once upon a time in hollywood | 2019| உன்னதமான ஜோடிகள் Roman Polanski , Sharon tate மற்றும் Jay Jebring ஆய்வு

மிகவும் உன்னதமான ஜோடிகள் இந்த Roman Polanski , Sharon tate  உடன்  Jay Jebring இம்மூவர் .

இவர்கள் மூவரும் once upon a time in hollywood திரைப்படத்தில் தத்தம் கதாபாத்திர பெயர்களிலேயே தோன்றுகின்றனர்.

நடிகை Sharon tate மற்றும் சிகையலங்கார நிபுணர் Jay Jebring 1964 ஆம் ஆண்டு முதலே காதலர்கள், ஆத்மார்த்தமான நண்பர்கள், விருப்பு வெறுப்பில் அத்தனை ஒற்றுமை கொண்டவர்கள், இசை துவங்கி மனிதரை மனிதராக நேசிப்பது என எதிலும்.

1966 ஆம்ஆண்டு The Fearless Vampire Killers படம் நடிப்பதற்கு வேண்டி லண்டன் செல்கிறார் நடிகை Sharon tate, இயக்குனர் Roman Polanski ஐ தன் காதலரையும் மீறி அத்தனை பிடித்து விடுகிறது, அதன் பிறகு இந்த முன்னாள் காதலர்களின் காதல் முறிகிறது, ஆனால் நட்பு அதே போலவே தொடர்கிறது, எங்கிருந்தாலும் வாழ்க என தியாகம் செய்தல், சதிகாரி என தூற்றுதல், காதல் துரோகி என குற்றம் சாட்டுதல், கருவருத்தல், revenge porn போன்ற மலினமான தாக்குதல்கள் எதுவும் இவர் செய்யவில்லை, இந்த நண்பர்கள் தினமும் பார்த்துக் கொள்வதில் மாற்றமில்லை, Roman Polanski  மனைவி  Sharon tate மற்றும் அவரது நண்பர் Jay Jebring  இடையிலான நட்பை முழுதும் மதிக்கிறார்,அவர்களை சந்தேகப்படுவதில்லை, தனக்கு எப்படி personnel space முக்கியமோ அதுபோல மனைவியின் personnel space ஐ மதிக்கிறார்,தான் வெளிநாட்டில் படப்பிடிப்பில் தீவிரமாக இருக்கையில் இங்கு ஹாலிவுட் சியலோ ட்ரைவ் வீட்டில் தன் எட்டுமாத கர்ப்பிணி மனைவியுடன் அவரது நண்பர் உடன் இருப்பது அவளுக்கு மிகுந்த பாதுகாப்பு,அவளுக்கு மகிழ்ச்சியைத் தருவது என யோசித்துள்ளார்,

இவர்களை முழுமையாக நம்பினார், இதை வியந்து எழுதக் காரணம் இது நடந்து சுமார் 55 வருடங்களாகிறது, இங்கே எழுதியவற்றை இன்று கூட நம் சமூகத்தில் நினைத்துப் பார்க்க முடியாது.

தன் மனைவியின் உயிர் பிரிந்த கடைசி தருணத்தில்  கணவன் தான்  உடனில்லை ஆனால் மனைவியின் நண்பர் அவள் உடனிருந்து போராடி மரித்ததை இன்றும் இயக்குனர் Roman Polanski  மதித்து போற்றுகிறார், மனைவி படுகொலை செய்யப்பட்ட அடுத்த சில மாதங்களுக்கு ஹாலிவுட்டின் பிரபலங்களுக்கு கூட இந்த கொலைசதியில் பங்கிருக்குமோ என உளவு பார்த்ததை தன் சுயசரிதையில் பகிர்ந்திருக்கிறார், 4 கொலைகள் நடந்த தன் வீட்டில் ஒரு படிக்கும் கண்ணாடி கிடைக்க,தன்னிடம் குடும்ப நண்பர் நடிகர் ப்ரூஸ்லீ பேசுகையில் தன்  படிக்கும் கண்ணாடி தொலைந்து விட்டது புதிது வாங்க வேண்டும் என சொல்ல அதை உளவு பார்த்து அவர் குற்றவாளி அல்ல என உளமார உணர்ந்து தெளிந்திருக்கிறார், பல உச்ச நடிகர்களின் கார்களை அதன் இருக்கைகளை தானே நேரில் களமாய்வு செய்து உளவறிந்திருக்கிறார் Roman Polanski.

once upon a time in hollywood திரைப்படத்தில் அன்று நடந்த துயர வரலாற்றை அத்தனை அழகாக மாற்றி அற்புதமான climax வைத்தார் இயக்குனர் QT, எவ்வாறு Pulp Fiction திரைப்படத்தில், கழிவறைக் கதவு திறந்து திடீரென வெளிப்பட்டு  butch ஆல் சுடப்பட்டு இறந்து போன vincent vega வை உணவகத்தின் கழிவறையில் இருந்து கதவு திறந்து உயிருடன் வெளியேற்றி படத்துக்கு happy ending தந்தது போன்ற அசகாய மாற்றம் அது.

