த மேன் ஹூ வாஸ் நாட் தேர் 2001 (18+) பல நாள் திருடன்

ஹாலிவுடின் இரட்டையர் இயக்குனர்களான கோயன் பிரதர்ஸின் படங்கள் எப்போதுமே நீதியை போதிப்பதாய் எனக்கு தோன்றியிருக்கிறது,பணத்தை குறுக்கு வழியில் துரத்திப்போகும் ஒருவன் எப்படி வாழ்க்கை என்னும் காட்டாற்றின் சுழலில் சிக்கி சின்னாபின்னமாகிறான். என்பதை இவர்களது முதல் படமான ப்ளட் சிம்பிள் துவங்கி, ஃபார்கோ, த லேடி கில்லர்ஸ், இண்டாலரபிள் க்ரூயல்டி, நோ கண்ட்ரி ஃபார் ஓல்டு மேன், மற்றும் சமீபத்தில் பார்த்த படமான த மேன் ஹூ வாஸ் நாட் தேர் வரை சொல்லிவந்திருக்கிறது,

திர்பார்க்காத  திருப்பங்கள் துரோகம் , வக்கிரம், குரூரம், குருதி, வன்முறை இவர்களின் எல்லா படைப்புகளினூடே   நீக்கமற நிறைந்திருக்கிறது கூடவே  நீதி போதனையும். என்னவோ இவர்கள் செய்யும் நீதி போதனை மட்டும் அனைவருக்கும் பிடிக்கவே செய்கிறது, இந்த படமும் கூடத்தான்.

வர்களின் காமிரா ஜாலங்கள் ஒவ்வொன்றும் கவிதைகள் என சொல்லுவேன்.  எல்லாமே ஐலெவல் க்ளோஸ் அப் ஷாட்டுகளாய் வைத்து நடிகரின் முகபாவத்துக்கே முக்கியத்துவம் கொடுப்பார்கள் , இது எப்போதுமே எனக்கு வியப்பை வர வழைப்பவை. இந்த படத்தில்  கருப்பு வெள்ளையில் வித்தை காட்டுகின்றனர்.அதில் என்ன ஒரு விந்தை என்றால் இவர்கள் பயன்படுத்திய ஒளியுத்தியும் உபகரணங்களும் ஐம்பதுகளில் பயன்படுத்தியவையே,ஆகவே  நமக்கு இது 1950களில் எடுத்த படம் போலவே  எண்ண வைக்கிறது,இறுதியில் நமக்கு கிடைப்பது மிக அற்புதமான நியோ நாய்ர் வகை ப்ளாக் ஹ்யூமர் விருந்து.படம் பார்த்தவுடன் கருப்பு வெள்ளை மீது ஒருவருக்கு காதல் வந்துவிடும்.

படத்தின் கதை:-
movie1261692705டம் 1949ஆம் ஆண்டில் கலிஃபோர்னியாவில்  துவங்குகிறது,செயின் ஸ்மோக்கிங் பழக்கமுள்ள எட் க்ரேன் (பில்லி பாப் தார்ண்டன்) ஒரு கைதேர்ந்த முடிதிருத்தும் தொழிலாளி,மனைவி டோர்ரிஸ் (ஃப்ரான்கஸ் மெக்டார்மண்ட்) ஒரு டிபார்ட்மெண்ட் ஸ்டோரில்  அக்கவுண்டட் ஆக இருக்கிறாள்,  தன் பூர்வீக வீட்டில் இயங்கும் சலூனில் தன் அண்ணன் ஃப்ரான்க் முதலாளியாக இருக்க தன் கணவன் அங்கு தொழிலாளியாக முடிதிருத்துவதால் கணவனிடம் இளக்காரமும் அதிகம் உண்டு, தன் செல்வந்தரான முதலாளியான பிக் டேவுடன் கள்ளக்காதலும் உண்டு, இருந்தும் எட் க்ரேனை எப்படி கழற்றி விடுவது?  எனத் தெரியாமல் மிகவும் தவிக்கிறாள், அதிகம் குழம்பி, புகையும் மதுவும் உட்கொள்கிறாள்.

ட் க்ரேனுக்கும்  இந்த கள்ளக் காதல் விவகாரம் தெரியாமல் இல்லை, இவரது குறியெல்லாம் எப்படியாவது குறுக்குவழியில் பணக்காரனாவதிலேயே உள்ளது. போதாத குறைக்கு ஒருநாள் இவனிடம் வந்து முடிவெட்டிக்கொள்ள வந்த டோலிவர் என்னும் பிஸினெஸ்மேன் புதிதான டெக்னாலஜியான நீரில்லாமல் சலவை செய்யும் முரையான ட்ரை க்ளீனிங் பற்றி சொல்லிவிட்டு,பார்ட்னராக சேர்ந்தால் சொற்ப காலத்திலேயே பணக்காரனாக முடியும் ,அதற்கு 10000$ செலுத்தி பார்ட்னராக ஆள் இருந்தால் சொல்லு, எனச் சொல்லி  அகல,எட் மனக்கோட்டை கட்டி,சதித்திட்டம் தீட்டுகிறார்.

ன் மனைவியின் கள்ளக்காதலனும் அவள் முதலாளியுமான பிக் டேவை டெலிபோனில் மிரட்டி உன்னுடைய அக்கவுண்டண்டுடனான கள்ளக்காதல் உறவை உன் மில்லியனர் மனைவியிடம் சொன்னால் நிமிடத்தில் நீ வீதிக்கு வந்துவிடுவாய், அது குறித்த நிறைய ஆதாரங்கள் வைத்துள்ளேன் என மிரட்ட, பிக் டேவ் பயந்து எட் க்ரேனை அழைத்து இது போல என்னை ஒருவன் பிளாக் மெயில் செய்கிறான், என கள்ளக்காதல் பிரச்சனையை சொல்லாமல் , ஆலோசனை கேட்க, எட் க்ரேன் அவன் ஆதாரத்துடன் தான் மிரட்டுகிறான்,பணத்தை கொடுத்துவிடு என சொல்கிறார்.

manwhow2  பிக் டேவின் நம்பிக்கக்குறியவரைப்போல் நடித்து 10000$ பணத்தையும் கொண்டுபோய் பிளாக் மெய்லரிடம் சேர்ப்பது போல நாடகமாடி தன் ட்ரைகிளீனிங் ஸ்லீப்பிங் பார்ட்னர் டோலிவரிடம் கொண்டு தருகிறார். டோலிவர் பணத்தை வாங்கிக் கொண்டு நீட்டாக பத்திரத்தில் இவரை பார்னராக சேர்த்து 10000$ பெற்றுக்கொண்டேன் என கையொப்பமிட்டு தருகிறார்.சில தினங்களில் வேலை துவங்கும் என சொன்னவர் சில தினங்களாய் காணவில்லை,திருடனுக்கு தேள் கொட்டியது போல இவருக்கு வயிற்றை கலக்குகிறது,சும்மாயில்லை கடைத்தேங்காய் என்றாலும் பணம் அல்லவா?அவன் ஏமாற்றியே விட்டான் என நினைத்து புழுங்கும் வேளையில் பிக் டேவிடமிருந்து போன் வருகிறது, உடனே வந்து பார் என்று.

