த கவுன்சிலர் [The Counselor][2013][18+][இங்கிலாந்து]


த கவ்ன்சிலர் படம் பார்த்தேன், அசல் மெக்ஸிக்கன் ட்ரக் டீலிங், போதைப்பொருள் கடத்தல் வியாபாரத்தில் பங்குதாரரின் ஈவு இரக்கமில்லா துரோகங்கள், முதுகை சில்லிடவைக்கும் கொலைகள் பற்றியும் ,  கார்டல் [சந்தைப் போட்டியாளர்கள்] பற்றியும்  சலிக்க சலிக்கப் பேசுகிறது படம்,  படத்தில் 3 முக்கிய கதாபாத்திரங்களின்  அதி பயங்கரமான கொலைகளை பரபரப்பான கதையோட்டத்தினூடே காட்சிப்படுத்தியிருக்கிறார் 76 வயது இயக்குனர் ரிட்லி ஸ்காட்.

 தவிர 2 உப கதாபாத்திரங்களின் பயங்கரமான கொலைகளும் இணைப்பாக உண்டு. இந்தப்படம் குடும்பத்துடன் பார்க்க ஏற்ற படமல்ல,நல்ல புரிதலுள்ள ரசனையுள்ள மனைவியுடன் பார்க்க மிகவும் ஏற்றது, அதுவும் பெனலோப்பி க்ரூஸ் தோன்றும் படுக்கையறைக் காட்சிகளை மட்டும் தான் படத்தில் நிகழும் தலையில்லா முண்டக் கொலைகளை அல்ல.

இதற்கு திரைக்கதை எழுதியது   நோ கண்ட்ரி ஃபார் ஓல்ட் மென் நாவலை எழுதிய கார்மெக் மெக்கார்த்தி ஆவார். பின்னர் கேட்க வேண்டுமா?  கவித்துவமான டீட்டெய்லிங்கை? படத்தில்  கொலை செய்யும் காட்சிகளிலும்  கூட அத்தனை நுணுக்கமும் ,அழகியலும் தாண்டவமாடுகின்றன,நோ கண்ட்ரி ஃபார் ஓல்ட் மென்னில் எப்படி கேட்டில் கன் என்னும் கொலைக்கருவி வந்ததோ இதில் பொலிட்டோ என்னும் அதிநவீன கம்பிக்கொலை கருவி வருகிறது.

கார்மெக் மெக்கார்த்தியின் கதைகளில் பிரதானமான தீம் பேராசை, பாவம் , மரணம், அதில் அவரின் கதையின் மாந்தர்கள் ஆப்பசைத்து விட்டு அதில் அகப்பட்டுத் தவிப்பதை மிகச்சிறந்த டீடெய்களுடன் வடிப்பார், இதிலும் அப்படியே, டீடெய்ல்களுக்குப் சற்றும் பஞ்சமில்லை.

பல காட்சிகள் கோயன் சகோதர்களின் டீடெய்லிங்கை நினைவூட்டினாலும் சட்டிலான ஒரிஜினலான டார்க் ஹ்யூமர் என்றால் அது கோயன் சகோதர்கள் தான். மிகப் பெரிய வசனங்கள் தான் இப்படத்தின் பலவீனம், புரிந்தால் மட்டுமே ரசித்துக் கேட்க பார்க்க  முடியும்,


படத்தில் முக்கிய பாத்திரமாக 12 இயர்ஸ் ய ஸ்லேவ் படத்தில் எட்வின் என்னும் கொடிய அமெரிக்க ஆண்டானாக வந்த மைக்கேல் ஃபாஸ்பெண்டர் இதில் வழக்கறிஞராக வருகிறார், இவர் ஆஜர் ஆவது சமூகத்தில் மிகக் கொடிய கிரிமினல்களுக்கும் கார்டெல்களுக்கு மட்டும். சமீப காலமாக வாழ்வில் துரிதமாக செட்டில் ஆக வேண்டும் என்னும் ஆசை கூடவே சேர்ந்து கொள்ள, தன் நண்பன் ரெய்னருடன் [ஜேவியர் பர்டெம்] இணைந்து மெக்ஸிக்கோவின் இன்னொரு பிரபல கார்டல் ஒருவன் கடத்தும் மிகப் பெரிய கோகெய்ன் லாட் அது மொத்தம் 625 கிலோ எடைகொண்டது, அது  கொலம்பியாவிலிருந்து ஒரு  கழிவுநீர் அகற்றும் லாரியின் டாங்கின் உள்ளே பேரல்களில் பதுக்கி வைத்து, அதன் மேலே மலஜலம் நிரப்பி சிக்காகோவுக்கு கடத்தப்படுகிறது. அதன் மொத்த மதிப்பு   20 மில்லியன் அமெரிக்க டாலர்கள், இந்த ஆபத்தான கடத்தலில் இவர்களும் பங்குதாரர்களாகின்றனர்.

செய்யும் முதலீட்டுக்கு 4000 பங்கு வருமானம்  என்னும் கனவு இவரின் விதியை எப்படி? மாற்றி எழுதுகிறது என்பதை மிகவும் சுவையாக நான் லீனியர் யுக்தியில் சொல்லியிருக்கின்றார் இயக்குனர் ரிட்லி ஸ்காட், வந்தால் மலை போனால் உயிர் என்பதை தெரிந்திருந்தும் இறங்கி விடுகிறார் கவுன்சிலர். அது எப்படி பிள்ளையார் பிடிக்க குரங்காகிறது என்பது தான் கதை.

கவுன்சிலர் மற்றும் ரெய்னருக்கும் பொதுவான நண்பர் மற்றும் இடைத் தரகராக வெஸ்ட்ரே [ப்ராட் பிட்],இவர் நடை உடை பாவனையில் ஒரு  ஒரு கவ் பாயும் கூட, மிக ஆபத்தான ட்ரக் டீல்களை சாமர்த்தியமாக முடித்து வைத்து தன் பங்கை வாங்கிக்கொண்டு மின்னலாய் மறைவதில் கைதேர்ந்தவர் இவர். கழுவும் மீனில் நழுவும் மீனைப் போன்றவர். ரெய்னர் எதையுமே கூலாக எடுத்துக்கொள்ளும் ஒரு கேரக்டர், ஆனால் வெஸ்ட்ரே அப்படியல்ல.என்பதை நாம் ஓரிரு காட்சிகள் வசனங்கள் மூலம் புரிந்து கொள்கிறோம்,ஆனால் எத்தனைப் பெரிய எத்தனுக்கும் பலவீனம் என ஒன்று உண்டல்லவா?வெஸ்ட்ரேவுக்கு பெண் தான் பலவீனம்.