ஆனால் நிஜத்தில் அந்த துக்க வரலாறு இப்படித் தான் இருந்தது, ஆகஸ்ட் 8, 1969 அன்று,  Jay Jebring, sharon tate , இவர்களின் நண்பர்கள் , Frykowski மற்றும் அவர் காதலி Abigail Folger ஆகியோர் மெக்சிகன் உணவகமான el coyoteற்கு சென்றனர். 

நடுநிசியில்  அவர்கள் நால்வர் ஹாலிவுட் சியோலோ டிரைவில் உள்ள போலன்ஸ்கி இல்லத்திற்குத் திரும்பிய பிறகு, "மேன்சன் ஃபேமிலி " உறுப்பினர்களான Patricia Grenwinkel, Susan Atkins and Charles "Tex" Watson ஆகியோர் வீட்டிற்குள் கூரிய கத்தியுடன் நுழைகின்றனர். 

வீட்டில் இருந்த இந்த  நால்வரையும் வரவேற்பு அறைக்குள் வைத்து கத்தி மற்றும் துப்பாக்கி முனையில் சிறைபிடித்த பிறகு, அவர்களை தரையில் முகம் குப்புற படுக்க உத்தரவிடுகின்றனர், 

Sharon tate மற்றும் Jay Jebring கழுத்தை இணைத்து சுருக்கிடுகின்றனர்,Jay Jebring திமிறி எதிர்ப்பு தெரிவித்து tate நிறைமாத கர்ப்பிணி அவளை ஒன்றும் செய்யாதீர்கள்,அவிழ்த்து விட்டுவிடுங்கள், என ஊடுருவல்காரர்களிடம் போராடியிருக்கிறார்,sharon tate என்னை சிறைபிடித்து செல்லுங்கள் எட்டு வாரங்களில் குழந்தை பிறந்தவுடன் என்னை மட்டும் கொல்லுங்கள்,என் குழந்தையை விட்டுவிடுங்கள் எனக் கெஞ்சுகிறார்.  

நான்கு காட்டுமிராண்டிகளில் ஒருவனான வாட்சன் என்பவன் Jay Jebringஐ சுட்டு, அவர் இறந்து கிடக்கும் போது முகத்தில் பலமுறை பூட்ஸால் உதைத்துள்ளான், அதில் அவரது மூக்கு மற்றும் கண்களின் மத்தியில் உள்ள எலும்பு கூட உடைந்தது, அதன் பின்னரும் ஆத்திரம் அடங்காமல் அவர் ஏழு முறை கத்தியால் குத்தப்பட்டார் , ஆழமான கத்தியால் குத்தப்பட்ட காயங்களால் இரத்த இழப்பு காரணமாக சம்பவ இடத்திலேயே இறந்தார்.  

காட்டிமிராண்டி குழு பின்னர் ஃப்ரைகோவ்ஸ்கி, ஃபோல்கர் மற்றும் sharon tate  ஆகியோரை வெறி தீர கத்தியால் குத்திக் கொன்றனர்,

Sharon tate , Jay Jebring இருவர் கழுத்தை இறுக்கி தூக்கி    கூரையில் ஏற்றி மாட்டிவிட்டு அப்போதும் ஆத்திரம் தீராமல்  Jebring முகத்தில் துப்பாக்கியால் சுடப்பட்டும்  ஏழு முறை கத்தியாலும் குத்தப்பட்டுள்ளார், sharon tate முதுகிலும் மார்பிலும் பதினாறு முறை கத்தியால் ஆழமாக குத்தப்பட்டுள்ளார்.

இறுதியில் sharon tate உடம்பில் வழிந்த ரத்தத்தால் வாயிற் கதவில் PIG என எழுதிவிட்டு அகன்றுள்ளனர்.

Mansons family தலைவன் மற்றும் இந்த கொலைகாரர்கள் நால்வர் ஆயுள் தண்டனை அனுபவிக்கின்றனர், ஆனால் இயக்குனர் QT அவர்களை தன் படைப்பில் சாதாரணமாக தண்டிக்கவில்லை, ரிக்டால்டன் வீட்டில் பிரிவு உபசார விழா இரவில் தற்செயலாக தன் ஸ்டண்ட் மேன் க்ளிஃப் பூத் தன் நன்றியுள்ள ஆனால் கொடூரமான வளர்ப்பு நாய் ப்ராண்டியுடன் வந்து தங்கியிருக்கும் இரவில் வந்து இந்த கொலைகாரர்கள் வசமாக வந்து சிக்கிக் கொள்கின்றனர், Inglourious Basterds திரைப்படத்தில் எப்படி பங்கரில் தற்கொலை செய்து இறந்து போன ஹிட்லரை, தன் அபாரமான கற்பனை வளத்தால் ஒரு திரையரங்கில் வைத்து அவன் அதிகாரிகள் பரிவாரங்கள் என ஆயிரம் பேரையும் கொளுத்தி விடுவாரோ , அப்படி இந்த sharon tate மற்றும் அவர் நண்பர்கள் மூவரை படுகொலை செய்தவர்கள் மூவரை பிணம் பிரட்டி எடுத்து விடுகிறார், தனிமையில் நீச்சல் குளத்தில் காதில் வாக்மென் வைத்து பாட்டு கேட்கும் ரிக் டால்டன் மீது வந்து விழும் கொலைகாரியின் முகம் கண் என விசுவாச பிட்புல் ரக நாய் ப்ராண்டியால் முக்கால் பாகம் தின்னப்பட்டுள்ளது,

