடுத்து? ஊரும் சுற்றமும் சமூகமும் மதிக்கும் படி வாழ நினைத்து சில பல  தியாகங்களும் செய்தாச்சு: இவன் நிஜத்தில் மன நிறைவு பெற்றானா? மனைவி உண்மையிலேயே சுகப்பட்டாளா?குழந்தைகள் உண்மையிலேயே சந்தோஷப்பட்டனரா? உண்மையிலேயே நாமெல்லாம் சீரியஸ் மேன் தானா? 

த்தனை கஷ்டம் ஒருத்தன் சீரியஸ் மேனாய் வாழ்வது என்பது .மத்தளத்துக்கு இரண்டுபக்கம் தான் அடி . ஆனால் சீரியஸ் மேன்களுக்கு திரும்பிய பக்கமெல்லாம் அடி தான். என்ன அவரவர் வசதிக்கேற்ப அடி கூடும் குறையும்.நாம் அதிகம் கேள்விப்பட்டிராத பழகியிராத மதம் யூதமதம்.அதில் உள்ள சுவையான விஷயங்களை படம் நமக்கு போகிற போக்கில் டார்க்ஹ்யூமர் துணையுடன் விளக்கி விடுகிறது.உலகசினிமா காதலருக்கு மீண்டும் பரவசம் நிச்சயம்.
============================
படத்தின் கதை:- 
 படத்தின் ஆரம்பத்தில் பல நூற்றாண்டுக்கு முன்,ஒர் குளிர் பிரதேசத்தின் இரவில்  ஒரு குடும்பம் காட்டப்பட, அந்த கணவன் மனைவியின் விருந்தினர் என்று ஒரு வயதான ராப்பி (யூத குருமார்) ஒருவரை அழைத்து வர. மனைவி திகைத்து,அவர் இறந்து மூன்று வருடமாகிறது. வந்திருப்பது டிப்புக் (பேய்)  என்றவள். ஒரு கூரிய திருப்புளியை அந்த வயதான ராப்பியின் நெஞ்சில் சொருக. மிகுந்த வலியால் துடித்த அவர் . புலம்பியபடி வெளியே பனிப்பொழிவில் இறங்கி நடக்கிறார். கணவன் மிகவும் பயப்படுகிறான். அந்த மனிதரை நாளை ஊரார் கண்டுபிடித்து நம்மிடம் தான் வருவர்.என சொல்ல. காட்சி மாறுகிறது.

குடும்பத்தலைவனின் கடமை உழைத்துக்கொட்டுவது என்றிருப்பதால், அவனால் உலக மாயைகளை புரிந்து விளங்கி,தெளிவு பெற முடியவில்லை. ஆகவே அவன் பேயை விருந்தினராய் கூட்டி வருகிறான்.ஆனால் குடும்பத்தலைவி என்பவள் மேன்மையான குடும்ப பொறுப்புகளான குழந்தை பெறுதல்,வளர்த்தல்,அன்னமிடுதல் ,சுகம் தருதல் ,பெறுதல் என இருப்பவள், அதனால் தான்  அவளால் மாயைகளை புரிந்து வந்திருப்பது டிப்புக் (பேய்) என கண்டறிந்து திருப்புளியை அதன் நெஞ்சில் சொருகமுடிந்தது. என விளக்க இக்காட்சியை  கோயன் பிரதர்ஸ்படத்தின் ஆரம்பத்தில் வைத்துள்ளனர்.
=================


aseriousmanmoviestill
பிரதான படம் 1967ஆம் ஆண்டு வடக்கு டகோடாவில் துவங்குகிறது, லாரி கோப்னிக் (மைக்கேல் ஸ்டுல்ஹ்பர்க்) யூத மதத்தை சேர்ந்த இளங்கலை இயற்பியல் பேராசிரியர். நேர்மையானவரும் கூட. சமீப காலமாய் இருக்கும் லேசான அயற்சியினாலும் சோர்வினாலும்  முழு உடம்பு பரிசோதனை செய்து கொள்கிறார். அவரை பரிசோதிக்கும் மருத்துவர் செயின் ஸ்மோகராய் இருக்கிறார்,இவருக்கு ஒரு சந்தேகம் , முடிவுகள் தரும் வரை மருத்துவர் உயிருடன் இருப்பாரா?என்று. மனைவி ஜூடித் (சாரி லென்னிக்) ,அக்கால புத்திசாலி அழகி. சமீபத்தில் மனைவியை இழந்த குடும்ப நண்பரான  நடுத்தர வயதுள்ள சை ஏபிள் மேன் (ஃப்ரெட் மெலமெட்)ன் கனிவான பேச்சில் மயங்கி அவர் மீது காதல் வயப்படுகிறாள்.

SeriousManபேராசிரியர் லாரியிடம் அதிரடியாக இதை சொன்னவள்.இருவரின்  புரிதலின் பேரின் கெத் (யூத திருமண சட்ட விவாக ரத்து) மிரட்டி கேட்கிறாள். அதற்கும் இவரைக் கேட்காமல் டிவோர்ஸ் அட்டார்னியிடம் பேசி அப்பாயிண்ட்மெண்டும் வாங்கிவிடுகிறாள். புதிய காதலன் சை ஏபிள் மேன் வீட்டுக்கே வந்து இந்த ஏமாளி மனிதருக்கு ஒயின் பாட்டில் தந்து கட்டிப்பிடி வைத்தியம் செய்து நிதானமாக மனைவியை மற. ஒன்றும் அவசரமில்லை,உன் நிம்மதியும் நட்பும் எனக்கு எப்பொழுதும் தேவை என்கிறார்.

கூடவே பிறந்த பிரச்சனையாக நீரழிவு நோயும் சிறுநீரக கோளாறும்  கொண்ட வேலைவெட்டியில்லாத சகோதரன் ஆர்தர் (ரிச்சர்ட் கைண்ட் ) வேறு. இவர் வீட்டில் தண்டச்சோறு சாப்பிட்டு விட்டு.முக்கால் வாசி நேரம் இவர் வீட்டு பாத்ரூமிலும் ,தூங்கும் போது  இவரின் கவுச்சிலும் குடிகொள்கிறார்.  அவரின் சொத்தான ஒரு டைரியில் பல ஹீப்ரு எண்களை எழுதி சங்கேத குறியீடுகள் கொண்ட காம்பினேஷன்கள் தயாரிக்கிறார்.அதை டவுனில் இருக்கும் சூதாட்ட விடுதிகள் சென்று பயன்படுத்தி அதிகுறுக்குவழியில் பணம் சம்பாதிக்கிறார்.

வர்களின் பதின்ம வயது அழகு மகள் சாரா ( ஜெசிக்கா மெக்மேனஸ்) நீளமான மூக்கை சரி செய்ய பணம் சேர்க்கிறாள்,அதற்காக அவ்வப்பொழுது அப்பாவின் பர்சிலிருந்து பணம் திருடுகிறாள்,தினமும் இரவில் வெளியே செல்கிறாள்.சுயநலப்பேயாக அடங்காதவளாக இருக்கிறாள். டேனி(ஆர்ரொன் உல்ஃப்)அக்கா அப்பாவிடம் ஆட்டையைப் போட்ட பணத்தை திருடி கஞ்சா புகைக்கும் பதிமூன்று வயது மாணவன்,சமீபத்தில் பணம் திருடி வாங்கிய பாக்கெட் ரேடியோவில் காதுகேளாதவர் உபயோகப்படுத்தும் ஹெட்போன் சொருகி ஹீப்ரூ வகுப்பு நடக்கையிலேயே, மெய்மறந்து ஜெஃப்ஃபெர்சன் ஏரோபிளேன் பாடிய ”சம்படி டு லவ்” என்னும் பாடலைக் கேட்க,கையும் ரேடியோவுமாக மாட்டிக்கொள்கிறான். 