கவுன்சிலரின்  ட்ரக் ட்ராஃபிக் கார்டெல் கிங் பின் நண்பராக நம் ஒப்பற்ற வில்லன் ஜேவியர் பர்டெம், இதில் மிக அட்டகாசமாக அண்டர்ப்ளே செய்துள்ளார். இவருக்கு பப்களும், ரெஸ்டாரண்ட்களும் நிரம்ப உண்டு, நோ கண்ட்ரி ஃபார் ஓல்ட் மென்னில் இவர் செய்த ஆண்டன் சிகர் பாத்திரத்துக்கு எதிர்மாறான பாத்திரம்,இதில் இவர் எலக்ட்ரோ ஷாக் ஹேர்ஸ்டைலுடன் தோன்றியிருக்கிறார். நிறைய பேசும் பாத்திரம், பகலில் விருந்து கேளிக்கை, கூத்தும், இரவில்  கார்டல் கிங் பின்னாக கொஞ்சம் பயந்த சுபாவம் தோய்ந்த கதாபாத்திரம், அதை மிக அநாயசமாக செய்திருக்கிறார்,படத்தில் இவரின் சாவு மிகக் கொடூரமானது  இவர் நெற்றிப் பொட்டில் குண்டடி வாங்கி விழி வழியே உயிர் துறந்து சாகும் காட்சி இன்னும் என் கண்ணிலேயே நிற்கிறது.இது ஸ்பாய்லர் தான் என்றாலும் ,படத்தின் ஆக்கத்தில் இருக்கும் அபாரமான நம்பிக்கையால் இதை இங்கே பகிர்கிறேன்,படம் நான் 3 முறை பார்த்து விட்டேன்,அப்படி ஒரு ரசனையுடன் எடுக்கப்பட்ட வதைக் காட்சிகள் அவை.



ஜேவியர் பர்டமின் நிஜ மனைவியான பெனலோப்பி க்ரூஸ் இதில் மைக்கேல் ஃபாஸ்பெண்டருடன் அப்படி நெருங்கி நடித்துள்ளார், அப்படி என்றால் அப்படித் தான், முதல் காட்சியே பில்லோ டாக் தான் . வாய்ப் புணர்ச்சியோடு துவங்கி , விரல் புணர்ச்சியில் தான் முடிகிறது அது , அதில் என்ன கொடுமை என்றால் ? கணவன் ஜேவியர் பர்டெமுடன் விக்கி க்ரிஸ்டினா பார்சிலோனாவுக்குப் பிறகு இப்படி இவர் இது போல நெருங்கி நடித்ததில்லை, அது என்னவோ தெரியவில்லை இவ்வருடம் வெளியான உலஃப் ஆஃப் வால்ஸ்ட்ரீட் படத்திலும் இதிலும் பெண்ணின் யோனியை வர்ணிக்கும் கவித்துவமான ரசனையான வசனங்கள் மிகவும் தூக்கலாகவே இருக்கின்றன, அதில் ஜோர்டி கதாபாத்திரம் நயோமியின் யோனி எனக்கு ஹெராயினைப் போன்றது என்று துதி பாடினால், இதில் மைக்கேல் ஃபாஸ்பெண்டர் பாத்திரம் தன் வருங்கால மனைவி லாராவின் யோனி reigns supreme போன்றது என்கிறார்,

 ஆனால் லாரா கதாபாத்திரத்தில் தோன்றிய பெனலோப்பி க்ரூஸும்  மிக கொடூரமாகச் சாகிறார், 8 எம் எம் படத்தில் வரும் ஸ்நஃப் ஃபில்ம் நினைவிருக்கிறதா? அதே போல மிகக் கொடூரமாக தன் வருங்கால கணவன் கவுன்சிலருக்கு பதிலாக பிணையாகப் பிடித்துச் செல்லப்பட்டு மிகக் கொடூரமாக தலை துண்டாடப்பட்டு சாகிறார். இதில் என்ன ஒரு விஷேஷம் என்றால் ? படத்தின் ஒரு காட்சியில் மைக்கேல் ஃபாஸ்பெண்டரும் ப்ராட் பிட்டும் இந்த ஸ்நஃப் ஃபில்ம் பற்றி பேசுவார்கள், அது அசலில் நடக்கையில் நமக்கு  மயிர் சிலிர்க்கும்படி இருக்கும்.

கவ்ன்சிலரின் மற்றொரு நண்பரான ப்ராட் பிட்டின் சாவும்  கர்ண கொடூரமானது,நான் இந்த நிமிடம் கூட காற்றாய் என் பணத்துடன் மறைவேன்,என்று மார் தட்டும் இவரைக் கூட விட்டு வைக்காமல் சாய்த்து விடுவார்கள், இவரின் கொலைக்குத் தான் இந்த பொலிட்டோ என்னும் "Bolito" கருவியை உபயோகப்படுத்தியுள்ளனர், இதன் முன்னோடியை நம் தமிழ் சினிமாவில் ஆனந்தராஜ் மாநகர காவல் படத்தில் பல வருடங்களுக்கு முன்பே உபயோகித்து நிறைய கழுத்துகளை கம்பியால் சுருக்குப் போட்டு அறுத்து விட்டார், ஆனால் இதில் அதே போன்ற தலை அறுக்கும் கொலைக்கருவியில் ஒரு நவீன ரக அதிவேக மோட்டாரும் பொருத்தியுள்ளனர், ரிசல்ட் பிரமாதம்.

 எந்த கட்டிங் ப்ளையராலுமே துண்டாக்க முடியாத ஒரு அலாய் கம்பி  லூப்பில் நயமாக  மோட்டாரும்  இணைக்கப்பட்டிருக்க, அந்த சுருக்கை மேற்படியானவர் தலையில் நுழைத்து கழுத்தில் இறக்கி சுருக்கை விருட்டென இழுக்க, மோட்டார் இயங்க ஆரம்பித்து ஐந்து நிமிடத்தில் மேற்படியானவர் தலையையே அது துண்டாக்கிக் கொடுத்து விடுகிறது. இதில் கவுன்சிலரின்  நண்பரும் இடைத்தரகருமான வெஸ்ட்ரே [ப்ராட்பிட்] இப்படித்தான் கொல்லப்படுகிறார். இதிலும் என்ன ஒரு விஷேஷம் என்றால்? படத்தின் ஒரு காட்சியில் மைக்கேல் ஃபாஸ்பெண்டரும் ஜேவியர் பர்டெமும் இந்த பொலிட்டோ பற்றி விபரமாகப் பேசுவார்கள்,அது அசலில் நடக்கையில் நமக்கு மீண்டும் மயிர் சிலிர்க்கும்படி இருக்கும்.

மேலும் ப்ராட் பிட்டுக்கு இப்படி சாவது ஒன்றும் புதிதல்ல, ஏற்கனவே பர்ன் ஆஃப்டர் ரீடிங் என்னும் கோயன் சகோதரர்களின் படத்தில் ஹாலிவுட்டின் உச்ச நடிகராக இருந்தும்  மிகுந்த சுயஎள்ளலும் கோமாளித்தனமும் கொண்ட CHAD என்னும் கதாபாத்திரத்தில் விரும்பி நடித்ததை இங்கு நினைவு கூறுகிறேன் ,தன் உடன் பணிபுரியும் பருவம் முதிர்ந்த பெண்மணிக்கு உதவ எண்ணி விளையாட்டாய் வேவு பார்க்கச் சென்று அரசின் வருவாய்த்துறை அதிகாரியாக இருக்கும்  கார்ஜ் க்ளூனியின் வார்ட் ரோபுக்குள் போய் இவர் ஒளிவார்,

குளித்து வெளியேறி உடை மாற்ற வார்ட்ரோப் கதவைத் திறக்கும் கார்ஜ் க்ளூனி, இவரைப் பார்த்து பயந்து தான் 20 வருடங்களாக எப்போதுமே உபயோகித்திராத தன் அரசாங்கத் துப்பாக்கியை பயத்தில் இயக்க, ப்ராட் பிட்  மூளை சிதறி அங்கேயே இறந்து விடுவார், 24 கேரட் டார்க் ஹ்யூமரின் உச்சம் அது. அது போல எந்த ஸ்க்ரிப்டானாலும் ஏற்றுச்செய்யும் நல்ல நடிகனான ப்ராட் பிட் இதிலும் கௌரவம் பார்க்காமல் தோன்றி மடிகிறார்.
பர்ன் ஆஃப்டர் ரீடிங் படத்தின் மிக முக்கியமான அந்தக் காட்சி டார்க் ஹ்யூமரின் உச்சம்.கோயன் சகோதரர்களின் மேதமையின் உச்சம்

