மதுரை தங்கம் திரையரங்கம்

22 வருடங்கள் பூட்டியிருந்த முன் கேட்
துரை தங்கம் திரையரங்கம் இடிப்பு பற்றிய இந்த ஹிந்து செய்தி படித்தவுடன் மிகவும் கலங்கினேன். 1950கள் முதல் 1990வரையான மதுரையின் மாந்தர்கள் அனைவருக்குமே மறக்க முடியாத திரையரங்கம், ஆசியாவிலேயே பெரிய திரையரங்கம் என்பார்கள் மதுரைவாசிகள்.

கடைசியாக 2011 ல் மதுரை போன போது கூட தங்கம் திரையரங்கம் பற்றி கேட்டு ஒரு எட்டு போய் பூட்டியிருக்கும் கேட்டை ஏக்கத்துடன் பார்த்துவிட்டு வந்தேன். பெரிய பாழடைந்த பேய் வீடு போல தோற்றமளித்தது. எத்தனை பேரை குதூகலப்படுத்திய தியேட்டர்,எத்தனை பேர் திரள் திரளாக வந்து போன இடம்?!!!எத்தனை பேரின் வாழ்வாதாரமாக இருந்திருக்கும்?எத்தனை 50 நாள்.100 நாள் கொண்டாட்டங்களைக் கண்டிருக்கும்? 2 பங்குதாரர்களின் வாரிசுகளுக்குள் பாகப்பிரிவினை பிரச்சனை, வழக்கு நடந்து கொண்டிருக்கிறது, இப்போது இங்கே சதுரஅடி 10000 ரூபாய்க்கும் மேலே,52000 சதுர அடி எவ்வளவு போகும்?!!!  என மாமா நிறைய சொன்னார்.

கேட்டதுமெ ஒரு விதமான மென்சோகம் மனதை அழுத்தியது. தங்கம் தியேட்டரின் பிரதான பங்குதாரர் குடும்பம் மதுரை கீழ அனுமந்தராயன் கோவில் தெருவில் தான் வசித்தனர். அவரின் மகன் எங்கள் காம்பவுண்டில் வசித்த அவரின் நண்பர்களைப் பார்க்க வரும்போது எப்படியோ பேசி அங்கே அந்த வாரம் வெள்ளிக்கிழமை திரையிட்டிருக்கும் படத்துக்கு பாஸ் வாங்கிவிடுவேன், பாஸ் என்பது வேறு ஒன்றுமில்லை,சிகரட் அட்டை போல ஒன்றில் இவரை அனுமதி என்று கையெழுத்து போட்டு தருவது தான்.காசு கொடுக்காமல் பாஸ் வைத்து படம் பார்த்து விட்டு வருவதில் எனக்கு அப்படி ஒரு பெருமை இருந்தது.

மதுரை நகரின் மையத்தில் ,கீழ் அனுமந்தராயன் கோவில் தெருவில் இருக்கும் பொன் லாட்ஜில் 4 மாடிகள் முழுக்க வினியோகஸ்தர்கள் ஆபீஸ் இருந்தது, தயாரிப்பாளர்  ஜிவியே பயந்த ஒரு பொட்டுக்கார தயாரிப்பாளர், இங்கே தான் ஆஃபீஸ் வைத்திருந்தார். எம்ஜியார் ,சிவாஜி, ஜெய்சங்கர்,ரஜினி கமல் படங்களின் வினியோக உரிமையை வாங்கி அருகாமையில் உள்ள தியேட்டர்களுக்கு மறு வெளியீட்டுக்கு கொடுக்கும் ஒரு அறையில் இயங்கிய அலுவலகங்கள் அவை, ஒரே ஒரு சிப்பந்தி தான் இருப்பார், அங்கேயே தங்கிக் கொள்வார், அவரே பெருக்குவார், அவரே படப்பெட்டிகளை போஸ்டர்களை  டெலிவரி செய்வார். இப்போது இருக்குமா? தெரியாது. அப்படி நான் பாஸ் வாங்கிப் பார்த்த படங்கள் எண்ணிலடங்காது. நான் தெருக்கார பையன் என்பதால் எப்படியோ பாஸ் கிடைத்துவிடும், மதுரையில் படம் பார்ப்பதே அலாதிதான், ஒரு படத்துக்கு டிக்கட் கிடைக்காவிட்டாலும் சைக்கிளை நாலு மிதி மிதித்தால் அருகே உள்ள தியேட்டரில் டிக்கட் கிடைத்துவிடும், எல்லா புதிய பழைய படங்களையும் பார்த்துவிட முடியும்.