ந்த ரேடியோ உறையில் நேற்று தான் அக்காவிடம் திருடிய 20டாலரை ஒளித்து வைத்திருந்தான். பணத்தோடு ரேடியோவும் தலைமை ஆசிரியரிடம் சிக்கிக்கொள்ள,இவனும் நண்பனும் கள்ளசாவி போட்டு மேசையை திறந்து பார்த்து ஏமாந்து போகின்றனர். வீட்டுக்கு அருகே இருக்கும் கஞ்சா விற்கும் மூத்த குண்டு மாணவன் இவன் பாக்கி 20டாலர் தராததால் தினமும் இவனை அடிக்க வீடுவரை துரத்தி செல்கிறான்.

serious09jpg-47540d3011822b44_large
வரின் பக்கத்துவீட்டு வேட்டைக்கார முரட்டு ஆளுக்கு யூதர்களே பிடிக்காது,அவனின் மகனை படிப்பை நிரந்தரமாய் நிறுத்திவிட்டு  தினமும் தன்னுடன் காட்டுக்கு அழைத்துப்போய் காட்டெருமை மற்றும் மான் வேட்டையாடி கொண்டு வருகிறான். அப்படிப்பட்ட ஆள்  இவரின் வீட்டு நிலப்பரப்புக்குள்ளும் வந்து புல் தோட்டம் போட்டு பராமரிக்கிறான். இவர் என்ன கேட்டாலும் அடிப்பது போல பேசுகிறான். பூச்சியைப்போல பாரக்கிறான். தன் விவாகரத்து வழக்குக்காக அட்டார்னியிடம் சென்றவர் இந்த வழக்கையும் இணைத்து நடத்துகிறார். ஒருபக்கம் இவரின் சம்பளம் சுறாவிற்கு சோளப்பொறியாக  கரைகிறது.

பேராசிரியர் லாரியின்  மனைவி இந்தமுறையும் இவரைக்கேட்காமலே சை ஏபிள் மேனையும் இவரையும் ஒரு உணவகத்தில் சந்தித்து பேச ஏற்பாடு செய்கிறாள்.இவளும் அந்த ஆளுடன் உரசிக்கொண்டு உட்கார்கிறாள். சை ஏபிள் மேனும் இவளும் ஒருமித்த குரலில் அன்பாக இவருக்கு கட்டளை இடுகின்றனர். அதாவது மகள் சாராவும் மகன் ஆர்ரோனும் எந்த நிலையிலும் அம்மாவின் புதிய திருமணத்தால் பாதிக்கக்கூடாது. அப்புறம் அவர்களின் பொல்லாத படிப்பு பாழாகிவிடுமாம்.ஆகவே பேராசிரியரும் அவரின் அண்ணனும் ஊருக்கு அருகே இருக்கும் ஒரு வாடகை குறைந்த, நீச்சல் குளம் கொண்ட  மோட்டலில் தங்கிகொண்டு இவர்களிடம் முன்னமே சொல்லி அப்பாயிண்ட்மெண்ட் வாங்கிக்கொண்டு வந்து பிள்ளைகளை பார்த்துச் செல்லவேண்டும் என்பதே அது. அந்த ஏமாந்த சோனகிரி பேராசிரியர் லாரி இதற்கும் அரை மனதுடன் சம்மதித்து தன் அண்ணனுடன் மோட்டலுக்கு பெட்டி தூக்குகிறார்.

 இவரின் வகுப்பில் படிக்கும் க்ளைவ் என்னும் தென்கொரிய மாணவன் இயற்பியல் பாடத்தில் ஃபெயிலாகிவிட,இவரை அணுகி இவருக்கு தெரியாமல் ஆயிரக்கணக்கில் பணம் லஞ்சமாக இவர் அறியாமல் மேசை மேல் வைத்துவிட்டு அகல்கிறான்.பின்னொரு சமயம் அவர் அவனை கூப்பிட்டு லஞ்சம் குறித்து பேச எத்தனிக்க அவன் தெரியாது என்கிறான். ஆனால் பாஸ் போடசொல்கிறான், அல்லது ரகசிய தேர்வு வைக்க சொல்கிறான்.இவருக்கு குழப்பமாயுள்ளது.லஞ்ச பண கவரை அலுவலக மேசை அறையிலேயே வைக்கிறார். அதைப்பற்றி புகார் சொல்ல எத்தனித்தவருக்கு இவர் மீது புகார் கடிதம் வந்துள்ளது என இவரின் டீன் சொல்லவும் மிகவும் வியர்க்கிறது.    
      
வரின் கல்லூரியில் இவரின் வேலைக்காலம் முடிவடையும் தருணம் வந்துவிட்டது,இவரின் நேர்மையான அணுகுமுறையாலும் சிறந்த கல்வி போதிக்கும் திறனாலும் தான் மீண்டும் தேர்ந்தெடுக்கப்படுவோம் என நினைத்திருந்தவருக்கு பேரிடியாக சை ஏபிள் மேன் அனானி பெயரில் இவரின் கல்லூரி நிர்வாகத்துக்கு மொட்டை கடிதங்களாக ஹைஃபை ஆங்கிலத்தில்  போடுகிறான்.இவர் ஒரு ஒழுக்கம் கெட்டவர் என்கிறது கடிதங்கள்.தேர்வு கமிட்டி என்ன முடிவு எடுப்பது என தெரியாமல் குழம்புகிறது,இவரை தன்னிலை விளக்கமும் கேட்கிறது. இவருக்கு தான் சிறுவயதில் ஒரே முறை சென்று பார்த்த செக்ஸ் படம் மட்டுமே களங்கமாக இருக்க முடியும் என்கிறார்.
தேர்வுக்கமிட்டியின் உறுப்பினரும் இவரின் நண்பருமான டீன் இவரை ஆறுதல் படுத்துகிறார்.

ரவு மோட்டலில் அண்ணனின் ட்யாலிசைசர் கருவி இயங்கும் சத்தம் கேட்டு எழுந்தவர். அண்ணனிடம் ஏதோ கேட்கப்போக அண்ணன் பொறாமையிலும், சுய பச்சாதாபத்திலும் அறையை விட்டு வெளியேறி கடவுள்  உனக்கு நல்ல கல்வி கொடுத்தார். மணவாழ்கை கொடுத்தார், குழந்தைகள் கொடுத்தார்.வீடும் வேலையும் கொடுத்தார் எனக்கு என்ன கொடுத்தார்? எனக்கு இந்த கொடிய நோயை கொடுத்தார். எனக்கேட்டு பரிகசிக்க.இவர் அவரை சமாதானப்படுத்தி உள்ளே அழைத்து சென்று தூங்க வைக்கிறார். விடியலில் எழுந்தவர் இரவு நாம் தர்க்கம் செய்தோமா?என கேனை போல கேட்கிறார்.மனதுக்குள் தன் அண்ணனுக்கு எப்படியாவது உதவ எண்ணுகிறார். 

 மகனுக்கு பதிமூன்று வயது நடப்பதால் யூத வழக்கப்படி அவனுக்கு ஞானஸ்தானம் செய்து வைக்க வேண்டும்,அதற்கு அவரின் மகன் புனித நூலான டோராஹ்விலிருந்து தினமும் வேத வாசகங்களை குறுக்குவழியில் கொலம்பியா ரெக்கார்டு கேட்டபடி மனனம் செய்கிறான்.இப்போது இவர் மோட்டலிலிருந்து கல்லூரி சென்றவர்,வழியில் அந்த கொரிய மாணவன் சைக்கிளில் போவதை பார்த்து கத்த, இவரின் கார் மேல் இன்னொருவன் காரை மோத சிறிய விபத்து நேர்கிறது. கடும் மன உளைச்சலில் அலுவலகத்துக்குள் நுழைந்தவர் , டெலிபோனில் இவர் மகன் டெலி மார்கெடிங்கில் தவணை முறையில் இவர் பெயர் தந்து வாங்கிய கொலம்பியா ரெக்கார்டுகள் கம்பெனி மேனேஜர், முதல் தவணை இன்னும் வரவில்லை.என மிரட்டல் விட. இவர் தான் ஆர்டர் செய்யவில்லை, தான் அந்த விலாசத்தில் இல்லை என ஒருவழியாக போனை துண்டிக்கிறார். இந்த காட்சி செம காமெடியாயிருக்கும்.(ஃபார்கோ படம் பார்த்திருந்தால் புரியும், அதிலும் இதே போல ஒரு மிரட்டல் காட்சி உண்டு)

ப்போது புதிய தலைவலியாக இவரின் அண்ணன் ஆர்தரை இரு டிடக்டிவ்கள் வீட்டுக்கே வந்து எச்சரித்து புகார் செய்கின்றனர். அவர் புதிய குறியீடுகளை பயன்படுத்தி கிளப்களில் சூதாடுவதாயும் இன்னொரு முறை மாட்டினால் சிறை என்றும் சொல்லிவிட்டு அகல்கின்றனர்.இவர் அண்ணனை கோபமாய் கேட்க அதில் இவரது மகனும் மகளும் சம்பந்தபட்டிருப்பது தெரிகிறது.