படத்தில் மிக முக்கியமான வில்லிக் கதாபாத்திரத்தில் கேம்ரூன் டயஸ் தோன்றியிருக்கிறார், கார்மெக் மெக்கார்த்தியின் ஆண்டன் சிகார் கதாபாத்திரம் போலவே இதில் மல்கினா என்னும் கதாபாத்திரம் மிகவும் தத்ரூபமாக வந்திருக்கிறது, சிறுவயதிலேயே பெற்றோரை ஹெலிகாப்டர் விபத்தில் பறிகொடுத்த மல்கினா,வயிற்றுப் பிழைப்புக்காக பாரில் நடனமாடத் துவங்கியவள் தன் தொழில் கொலைசெய்வதும், குடி கெடுப்பதுமே எனத் தெளிந்தவள்,நிரந்தரக் கொலையாளியாகிறாள்,

 ஒருகட்டத்தில் இவளுடன் பழகுபவர்கள் அடுத்தடுத்து துடி துடித்துச் சாகின்றனர். ஆடவர் அசந்தால்  முதுகில் ஐஸ் கத்தியை இறக்கிவிட்டு நகரும் விட்ச் பாத்திரம், இதில் சிறுத்தைப் புலிகள் இரண்டை வளர்க்கிறார், அவற்றின் கழுத்தை அலங்கரிக்கும் தங்கத்தில் வைரம் பதித்த நெக்லேஸ் வேறு, இவளின் பிரதான பொழுதுபொக்கே அவற்றை முயல் வேட்டைக்கு தன் காதலன் ரைனருடன் [ஜேவியர் பர்டம்] அழைத்துச் சென்று முயல்களை அவை துரத்திச் செல்வதை பைனாகுலரில் பார்ப்பதும் அதன் பின்னே குதிரைச்சவாரி செய்வதும்  தான் . படத்தில்  அந்த சிறுத்தைகள் செய்யும் டார்க்ஹ்யூமர் கூத்தும் பிரமாதமான ஒன்று.

இதில் முக்கியமாக, காமரூன் டயஸ் தன் புதிய காதலன ரெய்னரின் மஞ்சள் நிற ஃபெராரி காரின் மீது மையலுற்றவள், தன் உள்ளாடையை அவிழ்த்து ரைனரிடம் தந்து விட்டு அவனை வாயில் எச்சில் வழிய பார்க்க வைத்து விட்டு,காரின் விண்ட் ஷீல்டின் மீது ஏறி அதை ஆடவனாக நினைத்து வுமன் ஆன் டாப் பொசிஷனில், கால்களை ஜிம்னாஸ்டிக்ஸ் செய்வது போலவும், போல் டான்சர் போலவும் பல்வேறு கோணங்களில் சுயமைதுனம் செய்கிறாள், அந்தக்காட்சியும் மிக அரிதான மிக அற்புதமான மிகப் புதுமையான  காட்சியாகும்.

படத்தில் கவுன்சிலர் என்னும் பாத்திரத்தின் அசல் பெயர் எங்குமே உச்சரிக்கப்படவில்லை, படத்தில் அவர் தன் காதலிக்காக நிச்சயதார்த்த மோதிரம் வாங்கசெல்லும் ஆம்ஸ்டர்டேமில் வைர வியாபாரியாக வரும் டவுன்ஃபால் திரைப்படத்தின் ஹிட்லர் பாத்திரப் புகழ் ப்ருனோ கான்ஸ் நமக்கு, வைரத்தை எப்படி சோதித்துப்  பார்த்து அதன் தரத்தை அறிந்து வாங்க வேண்டும் என்று மிக அழகாக பாடம் எடுக்கிறார். மிக அருமையான காட்சி அது, அதே வைரத்தை ஒரு ஸ்பாவில் வைத்து பெனலூப்பி க்ரூஸின் விரலில் மோதிரமாகப் பார்க்கும் கேமரூன் டியஸ் அதன் தரத்தைப் பற்றி அவருக்கு எடுத்துச் சொல்லும் இடம் அருமையான காட்சி.

படத்துக்கு ஐஎம்டிபி ரேட்டிங் கருமம், ராட்டன் டொமெட்டோ கருமங்கள் எதையும் படிக்காமல் ஆராயாமல் கார்மெக் மெக்கார்த்திக்காகவும், 38 வயது ஹாட் மாமா பெனலோப்பி க்ரூஸுக்காகவும் , நம் அசகாய வில்லன் ஜேவியர் பர்டெமுக்காகவும், ப்ராட் பிட்டுக்காகவும், நம்பிக்கை நட்சத்திரம் மைக்கேல் ஃபாஸ்பெண்டருக்காகவும், இவ்வாண்டின் மிகக் குரூரமான  வில்லியான கேமரூன் டயாஸுக்காகவும் , படம் கொண்டிருக்கும் உன்னதமான இன்னபிற டீடெய்களுக்காகவும் அவசியம் பாருங்கள். உலக சினிமா ரசிகர்கள் தவற விடக்கூடாத படம்.

பொலிட்டோவைப் பற்றி ஜேவியர் பர்டெம் விவரிப்பதைப் பாருங்கள்


இது கேமரூன் டயஸ் மற்றும் பெனலோப்பி க்ரூஸ் தோன்றும் காட்சிகளின் தொகுப்பு ,18+ மட்டும்.

உல்ஃப் ஆஃப் வால் ஸ்ட்ரீட் படத்தின் அட்டகாசமான காட்சி !!!



 உல்ஃப் ஆஃப் வால் ஸ்ட்ரீட் படத்தின்  அட்டகாசமான காட்சிகள் வசனங்கள் என்று குறைந்தது 100ஐச் சொல்லலாம்.அதில் மிகவும் பிடித்தமான ஒன்றைப் பகிர்கிறேன்.படம் பற்றி 5 பதிவுகள் எழுதினால் தான் சரிவரும்.

ஜோர்டியும் நண்பன் டோன்னியும்,எதிர்வரப்போகும் ஸ்டாக் எக்ஸ்சேங்ஞ்ச் கன்ரோலின் விசாரணையையும் எஃப்பிஐயின் கடுமையான கண்காணிப்பையும்,சோதனையையும்  எதிர்கொள்ளும் விதமாக அந்த வார இறுதிக்கு 15 வருடங்களுக்கு முன்னர் எக்ஸ்பைரி ஆன லெம்மன் க்வாலூட்ஸ் என்னும் தூக்க மாத்திரைகளை தருவித்து விழுங்குகின்றனர்.

முழுமையான மரண போதையை உணர வேண்டி,மாத்திரை விழுங்கும் அன்று விடியலிலேயே ஜோர்டி வாயில் விரலை விட்டு வாந்தியெடுத்தும், இனிமா எடுத்தும் தன் சிறு, பெருங்குடலை சுத்தம் செய்கிறார்,அன்று குதூகலத்துடன் மாத்திரையை ஆவலுடன் விழுங்கியவர்கள், எப்போதும் விழுங்கும் டோஸுக்கு போதை தலைக்கு ஏறாமல் போகவே என்ன கருமம் இது? என்று ஏகத்துக்கும் அந்த தூக்க மாத்திரைகளை விழுங்கி விட்டு,ஜிம்மில் சென்று ,அது கைகூட ஒர்க் அவுட்டும் செய்கின்றனர்.