ங்கு சென்றவுடன் இவனிடம் டோல்லிவர் என்னும் ஒருவன் என்னிடம் இதே கள்ளக்காதல் விவகாரத்தை சொல்லி 10000$ பணம் கேட்டு மிரட்டினான் என்றும், அவனை முறையாக விசாரித்ததில் முன்பு போன் செய்து மிரட்டி பணம் பெற்றவன் யார்? என தெரிந்துவிட்டது என்கிறான். இவர் முகத்தில் ஈயாடவில்லை, பயத்தில் வியர்க்க,

வரை பிக் டேவ் பலம் கொண்டமட்டும் கழுத்தை நெரிக்கிறான். கண்ணாடி ஜன்னலில் இவர் தலையை வைத்து அழுத்தி கழுத்தை நெரிக்க கண்ணாடியே நொறுங்குகிறது, இவர் சுதாரித்து அருகே மேசையில் இருந்த சுருட்டு நறுக்கும் கத்தியை எடுத்துக்கொண்டு பிக் டேவின் கழுத்து நரம்பில் மின்னல் வேகத்தில் சொருகி வெளியே இழுக்க, பிக் டேவுக்கு பூச்சி கடித்தது போல இருந்து பின்னர் குருதி பிரவாகமெடுத்து பொங்குகிறது. பிக் டேவ் இறந்ததை உறுதி செய்துகொண்டு கைரேகையை அழித்துவிட்டு அமைதியாக வீடு வர மனைவி டோரிஸ் அன்று காலை இவர்கள் சென்று வந்த திருமணத்தில் உட்கொண்ட மதுவினால் ஏற்பட்ட உச்சக்கட்ட போதையில் தூங்கிகொண்டிருக்க.

பொழுதுவிடிந்ததும்,இவர் பிழைப்பை பார்க்க கிளம்பி விட்டார்,பணம் போன யோசனையில் மிகவும் சோகமாய் முடி வெட்டிக்கொண்டிருக்க, அங்கு வந்த  டிடெக்டிவ்கள் இருவர்,இவரை தனியே அழைத்துப்போய் இவர் மனைவி தன் தன் முதலாளியை கொன்ற குற்றத்திற்காக கைது செய்யப்பட்டு விசாரனைக்காவலில் வைக்கப்பட்டுள்ளாள் என்றும், அவளுக்கு நல்ல வழக்கறிஞரை அமர்த்தி வழக்காடுமாறும் சொல்லிவிட்டு அகல, இவருக்கு பணம் போன சோகத்தோடு குற்ற உணர்வும் மனைவியின் மீது பரிதாபமும் சேர்ந்துகொள்ள, சிறையில் சென்று மனைவியை பார்த்து அவளின் மேக்கப் சாதனங்கள் ,சிகரெட் மற்றும் மாற்று உடைகளை தருகிறார்.

ன்று இரவே இறந்து போன பிக் டேவின் மனைவி இவனை சந்திக்க வருகிறாள், தன் கணவனின் கொலையை இவரின் மனைவி டோர்ரீஸ் செய்திருக்க முடியாது என்கிறாள்,தன் கணவருக்குக்கும் UFO (வேற்றுகிரக வாசிகளும் பறக்கும் தட்டுகளும்) வுக்கும் தொடர்பு இருக்கிறது அவர்கள் தான் இவரை ஏதொ செய்திருக்கின்றனர், என உறுதியாக சொல்லுகிறாள், இதை தானே வந்து சாட்சியாகவும் சொல்லப்போவதாக சொல்லுகிறாள். இவருக்கு கொலையை யாராவது ஏற்றுக்கொண்டால் மகிழ்ச்சி தானே?

கரிலேயே மிகப்பிரபலமான வழக்கறிஞர் ஃப்ரெட்டி ரீடன்ச்னீடரை  தன் நண்பர் அறிவுறையின் படி அணுக, அவரின் முதற்கட்ட ஃபீஸ் அட்வான்சுக்கும்,வந்து போகும்,தங்கும் ஸ்டார் ஹோட்டல் பில்லுக்கும் ஏகத்துக்கும் பணம் தேவைப்பட , தன் மைத்துனன் ஃப்ரான்க் இப்போது இருக்கும்  சொந்த கட்டிடத்தையும் சலூனையும் வங்கியில் அடமானம் வைத்து கடன் வாங்கி கட்ட வழக்கு சூடு பிடிக்கிறது.

வரின் மனைவி குற்றம் செய்யாததால் தைரியமாக இருக்க, வழக்கறிஞர் ஃப்ரெட்டி இறந்து போன பிக் டேவின் பூர்வீகத்தை துப்பறிய ப்ரைவேட் டிடக்டிவை அமர்த்துகிறார், அவன் ஒரே இரவில் அவன் வரலாற்றையே கொண்டுவருகிறான்,அதில் பிக் டேவ் சண்டைக்கு அலைபவன் என்றும், ஹோமோசெக்சுவல் என்றும், முன்பு அமெரிக்க ராணுவத்தில் இருந்த போதே அடிக்கடி வம்பு தும்புகளில் மாட்டி பெயர் கெட்டு , கட்டாய ஓய்வு பெற்றவன் என்றும், அவன் முன்பு எல்லோரிடமும் பெருமையாக சொன்னது போல போரில் சாகசங்கள் எதுவும் செய்தவனில்லை என்றும் கண்டறிந்து வந்து சொல்கிறான்.  இதை தெரிந்து கொண்ட எவனோ ஒருவன் பிக் டேவை மிரட்டியதால் அவர்கள் இருவருக்கும் கைகலப்பு ஆகி பிக் டேவ் கொலையாகி இருக்கலாம், என்றும் வழக்கை ஜோடித்து பயணிக்க திட்டமிடுகிறார் வழக்கறிஞர்