வரது வாழ்வில் வசந்தமாக இவருக்கு விபத்து நடந்த அதே தினம் சை ஏபிள் மேனும் கார் விபத்தில் இறந்துவிட,அவருக்கு ஏற்கனவே நிறைய கடன் இருந்தமையால் எல்லா சொத்துக்களும்,இன்சூரன்ஸும் கடனுக்கே போகிறது. அந்த புதிய காதலனின் ஈமைச்சடங்கையும் கடன் வாங்கியாவது இவரையே பார்க்க சொல்கிறது யூத மதகுரு பீடம்.மனதால் நொந்து போன இவர் மதத்தினாலும் நோகிறார். தன் பிரச்சனைக்கு முடிவாக முதிய ராபியிடம் அருள்வாக்கு கேட்க சென்றவர் அங்கே அவர் மகனிடம் அருள்வாக்கு கேட்கிறார்.

ந்த இளம் ராப்பி இவரை மனதை தெளிவாக வைத்துக்கொள்ளும் படியும். பரந்த மனப்பானமையை வளர்த்துக்கொள்ளும் படியும் அறிவுறை சொல்கிறார். அன்று மீண்டும் மோட்டலுக்கே சென்று தூங்கியவர். மகன் காலையில் கல்லூரிக்கு மிக்வும் சீரியஸாக போன்செய்ய வீட்டுக்கு போகிறார். அங்கே தன் புதிய காதலனின் இழப்பிற்காக மனைவி சத்தம் போட்டு அழுவதை காண்கிறார். மகன் சை ஏபிள் மேன் செத்துபோனதால் அப்பாவுக்கான இடம் காலியாக உள்ளது எனக்கூறி வீட்டுக்கே வர சொல்ல, இவர் மீண்டும் வீட்டுக்கு பெட்டி தூக்குகிறார். மகன் டீவி ஆண்டெனாவை சரி செய்யச்சொல்லி வழக்கம் போல அப்பாவை ஏவுகிறான்.

serious_wideweb__470x336,0
டிவி ஆண்டெனாவை சரிசெய்ய கூரைஏறியவர் பக்கத்து வீட்டுக்காரரின் மனைவி அவள் வீட்டு கொல்லையில்  முழு நிர்வாணமாக படுத்து சூரியக்குளியல் எடுத்துக்கொண்டே கஞ்சா புகைப்பதை பார்க்கிறார்.இவருக்கு பூட்டி வைத்த உணர்ச்சிகள் மேலிடுகிறது. அவளின் கணவன் வெளியூர் சென்ற நேரமாக சென்று பேச்சு கொடுத்தவர். அவள் முதலில் மதுவும் கஞ்சாவும் இவருக்கு புகட்டி. இவரின் சபலத்துக்கு தீனியாய் எடுத்ததுமே உடலுறவு வைத்துக்கொள்ள முன்வர , இவர் சுதந்திரமாக அவளுடன் உடலுறவு கொல்கிறார். இவருக்கு மனதின் ஓரத்தில் மனைவியை பழிவாங்கிய திருப்தியும் கிட்டுகிறது.

ப்போது இரண்டாம் முறையாக முதிய ராப்பியை பார்க்க போனவருக்கு முதியவரின் மகன் ராப்பி அருளுரை வழங்குகிறார். ஹெல்ப் மி என வாய்விட்டு இறைவனை கேட்க சொல்லுகிறார். தான் எப்போதும் சொல்லும் ஒரு பல் மருத்துவக்கதையையும் சொல்கிறார். எந்த பிரச்சனையாயிந்தாலும் ஒரு தீர்வு எப்போதும் இருக்கும், ஒரு நாள் அது தீர்ந்தே போகும் என்கிறார். அலுவலகத்தில் மேலும் இவருக்கு பிரச்சனை வலுக்கிறது, இவரது கொரிய மாணவனின் தந்தை வேறு இவரின் வீடு தேடி வந்து மிரட்டுகிறார்.மீண்டும் டெலிபோனில் இவர் மகன் டெலி மார்கெடிங்கில் தவணை முறையில் இவர் பெயர் தந்து வாங்கிய கொலம்பியா ரெக்கார்டுகள் கம்பெனி மேனேஜர் வேறு போன் செய்ய இவர் தான் சீட்டில் இல்லை என்கிறார்.

ப்போது அந்த கொரிய மாணவன் வைத்துவிட்டு போன லஞ்சபணத்தை தன் அண்ணனுக்கு கொடுத்து ,அவரை ஒரு ஏரிக்கு அழைத்துப்போய்,ஒரு துடுப்பு படகில் ஏற்றி, ஆரத்தழுவி விடை கொடுக்க, அங்கே வேட்டைக்கு வந்த பக்கத்து வீட்டு முரட்டு ஆள், அதோ ஒரு யூதன் படகில்,அவனை சுடு,என்று இவர் அண்ணனை சுட்டு தள்ளுகிறான்.இப்போது அப்பாவும் மகனும் இவரை சுட்டு தள்ள இவர் அலறி விழிக்கிறார். இப்போது லாரி கோப்னிக் கனவு கலைந்து எழுகிறார். கோயன் பிரதர்ஸ் போகுமிடமெல்லாம் யூதர்களுக்கு பரிதாபம் தேடவே இந்த காட்சியை வைத்தார் என நினைக்கிறேன். ஒருவேளை 1960களிலும்  யூத வெறுப்பு அடங்காமல் பரவலாக இருந்ததோ என்னவோ?

ப்போது கொரிய மாணவனின் தந்தை நிர்வாகத்திடம் லஞ்சம் பெற்றதாய் புகார் செய்வேன் என்கிறார்.  ஆனால் ல்ஞ்சம் தான் கொடுக்கவில்லை என மழுப்புகிறார். இன்னும் பெரிய சோதனையாக இவரின் அண்ணன் ஆர்தரை டிடெக்டிவ்கள் அவர் ஊருக்கு ஒதுக்குபுறமாய் இருக்கும் கிளப்பில் ஓரினச்சேர்க்கைக்கு சிறுவர்களை பலவந்தப்படுத்திய குற்றத்துக்காக கைது செய்து அழைத்து செல்கின்றனர். இவர் உடனே தன் அட்டார்னி அலுவலகம் செல்கிறார். அங்கு வைத்து தன் வீட்டு நிலப்பிரச்சனை.மற்றும் தன் அண்ணன் ஆர்தருக்கு சிறப்பு கிரிமினல் அட்டார்னிக்கு ஆகும் ஃபீஸ் பற்றி பேசுகிறார். அந்த அட்டார்னி ஃபீஸாக ஒரு பெரிய தொகையை எதிர்பார்க்கிறார். அப்போது இவரின் வீட்டு நில வழக்கை சர்வே செய்து வந்து புகையும் பைப்புடன் மேசையில் அலட்சிய போக்குடன் வந்து அமர்ந்த கிழ அட்டார்னி ஹார்ட் அட்டாக்கில் அப்படியே நாற்காலியில் இருந்து சரிகிறார்.இதுவும் கலக்கலான காமெடி சீன்.மிஸ் பண்ணாமல் பார்க்கவும்.
 ==================================
முழுக்கதையும் படிக்க நினைப்போர் இக்காணொளியை தாண்டி 
வந்து படிக்கவும்.