தங்கம் திரையரங்கின் முகப்பு இடிக்கப்படுகையில்
அதில் தங்கம் திரையரங்கம் என் விருப்பத்துக்கு உரியது,அத்தனை பெரிய பிரம்மாண்ட திரையரங்கம் அது, திரையரங்கத்துக்குள் அமர்ந்து இருப்பது நேரு உள் விளையாட்டு அரங்கத்துக்குள்   அமர்ந்து இருப்பது போல இருக்கும், அத்தனை காற்றோற்றமாகவும் கதவையும் திரையை திறந்த உடன் மிக வெளிச்சமாகவும் இருக்கும்.புழுங்காது, பால்கனி டிக்கெட் அப்போது 5-00 ரூபாய், கீழே முதல் வகுப்பு 3-75 ரூபாய், அத்தனை சொகுசாக இருக்கும் அதன் இருக்கைகள், ஆள் எழுந்தவுடன் மடிந்து கொள்ளும் சிகப்பு வண்ண குஷன் இருக்கைகள். மொசைக் தரையுடன் அதன் முகப்பு பால்கனி தூண்கள் ,சுவர்கள் செட்டிநாடு அரண்மனைப் போல பளபளவென இருக்கும், சுண்ணாம்புக்கலவையுடன் முட்டையின் வெள்ளைக்கருவும், கிளிஞ்சலும், கடுக்காயும் கலந்த கலவையில் மெருகேற்றியது என்பார்கள்.மதுரை நகரை எங்கும் நடந்தே கடக்கலாம் என்றாலும் சைக்கிள் டோக்கன் ஏற்கனவே வாங்கி விட்டிருந்தால் சினிமாவுக்கு டிக்கெட் கிடைப்பது உறுதி என்பதால் நான் வாடகைக்கு சைக்கிள் எடுத்துக்கொண்டு சென்றுவிடுவேன்.

பரபரப்பான நகருக்குள் பரந்து விரிந்த ஒரு கட்டிடம், பார்க்கிங்கிற்கு இடப்பற்றாக்குறையே இருக்காது, சுமார் 1000 சைக்கிள்கள் நிறுத்த தோதான ஷெட் இருக்கும், அந்த 30 அடி அகல மேல பெருமாள் மேஸ்திரி தெருவில்  இப்படி ஒரு பெரிய திரையரங்கம் இருக்கும் என வெளியூர்காரர்கள் யாரும் எதிர்பார்க்கமாட்டார்கள்,பகல் வேளைகளில் அங்கே காக்கா தோப்பு தெருவில் இருக்கும் ஸ்ரீராம் மெஸ்ஸில் சாப்பிட்டு விட்டு படம் பார்க்கசெல்வது எனக்கு மிகவும் விருப்பமானது,இரவு வேளைகளில் அதே தெருவில் ஒரு பிராமணர் வீட்டில் சுடச்சுட இட்லியும்,மிளகாய்பொடி,ஊசி மருந்து பாட்டிலில் சுத்தமான நல்லெண்ணெய் நிரப்பி அடுக்கியிருப்பர்,அதனுடன் 3 வித சட்னியும் உண்டு, மிளகாய் பொடியில் தோய்த்த தோசையும் கிடைக்கும்,காபியும் பிரமாதமாக இருக்கும்,அதை ஒரு கட்டு கட்டி விட்டு திரையரங்கிற்குள் நுழைந்து விடுவேன்.

திரையரங்கிற்கு பின் வாசல் கேட் ஒன்று காக்கா தோப்பு தெருவில் இருக்கும். கடைசிக்காட்சி நடுநிசி 1-30 மணிக்கு முடிகையில் திருவிழா கூட்டத்தை அங்கே பார்க்கலாம். அதன் பின்னர் கூட சுடச்சுட இட்லியோ தேங்காய் பாலோ சாப்பிட்டு விட்டு வீட்டுக்கு போகலாம்,அதுதான் தூங்கா நகரம். திரையரங்கில் ஒரே பிரச்சனை மூட்டை பூச்சி தான்,படம் முடிந்து போகையில் ஒன்று இரண்டாவது கடித்து சிவந்து விட்டிருக்கும், இருந்தும் அடுத்த படம் அங்கே பார்க்கும் பரவசத்தில் அதெல்லாம் மறந்துவிடும்.