பிட்புல் நாய் பிராண்டிக்கு உணவு வைக்கும் படலம் எல்லாம் அத்தனை லயமானது, டின் உணவு திறக்கையில் வ்வ்வ் என சத்தம் எழுப்பினால் pedigree topping செய்த அந்த  ருசியான உணவை அப்படியே குப்பையில் எறிந்து விடுவார் ஸ்டண்ட் மேன் க்ளிஃப் பூத் (ப்ராட்பிட்), 

உள்ளே அறையில் தூங்கிய இத்தாலி நடிகையும் ரிக்டால்டனின் புது மனைவி Francesca Capucci இந்த கொலைகாரியுடன் சண்டையிடும் காட்சி எல்லாம் அத்தனை நன்றாயிருக்கும்.

ராணுவ ஒழுங்குடன் வளர்க்கப்பட்ட பிட்புல் நாய் ப்ராண்டி, நீச்சல் குளத்தில் நரக வலியுடன் விழுந்தவள் ஆக்ரோஷமாக வானில் துப்பாக்கியால் பலமுறை சுட , அசகாய தீரன் ரிக்டால்டன், அவருக்கு அவள் ஒரு கொசு போல,  வீட்டின் உள்ளே சென்று தான் முன்பு The 14 Fists of McClusky என்ற திரைப்படத்தில் சுமார் 150 நாஜிக்களை கொத்தாக கொன்றழிக்கப் பயன்படுத்திய flamethrower கொண்டு வந்தவர்,அவளை அந்த நீச்சல் குளத்தில் வைத்து எரித்து பஸ்பமாக்கிவிடுவார்,

இறுதிக் காட்சியில் நடிகை sharon tate ரிக்டால்டனை தன் ஆதர்சம் என்று இண்டர்காமில் புகழ்வாள்,Jay Jebring என்ன உன் வீட்டில் போலீஸ் என நடந்ததைக் கேட்க,இவர் சுட்டெரித்த கதையை சொல்ல  ,இவரை  வீட்டிற்குள் வந்து ஒரு drink அருந்திவிட்டுச் செல்ல மிகவும் பணித்த sharon tate , அவள் வீட்டு தானியங்கி இரும்பு வாயிற்கதவை வீட்டின் உள் இருந்து திறப்பாள், ரிக்டால்டனின் ஒளிமயமான எதிர்காலம் நடிகை sharon tate பரிந்துரைப்படி இயக்குனர் Roman Polanski மூலம் துவங்குவது போல நம்பிக்கை ஒளியுடன் இறுதிக்காட்சி முடியும்.

ஒரு கலைஞனின் சமூக அவலத்தின் மீதான அறக்கோபம் இப்படித்தான் தன் படைப்பில் உக்கிரமாக வெளிப்பட வேண்டும், அப்போது தான் அந்த படைப்பாளி மனதில் கனன்று கொண்டிருக்கும் எரிமலை குளிரும்.

Once upon a time in Hollywood (2019), சுவாரசியமிகுந்த கால எந்திரப் பயணம் | என் கூலர்ஸ் அணிந்து அழு

Once upon a time in Hollywood (2019), சுவாரசியமிகுந்த கால எந்திரப் பயணம் என்றால் மிகையில்லை, ஒவ்வொரு கதாபாத்திரத்திற்கும் வரலாற்றுப் பின்னணி உண்டு, தேடிப் படிக்கலாம்.

எத்தனை கற்பனை வளம் ? இப்படி அபாரமான ஒரு டஜன் கதாபாத்திரங்களை 25 அத்தியாயங்கள் (அல்லது 25 scenes ) கொண்ட தன் முதல்  நாவல் ஆக எழுதி, அதை   திரைப்படமாக்கி சாதித்திருக்கிறார் இயக்குனர் Quentin Torentino, 

வாய்ப்புகள் தேய்ந்து குணசித்திர கதாபாத்திரங்கள் வில்லன் கதாபாத்திரங்கள் , சிகரட் விளம்பரங்கள் செய்து காலம் தள்ளி வருகிற தொலைக்காட்சி சீரீஸ் மற்றும் திரைப்பட நடிகர் ரிக் டால்டன் ஆக  Leornado DiCaprio , 

அவரின்  டூப் மற்றும் கார் ஓட்டி க்ளிஃப் பூத் ஆக Brad pit ,இவர் இரண்டாம் உலகப்போரில் இரண்டு பதக்கங்கள் வாங்கியவர், வாயாடி மனைவியை கொன்றவர், வழக்குகள்  போதும் என முன் எச்சரிக்கையுடன் இருந்தாலும் ஏதாவது வம்புகளை சந்திப்பவர்,

இந்த  இரு உச்ச நடிகர்களுக்கும் சமமான டைட்டில் கார்ட்,  மற்றும்  திரைக்கதை, screen space  ,opening shot என அபாரமான திரைப்பகிர்தல் நிகழ்த்தியிருக்கிறார் இயக்குனர் QT, 

நட்புக்கு இலக்கணமாக இந்த இருவரின் கதாபாத்திரம் அத்தனை precise ஆக எழுதப்பட்டுள்ளது, மைக்கேல் மதனகாமராஜன் திரைப்படத்தில் பீம் எப்படி மதனுக்கு நிழலாக வருவாரோ அப்படி ஒரு உயிரோட்டம் உள்ளது, unconditional collaboration and friendship மிளிர்கிறது.