எப்போதுமே 15 நிமிடத்தில் போதை ஏற்றும் தூக்க மாத்திரைகள் 15 வருடங்களில் அதன் வீர்யத்தை மிகவும் இழந்திருக்கிறது,ஆகவே போதை எறும்பு கடித்தார் போல் கூட இல்லை, ஏறக்குறைய மெல்ல கொல்லும் விஷம் போல ஆகிவிட்டிருக்கிறது அம்மாத்திரைகள்,

ஜோர்டிக்கு அப்போது பேஜரில் சட்ட ஆலோசகர் செய்தி தருகிறார்,உன் வீட்டு போன் ஒட்டுக்கேட்கப்படுகிறது,வெளியே வந்து பொது தொலைபேசியில் இருந்து என்னை அழை, அவசரம் என்கிறார், அங்கே கண்ட்ரி க்ளப் சென்று அவரை பொது தொலைபேசியில் அழைக்கும் ஜோர்டி பேச ஆரம்பித்த சில நொடிகளிலேயே வாய் குழற ஆரம்பிக்க,தூக்க மாத்திரை அதன் வேலையைக் காட்டுகிறது,சரியாக போதை தலைக்கேற 90 நிமிடம் பிடிக்கிறது என்பதை ஜோர்டி உணர்கையில் மிகவும் தாமதமாயிருக்கும்.சவம் போல ஜோர்டியை தரையில் கிடத்துகிறது அந்த மாத்திரைகள், அதை ஜோர்டி இப்படி விவரிப்பார்.

அப்போது ஜோர்டியின் வாய்ஸ் ஓவரில் வரும் இந்த வசனத்தைக் கேளுங்கள்.

 //"It took 90 minutes for these little fuckers to kick in, but once they did… POW. I mean I had skipped the tingle phase[மகோன்னத நிலை] and went straight to the drool phase[வாயில் நுரை தள்ளும் நிலை]. These little bastards were so strong I had discovered a whole new phase… the cerebral palsy phase"[பெருமூளை வாத நிலை]//

இந்தக் காட்சியை அவசியம் பாருங்கள் நண்பர்களே,
படிகளில் உருண்டு தன் லாம்போர்கினியில் [Lamborghini Countach]ஏற எத்தனிப்பதையும்,அங்கு காரில் ஒலிக்கும் செல்போனை பகீரதப் பிரயத்தனப்பட்டு எடுத்து  வாய் குழறி தன் மனைவியிடம் பேசும் அந்தக்காட்சியையும்,காரை இயக்கி 10 கிமீக்கும் குறைவான வேகத்தில் ஓட்டிக்கொண்டு வீடு செல்லும் காட்சியையும் பாருங்கள்,அந்தக்காட்சிக்காக ஒரு அசல் காரை நாஸ்தி செய்தனர். அதன் விலை 3லட்சம் அமெரிக்க டாலர்களாம், http://www.hagerty.com/articles-videos/Articles/2014/02/14/Wolf-of-Wall-Street


அக்காட்சியின் முடிவில் இன்னொரு அதகளம் துவங்கும்,அதாவது ஸ்விஸ் பேங்க் ஏஜெண்டிடம் ஜோர்டியின் வீட்டு போனில் இருந்து பேசும் டோன்னிக்கும் போதை உச்சத்தில் இருக்கும்,வாய் குழற அவர்களுக்குள்  நடக்கும் விவாதம் மிக அருமையானது, டோன்னியிடமிருந்து அந்த ரிசீவரை மிகவும் பாடுபட்டு பிடுங்குவார் ஜோர்டி. இந்தப் படம் பற்றி எழுத வேண்டும் என்றால் நிறுத்த முடியாது,அப்படி ஒரு படம். வாய்ஸ் ஓவரில் காருக்கும் எனக்கும் எந்தக் கீறலும் இன்றி வீடு வந்தேன் என்பார் ஜோர்டி,ஆனால் மறுநாள் பார்க்கையில் தான் ஜோர்டி விளைவித்த விபரீதம் நமக்குத் தெரியவரும்,மார்டின் ஸ்கார்ஸேஸியும்,லியார்னடோ டிகாப்ரியோவும் தங்கள் மேதமையின் உச்சத்தில் நின்ற  தருணம் அது.

அந்த அட்டகாசமான வீடியோவை இங்கே பாருங்கள்

இன்சைட் லூவின் டேவிஸ் [Inside Llewyn Davis] [2013] [அமெரிக்கா]



கோயன் சகோதரர்களால் மட்டுமே சில படங்களை சிறப்புறச் செய்ய முடியும்,அது போன்ற ஒரு படம், இன்சைட் லூவின் டேவிஸ்,வாழ்வை எந்த குறிக்கோள்கள் ஏதுமின்றி அதன் போக்கிலேயே வாழும் ஒரு இசைப்பாடகனின் கதை,1960 களின் நியூயார்கின் பிண்ணனியில் சுழலும் கதைக்களம். லூவின் நம்மை ஒருங்கே சிரிக்க,அழ, ரசிக்க, இரக்கப்பட வைக்கிறான். கோயன் சகோதர்கள் அவர்களின் ரசிகர்களை என்றுமே ஏமாற்ற மாட்டார்கள். EXPERIENCE THE UNEXPERIENCED என்னும் பதத்துக்கு ஏற்ற படம் .

கோயன் சகோதரர்கள் க்ளிஷேவிலேயே ஊறியவர்கள்,திளைப்பவர்கள், ஆனால் அவர்களுடைய கிளிஷேக்கள் ரசிக மனம் கவர்பவை,இதில் லூவின் [Llewelyn ]என்னும் பெயரே நோ கன்ட்ரி ஃபார் ஓல்ட் மென் படத்தில் ஜோஷ் ப்ரோலின் செய்த லூவின் மாஸ் [Llewelyn Moss] என்னும் பெயரிலிருந்து பிறந்தது தான்.

படத்தில் லூவீனின் கையில் இருக்கும் ஜிஞ்சர் வகைப் பூனையின் பெயர் Ulysses, இது ஒரு ஆண் பூனை, நம் நாயகன் லூவின் எந்த இலக்குமில்லா இசைப் பாடகன்,வாழாமலே கெட்டவன் என்னும் பதம் சரியாக இருக்கும், காற்றைக் குடித்து, எதிர்ப்படுவோரிடம் சிகரட் கடன் வாங்கி குடித்து, வருமானத்துக்காக காஸ்லைட் என்னும் பப்பில் எப்போதாவது கிடைக்கும் சோலோ பெர்ஃபார்மர் வாய்ப்பில் கிடார் இசைத்து நாட்டார் பாடல்கள் பாடி,கிடைக்கும் சொற்ப காசில் வயிற்றைக் கழுவி,வாங்கிய கடன்களை அடைக்கிறான்.இது தான் லூவினின் பயோடேட்டா.