ழக்கறிஞர் தங்கும் காஸ்ட்லி ஸ்டார் ஹோட்டல் அறைக்கும் , சாப்பிடும் காஸ்ட்லி குஸின் உணவுக்கும் தகுந்த பலன் இருக்கும் என்றே எட் க்ரேனும் ஃப்ரான்கும் நினைக்க,  எதிர்பார்த்ததைவிட  வழக்கு மெதுவாகவும், அரசு தரப்பு சாட்சி விசாரணைகள்  பலமாகவும் இருக்கிறது. இதனால் மனம் நொந்த மைத்துனன் ஃப்ரான்க் மதுவுக்கு அடிமையாகிறான். சலூனுக்கே வருவதில்லை, இருந்தாலும் எட் க்ரேனுக்கு அதில் எந்த வித மன வருத்தமும் இல்லை, வங்கிக்கு  மாத வட்டியை இவர் உதவிக்கு இன்னொருவனை அமர்த்திக்கொண்டு வேலை பார்த்து சரியாக கட்டி வருகின்றார்,

னதுக்குள் ஒரு மகிழ்ச்சியாக மனைவி சிறைக்கு சென்றும் இவருக்கு அதிர்ஷ்டம் அடித்து சலூனுக்கு முதலாளியும் ஆகி விட்டாரே! அது தான் மகிழ்ச்சிக்கு முதல் காரணம் .   இப்போது குஷி மூடில் வெறும் நாற்பதுகளில் இருக்கும் நம் எட் க்ரேனுக்கு மாலை வேளைகள் கழிக்க வசதியாக நண்பரின் வீடும் அவரின் அழகிய பதின்ம வயது மகள் பிர்டியின் (ஸ்கார்லெட் ஜோஹன்ஸன்)  பியானோ இசையும்  இலவசமாய் கிடைக்க,  மனிதர் செமையாக ரிலாக்ஸ் செய்கிறார்.

ருவழியாக வழக்கு விசாரணை வந்தேவிட, அனைவரும் ஆஜர், இன்னும் அவன் மனைவி மட்டும் வரவில்லை, கோர்ட்டில் மைத்துனன் ஃப்ரான்க்கிற்கோ கோபம் பொத்துக்கொண்டு வருகிறது, காஸ்ட்லி வழக்கறிஞர்   வாதாடுவதைக் காண வந்தவன்  இன்னும் வழக்கு ஆரம்பிக்காமல் இருக்க கோபமாக கத்துகிறான். அப்போது நீதிபதியும் வந்துவிட அவரது காதில் டிடக்டிவ்கள் ஏதோ கிசுகிசுக்க, நீதிபதி வழக்கறிஞரின் காதில் கிசுகிசுக்க, காஸ்ட்லி வழக்கறிஞர் கோபமாகி கேஸ் பேப்பர்களை கிழித்து போடுகிறார்,

ன் சர்வீஸில் இது போல எப்போதும்  சந்தித்ததில்லை என கோபமாக வெளியேற. பின்னர் இவரின் மனைவி விசாரணைக்கு வர எத்தனிக்கையில் எதற்கோ பயந்து தூக்கு மாட்டிக் கொண்டு இறந்தது தெரியவருகிறது. இப்போது வெளியே இவருக்கு துயர முகமாக இருந்தாலும், உள்ளே இன்முகம் தான். இன்னும் சில நாட்களில் மைத்துனனும் குடித்தே பரலோகம் போய்விடுவான், வங்கி கடனையும் அடைத்து விட்டால் இந்த சொத்தும் தனதே என மனப்பால் குடிக்கிறார்.

ன்று வழக்கம் போல முடி திருத்திக்கொண்டிருக்கையில் மீண்டும் இரண்டு டிடக்டிவகள் இவரை தனியாக பாருக்கு அழைத்துப்போய் தங்களுக்கு சரக்கும் இவருக்கு காபியும் தருவித்துக்கொண்டு , மிகவும் தயங்கி  இவரின் மனைவிக்கு பிரேத பரிசோதனை ரிப்போர்ட் வந்துவிட்டது, அதில் அவள் கருவுற்றிருந்தாள், எனவும் சொல்லி இவரைத் ஆறுதலாய் தேற்ற , இவர் சிறிதும் சலனமில்லாமல் நாங்கள் சில வருடங்களாகவே உடலுறவு கொண்டதில்லை,எனவே ஆறுதலுக்கு அவசியமில்லை, என சொல்லிவிட்டு கிளம்புகிறார். தன் மனைவி தூக்கு மாட்டிக்கொண்டதன் பிண்ணணி இப்போது இவருக்கு புரிகிறது.

ப்போது கவலை தோய்ந்த முகத்துடன் மாலை வேளைகளில் நண்பரின் வீட்டுக்கு சென்று  அவரின் அழகிய பதின்ம வயது மகளின் பியானோ இசையை வாசிக்க சொல்லி கேட்டு ஃபீலிங்ஸ் காட்டுகிறார், ஆனால் உள்ளுக்குள் மனிதர் செமையாக ரிலாக்ஸ் செய்கிறார்.

 ந்தப் பெண் பிர்டி(ஸ்கார்லெட் ஜோஹன்ஸன்)  எங்கு சென்று பியானோ வாசித்தாலும் போய் லயித்து நிற்பதை வழக்கமாக்கிக்கொள்கிறார்.வெகுவாய்  புகழ்கிறார்.அப்படி ஒரு சமயம் அந்தப்பெண் தன் காதலுடன் நின்று பேசும் போதும் இவர் வெளியில் சிரித்து உள்ளே புழுங்கி வாழ்த்துகிறார்.

scarlett_johansson_the_man_who_wasn't_there_001ப்படித்தான் ஒரு நாள் குட்டி ஷோக்கில் அந்த பெண்ணை நீ கட்டாயம் ப்ரொஃபஷனல் பியானிஸ்டாக வேண்டும் அதற்கு ஆகும் கல்விக்கட்டணம் என்னை சேர்ந்தது, என உசுப்பேற்றி அவளை நகரத்தின் மிகவும்  ப்ரொஃபெஷனலான ஃப்ரெஞ்ச் கருப்பர் இன பியானிஸ்ட் வல்லுனரிடம்  கூட்டிப்போக, அவளை நோட்ஸ் கொடுத்து வாசிக்கச் சொன்ன அந்த பியானிஸ்ட் வல்லுனர்  மிக ஆழமாய்  யோசித்து விட்டு  இவரை  தனிமையில் அழைத்து, அந்த பெண் நோட்ஸைப் பார்த்து மட்டுமே வாசிக்கிறாள் பியானோவை ஒரு டைப் ரைட்டர் போல பாவிக்கிறாள். ஆனால் அதில் ஜீவன் இல்லை, அது  தானாய் பிறப்பிலேயே வரவேண்டும், இவளுக்கு அழகிய விரல்கள் இருப்பதால் இவள் டைப்பிஸ்டாக வரலாம். என குதர்க்க ஆலோசனை சொல்லி அனுப்ப, இவருக்கு பற்றிக்கொண்டு வருகிறது.