எனக்கு Leornado DiCaprio செய்த Rick dalton நடிகர் கதாபாத்திரம் பார்க்கையில் வெள்ளிக்கிழமை நாயகர், மக்கள்கலைஞர் என பெயரெடுத்த நம் நடிகர் ஜெய்சங்கர் தான் நினைவில் வந்து போனார், அவரின் அந்திமக்காலத்தில் படவாய்ப்புகள் குன்றுகையில் மெல்ல வில்லன், குணசித்திர கதாபாத்திரங்களுக்கு தன்னை ஒப்புதந்து ஜோதியில் கலந்தது நினைவுக்கு வந்து வந்து போனது.

மேனேஜர் மார்வின் ஷ்வார்ஸ் (Alpacino ) ரிக் டால்டனின் அந்திமக்காலத்தை நன்கு உணர்ந்தவர், அவரை நேரில் அழைத்து பொட்டில் அடித்தது போல அவரின் சூழ்நிலையை சுட்டிக்காட்டி ஒரு டஜன் இத்தாலி திரைப்படங்களில் நடிக்க வாய்ப்பு பிடிக்கிறேன் ,தொடர்ந்து நடி அதுவே உன்னை சினிமாவில் பிடித்து நிற்க வைக்கும் என்று சொல்கிறார்.

வெளியில் வந்த ரிக் டால்டன்  தன் டூப் தோளில் சாய்ந்து வெடித்து அழும் இந்த காட்சி அபாரமானது, 

டூப் BP, ஏன் அழுகிறாய்? , 

LD  என் அந்திமத்தை இப்படி முகத்துக்கு நேராய் சொல்லிவிட்டான்,

BP என்ன சொன்னான்? 

LD உண்மையை தான் சொன்னான் விடு ,  

BPஅசகாய தீரன்  நீ அழாதே, நீ அழுவதை யாரும் பார்க்கக்கூடாது, இந்தா என் கூலர்ஸ் அணிந்து கொண்டு அழு, 

இப்படத்தை உணர்ந்து கொண்டாட அத்தனை  விஷயமுண்டு, ஆனால் நாம் தேடி வாசிக்க வேண்டும், கால எந்திரத்தில் பயணித்து ஒப்பிடுதல் நிகழ்த்த வேண்டும், அத்தனை போதும், இப்படத்தின் nuance ஒவ்வொன்றும் அற்புதமானவை, அடுத்தடுத்து எழுத வேண்டும்.

Once upon a time in hollywood (2019), திரைப்படத்தில் "The Green Hornet" தொலைக்காட்சி சீசன் படப்பிடிப்பு காட்சி ஆய்வு

Once upon a time in hollywood (2019), திரைப்படத்தில் "The Green Hornet" தொலைக்காட்சி சீசன் படப்பிடிப்பு காட்சி உண்டு,1966-67 ABC தொலைக்காட்சியில் ஒளிபரப்பான தொடர் இது , இதில் புருஸ்லீ kato என்ற கதாபாத்திரம் செய்கிறார், படப்பிடிப்பு இடைவேளையில் சக கலைஞர்களிடம் புருஸ்லீ இயல்பாக பேசுகையில் நேருக்குநேர் சண்டை என வந்துவிட்டால் நான் எதிராளியை கொன்றுவிடுவேன் என வாயை விடுகிறார், உடனே கூட்டத்தில் ஒருவர் , நீங்கள் Cassius Clay (முகமது அலி) உடன் மோதினால் ? 

அது தான் நடக்காதே? , 

ஒருவேளை நடந்தால்? 

நான் Cassius Clay வை முடமாக்கிவிடுவேன் , என்கிறார் புரூஸ்லீ.

உடனே அங்கே ஆள் கூட்டத்தில் நடிகர் ரிக் டால்டன் போன்றே அழகிய costume  அணிந்து அமைதியாக அமர்ந்திருந்த stunt double  Cliff booth களுக்கென சிரிக்கிறார்.

புரூஸ்லீ , யார் நீ ? நீ  ஏன் சிரித்தாய்? என வாயைக் கிண்டுகிறார், 

நான் Cliff , ரிக் டால்டனின் stunt double என்கிறார்.

உன்னைப் பார்த்தால் ஸ்டண்ட் மேன் போல தெரியவில்லையே,நீ வசீகரத் தோற்றம் கொண்டுள்ளாயே? என்கிறார் ப்ரூஸ்லீ.