தங்கம் திரையரங்கில் முண்ணனி நடிகர்கள் படம் ஃபஸ்ட் ரிலீஸ் திரையிடமாட்டார்கள்,  பராசக்தியும், நாடோடி மன்னனும் விதிவிலக்கு, பராசக்தி கட்டிட வேலை முடிவில் இருக்கும் போதே ரிலீஸ் செய்தனர் எனப் படித்தேன். டிக்கட் கூட தங்க நிற ஜிகினா பேப்பரில் கொடுத்ததாக மாமா சொல்வார். அதன் பின்னர் 1958ல் நாடோடி மன்னன் இதில் ஒரு படம் மதுரை சென்ட்ரல் அல்லது நியூசினிமாவில் 100நாள் ஓடுவதும் இதில் 50 நாள் ஓடுவதும் சமம், அதில் 800 பேர் அமர்ந்தால் இதில் 2563 பேர் அமரலாம், ப்ரொஜெக்டர், திரையின் நீளம், ஒலியமைப்பு எல்லாம் அப்போதைக்கு மிகச்சிறப்பான தொலைநோக்காக இருக்கும். படத்தில் வெண்திரைக்கு முன்னே சிகப்பு பட்டுத்துணியில் திரை போடப்பட்டிருக்கும், அதில் குஞ்சங்களுக்கு பதிலாக பல்புகள் ஒளிந்தபடி இருக்கும், திரை மெல்ல இசையுடன் விலக்கும் போது கைதட்டல் பலமாக கேட்கும். ரசமான காட்சிகள் அவை. படத்தின் இடைவேளையில் சுவையான கோன் ஐஸ், ஆரஞ்சு, திராட்சை ரசம், டிவிஎஸ் முறுக்கு,முட்டை போண்டா எல்லாமே மிகப் புகழ்பெற்றவை. அப்போது நடிகர்களுக்குள் நாள் கணக்கு போட்டி உச்சத்தில் இருந்தமையால் ஃபர்ஸ்ட் ரிலீஸ் படங்கள் , இங்கே திரையிடுவது அபூர்வம், செகண்ட் ரிலீஸ் செமையாக கல்லா கட்டும்.

நான் அங்கே டவுன் ஹால்ரோடு ரோசரி சர்ச் பள்ளியில் மூன்றாம் வகுப்பு படிக்கையில் மாணவர்கள் ஆசிரியர்கள் குழுவாக வந்து காஷ்மீரி என்னும் விவேகமான கழுதையின் படம் ஒன்று 1984ஆம் ஆண்டு தங்கத்தில் முதன் முதலாகப் பார்த்தேன், அதன் பின்னர் நிறைய புராணப்படங்கள் தத்தாத்ரேயா, லவகுசா,சம்பூர்ண ராமாயணம், சரஸ்வதி சபதம்,அருள்தரும் ஐயப்பன், என ஆரம்பித்து ஒவ்வொரு ஆண்டு விடுமுறைக்கும் மதுரைக்கு போகையில் ரிட்டர்ன் ஆஃப் த ட்ராகன், ஜேம்ஸ் பாண்ட் படங்கள், பருவ ராகம், உதயம்,இணைந்த கைகள் என நிறையப் பார்த்திருக்கிறேன், கடைசியாக நான்  அங்கே பார்த்த படம் அமரன்.

எந்த ஒரு 70 எம் எம், சினிமாஸ்கோப் படங்களும் தங்கத்தில் பார்க்க அட்டகாசமாக இருக்கும்,ஜேம்ஸ் பாண்ட் படங்கள் சொல்லவே வேண்டாம்,எங்கே மூலையில் அமரந்து பார்த்தாலும் எல் ஈ டி டிவியில் படம் பார்ப்பது போல இருக்கும்.  நானும் வாழ்வில் எத்தனையோ திரையரங்குகளில் எத்தனையோ படங்கள் பார்த்துவிட்டேன், எதுவுமே மனதுக்கு இத்தனை நெருக்கமாக நீங்கா அனுபவமாக இருந்ததில்லை, தங்கம் திரையரங்கம் இந்த தலைமுறைக்கு புழக்கத்தில் வராமலேயே வழக்கொழிந்து போனது அவர்க்கு பேரிழப்பே!!!. எனக்கு அஞ்சலி ,வாழ்த்து, கட்டுரைகளில் நம்பிக்கை இருந்ததில்லை, இருந்தாலும் இக்கட்டுரையை தங்கம் திரையரங்கத்தின்  நினைவாக  சமர்ப்பிக்கிறேன்.

மதுரை பற்றிய என் இன்னொரு பதிவு
 மதுரை பற்றி ந.முருகேச பாண்டியன் எழுதிய முக்கிய கட்டுரை-1  
மதுரை பற்றி ந.முருகேச பாண்டியன் எழுதிய முக்கிய கட்டுரை-2 
மதுரை பற்றி ந.முருகேச பாண்டியன் எழுதிய முக்கிய கட்டுரை-3 
படங்கள் ,சுட்டிகள் நன்றி:-இணையம்,கீற்று,தி ஹிந்து

10 comments:

பெயரில்லா சொன்னது…

http://azhiyasudargal.blogspot.ae/2011/01/blog-post_29.html

Jackiesekar சொன்னது…

அன்பின் கார்த்தி...

இந்தத தியேட்டரில் ஒரே ஒரு படம் பார்த்து இருக்கின்றேன்.. கடலூரில் இருக்கும் முத்தையா தியேட்டர் போல மிகப்பெரிதாக இருக்கும்.,..


மதுரையை தூங்கா நகரமாக மாற்றியதற்கு இந்த திரையரங்கமும் காரணமாக இருந்து இருக்கலாம் என்பது என் அனுமானம்..