ரும் வழியில் கார் ஓட்டிக்கொண்டே அந்த இசைவல்லுனரை திட்டிக்கொண்டே வர, பிர்டி இவரை மிகவும் தோழமையுடன் தேற்றுகிறாள், இவ்வளவு மென்மையான மனிதருக்கு மனைவி இல்லையே? என வருந்துகிறாள்.அவரின் உதட்டில் மென்மையாக முத்தமிடுகிறாள்.இவர் குஷியாக, அவரின்  தொடையில் கை வைத்தவள் ,இன்னும் அத்து மீறி , இதில் ஒன்றும் தவறில்லை என எடுத்த எடுப்பில் அவருக்கு வாய்ப்புணர்ச்சி அளிக்க எத்தனிக்க, இது என்னடா இது? எடுத்தவுடனே டேக் ஆஃப் ஆகுது இது கருமம்னு , இவர் நிலை தடுமாறி அவளை விலக்க,  அவள் மறுத்து கிழவருக்கு ஆறுதல் கொடுத்தே தீருவேன் என அடம் பிடிக்க.

வர்களின் கார்  எதிரே வந்த இன்னொரு காருடன் மோதி தூக்கி எறியப்பட்டு , இவருக்கு நினைவு தப்ப, கண் விழித்தால் இரண்டு டிடக்டிவ்கள் முகத்தில் விழிக்க வேண்டியிருக்க, இவர் மீண்டும்  கண்களை  மூட எத்தனிக்க, அந்த டிடக்டிவ்கள் இவர் பெயரை சொல்லி இது எத்தனை? என கேட்டு இவரை மடக்க, இவர் குட்டி ஷோக்கில் பிர்டி என்ன ஆனாள்? எனகேட்க?  அவளுக்கு கழுத்தில் முறிவு ஆனால் உயிர் பிழைத்து விட்டாள். ஆனால் உங்களை நாங்கள் இரட்டைக் கொலை குற்றத்திற்காக கைது செய்கிறோம் என்கின்றனர். இவர் மீண்டும் மயங்கி விழுகிறார்.

1.ஆக்சுவலாக இவர் எப்படி மீண்டும் டிடக்டிவ்களிடம் மாட்டினார்?
2.அது என்ன இரட்டைக் கொலை?
3.இவருக்கு நாமம் போட்ட டோலிவர் எங்கே போனான்?
4.இவரின் தளிர் விட்ட காதல் கைகூடியதா?
5.இவருக்கு சார்பாக வாதாட வழக்கறிஞர் கிடைத்தார்களா?அதற்கு இவரிடம் பணம் இருந்ததா?

போன்ற கேள்விகளுக்கு இந்த சுட்டியில் படத்தை தரவிறக்கி பார்த்து விடைகண்டுகொள்ளுங்கள்,சரியான எண்டர்டெயின்மெண்டுடன் கூடிய பளாக் ஹ்யூமர் நிச்சயம். படத்தின் ஒளிப்பதிவு ஒரு கவிதை, இசை சேர்ப்பு மிகவும் அருமை, பில்லி பார்ப் தார்ண்டனின் சீரியஸான நடிப்பு கண்டிப்பாக எல்லோருக்கும் பிடிக்கும்.இவரின் சிறந்த நடிப்புக்காக ஸ்லிங் ப்ளேட் என்னும் படத்துக்காக 1996 ஆண்டு ஆஸ்கர் வாங்கியவர்.மனிதர் ஒரு சூரப்புலி,இனி இவரின் படங்கள் ஒவ்வொன்றாய் பார்க்க வேண்டும்.

 கோயென் பிரதர்ஸின் பெரும்பாலான எல்லா படங்களிலும் வரும் கைதேர்ந்த நடிகையான ஃப்ரான்கஸ் மெக்டார்மண்ட் இதிலும்  அருமையான நடிப்பால் நம்மை கவர்கிறார். கணவனிடம் சிகரட் ஒரு பஃப் வாங்கி இழுத்து விட்டு ஸ்டைலாய் புகை விட்டுக்கொண்டே எனக்கு கால்களை ஷேவ் செய்து விடு என அலட்சியமாக சொல்லும் இடம் அருமை.

ழக்கறிஞராய் வந்த டோனி ஷால்ஹாப் செம ப்ரொஃபெஷனல் , தும்மினாலும் பில் போடும் ரகம், சரியான சிரிப்பு இவர் வரும் காட்சிகளில். பிர்டியாக வந்து பியானோவை மீட்டி நம் மனதையும் மீட்டிச் செல்லும் ஸ்கார்லெட் ஜோஹஸன் அட்டகாசமான அழகு. ஆனால் கடைசியில் இப்படி இறங்கி விட்டது தான் உறுத்தல்.

ற்றபடி  கிளாஸிக்,டார்க் ஹ்யூமர் ஜெனர்  விரும்பிகள் தவறவிடக்கூடாத படம்.
முழுக்கதையும் படிக்க நைனைப்போர் படத்தின் காணொளியைத் தாண்டி வந்து படிக்கவும்



====================
ட் க்ரேனுக்கு செத்தே இருக்கலாம் போல இருக்கிறது.முதலில் பிர்டி இறந்திருப்பாள் போல , அது தான் நம்மை கைது செய்கின்றனர், என நினைக்க, டோல்லிவர் என்னும் பிஸ்னெஸ் மேன் காருக்குள்ளேயே வைத்து கொலை செய்யப்பட்டு,மூழ்கடிக்கப்பட்டு, அழுகிய நிலையில் காரையும் பிணத்தையும் ஏரியில் கண்டெடுத்ததாகவும் அவன் வைத்திருந்த ப்ரீஃப்கேஸில் இருந்த டாகுமெண்டுகளில் இவர் டோலிவருக்கு 10000 $ தந்த விபரமும் இருந்ததால் மிக எளிதாக மாட்டினார் என்றும் தெரியவர, இவருக்கு தலை சுற்றுகிறது.