ஆமாம் அப்படித் தான் எல்லோரும் சொல்கின்றனர் என்கிறார் cliff booth.

சரி நான் சொன்னதற்கு ஏன் சிரித்தாய் ?

நான் நினைப்பது என்ன என்றால்,  

 நீ பேசிய இந்த பேச்சிற்கு உன்னை வெட்கி தலைகுனிய வைக்கலாம் தவறில்லை,

பெரிய வாயும் ,பெரிய சவடாலும்  கொண்ட சிறிய மனிதன் நீ, 

Cassius Clay வை முடமாக்க உன் போன்ற நடனக்கலைஞர்களால் முடியவே முடியாது, 

Cassius Clay அணிந்திருக்கும் உள்ளாடையில் துடைக்காத கறை மிச்சம் இருக்குமானால் , அதற்கு ஈடாகமாட்டாய் நீ, என்கிறார் cliff booth.

என்றால் வா ,ஒற்றைக்கொற்றை  மோதிப்பார்க்கலாம் என சண்டைக்கு அழைக்கிறார் புருஸ்லீ,எனக்கு உள்ள பிரச்சனை போதும், எந்த புதிய பிரச்சனையிலும் நான் இல்லை என்கிறார் cliff booth,   

தொடைதட்டி அழைக்காத குறையாக கைகலப்பு வேண்டாம், நட்புரீதியான மோதல் செய்வோம் வா என அழைக்கிறார் ப்ரூஸ்லீ, முகத்தில் தாக்காமல் யார் மூன்று முறை எதிராளியை கீழே விழவைக்கிறாரோ அவர் ஜெயித்தவர் என்கிறார்,

 cliff booth தன் டோப்பாவை கழற்றி கார் ஆன்டனாவில் மாட்டியவர்,blazer ஐ ஒயிலாக கழற்றிவிட்டு தயாராக நிற்கிறார், புருஸ்லீ காதில் அவர் உதவியாளர் கூலர்ஸ் மற்றும் சட்டையை கையில் வாங்குகையில் இவர் புகழ்பெற்ற மனிதன், கவனம் எனச் சொல்ல,எதற்கு புகழ்பெற்றவர் என புரூஸ் லீ கேட்க? தன் மனைவியை கொன்று தப்பியதில்  என்று பதிலுரைக்கிறார் உதவியாளர்,

தன் வழமையான அகவல் சப்தம் இட்டு, cliff booth மார்பின் மீது காலில் உதைத்துப் பாய்ந்து தரையில் தள்ளுகிறார்.

Cliff booth உடனே எழுந்தவர், சரியான பாடம் புகட்ட எண்ணி,மீண்டும் முயற்சி செய் என ஊக்கம் தர, இன்னும் ஆக்ரோஷமாக வழமையான அகவலுடன் பக்கவாட்டில் பாய, cliff booth விலக, புரூஸ் லீ அடுத்து நின்ற நீல வண்ண muscle car மீது பறந்து போய் விழுந்து கடுமையாக அடிபட்டுக்கொண்டவர், துடைத்து எழுகிறார், 

இப்போது இருவருக்கும்  கைகலப்பு, ஒருவரை ஒருவர் tag செய்து கிடுக்கிப்பிடி போட்டு தட்டி தாக்கி வீழ்த்த முயல்கின்றனர், 

என்ன சப்தம் எனக் கேட்டு வந்த இயக்குனரின்  மனைவி Janet, இந்த கைகலப்பின் மூன்றாம் தவணையை தடுத்து அங்கே draw ல் முடியவைக்கிறார்,

cliff booth ற்கு தன் ஆட்சேபனையையும் மீறி இந்த stunt man double வேலை தந்தமைக்காக தன் இயக்குனர் கணவர் randy ஐ கடிந்து கொண்டவள், தன் கார் கதவுகள் இப்படி நசுங்கி சேதமாகியதைப் பார்த்து cliff booth ஐ உடனே தளத்தில் இருந்து வெளியேறச் சொல்லி கத்துகிறாள்.

இந்த stunt double வாய்ப்பை நடிகர் ரிக் டால்டன் தன் நண்பன் cliff booth ற்கு இயக்குனர் randy ஐ சமாதானம் செய்து அத்தனை பாடுபட்டு வாங்கித் தந்திருப்பார், இவனை அந்தரத்தில் இருந்து குதிக்கச் சொல்லுங்கள் குதிப்பான்,கொளுத்தி விடுங்கள் அப்படி எரிவான், எந்த பிரச்சனைக்கும் போகாமல் நான் பார்த்துக்கொள்கிறேன் என சொல்லி சேர்த்து costume ஐ மாட்டி அமர்த்தியிருப்பார், அது இப்படி குரங்காக முடிந்திருக்கும், 