இவன் சந்திக்கும் நபர் ஆணோ பெண்ணோ,கேட்கும் முதல் கேள்வியே?உன் வீடு எங்கே?வீட்டில் கவுச் [சோஃபா] [couch] உள்ளதா? அன்று இரவு அங்கே தான் தூங்குவான்,கவுச்சில் யாரேனும் வழக்கமாகத் தூங்குவதாக இருந்தாலும் கவலையில்லை, இவனுக்குத் தூங்க தரை போதும், வாழ்வில் திருப்புமுனையே இன்றி தத்தளிக்கிறான்,

தன் நண்பனும் இசையில் பார்ட்னருமான மைக் இவனைப் போன்றே அதிர்ஷ்டமின்மையாலும் வாழ்வின் விரக்தியினாலும்,அடுத்தடுத்த தோல்விகளாலும் உழன்றவன் ப்ரூக்ளின் ப்ரிட்ஜிலிருந்து குதித்து தற்கொலை செய்து கொள்கிறான், இவனின் சென்ற வருடம் வெளியான ஆல்பமான Inside Llewyn Davis எல்பி இசைத்தட்டுகள் கூட சரியாக விற்கவில்லை,

அதை வெளியிட்ட ரெகார்டிங் கம்பெனி கிழவர் தன் நஷ்டத்திலும் கூட இவன் செலவுக்கு சொற்ப பணம் தந்து உதவி வருகிறார்.ஒரு கட்டத்தில் வாழ இடமில்லாதவனுக்கு ஒரு பெட்டி நிறைய இவனுடைய எல்பி ரெகார்டு ஆல்பங்கள் இவனிடமே திரும்பத் தரப்படுகின்றன,வைக்க இடமின்றி ஒண்ட இடம் கொடுத்த நண்பனின் வீட்டில் கிடைத்த இடத்தில் அவற்றை கொண்டு அடைக்கும் படியான வறுமை.ஆனால் அவை எல்லாமே டார்க்ஹ்யூமர் நகைச்சுவை தொனிக்க சொல்லப்பட்டிருக்கிறது, சாதாரண வெகுஜன சினிமாவில் காணமுடியாத டார்க்ஹ்யூமர்கள் அவை.

மொத்தத்தில் லூவின் டேவீஸ் உப்பு விற்கப் போனால் மழை பெய்து,மாவு விற்கப்போனால் காற்றடித்தும் தொலைகிறது,அத்தனை தரித்திரம். படத்தின் ஆரம்பக் காட்சியிலேயே நாம் லூவின் டேவீஸின் ஃபோக் பாடலான Hang Me, Oh Hang Me என்னும் மனமயக்கும் நம்பருடன் துவங்குகிறது, அடுத்த காட்சியிலேயே லூவின் நேற்று அதே பப்பில் வம்பு செய்த பெண்மணியின் கிழட்டுக்கணவனால் மூர்க்கமாகத் தாக்கப்படுகிறான்,இவனால் எதிர்தாக்குதல் செய்யவோ தன்னிலை விளக்கம் அளிக்கவோ கூட தெம்பில்லை,

இதன் மூலம் ஏனென்று கேட்க நாதியற்ற அவன் நிலையை ,ஒரே காட்சியினூடாக நாம் விளங்கிக்கொள்கிறோம், இப்போது காலையில் அவன் ப்ரொஃபசர் வீட்டில் கண்விழிக்கிறான், விடியலிலேயே வேலைக்குச் சென்றுவிட்ட அவருக்கு ஒரு நன்றிக்குறிப்பு எழுதிவைத்து அகல்கையில் அவரின் வளர்ப்புப் பூனை இவனுடனே கதவிடுக்கில் வெளியேறுகிறது,அதை தாவிப் பிடித்து விட்டாலும் திரும்ப உள்ளே அனுப்பமுடியாதபடிக்கு கதவு அடைத்துக்கொள்கிறது,

வேறு வழியின்றி தன்னுடனே அப்பூனையை அழைத்துச் செல்லும் லூவினின் பின்னால் நாமும் அலைகிறோம், அவனின் ஒருவார காலத்தை நாமும் உடனிருந்து வாழுகிறோம். ஒரு படம் என்பது அது கொண்டிருக்கும் காட்சிகளால் ஒரு பார்வையாளனை எப்படி வசீகரித்து கட்டிப்போடவேண்டும் என்பதற்கு சிறந்த எடுத்துக்காட்டு .

கோயன் சகோதரர்கள் படத்தில் படுக்கையறைக்காட்சிகள் பெரும்பாலும் இராது, இருந்தாலுமே அது கதையின் போக்கினூடே வந்து செல்லும், எந்த இடைச்சொருகலோ ஆபாசமோ இன்றியிருக்கும்,ஆனால் அக்காட்சிகளில் டார்க்ஹ்யூமர் தலைவிரித்தாடும்,அதற்கு குறைவே இருக்காது, இதற்கு உதாரணமாக ஃபார்கோ படத்தில் வரும் இரட்டைக் கொலைகாரர்கள் ஒரு மோட்டலின் ஒரே அறையில் வைத்து இரு விலைமாதருடன் உடலுறவு கொள்ளும் காட்சியையும், பர்ன் அஃப்டர் ரீடிங் படத்தில் கார்க் க்ளூனி தன்னுடைய பேஸ்மென்ட் லேத் பட்டறையில் வைத்து உருவாக்கும் டில்டோ ராக்கிங் நாற்காலியும் ஒரு உதாரணம்,

இன்டாலரபிள் க்ரூயல்டி படத்தில் வரும் கள்ளக்காதலும்,த மேன் ஹூ வாஸ் நாட் தேர் படத்தில் வரும் வயது முதிர்ந்தவன் மற்றும் சிறுபெண் இடையே ஆன உறவையும் இங்கே குறிப்பிட்டுச் சொல்லலாம்,இப்படத்தில் படுக்கையறைக் காட்சிகள் எதுவுமே காட்சிகளாக வராமல் வார்த்தைகளாக வருகின்றன, நம் நாயகன் லூவின் கிடைக்கும் இடத்தில் தூங்கி,கிடைக்கும் மங்கையரைப் புணர்பவன், அது அவனுடன் பப்பில் உடன் கிடார் வாசிக்கும் அல்லது பார்வையாளராய் இருந்து இசை கேட்கும் யாராயினும் இருக்கலாம்,

லூவினின் முன்னாள் காதலியும்,இன்னாள் நண்பனின் மனைவியுமான ஜீன் கருத்தரித்திருக்கிறாள். அந்தக் கருவுக்கு காரணம் தன் கணவன் ஜிம்மா அல்லது ,சென்ற மாதத்தில் இவளது வீட்டில் அடைக்கலம் கேட்டுத் தங்கிய லூவனா?எனக் குழம்புகிறாள்,

அது,லூவினுடையதாக இருக்கும் பட்சத்தில் அதைக்கலைக்க எண்ணுகிறாள்,ஜிம்முடையது என்னும் பட்சத்தில் அதை பெற்றெடுக்க எண்ணுகிறாள், ஆனால் அவளால் ஒரு முடிவுக்கு வரமுடியாததால் அதை கலைக்க எண்ணுகிறாள், தன் இழிநிலையால் லூவினை கண்டபடிக்கு ஏசியவள்,கருவைக் கலைக்க அவனிடமே பணம் கேட்கிறாள்,

இனி யாரை நீ புணர்ந்தாலும் இரட்டை ஆணுறை போட்டு புணரவும் என அறிவுறை சொல்லிச் சொல்லி வெறுப்பேற்றுகிறாள்,லூவினால் ஒன்றும் பேச முடிவதில்லை, வாழ்வில் தொட்ட எதுவுமே துலங்காத தனக்கு காதலும் ,குடும்பமும் ஒரு கேடா ? என்று ஜீனை ,தன் நண்பன் ஜிம்மிற்கு [ஜஸ்டின் டிம்பர்லேக்] விட்டுக் கொடுத்தும் விட்டான், அவ்வப்பொழுது இவனது அன்பை ஜீனின் மீது பொழிந்தாலும்,அவள் இவனை கண்டமேனிக்கு ஏசுகிறாள், அவனை லூசர் என்கிறாள். அருவருக்கிறாள், இருந்தும் இவளது வீட்டில் தான் லூவின் அடிக்கடி சென்று அடைக்கலம் கேடுத் தங்குகிறான்,அவளது வீட்டில் தான் இவனது கிடாரும்,இன்னபிற வஸ்துக்களையும் வைத்திருக்கிறான்.