மேலும் இவர் மனைவி எழுதிய கணக்கு புத்தகத்தில் பற்று வைக்கப்பட்டிருந்த 10000$ தான் இவர் டோலிவருக்கு தந்த பணம் என் உறுதியாகி, இவள் மனைவி கொலைக் குற்றமற்றவள் என உறுதியாகிறது.பணத்தை இவர் திருடியதை பிக் டேவ் கண்டுபிடித்ததால் பிக் டேவையும் பிஸினெஸ் டீலிங்கில் சச்சரவு வந்ததால் டோல்லிவரையும் கழுத்தை அறுத்து கொலை செய்ததாக குற்றம் சாற்றப்படுகிறது (டோலிவரை கழுத்தை அறுத்து கொலை செய்தது பிக் டேவ்) பல நாள் திருடன் ஒரு நாள் அகப்படுவான் என்பது போல இவர் செய்யாத கொலைக்கு மாட்டிக்கொண்டார்.

ப்போது இவரின் மைத்துனன் ஃப்ரான்கின் வீட்டை மீண்டும் தன் வழக்கு செலவுக்காக மறு அடகு வைத்து வைத்து, அதே காஸ்ட்லி வழக்கறிஞரை வாதாட அமர்த்துகிறார். ஆனால் வழக்கு தொடங்குகையிலேயே இவரின் குடிகார மைத்துனன் ஃப்ரான்க் குறுக்கிட்டு இவரை அடித்து நையப்புடைக்க, பணப்பேயான வழக்கறிஞர் இனி பணம் பெயராது என்று வழக்கை கைகழுவிவிட்டு ஓட்டம் எடுக்க,

ரசு தரப்பில் இவருக்காக ஆஜரான ஏப்பை சோப்பையான வழக்கறிஞர் இவரை குற்றத்தை ஒத்துக்கொள்ளுமாறு அறிவுறுத்த, இவரும் வேறு வழி தெரியாமல் ஒத்துக்கொள்ள , இவருக்கு எலக்ட்ரிக் சேரில் வெகு சீக்கிரம் சாவுக்கு நுழைவு டிக்கெட் கிடைக்கிறது.இவர் செய்த குற்றங்கள் கண்முன் வந்து போகின்றன.டெத் ரோவில் இருக்கும் போதெ ஒரு துப்பறியும் மாத இதழ் இவரை அணுகி இவரின் சொந்தக்கதையை எழுதச்சொல்ல,ஒரு வார்த்தைக்கு 1 செண்ட் கிடைக்கிறதே என இவரும் சுவாரஸ்யமாக எழுதுகிறார்.(அப்போதும் விடாத பணத்தாசை)

ப்படி சிறையில் தூங்குகையில் இவர் கனவில் UFOவின் பறக்கும் தட்டையும் வேற்றுகிரக மனிதர்களையும் காண்கிறார்.இவருக்கு எல்லாமே புதிராக இருக்கிறது, இறுதி நாளும் வருகிறது. இவரை சிறை அதிகாரிகள் எலக்ட்ரிக் சேருக்கு கூட்டிப்போய் ஃபார்மாலிட்டி செய்கின்றனர். (அற்புதமான வித்தியாசமான வெண்ணிற தண்டனை அறை செட்)

வர் பரலோகம் போய் அங்கு தன் மனைவியிடம் நடந்தவற்றையும் தன்நிலை விளக்கத்தையும் அளிக்க தன்னை தயார் படுத்திக் கொள்கிறார். ஆனால் இவர் செய்த தவறுகளுக்கு மனம் வருந்தவில்லை .இவரின் கால்கள் சவரம் செய்யப்பட்டு எலக்ட்ரிக் கண்டக்டர்கள் பூட்டப்பட்டு ,எலக்ட்ரிக் சேரில் அமர்த்தி , முகத்தை மூடி, மின்சாரம் பாய்ச்சப்படுகிறது.படம் அமைதியாக முடிகிறது.என்ன நண்பர்களே பல நாள் திருடன் ஒருநாள் அகப்படுவான் என்பது எத்தனை உண்மை?

==========================


35 comments:

ஹாலிவுட் பாலா சொன்னது…

தல ஃபார்மாலிடி பண்ணியாச்சி. லிங்க் கொடுத்தாச்சி. தூக்கமா வருது. வந்து படிக்கிறேன்.

ஜாக்கி சேகர் சொன்னது…

நானும் பார்மாலிட்டி பண்ணிட்டேன்.. தம்பி

||| Romeo ||| சொன்னது…

சூப்பரா இருக்கு தல. முடிவு என்னன்னு சொல்லிட எங்கள மாதிரியான ஆளுங்களுக்கு கொஞ்சம் சவுகரியமா இருக்கும்.

ஹாலிவுட் பாலா சொன்னது…

///இவர்களின் காமிரா ஜாலங்கள் ஒவ்வொன்றும் கவிதைகள் என சொல்லுவேன்.////

உண்மைங்க. இவங்க படம் வெளிவருதுன்னா, அகாடமி அவார்ட்ல... மீதி நாலு இடத்துக்குத்தான் ஆள் தேடுவாங்க. ஒன்னு ரிஸர்வ்ட்!

ஃபார்கோ எழுதிட்டீங்களா.. தல? இல்லைன்னா அதையும் போட்டுடுங்க. இப்படி சீன் பை சீன் -ஆ எப்படித்தான் ஒவ்வொரு படத்துக்கா எழுத முடியுதோ போங்க.

சினிமாவுக்கு, நீங்க ஒரு தமிழ் விக்கி!!!

mayilravanan சொன்னது…

'no country for old men' பாத்துருக்கேன்.நீங்க சொன்னதாலே இதையும் பாத்துற்றேன்.
//வழமையாக முழக்கதையை சொல்லாமல் விடை பெறுகிறேன்.//
ஏண்ணே இப்பிடி.... :)

கலையரசன் சொன்னது…

வழக்கம்போல விமர்சனம் கலக்கல் மச்சி!
வியாழன் வரும் போது படத்தை காப்பி பண்ணிக்கறேன்...

மாட்டுக்கு தண்ணி காட்டியாச்சி!(ஓட்டுகள் போட்டாச்சு)

கண்ணா.. சொன்னது…

முக்காவாசி கதையை சொல்லிடீங்களே தல....

கள்ளகாதல்-கொலை-மறுபடியும் காதல் - 18+ என போட்ருந்தீங்கன்னாலே போதும்........

பார்மலிட்டி பண்ணிற்றேன் தல.....

இன்னும் இந்த கலைக்கு யாரும் லாடம் கட்டலையா.....

கண்ணா.. சொன்னது…

@ ஹாலி பாலி..

12.30 க்கு தூக்கமா வருதுன்னு சொல்லிட்டு 4.30 மணிக்கு படிச்சிட்டு பின்னூட்டமா...