இப்போது முதல்நாள் பலத்த காற்றடித்து முறிந்து விழுந்த தன் தொலைக்காட்சி ஆன்டனாவை சரி செய்ய தன் வீட்டுக்கு அனுப்பி வைப்பார் நடிகர் ரிக் டால்டன்,வீட்டுக்குப் போய் கூரையேறும் அந்த சிறிய காட்சி அத்தனை அழகாக இருக்கும்,tools room சென்று gloves எடுத்து,  இடுப்பில் தனித்துவமான இரண்டு பியர் கேன் வைக்கக்கூடிய தடித்த தோலால் செய்த belt அணிந்து குரங்கு போல இரண்டு தாவு தாவி கூரை அடைந்து சட்டையை கழற்றுவார், அண்டை வீட்டில் வசிக்கும் நடிகை sharon tate ரெகார்ட் மாற்றி பாடலை ஒலிக்க விட்டதை ரசித்தபடியே சிகரெட்டை பற்றவைத்து இழுப்பார் cliff booth , 

ப்ரூஸ்லீ வரும் இக்காட்சிகள் எதுவும் கோர்வையாக வராமல் cliff booth அழகாக கூரையேறி ஆன்டனா சரிசெய்கையில் நினைத்துப் பார்க்கையில் தான் காட்சியாக விரியும். 

மேலும் 

Once upon a time in hollywood

https://m.facebook.com/story.php?story_fbid=10160513841366340&id=750161339

once upon a time in hollywood ஒன்ஸ் அபான் ய டைம் இன் ஹாலிவுட் ஆய்வு

Once upon a time in hollywood திரைப்படத்தில்  Lancer என்ற தொலைக்காட்சி தொடரின் படப்பிடிப்பு இடைவேளை காட்சியையும் மறக்க முடியாததாக ஆக்கியிருந்தார் இயக்குனர் QT.

தன் நடிப்பு வாழ்வின் அந்திமத்தில் இருக்கும் Rick Dalton ன் அழகிய தீரன் முகத்தை ஆனவரை கொடூரனாக இப்படக்குழுவினர் மாற்றியிருக்கின்றனர், வழமையாக யாரும் செய்திராதது இது.

அவருக்கு ஹிப்பித் தலை பொய்சிகை வைத்து, சீனதொங்குமீசை வைத்து , வித்தியாசமான தடித்த அடர்நிற டெனிம் உடைகள் அணிவித்திருக்கின்றனர், கொள்ளை கூட்டத் தலைவன் எட்டு வயது சிறுமியை கடத்தி வைத்து 50000£ பணயத்தொகை கேட்கிற கொடூர வில்லன் Caleb Dacota கதாபாத்திரம் இது, 

முதல்நாள் இரவில் தன் அளவுகடந்த குடிப்பழக்கத்தால் எட்டு லார்ஜ் ஸ்காட்ச் அருந்திய போதை தெளிய படப்பிடிப்பு ஒப்பனை மேஜையில் பெரிய கண்ணாடி பாத்திரம் முழுக்க நீரில் ஐஸ்கட்டிகள் நிரப்பி, அதில் முகத்தை இறக்கி போதை தெளிகிற நிலையில் ரிக்டால்டன் உள்ளபோது இயக்குனர் அவரின் இந்த புதிய தோற்றத்தை விளக்கி கலக்கமூட்டியிருக்கிறார் ,ஒரு முறை தோற்றத்தை திரையில் சிதைத்தால் நிஜ முகத்தையே அடுத்தடுத்து மாற்றி மக்களை மறக்கச்செய்திடுவர்.

ஏற்கனவே இவர் குடிபோதையில் கார் ஓட்டி விபத்துகள் செய்து பலபல அபராத சீட்டுகள் வாங்கியதில் கார் ஓட்டுனர் உரிமமே ரத்தாகி விட்டது, தன் ஸ்டண்ட் டபுள் க்ளிஃப் பூத் கார் ஓட்ட படப்பிடிப்புகளுக்கு சென்று வருகிறார் நடிகர் ரிக் டால்டன்.

நெஞ்சு முழுக்க சளி, சங்கிலித் தொடராக புகைப்பழக்கம் வேறு, பேசும் வசன வரிகளை கூட மறந்து விட்டு one more போகலாம் என இயக்குனரை கெஞ்சும் நிலை,அந்த அவமானத்தின் பின்னர் தன் கேரவனுக்கு வந்து கண்ணாடியில் தன் முகம் பார்த்து தனக்கே  கொலை மிரட்டல் விடுத்துக் கொள்கிறார் நடிகர் ரிக் டால்டன்.

இவரின் இருபதாண்டு நடிப்பு அனுபவத்தில் ஒன்ஸ் மோர் கேட்டதில்லை, ஒரே டேக் நடிகர், புதிய இளம் நாயகனுடன் இறங்கி நடிக்கிறார், அதுவும் வேறு ஓரு அனுபவமிக்க வில்லன் நடிகர் நடிக்க இருந்து அவர் முதுகை உடைத்துக் கொள்ள இவர் ஒப்பந்தமாகியுள்ளார்,