==================================
 இவருக்கு எதுவும் சரியாக படவில்லை, இரண்டு ராப்பிகளிடம் அருள்வாக்கு கேட்டவர். மூன்றாவதாய் ஏனும் வயது முதிர்ந்த ராப்பியிடம் அருளுரை வாங்கிவிட தீர்மானித்து அவரின் அலுவலகம் செல்ல,வெளியே இருந்த குண்டு காரியதரிசி,முதிய ராப்பி யாரையும் சந்தித்து ஆசி வழங்குவதில்லை என்றும் அவர் சிறார்கள் பங்கு கொள்ளும் ”பார் மிட்ஸ்வா” (யூத மத சிறுவர் சிறுமிகளுக்கு வழங்கப்படும் ஞானஸ்தானம்)நிகழ்சியில் வென்ற சிறார்களுக்கு பாராட்டும் வெகுமதியும் மட்டுமே வழங்குகிறார். என சொல்கிறாள். இருந்தும் இவர் விடாப்பிடியாக கெஞ்ச உள்ளே சென்று எதோ பேசியவள் ராப்பி பிஸியாக உள்ளார் என பதிலுரைக்கிறாள். இவருக்கு மிகவும் ஏமாற்றமாயிருக்கிறது. 

a-serious-man-475654105டுத்த வாரமே தன் 13 வயது மகன் டேனியின் பார் மிட்ஸ்வா நிகழ்ச்சி நடைபெறுகிறது. இவரின் மனைவியும், சமீபத்தில் பெயிலில் வந்த இவரது அண்ணன் ஆர்தரும், இவரின் மகளும் பெருமகிழ்சியுடன் அந்த நிகழ்சியில் கலந்துகொண்டு ஆர்வமாக மகன் ஒப்புவிக்கப்போகும் வேத வாசகத்தை கேட்க ஆவல் கொள்ள, கஞ்சா அடித்து விட்டு கிறக்கத்தில் வந்தவன் யூத குருமார்  டோராஹ் என்னும் பெரிய புனித துணிப் புத்தகத்தில் சுட்டிக் காட்டிய வரிகளை படிக்க கண்ணை கசக்கியவன் பேந்த பேந்த முழிக்கிறான்.

பையே அமைதியாக, சுதாரித்தவன் கொலம்பியா ரெகார்டில் கேட்டு மனனம் செய்த வாசகத்தை குருட்டாம்போக்கில் அடித்துவிட, அது நிஜமாகவே சரியாய் இருந்து தொலைக்கிறது, இவனுக்கு ஞானஸ்தானம் செய்து கோப்பையும், இஸ்ரேலுக்கு குடியுரிமையும் பாராட்டு பத்திரமும் வழங்கப்படுகிறது, இவன் மீண்டும் தன் 83 ஆம் வயதில் மறுபடியும் ஞானஸ்தானத்திற்கு வரவேண்டும் என அறிவுறுத்தப்படுகிறான். நிகழ்ச்சி நட்க்கும் போதே பேராசிரியர் லார்ரியின் மனைவி ஜூடித் இவரிடம் தான் சமீபகாலமாக நடந்துகொண்டவைகளுக்கு தன்னை மன்னிக்குமாறு வேண்டுகிறாள்.

பேராசிரியரின் மகன் இப்போது முதிய ராப்பியிடம் பாராட்டு வாங்க செல்கிறான்,அவனை அழைத்து அமர்ச்சொன்னவர் ஒரு பாடல் வரியை சொல்லி இது என்ன பாடல் என கேட்க. இவன் தான் எப்போதும் ரேடியோவில் விரும்பிகேட்கும் பாடலான ஜெஃப்ஃபெர்சன் ஏரோபிளேன் பாடிய ”சம்படி டு லவ்” என்னும் பாடல் என்று சொல்ல. முதிய ராப்பி இவனிடம் இருந்து பறிக்கப்பட்ட ரேடியோவை திரும்ப தருகிறார். டேனி மிக மகிழ்ச்சியுடன் அங்கிருந்து கிளம்புகிறான்.அந்த ரேடியோவின் உறையிலேயே 20டாலர் தாள் இன்னும் இருப்பதை பார்க்கிறான்.

ப்போது பேராசிரியர் லார்ரி கல்லூரி அலுவலகம் வருகிறார்,அங்கு இவருக்கு இவரின் வழக்குகளை கவனிக்கும் அட்டார்னியின் அலுவலகத்திலிருந்து அண்ணன் ஆர்தரின் வழக்குக்கான கிரிமினல் லாயருக்கு பெரிய தொகைக்கு பில் வர, அதை கண் கொண்டு பார்க்க முடியாமல். இவருக்கு தலை சுற்றுகிறது. ஒரு தீர்மானத்துக்கு வந்தவர்  தேர்வு மதிப்பெண்கள் அடங்கிய ரெஜிஸ்ட்டர் புத்தகத்தை எடுத்து அவரின் கொரிய மாணவன் க்ளைவின் பெயருக்கு எதிரே F என இருந்ததை ரப்பர் கொண்டு அழித்தவர் C– என்னும் கிரேடை அதில் பென்சில் கொண்டு எழுதுகிறார். இப்போது அந்த லஞ்சப் பணக்கவரை எடுத்து அதில் எவ்வளவு பணம் உள்ளது என எண்ண எத்தனிக்க, இவரின் தேர்வுக்குழு ஆணைய செயலாளர் உள்ளே நுழைந்து இவரிடம் வாழ்த்து சொல்லி, இவரின் வேலை ஒப்பந்தம் புதுப்பிக்கப்பட்டது என்கிறார். இவருக்கு எதிராய் வந்த அனானி கடிதங்கள் பரிசீலிக்கப்படவில்லை என்று சொல்லிவிட்டு அகல்கிறார்.

 இவருக்கு அப்பாடா என இருக்கிறது. கடவுள் எவ்வளவு பெரியவர்?. சோதனைகளை தந்தாலும் அதனிடமிருந்து மீளும் வழியையும் தந்து விடுகிறாரே!!! என வியக்க.இவரின் தொலைபேசி மணி அடிக்கிறது. இவர் இரு வாரங்களுக்கு முன் செய்து கொண்ட முழு உடம்பு பரிசோதனையை இவர் மறந்தே இருக்க, எதிர் லைனில் பேசிய அதிகம் சிகரட் பிடிக்கும் மருத்துவர். இவரை மிக அவசரமாக மருத்துவமனைக்கு வர முடியுமா?என கேட்கிறார். இவர் போனில் சொல்ல முடியாதா? என அப்பாவியாய் கேட்க . அவர் சொல்ல முடியாததால் தான் நேரில் அழைக்கிறேன் வெள்று என்கிறார்.

வரின் மகன் இப்போது மீண்டும் காதில் ஏர்போன் மாட்டி ரேடியோ கேட்க. டோர்னொடோ வருவதால் அபாயமணி அடிக்கப்பட்டு எல்லொருக்கும் பள்ளி விடுமுறை அளிக்கப்படுகிறது. இவன் ரேடியோவின் உறையில் இருந்து 20 டாலரை எடுத்து அந்த கஞ்சா விற்கும் மூத்த மாணவனிடம் தர எத்தனித்து அவனை கூப்பிட. அவன் இப்போது திரும்பாமல் தூரத்தில் சுற்றி அடிக்கும் சுழற்காற்றை வேடிக்கை பார்க்கிறான். டேனியும் இப்போது அதை நன்றாக வேடிக்கை பார்க்கிறான். 
===================================
சீரியஸ் மேன்களுக்கு பிரச்சனைகள் ஓயவே ஓயாது தான் போல என்ன நண்பர்களே சரிதானே?லகப்போர் திரைப்படங்கள் நீங்கலாக யூதர்களை சினிமாவுக்குள் பார்ப்பது அரிதே.அந்த வகையில்  இது  அசாதாரணமான படம். எப்போதுமே கோயன் பிரதர்ஸ் பார்வையாளர்களை தங்கள் நகைச்சுவை விருந்துக்கு அழைப்பர். அது பார்வையாளர்களுக்கு  புரியவில்லையா? கவலையே படமாட்டார்கள். உதாரணம்:- ஹட்சக்கர் ப்ராக்ஸி, இது ஒரு அட்டர் ஃபெயிலியர் படம், ஆனால் இன்னும் எண்ணற்ற மக்களின் விருப்பத்தேர்வு அது.  அந்த படத்தில் இருந்த மேதாவித்தனம் இதிலும் குறையாமல் உண்டு. இது ஒரு யதார்தமான  அதேசமயம் பரிட்சார்த்தமான உலக சினிமா என்றால் மிகை இல்லை.