நாங்க கமந்தடிச்சு தூங்கிட்டு இருக்கும்போது நீங்க தனியாளா சுத்திகிட்டு இருக்கீங்களே....

மகா சொன்னது…

superb review ...

பேநா மூடி சொன்னது…

நல்ல விமர்சனம் தல...

ஜீவன்பென்னி சொன்னது…

வழக்கமான நடவடிக்கை பூர்த்திசெய்யப்பட்டது.

செ.சரவணக்குமார் சொன்னது…

அருமை நண்பர் கார்த்திக்கேயன்
வழக்கம்போல மிக அருமையான விமர்சனம் நண்பா. தொடர்ந்து நிறைய எழுதுங்கள் கார்த்தி.

//ஹாலிவுட் பாலா சொன்னது…
சினிமாவுக்கு, நீங்க ஒரு தமிழ் விக்கி!!!//

சரியாகச் சொன்னீர்கள் பாலா.

pappu சொன்னது…

ஆனா பொறுமையா திரைக்கதை வரைக்கும் எழுதும் புண்ணியவான் இவர்தான்!

வானம்பாடிகள் சொன்னது…

பார்க்கத் தூண்டுகிறது. நன்றி.:)

கருந்தேள் கண்ணாயிரம் சொன்னது…

இதோ வோட்டிங் ஓவர். . கொஞ்சம் லேட்டாதான் பார்த்தேன் . .ஹீ ஹீ . . .விமர்சனம் நல்லா இருக்கு நண்பா . .. . பார்க்க வேண்டிய படங்கள் லிஸ்ட்ல சேர்த்தாச்சு . . :-)

கருந்தேள் கண்ணாயிரம் சொன்னது…

இதோ வோட்டிங் ஓவர். . கொஞ்சம் லேட்டாதான் பார்த்தேன் . .ஹீ ஹீ . . .விமர்சனம் நல்லா இருக்கு நண்பா . .. . பார்க்க வேண்டிய படங்கள் லிஸ்ட்ல சேர்த்தாச்சு . . :-)

கோபிநாத் சொன்னது…

அண்ணே முழுசாக படிச்சேன்...கலை சொன்னதுக்கு ஒரு ரீப்பிட்டே ;))

பின்னோக்கி சொன்னது…

இந்த படத்தின் திரைக்கதை புத்தகம் மாதிரி இருக்கிறது இந்த பதிவு. கடுமையான உழைப்பு. ஒவ்வொரு காட்சியையும் விவரித்திருப்பது அருமை. பார்கோ, நோ கண்ட்ரி படங்கள் மட்டும் பார்த்திருக்கிறேன். மற்றப் படங்களை பார்க்கும் ஆவலை கிளப்பி விட்டீர்கள்.

வினோத்கெளதம் சொன்னது…

வழக்கம்போல் கலக்கல் அலுவலகத்தில் கொஞ்சம் வீட்டில் கொஞ்சம் படித்தேன்..;)

கார்த்திக்கேயனும் அறிவுத்தேடலும் சொன்னது…

@ஹாலிவுட் பாலா
தல முதல் ஃபார்மாலிட்டிக்கும், லிங்க் கொடுத்தமைக்கும்,சொல்லிட்டு போனதற்கும் மிக்க நன்றி.
==========================
@ஜாக்கி சேகர்
அண்ணே ஃபார்மாலிட்டிக்கு மிக்க நன்றி
==========================
@ரோமியோ
நண்பா வருகைக்கும் பாராட்டுக்கும் மிக்க நன்றி
உங்களுக்காகவே முழுக்கதையையும் எழுதி இருக்கேன்
==========================
@ஹாலிவுட் பாலா
தல மீள் வருகைக்கு மிக்க நன்றி.
ஃபார்கோ எழுதவில்லை, கண்டிப்பாக எழுதுகிறேன்.
தல த சீரியஸ் மேன் பார்த்துவிட்டு எழுதுங்க தல.இங்க இன்னும்
டிவிடி வரவில்லை. வாய்ப்பு கிடைத்தால் ப்ளட் சிம்பிள் பார்க்கவும்.
நோ கண்ட்ரி ஃபார் ஓல்டு மேனில் பின்பற்றிய ஏனைய யுத்திகள் இந்த முதல் படத்திலேயே செய்து விட்டனர்.
தல விக்கியில் தமிழில் எழுதும் எண்ணம் இருக்கிறது,
தல பிடித்த படங்களுக்கு மட்டுமே இப்படி எழுத தோன்றுகிறது
==========================

கார்த்திக்கேயனும் அறிவுத்தேடலும் சொன்னது…

@மயில் ராவணன்
வாங்க நண்பா முதல் வருகைக்கு நன்றி
உங்களுக்காகவும் முழு கதையும் எழுதப்பட்டது
==========================
@கலையரசன்
வாடா மச்சான்.
வருகைக்கும் , பாராட்டுக்கும் தண்ணி காட்டியதற்க்கும் நன்றி
கிட்டத்தட்ட 100 புதிதாய் தரவிரக்கிய படங்கள் உண்டுடா.அள்ளிக்கோ
==========================
@கண்ணா
வாங்க தல நல்ல அட்வைஸ் தான். அடுத்தமுறை செய்வேன்.
ஃபார்மாலிட்டிக்கு மெயினா நன்றிகள். கலைக்கு லாடம் யாராவது கட்டமுடியுமா?
==========================
@கண்ணா
ஹாலிபாலியை நானே இந்த கேள்வியை கேட்க இருந்தேன்.கேட்டமைக்கு நன்றி
==========================

கார்த்திக்கேயனும் அறிவுத்தேடலும் சொன்னது…

@மகா
வாங்க நண்பா,நலம் தானே?
வருகைக்கும் பாராட்டுக்கும் நன்றி
=========================
@பேநாமூடி
வாங்க நண்பா,வருகைக்கு மிக்க நன்றி
=========================
@ஜீவன் பென்னி
வாங்க நண்பா ,தொடர் வருகைக்கும் பூர்த்தி
செய்தமைக்கும் மிக்க நன்றிகள்
=========================

கார்த்திக்கேயனும் அறிவுத்தேடலும் சொன்னது…

@சரவணகுமார்,
வாங்க நண்பா வருகைக்கும் பாராட்டுக்கும் நன்றி
விக்கியில் எழுத எண்ணம் இருக்கு பாஸ், மிகவும் எளிதாய் உள்ளிட முடியுமாம்,சிக்கிரம் என் பதிவுகளை விக்கி தமிழில் சேர்ப்பேன்.
உங்க அன்புக்கும் ஹாலிவுட் பாலாவின் அன்புக்கும் மிக்க நன்றிகள்
==========================
@பப்பு
வருகைக்கும் என்ன புண்ணியவான்னு சொன்னதற்கும் மிக்க நன்றி
==========================
@வானம்பாடிகள்
வாங்க ஐயா, கண்டிப்பாய் பாருங்க,
வருகைக்கு நன்றி
==========================