அனைவரும் தொலைக்காட்சித் தொடரின் படப்பிடிப்பில் இருக்க,இவரின் ஒட்டு மீசை காய ஒருமணிநேரமாகும் அதுவரை உண்ணாதே, என ஒப்பனை கலைஞர் பெண்மணியால் அறிவுருத்தப்பட்டிருக்கிறார், Caleb Dacota என்ற  தன் பெயரெழுதிய ஓய்வு நாற்காலியில் அமர்ந்து படிக்கலாம் என வந்தவர்,பாக்கெட்டில் இருந்து ஸ்காட்ச் எடுத்து குடிக்கிறார், அங்கே அடுத்த காட்சியில் உடன் நடிக்க இருக்கும் சிறுமி அவள் பெயர் எழுதிய நாற்காலியில் அமர்ந்து வால்ட் டிஸ்னி பற்றிய புத்தகம் படிக்கிறாள்,

அச்சிறுமியிடம் நான் உன் அருகில் உள்ள நாற்காலியில் அமர்ந்தால் உனக்கு தொந்தரவாயிருக்குமா? என அனுமதி கேட்க, அவள் முன்னெச்சரிக்கை மிகுந்தவள், அரைமனதுடன் ,எனக்கு தெரியவில்லை என்கிறாள்,

இவர் சிகரட் பற்ற வைத்து இழுக்க இருமல் அதிகமாகிறது, இவர் நெஞ்சு சளியை கனைத்து மேலேற்றி தரையில் துப்ப சப்தமெழுப்பி அருவருக்கிறாள், இவர் மன்னிப்பு கேட்கிறார்,அங்கே சற்று தாழ்வாக உணர்கிறார் ரிக்டால்டன்,

சிறுமியிடம் இது உணவு வேளையாயிற்றே, நீ சாப்பிடப் போகவில்லையா? எனக்கேட்க , எனக்கு அடுத்து காட்சி நடிக்க உள்ளதால் சாப்பிடவில்லை, நடிப்பு என்று வந்துவிட்டால் நான் லௌகீக விஷயங்களில் கவனம் செலுத்துவதில்லை, நான் ஒரு actor, பலரும் சொல்வது போல actress இல்லை, acting என்று வந்தால் அந்த நடிகர் 100% அற்பணிப்பை தரவேண்டும் என வயதுக்கு மீறி வாயடிக்கிறாள் அந்த சிறுமி.

உன் பெயர் என்ன? 

மிரபல்லா லான்சர் என தன் கதாபாத்திரத்தின்  பெயரைச் சொல்கிறாள் சிறுமி,

இல்லை உன் உண்மைப்பெயரை சொல் என்று கேட்க, இல்லை நான் இப்போது மிரபல்லா கதாபாத்திரமாகிவிட்டேன், என திமிராக பெயரைச் சொல்வதில்லை சிறுமி.

சிறுமியை, என்ன வாசிக்கிறாய் எனக் கேட்க அவள் Walt Disney: The Biography வாசிக்கிறேன், உலகின் மிக உயர்ந்த ஆளுமை இவர் தான், அவர் போல யாரும் இனி வர முடியுமா? என அத்தனை கூவி வியக்கிறாள்,

உனக்கென்ன  வயது ? பனிரெண்டிருக்குமா? என இவர் மலைத்துப் போய் கேட்க, இல்லை எட்டு என்கிறாள், தான் இதுகாரும் சாதித்த எதையும் அறியாமல் யாரையோ விதந்தோந்துவதை இவர் ரசிப்பதில்லை.

தன் பையில் இருந்து  Ride a Wild Bronc என்ற வெஸ்டன் பாக்கெட் நாவல்  ஒன்றை எடுத்துப் படிக்கிறார், என்ன புத்தகம் அது என 

சிறுமி அலட்சியமாகக் கேட்க, ஒரு வெஸ்டன் கதை, இன்னும் படித்து முடிக்கவில்லை, 

நான் முழுக்கதையை கேட்கவில்லை, எதைப் பற்றியது  எனதான் கேட்டேன் என தன் மேதமையைக் காட்டுகிறாள், 

 இது டாம் ப்ரீஸி என்ற ஒரு தீரனின் கதை,அவனை ஈஸி ப்ரீஸி என்பர்,  தன் இருபதுகளில் அவன் எந்தக் காட்டுக்குதிரையையும் கூட அடக்கிவிடுவான், முப்பதுகளில் அவன் வீழ்ச்சி துவங்குகிறது, தன் முதுகை உடைத்துக்கொண்டபின், தொட்ட அனைத்தும் தோல்வியாகிறது, 

சிறுமி, முடமாகிவிட்டானா? இல்லை படித்துக் கொண்டுள்ளேன் ,இன்னும் போகனும் என கைகாட்டி,தழுதழுக்க உடைந்து அழுகிறார், மூக்கைச் சிந்தி மீண்டும் அழுகிறார்,சிறுமி ரிக் டால்டனை அருகே வந்து தேற்றுகிறாள், இவர் தன் தன்னிலை  உணர்ந்தவர் , அழுவதை நிறுத்தி என்னை விடு pumpkin puss என கொஞ்சி சிறுமியை விலக்குகிறார்.

சிறுமி தன் இருக்கைக்கு திரும்பியவள், என்னை நீ pumpkin puss என கொஞ்சுவதற்கு அழைத்ததை விரும்பவில்லை, நீ அழுவதால் அந்த வார்த்தைக்கு நான் ஆட்சேபிக்கவில்லை என்கிறாள்.