படத்தில் லாரி கோப்னிக் ஆக வந்த மைக்கேல் ஸ்டுல்ஹ்பர்க் மிக நன்றாக நடித்திருந்தார். பல காட்சிகளில் நடிகர் டாம் ஹான்க்ஸை பிரதி பலித்தார். இந்த படத்திற்கு  டாம் ஹான்க்ஸையே போட்டிருந்தால் இன்னும் பல பேரை சென்று சேர்ந்திருக்கும்.ஸ்டார் வேல்யூவும் ஒரு படத்துக்கு இன்றியமையாதது தான். ஏனைய நடிகர்கள் அனைவரும் தங்கள் பங்கை நிறைவாய் செய்திருந்தனர்.ஒரே காட்சியில் வரும் குண்டு  ரிசெப்ஷனிஸ்ட் பெண்ணையும் சேர்த்து, சிரிப்பு மத்தாப்பு தான் போங்க. ஒளிப்பதிவு, இசையமைப்பு வழக்கம் போல பிக்சர் பெர்ஃபெக்ட்.சபாஷ் டு த டீம்.
=======================================


51 comments:

ஹாலிவுட் பாலா சொன்னது…

படத்தின் பிரச்சனையே.. அந்த மேதாவித்தனம்தான் கார்த்திக்கேயன். முதல்ல பார்த்ததும்.. நெஜமா என்னப் படத்தைப் பார்த்தேன்னே புரியலை. இரண்டாம் முறைதான்.. புரிய ஆரம்பிச்சது.

எல்லோருக்கும் கண்டிப்பா பிடிக்காது!! இதை.. என்னோட ஸ்டைலில் 2 பாராவில் எழுதி எப்படி.. புரிய வைக்க முடியும் சொல்லுங்க?! :) :)

--

//இவரது வாழ்வில் வசந்தமாக இவருக்கு விபத்து நடந்த அதே தினம் சை ஏபிள் மேனும் கார் விபத்தில் இறந்துவிட,///

இவர் ஆக்ஸிடண்ட் செய்வதே.. அந்தக் காரில்தான்னு நினைக்கிறேன். என்கிட்ட காப்பி இல்லை. முடிஞ்சா அந்தக் காட்சி சரியான்னு பாருங்க தல..!

பிரசன்னா இராசன் சொன்னது…

என்னைக்கு தான் முழு கதையை விமர்சனமா எழுதுறத விடப் போறீங்களோ. மத்தப்படி படத்தைப் பற்றிய உங்கள் பார்வை நன்று...

கோபிநாத் சொன்னது…

தல வழக்கம் போல விமர்சனம் டாப் டக்கர்.

கார்த்திக்கேயனும் அறிவுத்தேடலும் சொன்னது…

@ஹாலிவுட் பாலா
தல நானும் இரண்டு முறை பார்த்தேன்.இது இவர்களின் யுக்தியோ?
ரிபீடிங் ஆடியன்ஸ் வரவழைக்க,
தல நான் அந்த காட்சி மீண்டும் பார்த்தேன். லோயென் ஒரு ட்விஸ்டுக்காக
லார்ரியும்,சை ஏபிள் மேனும் ஒரே நேரத்தில் ஒரே சாலையில் பயணிப்பது போல காட்சி வைத்தனர்.
===============
அப்படி மட்டும் இவர் சை ஏபிள் மேனை விபத்தில் கொன்றிருந்தால் அமெரிக்காவில் அவ்வளவு எளிதாய் தப்ப முடியாது.மெயினாக இவர் மனைவி
பஜாரி இவரை கொலைகாரன் என்றே காலத்துக்கும் தூற்றியிருப்பாள்.
அப்புறம் அந்த விபத்தில் மூன்று கார்கள் ஒன்றன் பின்னால் ஒன்று தான் மோதிக்கொள்கின்றன.ஆகவே இவர் செய்தது சிறிய விபத்து என்பதே என் எண்ணம்.
===============
தல ஒரு டவுட்
அந்த சை ஏபிள் மேன் ஏன் இவரின் வேலைக்கு உலை வைக்க பார்த்தான்.
இவரின் மனைவி அதை பார்மிட்ஸ்வா நிகழ்சியில் சை உங்க டெனர் கமிட்டிக்கு பரிந்துரை செய்து கடிதங்கள் எழுதினார் என அப்பாவியாய் சொல்கிறாள்.இவர் புரிந்து கொள்கிறார் அவன் தான் கருப்பாடு என்று.
ஏதும் க்ளூ இருக்கா?நீங்க தான் சைக்காலஜிகலா புதிரை உடைப்பீங்க.

நாஞ்சில் பிரதாப் சொன்னது…

ஆமா தல... இப்படி ஸ்கிரிப்டையும் எழுதறதைவிட்டுட்டு கதைக்குருவை சே...கதைக்கருவை மட்டும் சொல்லி படத்தோட சில சுவாரஸ்யங்களையும் சொல்லலாம்... இதை முழுசா படிக்கிற நேரத்துல முழுப்படத்தையே பார்த்தரலாம் போலருக்கே...
ஆனாலும் வாக்குகள் சேர்க்கப்பட்டன...தல

கார்த்திக்கேயனும் அறிவுத்தேடலும் சொன்னது…

@பிரசன்னா இராசன்
வாங்க நண்பா, உங்களுக்கு ஆயுசு நூறு.தல ஹாலி பாலிகிட்ட சொல்லி
உங்களுக்கு ஒரு மிஸ்ஸிங் பதிவு அவர் ஸ்டைலில் போட சொல்லலாம் என இருந்தேன். நீங்களே வந்துட்டீங்க.வேலை ஓவரா?
===================
மேலே சொன்ன பதிலை பார்த்திருந்தால் புரியும்.
உலக சினிமாக்கள் பார்ப்பதற்கே நிறைய படித்து தெளிய வேண்டியுள்ளது.
நிறைய படங்கள் புரியாமல் போகும் அபாயமும் உண்டு. அதை நானே நிறைய முறை உணர்ந்துள்ளேன். அதற்காகத்தான் மனதை பாதிக்கும் படங்களுக்கு இது போல எழுதுகிறேன். இது போல யார் எழுதினாலும் அதை படம் ஏற்கனவே பார்த்திருந்தாலும், பார்க்கவே இல்லை என்றாலும் போய் படித்து புரிந்து கொள்கிறேன். முழுக்கதை வேண்டாதவர்களுக்கு தான்
ஒரு குறிப்பு போட்டுள்ளேனே?
அடிக்கடி வாங்க நண்பா.
===================

கார்த்திக்கேயனும் அறிவுத்தேடலும் சொன்னது…

@நாஞ்சில் பிரதாப்.
மச்சி நான் உன்னை மாதிரி ஆங்கில அறிவு செரிவு மிக்க பார்டிகளுக்கு எழுதவே இல்லை,மேலே பிரசன்னா ராஜனுக்கு சொன்னது தான். ஒரு படத்தை பார்த்துவிட்டு அதை அப்படியே உடனே போய் பார்ப்பதில்லை,ஒவ்வொருவருக்கும் ஒரு ஸ்டைல்.
இவ்வளவு டைப்புறவனுக்கு அந்த தெளிவு கூடவா இருக்காது?:))
நீ ஓட்டுக்கள் போட்டதற்கு நன்றி.

☀நான் ஆதவன்☀ சொன்னது…

கிர்ர்ர் தலைவரே படிக்கவே தலை சுத்துதே.. எப்படி பார்த்து அப்புறம் டைப் பண்ணி... :) எப்படி தான் முடியுதோ!

கார்த்திக்கேயனும் அறிவுத்தேடலும் சொன்னது…

@ஆதவன்,
தேவுடு நான் படம் தரேன். நீ படத்தை பாரு, உனக்கு படம் புரிந்தால்.இதை படிக்காத. புரியாட்டி வந்து படி. வேற என்ன சொல்றது?:)

கார்த்திக்கேயனும் அறிவுத்தேடலும் சொன்னது…

@கோபிநாத்,
தம்பி கோபி வருகைக்கு நன்றி

கார்த்திக்கேயனும் அறிவுத்தேடலும் சொன்னது…

டைப்பிங் பற்றி தொடர்ந்து கேட்பவருக்கு. டைப்பிங் அடிக்க nhm ரைட்டர் உபயோகிக்கிறேன். அது மிகவும் எளிதாய் உள்ளது.அது தான் இப்படி அடித்து தள்ள முடிகிறது. :)))

கண்ணா.. சொன்னது…

தல

ஓட்டுகள் போட்டாச்சி.. :)

ஈவினிங் ரூமுக்கு போய் படிச்சிட்டு திரும்ப வாரேன்..