கார்த்திக்கேயனும் அறிவுத்தேடலும் சொன்னது…

@கருந்தேள்
வாங்க நண்பா,வருகைக்கும் ஒட்டுக்கும் கருத்துக்கும் நன்றி
கண்டிப்பாய் பாருங்க பிடிக்கும்
==========================
@கோபிநாத்
வாடா தம்பி வருகைக்கும் கருத்துக்கும் மிக்க நன்றி
==========================
@பின்னோக்கி
வாங்க நண்பரே வருகைக்கும் பாராட்டுக்கும் நன்றி
ஃபார்கோவும்,நோ கண்ட்ரியும் பிடித்தால் இதுவும் பிடிக்கும் தான்.
சீக்கிரம் பாருங்கள்
==========================
@வினோத்கௌதம்
வா குரு முழுதும் படித்ததற்கு நன்றி
==========================

ஜோதிஜி சொன்னது…

இப்படி சீன் பை சீன் -ஆ எப்படித்தான் ஒவ்வொரு படத்துக்கா எழுத முடியுதோ போங்க.

சினிமாவுக்கு, நீங்க ஒரு தமிழ் விக்கி!

நான் படித்துக்கொண்டு வந்த போது மனதில் நிணைத்த அதே வார்த்தைகள். இந்த கேள்விக்கு நேர்மையான பதில் தேவை. உத்சேமாக ஒரு இடுகைக்கு எத்தனை மணி நேரம் எடுத்துக்கொள்வீர்கள். தொடக்கம் முதல் இணைப்பது வரைக்கும்.

வியப்பாக இருக்கிறது.

கார்த்திக்கேயனும் அறிவுத்தேடலும் சொன்னது…

வாங்க அருமை ஜோதிஜி நலம் தானே?
இந்த இடுகைக்கு நான் 8 மணி நேரம் எடுத்திருப்பேன்.
மனதுக்கு இனிய செயலாகையால் நேரம் காலம் பார்ப்பதில்லை. அன்புக்கும் ஊக்கங்களுக்கும் மிக்க நன்றி.

ஹாலிவுட் பாலா சொன்னது…

நான்.. தூங்கினது மதியானங்க!! அது 1-2 மணி நேரம். அவ்ளோதான்! நடுவில் ஒரு படம் வேற பார்த்திருந்தேன். :)

ஹாலிவுட் பாலா சொன்னது…

தமிழ் விக்கியில் எழுதறீங்களா.. கலக்குங்க!! என் எழுத்து நடை அதுக்கு ஒத்து வராது. இல்லைன்னா.. தாரளமா.. உங்களுக்கு உதவுறேன்னு சொல்லியிருப்பேன்!!

வாழ்த்துகள் கார்த்திக்கேயன்.

ஹாலிவுட் பாலா சொன்னது…

//சீரியஸ் மேன் பார்த்துவிட்டு எழுதுங்க தல.இங்க இன்னும் டிவிடி வரவில்லை//

உங்களுக்காக நாளைக்கு ஒரு பதிவு. :)

இன்னும் Blood Simple பார்க்கலை. அதையும் பார்த்துடுறேன். ஆனா.. நெஜமா.. என் ட்ராஃப்டை பார்த்தா எனக்கே மூச்சு வாங்குதுங்க.

என்னைக்கு எழுதி முடிக்கப் போறேனோ? :)

உண்மைத் தமிழன்(15270788164745573644) சொன்னது…

No country for old man-ஐ பார்த்து தலையைப் பிய்த்துக் கொண்டதுதான் மிச்சம்..!

பின்புதான் இந்த அண்ணாத்தைகளின் மகிமை தெரிந்து, படித்து, புரிந்து இவர்களின் படங்களைத் தேடிப் பார்த்தேன்..!

ரொம்பவே வித்தியாசப்படுகிறார்கள் இவர்கள்..! ஒரு சினிமாவில் இத்தனை திடுக்.. திடுக்.. திருப்பங்களை வைச்சா எப்படி..?

ச.செந்தில்வேலன் சொன்னது…

நானும் பார்மாலிட்டி பண்ணிட்டேன்..

வழக்கம் போல நல்ல திரைப்பார்வை.

விக்கியில் பங்களிக்க வாழ்த்துகள்.

கார்த்திக்கேயனும் அறிவுத்தேடலும் சொன்னது…

@ஹாலிவுட் பாலா
தல பாத்து தல மதியம் ஆபீஸ்ல தூங்கி மாட்டிக்காதீங்க:)))))
---------------------------
தல இன்னிக்கி என்ன லீவா மதியம் படம் பாத்தேன்னு சொல்லுறீங்க?
இல்லை ஆபீஸ்லயே பாத்தீங்களா? சான்சே இல்லை
======================
தல நீங்க எழுதினீங்கன்னா அதுக்கு ரீச்சே வேற...
உங்க எழுத்து நடை யூசர் ஃப்ரெண்ட்லி ரீச்சபிள் மெட்டீரியல்.
வாழ்த்துக்களுக்கு நன்றி தல
நீங்க உங்க பழைய பதிவுகளையும் கொடுத்து உதவலாம் தல.
நான் எல்லாம் வால் தான்
எக்சாம்பிள்:-
ஹானிபல் சீரீஸ்
பல்ப் ஃபிக்‌ஷன்
பிக்சார் சீரீஸ்
இன்னும் சா சீரீஸ்
என அடுக்கலாம்
ப்ளாக்கையும் தாண்டி நிறைய பேர் விக்கியை தேடுகிறார்கள்.
அவர்களுக்கு கண்டிப்பாய் உதவும் தல
யோசிங்க
=======================
தல சீரியஸ் மேன் எழுதுவதால் நானும் மல்ஹால்லாண்ட் இரண்டாம் பாகம் எழுதுகிறேன்.
ப்ளட் சிம்பிள் கண்டிப்பா பாருங்க தல.80ஆம் ஆண்டுக்கு அந்த படம் மிகப் பெரிய முயற்சி
தல எப்படி ட்ராப்ட்டை இவ்வளவு பிசியா வைக்கிறீங்க?
=======================