அன்று அப்படித்தான் தான் முந்தையநாள் சென்று தங்கிய ப்ரொஃபஸர் வீட்டுப் பூனையை தன்னுடனே கொண்டு வந்தவன் அதை யார் பராமரிப்பில் எங்கே விடுவது எனத் தெரியாமல் இங்கே கூட்டி வந்து விடுகிறான், இவன் தங்குவதற்கே சலித்துக்கொள்ளும் ஜீன், இவன் கொண்டுவந்த பூனையை சேர்ப்பதாயில்லை,

அந்த வீட்டின் சூழல் அந்த ஜிஞ்சர் ரக பூனையான Ulysses ற்கு பிடிப்பதில்லை,அங்கே லூவின் ஜன்னல் கதவைத் திறந்தது தான் தாமதம் ,வெளியே குதித்து ஓடிவிடுகிறது பூனை.அது அடங்க மறுக்கும் ஒரு பூனையாகும்,லூவின் ப்ரொஃபசர் வீட்டுக்குள் இருந்து வெளியேறியவன் அந்தப் பூனையுடன் பத்திரமாக நடைபோட்டு மெட்ரோ ரயிலில் ஏறி ஜீனின் வீடு வருவதற்குள் பாடாய்படுத்திவிட்டது,

இப்போது எங்கோ ஓடி ஒளிந்தும் விட்டது,தெருவில் சென்று தேடுகிறான் லூவின் , பூனை அகப்படவில்லை, ப்ரொஃபசரின் கல்லூரிக்கு போன் செய்தவன் அவர் அங்கே பாடம் எடுத்துக்கொண்டிருக்க அங்கே ரிசப்ஷனில் நான் லூவின் ப்ரொஃபஸரின் பூனையை வைத்திருக்கிறேன், பூனையைத் தேடவேண்டாம் என அவரிடம் சொல்லுமாறு கேட்கிறான்,எப்படியும் பூனையை தேடிக் கண்டு விடுவோம் என நம்பி பொய் உரைக்கிறான்.

ஆனால் பூனை கிடைக்கவில்லை,மீண்டும் ப்ரொஃபஸருக்கு போன் செய்து பொய் உரைக்கிறான்,இப்போது ஜீனின் கணவன் ஜிம் எழுதி இசையமைத்த ஒரு பாடலை கொலம்பியா தியேட்டரில் சென்று கிடார் இசைத்துப் பாடி,ரெகார்ட் செய்கிறான் லூவின்,இப்படி அடிக்கடி தனக்கு வாய்ப்பு பிடித்துத் தரும் ஜிம்முக்கு துரோகம் செய்கிறோம் என்ற எண்ணம் வந்து போனாலும்,யதார்த்த நிலை நினைவுக்கு வர அதைப் புறந்தள்ளுகிறான், அந்தப் பாடல் பதிவின் முடிவில் கிடைத்த 200 டாலர் பணத்தைக் கொண்டு வந்து ஜீனை ஒரு காஃபிஷாப்பில் வைத்து ரகசியமாக சந்திக்கிறான்.

அவள் விட்டகுறை தொட்டகுறையாக மீண்டும் லூவினை ஏசத் துவங்குகிறாள், பல பெண்களை புணர்ந்து கர்ப்பமாக்கிய பாவத்துக்கு நல்ல கதிக்கே போகமாட்டாய் என மண்ணைவாரித் தான் அவள் தூற்றவில்லை, அவனை அடித்தால் கூட அப்படி காயப்பட்டிருக்கமாட்டான் லூவின்.அப்போது காஃபிஷாப்பின் வெளியே வைத்து அந்தப் பூனை ஓடுவதைப் பார்த்து பகீரதப்பிரயத்தனப்பட்டு ஓடி அதைப் பிடிக்கிறான்.

பூனைக்கு பால் வார்க்கிறான்.அன்றே ஜீனை மருத்துவரிடம் கூட்டிச் சென்று காட்டியவன், தனிமையில் அவருக்கு தான் ஊருக்குச் செல்வதால் முன்பே முழுப்பணம் தர எத்தனிக்க,அவர் வாங்க மறுக்கிறார்,இவன் குழம்பியவன் இதற்கும் ப்ரோபோனோ [இலவச சேவை] செய்ய ஆரம்பித்துவிட்டீர்களா? எனக் கேட்க,

தலையாட்டி மறுத்தவர், நீ போனமுறை ஒரு பெண்ணைக் கூட்டி வந்தாயே? அவளுக்கு பணம் தந்தாய் அல்லவா?அவள் கருக்கலைப்பு செய்யும் முடிவை கைவிட்டு,ஆர்தர் என்னும் அவளது ஊருக்கேச் சென்று குழந்தையை பெற்றுக்கொண்டாள்,

அந்தப் பணத்தை திரும்பத் தர தேடினால் உன் விலாசம் என்னிடம் இல்லை, இரண்டு வருடம் ஓடிவிட்டது,நீ எப்படியும் இங்கே வருவாய் அப்போது கழித்துக்கொள்ளலாம் என எண்ணினேன்,அதனால் இம்முறை அந்த தொகையை இதற்கு கழித்துக்கொள்கிறேன் ,வரும் சனிக்கிழமை ஜீனுக்கு கருக்கலைப்பு என்கிறார்.

லூவினுக்கு 2வருடம்முன்னர் தான் தந்தையாகியதற்கு கொண்டாடுவதா? எத்தனையோ செலவு இருக்க இப்படி என்றோ புணர்ந்ததற்கு 200 டாலர் தண்டம் அழ நேர்ந்து, அது ரத்தானதை நினைத்து மகிழ்வதா?அல்லது,தன் முன்னாள் காதலி தன்னிடம் குழந்தை பெறப்போவதையும் பெற்றதையும் சொல்லிக்கொள்ளாமலே தன் ஊரில் சென்று புள்ளியாய் மறைந்ததை எண்ணி துக்கிப்பதா?என விளங்காத கையறுநிலை.