வானம்பாடிகள் சொன்னது…

புரியாமல் படம் பார்ப்பதை விட இப்படி படிப்பது சுகமாயிருக்கிறது. நன்றி

செ.சரவணக்குமார் சொன்னது…

அருமை நண்பர் கார்த்திக்கேயன்..
உங்களின் திரை விமர்சனங்கள் மிக அருமை. படத்தைப் பற்றிய அறிமுகம், படத்தின் இயக்குநர் மற்றும் டெக்னீஷியன்கள் பற்றிய விளக்கம், கதைச்சுருக்கம், படத்தின் ட்ரெய்லர், தேவைப்படுபவர்களுக்கு முழுமையான கதையும், காட்சியமைப்புகளும், இறுதியாக படத்தைத் தரவிறக்கச் சுட்டி என்று ஒரு அற்புதமான, கச்சிதமான அமைப்பு உங்கள் விமர்சனங்களின் சிறப்பு. தொடர்ந்து உலக சினிமாக்களைப் பற்றி நிறைய எழுதுங்கள் கார்த்திக்.

கார்த்திக்கேயனும் அறிவுத்தேடலும் சொன்னது…

@கண்ணா,
தொடர் வருகைக்கும் ஃபார்மாலிட்டிக்கும் நன்றி நண்பா,மீட் பண்ணவே முடியலையே?

கார்த்திக்கேயனும் அறிவுத்தேடலும் சொன்னது…

வாங்க அருமை நண்பர் சரவணகுமார்.
உங்கள் பின்னூட்டம் என்னை காப்பாற்றியது.
பிரசன்னா ராஜன் , நாஞ்சில்பிரதாப் சொன்ன கருத்திற்கு இதிலேயே பதில் இருக்கிறது.என் உள்ளம் கவந்த நிறைய படங்களுக்கு எழுத எண்ணம் உள்ளது.அது குறித்து நிறைய தளங்களுக்கு சென்று படிக்க வேண்டியுள்ளது.
படத்தில் வரும் வசனங்கள் ஸ்க்ரிப்ட் ஆக அனைத்தும் பிடிஎஃப் கோப்பாகவே கிடைக்கிறது.
முடிந்தால் ஒரு முறை நீங்கள் பார்த்த ஆங்கில படத்திற்கு அதுபோல கூகிளில் தேடி படித்து பார்க்கவும். அப்படியே ஆங்கில நாவல் படிப்பது போல உணர்வீர்கள். இரட்டை லாபம் நாவல் படித்தது போலவும் ஆயிற்று.படம் பார்த்தது போலவும் ஆயிற்று.வருகைக்கு மிக்க நன்றி

ஜாக்கி சேகர் சொன்னது…

பார்த்துடுவோம்

கார்த்திக்கேயனும் அறிவுத்தேடலும் சொன்னது…

@ஜாக்கிசேகர்
வாங்க அண்ணே
கண்டிப்பாக பாருங்க.பிடிக்கும்

கோபிநாத் சொன்னது…

அண்ணே ஓட்டு போட்டாச்சி....ஆமா எல்லா கோபிநாத்தும் உங்களுக்கு தம்பியா!!! ;))

கார்த்திக்கேயனும் அறிவுத்தேடலும் சொன்னது…

@கோபிநாத் அட்லாண்டா
வாங்க பாஸ்,தவறுதலாக உங்களை தம்பி என்றுவிட்டேன்.வருகைக்கு மிக்க நன்றி.
@கோபிநாத் ஷார்ஜா
வா தம்பி நலமா?என்ன போனே செய்யவில்லை?
ப்ரொஃபை போட்டோ இல்லாததால் விளைந்த புது குழப்பம்.இனி உஷாராய் இருப்பேன்.

கார்த்திக்கேயனும் அறிவுத்தேடலும் சொன்னது…

@வானம்பாடிகள்
வாங்க ஐயா,நீங்க சொன்னதே போதும்,வருகைக்கு மிக்க நன்றி

ஹாலிவுட் பாலா சொன்னது…

உங்க படத்துக்கு.. ஆஸ்கர் நாமினேஷங்கோவ்.!!

அண்ணாமலையான் சொன்னது…

அப்பப்பா.. எவ்வளவு வேல மெனக்கெட்ட வேல? பாராட்டுக்கள்...

கார்த்திக்கேயனும் அறிவுத்தேடலும் சொன்னது…

@ஹாலிவுட் பாலா
தல நினைச்சேன்,இப்போ தான் imdb இல்பார்த்து தெரிந்துகொண்டேன்,தல,விருது கிடைக்குமா பார்ப்போம். தல உங்க அவதாரும் ,அப் இன் த ஏர் ம் ஹர்ட்லாக்கரும்,ப்ளைண்ட் சைடும் வந்துள்ளதே
உங்க கணிப்பு டாப்பு

கார்த்திக்கேயனும் அறிவுத்தேடலும் சொன்னது…

@அண்ணாமலையான்
வாங்க நண்பா,வருகைக்கும் பாராட்டுக்கும் மிக்க நன்றி

வினோத்கெளதம் சொன்னது…

குரு எப்படி இவ்வளோ பெருசா உக்கார்ந்து டைப் பண்ணுற..
சொன்ன மாதிரி நீ ஒரு 'விக்கி' தான்..

வினோத்கெளதம் சொன்னது…

குரு எப்படி இவ்வளோ பெருசா உக்கார்ந்து டைப் பண்ணுற..
சொன்ன மாதிரி நீ ஒரு 'விக்கி' தான்..

kailash,hyderabad சொன்னது…

தல.விமர்சனம் ரொம்ம்ம்ம்ம்ம்ம்ம்ம்ம்ம்ம்ம்ம்ம்ம்ம்ப detail -ஆ இருக்கு. நல்லா எழுதி இருக்கிங்க.. ஆனா இந்த படம் ரொம்ப போரா இருக்கும் போலிருக்கே. எப்படித்தான் பாத்திங்களோ . அதைவிட எப்படித்தான் எல்லா
கேரக்டர்களையும் சம்பவங்களையும் ஞாபகம் வைத்து விடாமல் இன்ச் by இஞ்சாக எழுதினிங்களோ.
கிரேட்.

கருந்தேள் கண்ணாயிரம் சொன்னது…

பாஸு . . வோட்டெல்லாம் நேத்தே போட்டாச்சு . .அனா இன்னிக்கி தான் பின்னூட்டம் போட முடிஞ்சுது . . கட்டாயம் இந்தப் படத்தப் பாக்கறேன் . . தியேட்டர்ல பாக்கலாம்னு பாக்கறேன் . . :-)

கார்த்திக்கேயனும் அறிவுத்தேடலும் சொன்னது…

@வினோத்கௌதம்
வா குரு நலமா?
நீயே சொல்லிட்ட,ரொம்ப நன்றி

கார்த்திக்கேயனும் அறிவுத்தேடலும் சொன்னது…

@கைலாஷ் ஹைதெராபாத்
வாங்க நண்பா,வருகைக்கும் பாராட்டுக்கும் நன்றி.படம் போர் அடிக்காது,நல்ல சுவாரஸ்யமாயிருக்கும்,ப்ளாக் காமெடி

கார்த்திக்கேயனும் அறிவுத்தேடலும் சொன்னது…

@கருந்தேள்
வாங்க ராஜேஷ்
என்ன ஒண்ணும் எழுதலை?
பிஸியா?வருகைக்கு நன்றி நண்பா

||| Romeo ||| சொன்னது…

இத படிக்கும் போதே கண்ணை கட்டுதே தலைவரே.. எத்தனை தடவை படத்த பார்த்திங்க...

ஹாலிவுட் பாலா சொன்னது…

நேத்து.. போனை மறந்துட்டு வந்துட்டேங்க. ஸாரி!! :(

கோபிநாத் சொன்னது…

எப்படியோ படிச்சிட்டேன்...ஆனா கண்டிப்பாக படம் பார்க்கும் போது மிக பெரிய உதவியாக இருக்கும் உங்கள் விமர்சனம் ;)

கருந்தேள் கண்ணாயிரம் சொன்னது…

இதோ எழுதிட்டேன் . . :-)

ஜோதிஜி சொன்னது…

Formality செய்யாட்டக்கூட தங்கம் தங்கம் தானே, வானம்பாடிகள் சரவணக்குமார் சொல்வது தான் என் கருத்தும். CD வாங்கி ஓடவிட்டு உங்கள் பதிவை ஒரு முறை படித்து விட்டு பார்த்தால் போதாதா?