2500 பேர்களில் உதாரணத்தக்கு 1500 பேர் சினிமா ஆசையில் சாப்பிடாமல் படம் பார்க்க சென்று விட்டால்...? அவர்கள் பசியை போக்க ஒரு ஓட்டல் முதலாளிக்கு பொறுப்பு இருக்கின்றது அல்லவா..? சும்மா இது கேஸ் தான்.

அப்படித்தான் இரவு ஒன்றரைக்கு மேல் இருக்கும் இரவு நேர கடைகள் தொடர்ந்து இயங்க இந்த தியேட்டர் ஒரு முக்கிய காரணமாகும். .

அதே போல.. தமிழகத்தின் நடுப்பகுதி மதுரை என்பதால் தென்மாவட்ட பயணிகள்.. மதுரை போய் வீட்டால் சொந்த ஊர் போய் சேர்ந்து விடலாம் என்று வடமாவட்டங்களில் இருந்து தென்மாவட்டத்துக்கு வந்து குவியும் பயணிகளும் அதிக இரவு நேர கடைகளுக்கு ஒரு காரணம் என்றும் சொல்லாம்.

மற்ற படி நல்ல கட்டுரை. நினைவில் நிற்கும்.

மகிழ்வித்து மன்னோடு மண்ணாக போன திரை அரங்கம் என்று ஒரு தொடர் எழுதி போஸ்ட் செய்யப்படாமல் ஒரு தொடர் எனது டிராப்டில் இருக்கின்றது...


பிரியங்களுடன்
ஜாக்கிசேகர்.

Karthikeyan Vasudevan சொன்னது…

@ஜாக்கி சேகர்
அண்ணே,நீங்களும் இதில் படம் பார்த்தது குறித்து மிக்க மகிழ்ச்சி,உங்கள் கால ஓட்டத்தின் காணாமல் போனவையில் அந்த மகிழ்வித்து மண்ணாக போன திரை அரங்கத்தையும் வெளியிடுங்கள்,ஒவ்வொருவருக்கும் மனதுக்குள் ஒரு சினிமா பாரசைசோ இருக்கும் என்பது தான் எவ்வளவு உண்மை?நன்றி அண்ணே

Subramaniam Yogarasa சொன்னது…

ஹூம்.............இன்னுமின்னும் எத்தனையோ திரை அரங்குகள் காணாமல் போய் விட்டன!ஒரு திரை அரங்கம் காணாமல் போன கதை கூட அண்மையில் ஒரு திரைப் படமாக வந்தது(சட்டென்று பெயர் வரமாட்டேன்,என்கிறது)

உலக சினிமா ரசிகன் சொன்னது…

ஒரே ஒரு படம்தான் இந்த தியேட்டரில் பார்த்து இருக்கிறேன்.
1980களில் சிம்மக்கல்லில் வீடியோ கேசட் கடை வைத்திருந்த எனது நண்பர் ஜானி அவர்கள் இந்த தியேட்டர் பற்றி கதை கதையாக சொல்வார்.
மதுரையின் மகத்தான திரைச்சொத்து தங்கம் தியேட்டர்.
அதன் கட்டிட வடிவமைப்பே அத்தனை அழகாக இருக்கும்.
தனியார் சொத்தாக இருந்தாலும் இது போன்ற கலைச்சொத்துக்களை இடிக்க விடக்கூடாது.
திரைப்படங்களை வெளியிட விடாமல் செய்வதற்கு காட்டும் ‘விஸ்வரூப’ அக்கறையை...
கொஞ்சம் இது போன்ற விஷயங்களில் காட்டலாம்.

நாளைய...
வரலாறு நன்றி நவிலும்.

Karthikeyan Vasudevan சொன்னது…

@உலக சினிமா ரசிகன்.
நீங்கள் சொன்னது மிகவும் சரியானது,இது போன்ற அரிய பொக்கிஷங்களை நாட்டுடைமை ஆக்கிவிட்டு அதற்குண்டான பொருளை அக்குடும்பத்தாரிடம் கொடுத்துவிடவேண்டியது,நன்றி

பெயரில்லா சொன்னது…

குலசேகர பாண்டியன் -> 1168 – 75.
மாறவர்மன் சுந்தரபாண்டியன் -> 1216 – 38.
பாராக்ரம பாண்டியன் -> 1315 – 47.
விஸ்வநாத நாயக்கர் -> 1529 – 64.
கிருஷ்ணப்பா நாயக்கர் -> 1564 – 72.
வீரப்ப நாயக்கர் -> 1572 – 94.
கிருஷ்ணப்பா நாயக்கர் -> 1595 – 1601.
முத்துகிருஷ்ணப்பா நாயக்கர் -> 1601 – 09.
முத்து நாயக்கர் -> 1609 – 23.
திருமலை நாயக்கர் -> 1623 – 1659.
ரௌதிரபதி அம்மாள் மற்றும்
தோளிமம்மை -> 1623 – 59. (Wives of ThirumalaiNaicker )
முத்து வீரப்ப நாயக்கர் -> 1659
சொக்கநாத நாயக்கர் -> 1659 – 82.
முத்து வீரப்ப நாயக்கர் -> 1682 – 89.
விஜயரங்க சோகநாத நாயக்கர் -> 1706 – 32.
மீனாட்சி அரசி -> 1732 – 36