கார்த்திக்கேயனும் அறிவுத்தேடலும் சொன்னது…

@உண்மைதமிழன்
வாங்க அண்ணே,கோயன் ப்ரதர்ஸை பற்றி எழுதினால்
மட்டும் தான் உங்களை கடைப்பக்கம் பார்க்க முடியுது.
என்ன பதிவை குறைச்சிட்டிங்க?
மீண்டும் பதிவுகளை ஆரம்பிங்கண்ணே!
வருகைக்கு நன்றி
======================
@செந்தில்வேலன்
வாங்க நண்பரே , உங்க ஆலோசனை தானே எல்லாம்
உங்களுக்கு தான் அந்த க்ரெடிட் எல்லாம்.
வரும் வெள்ளி ஆரம்பிப்பேன்.
வருகைக்கு நன்றி

ஹாலிவுட் பாலா சொன்னது…

எடுத்து போஸ்ட் பண்ணுறதைப் பத்தி எதுவும் இல்லைங்க. என்னோட பேச்சு வழக்கு தமிழ் நடை, எழுத்துத் தமிழுக்கு ஒத்து வருமா? அப்படி நீங்க நினைச்சா என்னைக் கேட்கவே தேவையில்லை. தாராளமளா எடுத்துப் போடுங்க.

==

நேத்து சீரியஸ் மேன் பார்த்தேன். இன்னைக்கு முடிஞ்சா வீட்டுக்குப் போய் எழுதப் பார்க்கிறேன்.
---

நான் தூங்கினது ஞாயத்துக் கிழமைங்க. நல்லா தேதி பாருங்க. உங்க ஊர் டைம்ல கணக்கு போட்டுகிட்டு இருக்கீங்களா? :)

அப்புறம்.. ஆஃபீஸில் தூங்கறது.. ரெகுலர்தான். சில சமயம் இங்கயே கூட படம் பார்ப்பேன். யாரும் இல்லைன்னா :) :)

அதுக்குத்தானே.. தனி ரூம், 24” மானிட்டர், ப்ளூரே ட்ரைவ் எல்லாம் என் ஆஃபீஸ் பிஸியில் இருக்கு? :)

(வீட்டுக்கு தனி லிஸ்ட். சொன்னா.. பொட்”டீ”க்கடை உட்கார்ந்து எந்திரிக்கிற இடத்தில்... பாய்லரே இல்லாம பால் பொங்கிடலாம்) :)

BADRINATH சொன்னது…

Sir
I am unable to download from the "sutti", since it is asking so many hyperlinks. Kindly guide me how to download please

Related Posts Plugin for WordPress, Blogger...

குறிச்சொற்கள் வைத்து தேடிப்படிக்க

உலக சினிமாபார்வை (142) சமூகம் (99) தமிழ் சினிமா (47) கே.பாலசந்தர் (41) சினிமா (28) உலக சினிமா (23) விமர்சனம் (22) ஃப்ராடு (17) கமல்ஹாசன் (17) மலையாளம் (16) சினிமா விமர்சனம் (15) இசைஞானி (13) திரைப்படம் (12) கோயன் பிரதர்ஸ் (9) கலை (8) சத்யஜித் ரே (8) அயல் சினிமா (7) நட்பு (5) ஆக்கம் (4) இனப்படுகொலை (4) ஹாலிவுட் (4) அஜய் தேவ்கன் (3) சென்னை (3) தமிழ் (3) திரைவிமர்சனம் (3) ஃப்ரென்சு சினிமா (2) அடோன்மெண்ட் (2) அபர்ணா சென் (2) ஆமென் (2) இந்தியா (2) இனவெறி (2) இளையராஜா (2) உலகம் (2) எரோடிக் கல்ட் க்ளாஸிக் (2) ஓவியம் (2) சரசம் சல்லாபம் சாமியார் (2) சிந்தனை (2) சொத்துக் குவிப்பு வழக்கு (2) ஜெயமோகன் (2) டார்க்ஹ்யூமர் (2) டாஸ்மாக் (2) திரை விமர்சனம் (2) தீர்ப்பு (2) தொடர் பதிவு (2) பதிவுலகம் (2) மோசடி (2) ரிசெஷன் (2) ஹவ் டு நேம் இட் (2) ஹிந்தி (2) K.E.ஞானவேல் ராஜா (1) chennai (1) அமீரகம் (1) அமெரிக்க நகைசுவை (1) அரசியல்வாதி (1) அறிஞர்கள் சொன்ன முத்தான பத்து (1) அழகி (1) இன அழிப்பு (1) ஈழம் (1) எந்திரன் (1) ஏழாம் உலகம் (1) ஐபேட் (1) கட்டுரை (1) கதை (1) கற்பழிப்பு (1) கலக்கல் காமெடிகள் (1) காசாவில் நிலவும் துயரம் (1) காசி மாநகரில் அழகிய கங்கை நதி (1) காசி மாநகரில் அழுகிய கங்கை நதி (1) காந்தி மகான் சில நினைவுகள் (1) கார் லைசென்சு (1) கேட் வின்ஸ்லெட் (1) கொடூரம் (1) கொலை (1) சப் டைட்டில் (1) சப் டைட்டில் சேர்ப்பது எப்படி? (1) சித்ராங்கதா சிங் (1) சிரிக்கலாம் வாங்க (1) சிரிப்பு (1) சிறுகதை (1) சீட்டிங் (1) செல்போன் (1) சோகம் (1) ஜெசிக்கா லால் (1) ஜெட் ஏர்வேஸ் (1) ஜேவியர் பர்டம் (1) டரியோ மரியனல்லி (1) டாக்மி 95 (1) டிம் ராப்பின்ஸ் (1) டெக்ஸாஸ் (1) தண்டனை (1) தனி மனித ஒழுக்கம் எவ்வளவு முக்கியம் ? (1) துபாய் (1) நரபலி (1) நாஜி (1) பதேர் பாஞ்சாலி (1) பறக்கும் ரயில் (1) பல்கலைக்கழகம் (1) பாரிஸ் (1) பேரழிவு (1) போபால் (1) மரண தண்டனை (1) மாத்தி யோசி (1) மார்கன் ஃப்ரீமேன் (1) மிருகவதை (1) முற்பகல் செய்யின்.. (1) மூடநம்பிக்கை (1) ராஹுல் போஸ் (1) ரூபாய் குறியீடு (1) லஞ்சம். (1) விமான விபத்து (1) விம் வாண்டர்ஸ் (1) விஷவாயு (1) ஷார்ஜா (1) ஹட்சக்கர் ப்ராக்ஸி (1) ஹல்லாபோல் (1) ஹிட்லர் (1) ஹோட்டல் ருவாண்டா (1) ஹோலிஸ்மோக் (1)