கார்த்திக்கேயனும் அறிவுத்தேடலும் சொன்னது…

@ரோமியோ
வாங்க நண்பா
எவ்வளோ செய்துட்டோம்
இதை செய்யமாட்டோமா?
வருகைக்கு நன்றி
=========================
@ஹாலிவுட் பாலா
தல இதுக்கு போய் சாரியா.
வீக்கெண்ட் போன் செய்வேன்,எடுக்கனும்
---------------------------------------
தல இப்போ பாத்தீங்களா?
அசிங்கமான படத்துடன் மீசைக்காரன்
ஃபாலோ பண்ணுறான்.இவனுங்களுக்கு கபீம்குபாம் தான் பண்ணணும். மேலே நீங்க படத்தில சொன்ன மேடருக்கு பதில் ஓகேவா தல?நான் உங்களை ஒரு கேள்வி கேட்டேனே?ஃப்ரீயா இருக்கும் போது.
=========================
@கோபிநாத் ஷார்ஜா
தம்பி,மிக்க மகிழ்ச்சி
நான எழுதுவது உனக்கு பயனளிக்கும் என நினைக்கையில் மிக்க மகிழ்ச்சி
=========================
@கருந்தேள்
ராஜேஷ் டாம்ப் ரைடர் படித்தேன்.பின்னூட்டம் போடுவதற்குள் தாவு போய்டிச்சி,இன்னிக்கும் வருவேன்
=========================
@ஜோதிஜி
வாங்க தலைவரே
உங்க தொடர்ந்த அன்பிற்கும் ஆதரவிற்கும் மிக்க நன்றியும் மகிழ்ச்சியும்,அதே தான் என் கருத்துமாய் இருக்கிறது.நன்கு புரிந்து பார்க்கக்கூடிய 4 பேருக்கு எழுதுவதை விட புரியாமல் அலுப்படையக்கூடிய 6 பேர்களே என் கண்ணுக்கு தெரிகின்றனர்.விக்கிபீடியாவின் அரசியல் பதிவை கணிமைக்கும் நேரத்தில் அழிக்கும் பழைய ஆர்வலர்கள்.என்னை என் தளத்திலேயே விரிவாய் எழுத வைக்கிறது.இன்று படிக்காமல் போனாலும் எதிர்காலத்தில் யாராவது படிக்கமாட்டாரா என்ன?
மிக்க நன்றிகள் மீண்டும்.

ஹாலிவுட் பாலா சொன்னது…

ப்ளாக் பண்ணிடுங்க (பண்ணிட்டீங்க! :) )

நீங்க சொன்ன பதில் ஓகேங்கற மாதிரிதான் தெரியுது. எதுக்கும்.. நான் படத்தை இன்னொரு முறை பார்த்துடுறேங்க.

///அந்த சை ஏபிள் மேன் ஏன் இவரின் வேலைக்கு உலை வைக்க பார்த்தான்.
இவரின் மனைவி அதை பார்மிட்ஸ்வா நிகழ்சியில் சை உங்க டெனர் கமிட்டிக்கு பரிந்துரை செய்து கடிதங்கள் எழுதினார் என அப்பாவியாய் சொல்கிறாள்.இவர் புரிந்து கொள்கிறார் அவன் தான் கருப்பாடு என்று./////

எனக்கு அந்த டயலாக் நினைவில்லை. திரும்பப் பார்க்கும் போது.. இதையும் கவனிக்கிறேன். ஆனா.. அதுதான் டயலாக்னா..

“வேலையை விட்டு நீக்கினால்... அது பொருளாதார ரீதியா இவருக்கு இன்னும் ப்ரஷர் கிடைக்கும். அப்ப.. இன்னும் விரைவா இவங்க நினைச்ச விகாரத்து, வீடு மாற்றம் எல்லாம் நடக்க வாய்ப்பிருக்கு”-ன்னு நினைச்சிருக்கலாம்.

ஏன்னா.. இவர் மனைவி.. இவரிடம் விவாரத்தைப் பத்தி பேசுவதற்கு முன்னாடியே..., இவரைப் பத்தி மொட்டை கடிதங்கள் ஏற்கனவே வந்துகிட்டு இருக்கறதா.. ப்ரின்சிபல் சொல்லுவாரு.

இது சரியான ஆன்ஸரான்னு தெரியலை. ஒரு யூகம்தான் (அதைப் படத்திலும் சொல்லலை. அப்ப நம்ம இஷ்டம்தானே?! :) )

ஹாலிவுட் பாலா சொன்னது…

எனக்கும் அதே பயம்தான். விக்கியில் நீங்க எழுதினதை.. வேற யாராவது அழிச்சா என்னப் பண்ண முடியும்???

முன்னாடி.. smoking பத்தி இருந்த ஆர்டிகிளை அழிச்சிட்டு... புகை பிடிப்பதின் நன்மைகள்ன்னு சொல்லி ஒரு ஆர்டிகிளை ரீப்ளேஸ் பண்ணியிருந்தாங்க.

அப்படி நடந்தா??

ஷண்முகப்ரியன் சொன்னது…

எப்படி கார்த்தி,இப்படி முழுத் திரைக் கதையையும் மனப்பாடம் பண்ணி எழுதுகிறீர்கள்.
சத்தியமாக எனக்குச் சாத்தியமில்லை.
பாராட்டுக்கள்,கார்த்தி.

கார்த்திக்கேயனும் அறிவுத்தேடலும் சொன்னது…

தல,
நீங்க சொன்ன பதில் சரியாக இருந்தது.இன்னொரு முறை படம் பாக்கபோறீங்களா?தல பாருங்க.பாருங்க
=========
விக்கியில் யார் வேண்டுமானாலும்
எழுதலாம்,யார் வேண்டுமானாலும் பதிவை அழிக்கலாம்,என்ன கொடுமை தல.அங்கும் எதிர் பதிவு போடுவது வினோதமாயுள்ளது.
நல்லவேளை ஐந்து பதிவோடு போனது.இனி லாகின்னே கிடையாது.
தமிழை வளர்க்கவே வேணாம்.:))))

கார்த்திக்கேயனும் அறிவுத்தேடலும் சொன்னது…

@ஷண்முகப்ப்ரியன்
ஐயா வாங்க,நலம் தானே?
ஐயா உங்க தன்னடக்கத்திற்கு முன் இதெல்லாம் ஒன்றுமில்லை.உங்கள் அன்புக்கும் ஊக்கத்திற்கும் நன்றி

ஹாலிவுட் பாலா சொன்னது…

இன்னைக்கு.. அந்த ஆக்ஸிடண்ட் சீனை பார்த்தேங்க. நீங்க சொன்னது சரிதான்.

அங்கே.. நடக்கும் ஆக்ஸிடண்டில்.. மூணு கார்.. ஆனா அது சின்ன ஆக்ஸிடண்ட்தான். இரண்டு ஆக்ஸிடண்டையும் ஒரே நேரத்தில் காட்டினதும் குழம்பிட்டேன். அதுக்கப்புறம் வரும் டயலாகில் இதை ஏன் மென்ஷன் பண்ணலைன்னு நினைச்சிகிட்டு இருந்தேன். இப்பதான் புரியுது.

ஆங்கிலப் படங்களை என்னை மாதிரி.. அரைகுறையிடம் இருந்து காக்க வந்த கடவுளே.. நீர் வாழ்க.. நின் குலம் வாழ்க.