பெயரில்லா சொன்னது…

யுக புருஷன் பாரதியே காணி நிலம் கேட்டு பராசக்தியை இறைஞ்சி நின்ற போது, சாதாரண மனிதர்களுக்குக் கேட்கவா வேண்டும்?

சொந்தமாய் வீடு என்ற கனவை நனவாக்குவதில் நடுத்தர வர்க்கத்தினருக்கு இரண்டு சிக்கல்கள் இருக்கின்றன.

முதலாவது சிக்கல், தாறுமாறாக உயர்ந்து கிடக்கும் ரியல் எஸ்டேட் விலை. நீங்கள் 2005க்கு முன்பு வீட்டு மனை வாங்கியிருந்தால் நிச்சயம் கொடுத்து வைத்தவர்தான். அதன் மதிப்பு நீங்கள் கணக்குப் போட்டதைவிட பல மடங்கு உயர்ந்திருப்பதை எண்ணி உள்ளம் பூரிக்கலாம். ஆனால், அன்றைக்கு வாங்கத் தவறியவர்கள், வாங்க இயலாதவர்கள் இன்று வாங்க நினைத்தால், எவ்வளவு செலவிட வேண்டியிருக்கும் என்பதை நினைத்துப்பார்க்கவே பயமாக இருக்கிறது.

இரண்டாவது சிக்கல், மணல், ஜல்லி, சிமென்ட், கம்பி, செங்கல் போன்ற கட்டுமானப் பொருள்களின் விலையும், கட்டுமானப் பணியாளர்களின் கூலி. மழை பெய்தால் ஒரு விலை, டீசல் விலை ஏறினால் ஒரு விலை, சென்னையில் ஒரு விலை, கோவையில் ஒரு விலை என மணல் விலை ஒரு வட்டத்துக்குள் அடக்க முடியாதபடி இருக்கிறது. செங்கல்லின் கதையும் மணலுக்குச் சளைத்ததில்லை.

இப்படி ஏகப்பட்ட சிக்கல்கள் இருந்தாலும், எங்கு திரும்பினாலும் ரியல் எஸ்டேட் விளம்பரங்கள் கண்ணைக் கட்டி இழுக்கின்றன. வீட்டு மனை வாங்கி, நாமே வீடுகட்ட நினைத்தால், நிமிடத்துக்கு நிமிடம் நிலைமை மாறுகிறது. புதிதாக வீடு கட்ட நினைப்பவர்கள் ஏகத்துக்கும் குழம்பிப் போகின்றனர்.

வீடுகட்டப் போடுகிற பட்ஜெட்டைவிட நிச்சயம் குறைந்தது நான்கைந்து லட்சங்களாவது கையைக் கடித்துவிடும். கச்சிதமான செலவில் வீடு கட்டுவது அல்லது சரியான விலையில் வீடு வாங்குவது என்பதுதான் மில்லியன் டாலர் கேள்வி.

இந்தக் கேள்விக்குப் பதில் தருகிறார் சென்னை கட்டட பொறியாளர் சங்கத் தலைவர் வெங்கடாசலம்.

‘‘வீடோ, ஃபிளாட்டோ எதுவாக இருந்தாலும், பில்டர் அல்லது புரமோட்டர்கள் அவர்களுக்கே உரிய சில வார்த்தைகளைப் பயன்படுத்துவதால் குழப்பம் ஏற்படும். எனவே, சில அடிப்படை தொழில்நுட்ப வார்த்தைகளைத் தெரிந்து கொள்வோம்.

கார்பெட் ஏரியா:

நான்கு சுவர்களுக்கு இடைப்பட்ட அளவு. அதாவது, வீடு அல்லது அடுக்குமாடி குடியிருப்பில் வீட்டுக்குள் கார்பெட் விரித்தால் எவ்வளவு இடத்தை அடைத்துக் கொள்ளுமோ அந்த அளவு கார்பெட் ஏரியா எனப்படுகிறது. டைல்ஸ் பதிக்கும் அளவு என்றும் புரிந்து கொள்ளலாம்.

பிளின்த் ஏரியா:

கார்பெட் ஏரியாவுடன் சுவர்களின் தடிமனையும் சேர்த்துக் கொண்டால் அதுதான் பிளின்த் ஏரியா.