அன்று மாலையே பூனையைத் தூக்கிக் கொண்டு ப்ரொஃபசர் வீட்டு மணியை அடிக்க,அவர் மகிழ்ச்சியுடன் வரவேற்கிறார். பூனையை அவனிடமிருந்து பெற்றுக்கொண்டவர்,அங்கே குழுமியிருக்கும் நண்பர்களை லூவினுக்கு அறிமுகப்படுத்துகிறார்,

தன் மனைவி அருமையான சமையல் ரெசிபி ஒன்றை தயாரிப்பதாகவும்,இவனும் இங்கே சாப்பிட்டுவிட்டுத்தான் போகவேண்டும் என்றும் அன்புக் கட்டளையிட்டவர்.இவனைப் பாடச்சொல்லி கேட்கிறார், இவன் தயங்க, இவனை அங்கே இருப்பவர்களும் பாடச்சொல்லிக் கேட்க ,இவன் கிடார் இல்லை எனச் சொல்லுவான் எனத் தெரிந்த ப்ரொஃபசர் தன்னுடைய சில்வர் டோன் ப்ராண்ட் கிட்டாரை,நீ வாசிப்பாய்தானே?என்று கேட்டுவிட்டு,கொண்டுவந்து வாசிக்கத் தருகிறார்,

இவன் சுரத்தே இன்றி "Fare Thee Well" என்னும் ஒரு பாடலை கிடார் வாசித்துத் துவங்க,அது பார்ட்னருடன் ,அதாவது இருவர் பாடவேண்டிய பாடல், 2 வரிப்பாடுகையிலேயே அவனுடன் அப்பாடலை இணைந்து பாடிய நண்பன் மைக்கின் நினைவு வந்து விடுகிறது,

ப்ரொஃபஸரின் மனைவி,ஒரு ஆர்வக்கோளாறு பிடித்தவர்,மைக் பாட வேண்டிய பகுதியை நான் பாடுகிறேன் என தாளமிட்டுப் பாட ஆரம்பிக்க, இவனுக்கு சட்டென்று கோபம் தலைக்கேறுகிறது, குய்யோ முறையோ என கத்துகிறான்,

தன் கோட்டை விருட்டென அணிந்தவன் கிளம்ப எத்தனிக்கிறான்,நான் க்ளப்பில் பாடுபவன் தான்,அது எனக்கு பிழைப்பு,அதை வைத்துத் தான் என் தேவையை பூர்த்தி செய்கிறேன்,என தத்துபித்து அங்கே உளறுகிறான்,ப்ரொஃபசரின் மனைவி இதை எதிர்பாராதவர் ஓ என அழத்துவங்குகிறார்,

கோபமிகுதியாலும் அவமானத்தாலும் உள்ளே சென்றவர், மேலும் வீறிடுகிறார், அந்த வரவேற்பறையே நடு நடுங்குகிறது,வேகமாக வெளியே வந்தவர் ,இது என்ன? என்று பூனையைக் காட்டி லூவினை நோக்கிக் கேட்க,அவன் உங்கள் பூனை என்கிறான்,அவர் இல்லவே இல்லை,

இது என் பூனை கிடையாது,அவ்வளவு ஏன் இது ஆண் பூனை கூட கிடையாது,ஆண்பூனை தான் என்றால் இதன் விதைப்பை எங்கே? என்று கேட்டு திகைக்கிறாள்,எல்லோரையும் திகைக்க வைக்கிறாள்,பூனையை லூவினிடமே பலவந்தமாகத் திணிக்கிறாள்,

இப்போது கொட்டும் மழையில் தன் வாய்க்கொழுப்பினால் வாங்கிக்கட்டிக்கொண்டதை எண்ணி நொந்தபடி, தன் கேஸ்லைட் பப்பின் வாசலில் காரில் சிகாகோவுக்கு பயணிக்கும் இரண்டு இசைக்குழு சகாக்களைப் பார்க்கிறான்,பூனையை தெருவில் அநாதையாக விடவும் மனமில்லை, சிகாகோவில் இருக்கும் ஒரு ஆர்கெஸ்ட்ரா தியேட்டரின் பப்பில் சென்று சோலோ பெர்ஃபார்மர் வாய்ப்பு கேட்க நாளை கிளம்ப இருந்தவன்,அந்த சகாக்கள் எங்கே செல்கின்றனர் எனக்கேட்க, அவர்களும் சிகாகோ போவதை அறிந்தவன் அவர்களுடன் இன்றே பயணிக்கிறான்.

இனி என்ன ஆகும்?
திரைப்படத்தில் பாருங்கள் நண்பர்களே,படம் ஆரம்பம் முதல் முடிவு வரை அதகளம் தான்,இரு சிங்கங்கள் சுமார் இரு வருடம் கழித்து களமிறங்கி அடித்து விளையாடிய படம், இப்படத்துக்கு கொடுக்காத விருது விருதே அல்ல, இப்படத்தினால் தான் விருதுக்கு பெருமையே தவிர, ஆஸ்கர் என்னும் விருதின் அளவுகோல் கொண்டு இப்படத்தை அளக்கலாகாது,எனக்கு படத்தை முழுதும் எழுத ஆசை தான்,ஆனால் நீங்களும் படத்தை அனுபவிக்க வேண்டும் என்னும் நல்லெண்ணத்தினால் இங்கேயே நிறுத்தி விடுகிறேன்.படம் இப்புள்ளியில் ஒரு சிறப்பான ரோட் மூவியாக பரிமாணம் பெறுவதை நீங்கள் நிச்சயம் உணர்வீர்கள்.

படம் தரவிறக்க சுட்டி:-
http://torrentz.eu/4ced61e54e0eebce3f7a37c0ddf6a912095a02c7

படத்தில் வரும் அருமையான பாடல்களை ஆன்லைனில் கேட்க
http://www.nonesuch.com/albums/inside-llewyn-davis


 
Related Posts Plugin for WordPress, Blogger...