--

ஆஹா.. அப்படியா... அப்ப ஏற்கனவே விக்கியில் அழிச்சிட்டாங்களா?? அடப்பாவிகளா..!! நல்லவேளை.. இத்தோட போச்சே!! இந்த மாதிரி அரைலூசுங்க இருக்கற வரைக்கும்.. ஒன்னும் பண்ண முடியாது! :(

கார்த்திக்கேயனும் அறிவுத்தேடலும் சொன்னது…

தல,என்ன தல பெரிய வார்த்தையெல்லாம் சொல்லிக்கிட்டு,தன்னடக்கத்துக்கு மொத்த குத்தகை கேக்கிறீங்களே?மேலே ஐயா வுக்கும் உங்களுக்கும் தான் தன்னடக்கத்தில போட்டி.
==============
தல விக்கியில சமீபத்தில படித்ததில் பிடித்தது
தானைத்தலைவன் ஆக்ஸோவுக்கும் ஒரு பதிவு போட்டிருக்காங்க.
http://en.wikipedia.org/wiki/AXXo
தல இந்தாளு புண்ணியத்தில கிட்டத்தட்ட 100 படத்துக்கு மேல டவுன்லோடு செய்திருப்பேன்.
இப்போ சத்தமே இல்லையாம்.ஏன்னா MPAA" இவரை கழுகுக்கண்ணா வாட்ச் பண்ணுதாம்.
இன்னுமொரு மேட்டர் இவருக்கு 18வயசு ஆகாததால்
இவரை விட்டுபிடிக்க எண்ணியிருக்காம். என்னன்னவோ போட்டிருக்கு,தல,ஆனால் இந்தாள் டாரண்ட் கிங்னு சொல்லலாம்,எந்த ரிப்பும் சோடை போகாது,யாரு பெத்த புள்ளையோ?

ஹாலிவுட் பாலா சொன்னது…

axxo வை எல்லாம் தூக்கி சாப்பிடுற ஆளுங்களை எல்லாம் எனக்குத் தெரியும் கார்த்திகேயன். சில பேரை நேரடியாவும் சந்திச்சிருக்கேன். axxo வின் பெயர் பிரபலமெல்லாம் ஒரு மித் மாதிரிதான்.

கொஞ்ச நாளா ஆக்ஸோ காணாம போனப்ப.. நிறைய போலிகள் வேற வந்துகிட்டு இருந்தாங்க.

ஒரு காலத்தில்.. நானும் ஸ்க்ரிப்ட் எழுதி ரிப் பண்ணிகிட்டுதான் இருந்தேன். சில நேரம் ஸ்க்ரிப்ட் முடிக்கவே 4 மணி நேரமாகும். ரிப்பிங் பண்ண இன்னொரு 22-30 மணி நேரம்.

இதெல்லாம் வெட்டி வேலைன்னு விட்டுட்டு வந்தாச்சி. axxo-க்கு இன்னும் அது தெரியலை! :)

ரகுநாதன் சொன்னது…

//எப்போதுமே கோயன் பிரதர்ஸ் பார்வையாளர்களை தங்கள் நகைச்சுவை விருந்துக்கு அழைப்பர்//.

அப்படின்னா பாத்துருவோம்...

நல்ல விமர்சனம். அப்படியே 13 tzameti படத்தோட நம்மோட பதிவையும் பாருங்க... குறிப்பா பின்னூட்டம் :)

thiraithuli சொன்னது…

உண்மையிலேயே நானும் எனது நண்பரும் இந்த படத்தை முழுவதும் பார்த்தோம் . ஆனால் எங்களுக்கு படத்தில் நிறைய புரியவில்லை . இந்த மாதிரி படங்களுக்கு இப்படி படத்தின் அனைத்து காட்சிகளையும் விளக்கி பதிவு எழுதியது தான் சரி . உங்கள் பதிவை படித்தவுடன் தான் சிலவற்றை உணர முடிகிறது . நன்றி .

கார்த்திக்கேயனும் அறிவுத்தேடலும் சொன்னது…

@திரைத்துளி
மிக்க நன்றி நண்பரே,அடிக்கடி வந்து போங்க.

கார்த்திக்கேயனும் அறிவுத்தேடலும் சொன்னது…

@ரகுநாதன் வருகைக்கு மிக்க நன்றி

கார்த்திக்கேயனும் அறிவுத்தேடலும் சொன்னது…

தல ஆக்ஸோ தான் இப்போ இல்லையே.
தல டாரண்ட் என்பது அருமையான ஒரு பொழுதுபோக்கு.ஒரு படத்தை பகிர இதைவிட சிறந்த முறை இருக்க முடியுமா?
தேவையெல்லாம் ஒரு ப்ராட் பேண்ட் கனெக்‌ஷன்.
ஒரு கம்ப்யூட்ட்ர்.டவுன்லோடு ஆரம்பம்.

Related Posts Plugin for WordPress, Blogger...

குறிச்சொற்கள் வைத்து தேடிப்படிக்க

உலக சினிமாபார்வை (142) சமூகம் (99) தமிழ் சினிமா (47) கே.பாலசந்தர் (41) சினிமா (28) உலக சினிமா (23) விமர்சனம் (22) ஃப்ராடு (17) கமல்ஹாசன் (17) மலையாளம் (16) சினிமா விமர்சனம் (15) இசைஞானி (13) திரைப்படம் (12) கோயன் பிரதர்ஸ் (9) கலை (8) சத்யஜித் ரே (8) அயல் சினிமா (7) நட்பு (5) ஆக்கம் (4) இனப்படுகொலை (4) ஹாலிவுட் (4) அஜய் தேவ்கன் (3) சென்னை (3) தமிழ் (3) திரைவிமர்சனம் (3) ஃப்ரென்சு சினிமா (2) அடோன்மெண்ட் (2) அபர்ணா சென் (2) ஆமென் (2) இந்தியா (2) இனவெறி (2) இளையராஜா (2) உலகம் (2) எரோடிக் கல்ட் க்ளாஸிக் (2) ஓவியம் (2) சரசம் சல்லாபம் சாமியார் (2) சிந்தனை (2) சொத்துக் குவிப்பு வழக்கு (2) ஜெயமோகன் (2) டார்க்ஹ்யூமர் (2) டாஸ்மாக் (2) திரை விமர்சனம் (2) தீர்ப்பு (2) தொடர் பதிவு (2) பதிவுலகம் (2) மோசடி (2) ரிசெஷன் (2) ஹவ் டு நேம் இட் (2) ஹிந்தி (2) K.E.ஞானவேல் ராஜா (1) chennai (1) அமீரகம் (1) அமெரிக்க நகைசுவை (1) அரசியல்வாதி (1) அறிஞர்கள் சொன்ன முத்தான பத்து (1) அழகி (1) இன அழிப்பு (1) ஈழம் (1) எந்திரன் (1) ஏழாம் உலகம் (1) ஐபேட் (1) கட்டுரை (1) கதை (1) கற்பழிப்பு (1) கலக்கல் காமெடிகள் (1) காசாவில் நிலவும் துயரம் (1) காசி மாநகரில் அழகிய கங்கை நதி (1) காசி மாநகரில் அழுகிய கங்கை நதி (1) காந்தி மகான் சில நினைவுகள் (1) கார் லைசென்சு (1) கேட் வின்ஸ்லெட் (1) கொடூரம் (1) கொலை (1) சப் டைட்டில் (1) சப் டைட்டில் சேர்ப்பது எப்படி? (1) சித்ராங்கதா சிங் (1) சிரிக்கலாம் வாங்க (1) சிரிப்பு (1) சிறுகதை (1) சீட்டிங் (1) செல்போன் (1) சோகம் (1) ஜெசிக்கா லால் (1) ஜெட் ஏர்வேஸ் (1) ஜேவியர் பர்டம் (1) டரியோ மரியனல்லி (1) டாக்மி 95 (1) டிம் ராப்பின்ஸ் (1) டெக்ஸாஸ் (1) தண்டனை (1) தனி மனித ஒழுக்கம் எவ்வளவு முக்கியம் ? (1) துபாய் (1) நரபலி (1) நாஜி (1) பதேர் பாஞ்சாலி (1) பறக்கும் ரயில் (1) பல்கலைக்கழகம் (1) பாரிஸ் (1) பேரழிவு (1) போபால் (1) மரண தண்டனை (1) மாத்தி யோசி (1) மார்கன் ஃப்ரீமேன் (1) மிருகவதை (1) முற்பகல் செய்யின்.. (1) மூடநம்பிக்கை (1) ராஹுல் போஸ் (1) ரூபாய் குறியீடு (1) லஞ்சம். (1) விமான விபத்து (1) விம் வாண்டர்ஸ் (1) விஷவாயு (1) ஷார்ஜா (1) ஹட்சக்கர் ப்ராக்ஸி (1) ஹல்லாபோல் (1) ஹிட்லர் (1) ஹோட்டல் ருவாண்டா (1) ஹோலிஸ்மோக் (1)