அந்த உணவு இடைவேளை முடிந்தபின் நடக்கும் படப்பிடிப்பு காட்சி  மிகுந்த உக்கிரமானது.

சிறுமியை மடியில் வைத்து இடது கையால் இறுக்கிக் கொண்டு வலது கையால் அவள் தலையில் ரிவால்வர் வைக்க வேண்டிய தருணம் இதில் உண்டு.

சிறுமியின் சிற்றப்பா முன்னாள் ராணுவ வீரர், அவர் ப்ரிட்டீஷ் இந்திய 

ராணுவத்தில் சண்டையிட்டதை நக்கலுடன் கேட்டு அறிகிறார் வில்லன், அவர் அணிந்த fancy உடையின் பெயர் என்ன எனக்கேட்க பெங்கால் லேன்சர் என்கிறார், கேட்கக்கூடாததை கேட்பது போல அவர் கொக்கரித்து சிரிக்க, சிறுமியும் சுதந்திரம் எடுத்துக்கொண்டு கலகலவென சித்தப்பனைப் பார்த்து சிரிக்கிறாள், இவர் துரிதகதியில் அவள் மூளையில் ரிவால்வரை வைத்து அழுத்துகிறார்,சிறுமியின்  தாத்தனை வரச்சொன்னால் ,தாத்தன் தான் இங்கே  வர வேண்டும், என் இந்த மடியில் அவன் கையால் 50000£ ஐ கொண்டு வந்து வைக்க வேண்டும் என்றவர் சிறுமியை தூக்கி தரையில் வீசி எறிகிறார்,இந்த செய்தியின் தீவிரத்தை உடனே கொண்டு போய் கிழவனிடம் சேர் தூதுவனே என்கிறார், தூது வந்த சித்தப்பா வந்தவழி திரும்ப இயக்குனர் and cut என இழுத்துச் சொல்கிறார், இவரின் கைகளை நேரில் வந்து பற்றி குலுக்கி அற்புதமாக செய்தீர்கள், இத்தனை உக்கிரமாக இருக்கும் என ஒருக்கிலும் நினைக்கவில்லை, என மனதார பாராட்டுகிறார், 

நீங்கள் மன்னன் ஹேம்லட் போல என கோடி காட்டினீர்கள், அதை நூல் பிடித்து improv செய்தேன் என்கிறார் ரிக் டால்டன், ஓ improv என ஆத்மார்த்தமாக பாராட்டிவிட்டு அகல்கிறார் இயக்குனர்.

கீழே விழுந்து கிடந்த சிறுமியை கையைப்பற்றி தூக்கி மன்னித்துவிடு, நான் ஆத்மார்த்தமான நடிப்பின் போது உன்னை காயப்படுத்தியிருப்பேன் என்கிறார், அவள் இல்லவே இல்லை, என் முழங்கையில் pad கள் அணிந்துள்ளேன் என சுட்டிக் காட்டியவள், ஒத்திகைக்கு சம்பளம் பெறாத நிலையிலும் அடிக்கடி கீழே விழுந்து பயிற்சியாக செய்துள்ளேன்,

அதனால் அடிபடவில்லை என்கிறாள், உடன் அவரது காதருகே வந்து கிசுகிசுப்பாக என் வாழ்நாளில் இத்தனை நல்ல நடிப்பை இன்றுதான் முதலில் பார்த்தேன் என மனதார பாராட்டுகிறாள் சிறுமி.

சிறுமி சென்றவுடன் நாற்காலியில் நிமிர்ந்து அமர்ந்து தலை தூக்கி, ஓரக்கண்ணில் இருந்த கண்ணீரை ஒயிலாக துடைத்து மேலே பார்த்து பெருமூச்சு விட்டு நிம்மதி கொள்கிறார் ரிக் டால்டன்.

இக்காட்சி மிக அற்புதமாக எழுதப்பட்டுள்ளது, திரைப்பட மாணவர்கள், திரைக்கதைக்கு நீண்ட காட்சி எழுதுபவர்கள் இக்காட்சியை அவசியம் பாருங்கள், இக்காட்சி ஒருங்கே ஒருவனின் வீழ்ச்சி, அவமானம், கழிவிரக்கம், கோபம், மகிழ்ச்சி, ஆசுவாசம் என அத்தனை moods ஐ கொண்டுள்ளது, ரிக் டால்டனாக Leornado DiCaprio அத்தனை அபாரமாக செய்து மனதில் நின்றுவிட்டார், Django unchained திரைப்படத்தின் Calvin Candy கதாபாத்திரத்தை விடவும் என்னை ஈர்த்தது இந்த கதாபாத்திரம்.

என் கூலர்ஸ் அணிந்து அழு 

https://m.facebook.com/story.php?story_fbid=10160513841366340&id=750161339

ப்ரூஸ்லீ தோன்றும் காட்சி

https://m.facebook.com/story.php?story_fbid=10160515968641340&id=750161339

படத்தில் நடிகை sharon tate மற்றும் இயக்குனர் ரோமன் பொலன்ஸ்கி தோற்றமும் ஆய்வும்

https://m.facebook.com/story.php?story_fbid=10160524370036340&id=750161339