குறிச்சொற்கள் வைத்து தேடிப்படிக்க

சமூகம் (379) தமிழ் சினிமா (254) உலக சினிமாபார்வை (186) கமல்ஹாசன் (130) சென்னை (82) கட்டிடக்கலை (80) மலையாளம் (80) கட்டுமானம் (73) ஹேராம் (54) கே.பாலசந்தர் (46) வாஸ்து (46) இசைஞானி (44) கலை (43) ஆன்மீகம் (39) ஃப்ராடு (33) உலக சினிமா (33) சினிமா (33) தமிழ்சினிமா (25) விமர்சனம் (22) மனையடி சாஸ்திரம் (21) ஓவியம் (20) உலக சினிமா பார்வை (17) சினிமா விமர்சனம் (15) இசை (14) மோகன்லால் (14) இலக்கியம் (12) திரைப்படம் (12) ரஜினிகாந்த் (12) ஒளிப்பதிவு (11) அஞ்சலி (10) அரசியல் (10) பாலிவுட் (10) மோசடி (10) விருமாண்டி (10) கோயன் பிரதர்ஸ் (9) சுஜாதா (9) இந்தியா (8) சத்யஜித் ரே (8) சரிதா (8) சுகுமாரன் (8) பாலு மகேந்திரா (8) மகாநதி (8) ஸ்ரீவித்யா (8) அயல் சினிமா (7) எம்ஜியார் (7) சிவாஜி கணேசன் (7) சீன வாஸ்து (7) ஆக்கம் (6) உலகசினிமா பார்வை (6) நடிப்பு (6) நட்பு (6) நூல் அறிமுகம் (6) மதுரை (6) அமீரகம் (5) கவிஞர் கண்ணதாசன் (5) திலகன் (5) தேவர் மகன் (5) நகைச்சுவை (5) பாரதிராஜா (5) மம்மூட்டி (5) மோகன் லால் (5) மோடி (5) இனப்படுகொலை (4) இளையராஜா (4) ஐவி சஸி (4) சுஹாசினி (4) ஜெயலலிதா (4) டார்க் ஹ்யூமர் (4) தமிழ் (4) நகர வடிவமைப்பு (4) நடிகர் திலகம் (4) நடைபயிற்சி (4) நவாஸுதீன் சித்திக்கி (4) பத்மராஜன் (4) பப்பேட்டா (4) பம்மல் (4) பரதன் (4) பரத்கோபி (4) பெங்காலி சினிமா (4) லாரி பேக்கர் (4) விருட்ச சாஸ்திரம் (4) ஆரோக்கியம் (3) எழுத்தாளர் (3) எழுத்தாளர் சுஜாதா (3) கவிதாலயா (3) சரத்பாபு (3) சிபி மலயில் (3) சிவகுமார் (3) ஜெயராம் (3) தாஸேட்டா (3) திருநீர்மலை (3) திரைவிமர்சனம் (3) துபாய் (3) தெலுங்கு சினிமா (3) நாயகன் (3) நெடுமுடிவேணு (3) பாரதியார் (3) புத்தக விமர்சனம் (3) மம்முட்டி (3) மரண தண்டனை (3) மலேசியா வாசுதேவன் (3) மீரா நாயர் (3) யேசுதாஸ் (3) ராஜேஷ் கண்ணா (3) லோஹிததாஸ் (3) வாகனம் (3) ஷோபா (3) ஸ்ரீதர் (3) ஸ்ரீதேவி (3) ஃப்ரென்சு சினிமா (2) அம்மா (2) ஆஸ்திரிய சினிமா (2) இனவெறி (2) இரானிய சினிமா (2) உலகம் (2) எம் எஸ் வி (2) ஏ.பி.நாகராஜன் (2) சத்யன் அந்திக்காடு (2) சமூக சேவை (2) சிந்தனை (2) சிறுகதை (2) சேரன் (2) ஜி.நாகராஜன் (2) ஜெயசூர்யா (2) ஜெயன் (2) டார்க்ஹ்யூமர் (2) திரை விமர்சனம் (2) தெலுங்கு (2) நாகராஜ் மஞ்சுளே (2) நிலம் (2) பாலகுமாரன் (2) பிஜேபி (2) பெட்ரோல் (2) மகாகவி (2) மகேந்திரன் (2) மதுவிலக்கு (2) ராஜா ரவிவர்மா (2) ராஜ்கபூர் (2) ரித்விக் கட்டக் (2) ருத்ரையா (2) ரோமன் பொலன்ஸ்கி (2) லதா மங்கேஷ்கர் (2) லோஹி (2) விஜயகாந்த் (2) விஜய்காந்த் (2) வித்யாசாகர் (2) வைரமுத்து (2) ஷோபனா (2) ஹிந்தி (2) ஹெல்மெட் (2) ஹேமமாலினி (2) A.K.லோஹிததாஸ் (1) ஆஸ்திரேலிய சினிமா (1) இன அழிப்பு (1) இன்ஸெஸ்ட் (1) இயக்குனர் சிகரம் (1) இஸரேலிய சினிமா (1) இஸ்ரேல் (1) எம்.எஸ்.சுப்புலட்சுமி (1) எஸ்.எஸ்.வாசன் (1) எஸ்.பி.முத்துராமன் (1) ஏ.வின்செண்ட் (1) கங்கை அமரன் (1) கட்டுமானக்கலை (1) கட்டுரை (1) கதை (1) கம்யூனிஸ்ட் (1) கலை இயக்கம் (1) கே.ஜே.ஜேசுதாஸ் (1) கௌரவக் கொலை (1) க்வெண்டின் (1) சங்கராடி (1) சசி கபூர் (1) சந்தோஷ் சிவன் (1) சரிதா தேவி (1) சஷி கபூர் (1) சாதிவெறி (1) சி.சு.செல்லப்பா (1) சிக்கனம் (1) சிரிப்பு (1) சிறுவர் சினிமா (1) சில்க் (1) சில்ஹவுட் (1) சிவாஜி (1) சீமா பிஸ்வாஸ் (1) ஜானகி (1) ஜிகிலோ (1) ஜீனத் அமன் (1) ஜூஹிசாவ்லா (1) ஜெஃப்ரி ரஷ் (1) ஜெயபாரதி (1) ஜெயப்ரதா (1) ஜேவியர் பர்டம் (1) டாக்மி 95 (1) டார்க் காமெடி (1) தஞ்சை பெரிய கோவில் (1) தண்டனை (1) துருக்கி சினிமா (1) தூக்கு தண்டனை (1) தெரு நாய் (1) நடிகர் நாசர் (1) நன்றி (1) நவீன இலக்கியம் (1) நாஜி (1) நார்வே சினிமா (1) நியோ நுவார் (1) நீதி (1) நுவார் (1) ப.சிங்காரம் (1) பக்தி இலக்கியம் (1) பஞ்சு அருணாச்சலம் (1) படுகொலை (1) பதேர் பாஞ்சாலி (1) பரதம் (1) பல்லாவரம் சந்தை (1) பான் நலின் (1) பாஸ்கர குரூப்பு (1) பாஸ்போர்ட் (1) பிசி ஸ்ரீராம் (1) பிஜு மேனன் (1) பீடோஃபீல் (1) புலமைப்பித்தன் (1) பூ அறிவோம் (1) பூஜா பட் (1) பூர்ணம் விஸ்வநாதன் (1) பூலான் தேவி (1) பெல்ஜிய சினிமா (1) பேசும்படம் (1) பேட்டி (1) பேரழிவு (1) போபால் (1) போர்வெல் மரணம் (1) போலந்து சினிமா (1) போலீஸ் (1) மக்கள் உயிர் (1) மஞ்சுளா (1) மன ஊனம் (1) மனமுறிவு (1) மரகதமணி (1) மராத்திய சினிமா (1) மருதகாசி (1) மருதம் (1) மறுமணம் (1) மிருகவதை (1) முகநூல் (1) மெயின் ஸ்ட்ரீம் சினிமா (1) மோனிகா பெலுச்சி (1) மௌசமி சேட்டர்ஜி (1) யூதர்கள் (1) ரகுவரன் (1) ரவீந்திரன் மாஷே (1) ராகுல் (1) ராகுல் போஸ் (1) ராஜாரவிவர்மா (1) ராஜீவ் (1) ராஜ்கிரண் (1) ராமச்சந்திர பாபு (1) ராவுத்தர் (1) ராஹுல் போஸ் (1) ரிச்சர்ட் அட்டன்போரோ (1) ரிதுபர்ன கோஷ் (1) ரிஷிகபூர் (1) ருமானியா (1) ரோமன் பொலஸ்கி (1) ரோமுலஸ் விட்டேகர் (1) லஞ்சம். (1) லாக்டவுன் (1) லூயி.ஐ.கான் (1) லூயிகான் (1) லைசென்ஸ்ராஜ் (1) வாணிஜெயராம் (1) வி.குமார் (1) விசாகப்பட்டினம் (1) விடுமுறை (1) விபத்து (1) விமான விபத்து (1) விம் வாண்டர்ஸ் (1) வீ.ஆர்.கிருஷ்ணயர் (1) வூடி ஹாரல்சன் (1) வேணு (1) வைக்கம் முகமது பஷீர் (1) ஷாஜி கருண் (1) ஷார்ஜா (1) ஷிண்ட்லர்ஸ் லிஸ்ட் (1) ஸ்டீவன் ஸ்பீல்பெர்க் (1) ஸ்ரீப்ரியா (1) ஹிட்லர் (1) ஹேமா சவுத்ரி (1)