சூப்பர் பில்ட் அப் ஏரியா:

பிளின்த் ஏரியா அளவில் 15% முதல் 20% அதிகரிப்பது சூப்பர் பில்ட் அப் ஏரியா. இந்தப் பரப்புக்குத்தான் விலை சொல்வார்கள். பெரும்பாலும் பிளாட்களில் இந்த நடைமுறை பின்பற்றப்படுகிறது. பொது பயன்பாட்டுக்கு ஒதுக்கப்பட்ட பகுதிகளை பிளின்த் அளவுடன் சேர்த்து இந்த இடம் கணக்கிடப்படும்.

யூ.டி.எஸ்:

பிரிக்கப்படாத மனைப்பகுதி என பத்திரத்தில் குறிப்பிடப்பட்டிருக்கும் இடம், சுருக்கமாக யூ.டி.எஸ்.

அடுக்குமாடிக் குடியிருப்புகளில், விகிதாசாரத்துக்கு ஏற்ப, அந்த மனையில் இருக்கும் ஒவ்வொருவருக்கும் எவ்வளவு சதுர அடி மனை சொந்தம் என்பதை யூ.டி.எஸ் குறிக்கிறது.

என்ன செலவாகும்?

ஒரு சதுர அடி பிளின்த் ஏரியா கட்ட சுமார் 1,500 ரூபாய் செலவாகும். சுற்றுச்சுவர் கட்ட சதுர அடிக்கு ரூ.750 முதல் ரூ. 1,500 வரை செலவாகும். செப்டிக் டேங்க் கான்கிரீட்டில் அமைக்க லிட்டருக்கு ரூ.14 செலவாகும். செங்கல்லில் அமைக்க ரூ.12 முதல் ரூ. 13 வரை செலவாகும். மேற்கூரைக்கு வெதரிங் கோர்ஸ் (சுருக்கித் தளம்) அமைக்க சதுர அடிக்கு ரூ. 120, மேல்நிலை நீர்த்தேக்கத் தொட்டி (ஓஎச்டி) லிட்டருக்கு ரூ.10 வரை செலவாகும். இதை அடிப்படையாகக் கொண்டு வீட்டின் திட்ட விலையை ஓரளவு துல்லியமாகக் கணக்கிடலாம்.

உதாரணமாக, சென்னை அம்பத்தூரில் ஃபிளாட் வாங்குவதாகக் கொள்வோம். அங்கு ஃபிளாட்டின் விலை சதுர அடி ரூ.4,000 என பில்டர் சொல்கிறார். வாங்கப்போகும் ஃபிளாட்டின் சூப்பர் பில்ட் அப் ஏரியா 800 சதுர அடி, உங்களுடைய யூடிஎஸ் 500 சதுர அடி என்றும் அவர் கூறுகிறார். உண்மையில் நம் கணக்குப்படி ஃபிளாட் விலை எவ்வளவு எனப் பார்க்கலாம்.

பெயரில்லா சொன்னது…

அங்கு மனை விலை ஒரு சதுர அடி 1,400 ரூபாய் என வைத்துக் கொள்வோம். கட்டுமானச் செலவு சதுர அடிக்கு ரூ.1,500 என வைத்துக் கொண்டால், 800 சதுர அடிக்கான செலவு ரூ. 12 லட்சம். அதேபோல் 500 சதுர அடி மனைக்கான விலை ரூ. 7 லட்சம், மொத்தம் ரூ.19 லட்சம்.

இந்த கணக்கின்படி பார்த்தால் ஒரு சதுர அடிக்கான விலை சுமார் ரூ. 2,375 வருகிறது.

இதற்கு மேல் பில்டர் சொல்லும் விலை அவரது லாபம். அவர் 20% லாபம் வைத்தால் சதுர அடி ரூ.2,850 வரை வைத்து விற்கலாம். அவர் அந்தத் திட்டத்துக்கு கடன் பெற்றிருந்தால் அதற்கான வட்டி, விளம்பரம் இத்யாதி, இத்யாதிகள் எல்லாம் சேர்த்து ரூ.3,000 வரை செல்லும். ஆக, அவர் சொன்ன விலைக்கும், உண்மையான விலைக்கும் இடையே சதுர அடிக்கு ரூ.1000 அதிகம். ஆகவே, கவனம்.

கட்டிய வீட்டை வாங்கும்போது, கவனிக்க வேண்டியவை..!

• தனி வீடுகளில் பிளின்த் ஏரியாவிலிருந்து கார்பெட் ஏரியா 20 முதல் 25 சதவீதம் குறைவாக இருக்கும். அதாவது பிளின்த் ஏரியா 1,000 சதுர அடி என்றால், கார்பெட் ஏரியா 750 முதல் 800 ச.அடி வரை இருக்கும்.

• ஃபிளாட் எனில், 600-650 சதுர அடிதான் இருக்கும்.

• பார்க்கிங் உள்ளிட்ட பொதுவான வசதிகள் அதிகமாக அதிகமாக, கார்பெட் ஏரியா என்பது குறைந்து கொண்டே வரும்.

• எப்போது ஃபிளாட் வாங்கினாலும் கார்பெட் ஏரியாவை அளந்து உறுதி செய்ய வேண்டும்.

• கட்டி முடித்த ஃபிளாட் எனில், கார்பெட் ஏரியாவைத் துல்லியமாக அளந்து விடுங்கள். பில்டர் சொல்லும் பிளின்த் ஏரியாவிலிருந்து சூப்பர் பில்ட் அப் ஏரியா 15 முதல் 20 சதவிகிதம் அதிகமாக இருந்தால் அது நியாயமான அளவு. அதைவிட அதிகமானால் யோசிக்க வேண்டிய விஷயம். ஏன் அவ்வாறு அதிகரித்தது எனக் கேள்வி கேட்க தயக்கம் வேண்டாம்.

• உயரமான அடுக்குமாடி குடியிருப்புகள், நீச்சல் குளம், தோட்டம், வாக்கிங் செல்லும் நடைபாதை போன்றவை விடப்பட்டிருக்கும் புராஜெக்ட்களில் பிளின்த் ஏரியா, சூப்பர் பில்ட் அப் ஏரியா 35 சதவீதம் வரை இருக்கக் கூடும். ஆனால் அவை வசதி படைத்தவர்களுக்கான விஷயம்.

• அடுக்குமாடி குடியிருப்புகளில் விதிமுறை மீறல்கள் அதிகம் நடைபெறுகிறது. அதனால் அப்ரூவல் பிளான்படி விதிமுறைகள் மீறாமல் கட்டப்பட்டிருக்கிறதா என்பதை சரி பார்ப்பது அவசியம். முறைப்படி அப்ரூவல் வாங்காமல் கட்டப்பட்ட வீடுகளை வாங்கவே வேண்டாம்.

• பொதுப்பயன்பாட்டுக்கான இடத்தில், வேறு கட்டுமானங்களை மேற்கொள்ள அனுமதிக்காதீர்கள். .

• உச்ச நீதிமன்ற உத்தரவின்படி, கார் நிறுத்தும் இடம் சூப்பர் பில்ட் அப் ஏரியாவில் சேர்க்கப்பட்டிருக்கும் பட்சத்தில் கார் நிறுத்தும் இடத்துக்குப் பணம் கொடுக்கத் தேவையில்லை. திறந்தவெளி கார் நிறுத்தும் வசதி என்றாலும் பணம் கொடுக்கத் தேவையில்லை.

• தனி வீடு என்கிறபோது அஸ்திவாரம் எத்தனை அடி என்பதை கவனியுங்கள். நேர்மையான பில்டர் மண் பரிசோதனை செய்த பிறகே, அஸ்திவாரம் எவ்வளவு ஆழம் தோண்டவேண்டும் எனத் தீர்மானிப்பார்.

• வீட்டில் அறையின் உயரம் குறைந்தது 10 அடி இருக்கும்படி பார்த்துக் கொள்ளுங்கள். சில பில்டர்கள் ச.அடி விலையைக் குறைத்துச் சொல்லிவிட்டு, வீட்டின் உயரத்தை 9.5 அடி அல்லது 9 அடியாக குறைக்க வாய்ப்புண்டு!

சொந்தமாக வீடு கட்டும்போது, கவனிக்க வேண்டியவை

• செப்டிக் டேங், மாடிப் படி, தண்ணீர் தொட்டி, போர்ட்டிகோ, சுற்றுச்சுவர் கணக்கை எல்லாம் மொத்த சதுர அடி கணக்கில் சேர்க்க விடாதீர்கள்.

கேட்டுப் பெற வேண்டிய வரைபடங்கள்

பவுண்டேஷன் டிராயிங், ஸ்டிரக்சுரல் டிராயிங், புளோர் பிளான், லிண்டன் டிராயிங், ரூஃப் டிராயிங், பிளம்பிங் டிராயிங், எலக்டிரிகல் டிராயிங், எலவேஷன் டிராயிங், பர்னிச்சர் லே-அவுட், வொர்க்கிங் பிளான், சம்ப் பிளான், செப்டிக் டேங்க் பிளான், படிக்கட்டு பிளான், சுற்றுச்சுவர் டிசைன் என எல்லா ஆவணங்களையும் கேட்டு வாங்கிச் சரி பாருங்கள்.

எல்லாம் சரிபார்த்து வாங்கினால், சொந்தவீடே சொர்க்கம்!

பெயரில்லா சொன்னது…

இங்கே அமீரகத்தில் எங்கே வெளியே சென்றாலுமே மாற்று திறனாளிகள் நிறைய பார்க்க முடியும்,அவர்கள் எளிதாக புழங்குவதற்கு ஏற்ப எல்லாம் வடிவமைக்கப்பட்டிருக்கும்,எல்லோருமே கருணாநிதி சென்று வரும் பேட்டரி ஆபரேட்டட் வண்டி போல வைத்திருப்பர், இப்போது தடுப்பு ஊசி பற்றிய விழிப்புணர்வு நிறைய வந்துளளது,ஆர்வத்துடன் வந்து தடுப்பூசியும் சொட்டு மருந்தும் போட்டுக்கொள்வதை பார்க்க முடிகிறது, அடுத்த தலைமுறையில் மாற்று திறனாளிகள் எண்ணிக்கை வெகுவாக குறையும் என எண்ணுகிறேன்.

Related Posts Plugin for WordPress, Blogger...

குறிச்சொற்கள் வைத்து தேடிப்படிக்க

உலக சினிமாபார்வை (142) சமூகம் (99) தமிழ் சினிமா (47) கே.பாலசந்தர் (41) சினிமா (28) உலக சினிமா (23) விமர்சனம் (22) ஃப்ராடு (17) கமல்ஹாசன் (17) மலையாளம் (16) சினிமா விமர்சனம் (15) இசைஞானி (13) திரைப்படம் (12) கோயன் பிரதர்ஸ் (9) கலை (8) சத்யஜித் ரே (8) அயல் சினிமா (7) நட்பு (5) ஆக்கம் (4) இனப்படுகொலை (4) ஹாலிவுட் (4) அஜய் தேவ்கன் (3) சென்னை (3) தமிழ் (3) திரைவிமர்சனம் (3) ஃப்ரென்சு சினிமா (2) அடோன்மெண்ட் (2) அபர்ணா சென் (2) ஆமென் (2) இந்தியா (2) இனவெறி (2) இளையராஜா (2) உலகம் (2) எரோடிக் கல்ட் க்ளாஸிக் (2) ஓவியம் (2) சரசம் சல்லாபம் சாமியார் (2) சிந்தனை (2) சொத்துக் குவிப்பு வழக்கு (2) ஜெயமோகன் (2) டார்க்ஹ்யூமர் (2) டாஸ்மாக் (2) திரை விமர்சனம் (2) தீர்ப்பு (2) தொடர் பதிவு (2) பதிவுலகம் (2) மோசடி (2) ரிசெஷன் (2) ஹவ் டு நேம் இட் (2) ஹிந்தி (2) K.E.ஞானவேல் ராஜா (1) chennai (1) அமீரகம் (1) அமெரிக்க நகைசுவை (1) அரசியல்வாதி (1) அறிஞர்கள் சொன்ன முத்தான பத்து (1) அழகி (1) இன அழிப்பு (1) ஈழம் (1) எந்திரன் (1) ஏழாம் உலகம் (1) ஐபேட் (1) கட்டுரை (1) கதை (1) கற்பழிப்பு (1) கலக்கல் காமெடிகள் (1) காசாவில் நிலவும் துயரம் (1) காசி மாநகரில் அழகிய கங்கை நதி (1) காசி மாநகரில் அழுகிய கங்கை நதி (1) காந்தி மகான் சில நினைவுகள் (1) கார் லைசென்சு (1) கேட் வின்ஸ்லெட் (1) கொடூரம் (1) கொலை (1) சப் டைட்டில் (1) சப் டைட்டில் சேர்ப்பது எப்படி? (1) சித்ராங்கதா சிங் (1) சிரிக்கலாம் வாங்க (1) சிரிப்பு (1) சிறுகதை (1) சீட்டிங் (1) செல்போன் (1) சோகம் (1) ஜெசிக்கா லால் (1) ஜெட் ஏர்வேஸ் (1) ஜேவியர் பர்டம் (1) டரியோ மரியனல்லி (1) டாக்மி 95 (1) டிம் ராப்பின்ஸ் (1) டெக்ஸாஸ் (1) தண்டனை (1) தனி மனித ஒழுக்கம் எவ்வளவு முக்கியம் ? (1) துபாய் (1) நரபலி (1) நாஜி (1) பதேர் பாஞ்சாலி (1) பறக்கும் ரயில் (1) பல்கலைக்கழகம் (1) பாரிஸ் (1) பேரழிவு (1) போபால் (1) மரண தண்டனை (1) மாத்தி யோசி (1) மார்கன் ஃப்ரீமேன் (1) மிருகவதை (1) முற்பகல் செய்யின்.. (1) மூடநம்பிக்கை (1) ராஹுல் போஸ் (1) ரூபாய் குறியீடு (1) லஞ்சம். (1) விமான விபத்து (1) விம் வாண்டர்ஸ் (1) விஷவாயு (1) ஷார்ஜா (1) ஹட்சக்கர் ப்ராக்ஸி (1) ஹல்லாபோல் (1) ஹிட்லர் (1) ஹோட்டல் ருவாண்டா (1) ஹோலிஸ்மோக் (1)