த அபு ட்ரிலஜி-1 பதேர் பாஞ்சாலி[இந்தியா]1955

லக சினிமாவுக்கு இந்தியாவின்  பங்களிப்பு என்ன? என்ற கேள்விக்கு உடனே  எல்லோரின் நினைவுக்கும் வருவது:- அபு ட்ரிலஜி, அபுவின் முதல் பாகம் - பதேர் பாஞ்சாலி , பதேர் என்றால் சாலை | பாஞ்சாலி என்றால் வங்காள மொழியில் நாட்டுப்புறப்பாட்டு. [சாலையில் கேட்கும் பாட்டு]

ப்படி திடீரென? சத்யஜித் ரே  ஃப்லிம் மேக்கரானார்? அதுவும் எப்படி கிடைத்தது இந்த உலகப்புகழ்?, உலகின் எல்லா தலைசிறந்த சினிமா இயக்குனரும்,கலை விற்ப்பன்னரும் இவர் படைப்புகளை தேடிப்பார்த்து வியந்து, இதன் சாயலில்லாமல் எங்களால் இனி படம் செய்யமுடியாது என சொன்ன புகழ், பிறந்த பயனை அவர் அன்றே , ஐம்பது ஆண்டுகளுக்கு முன்பே அடைந்துவிட்டார்!!!.என்றால் மிகையல்ல.

ந்தியராகிய நமக்கு தான், ஃபாரினர் ஒரு பண்டம் உசத்தின்னு சொல்லிவிட்டால், உடனே அது உசத்தின்னு சொல்லி நாமும் கோஷம் போடுவோமில்லையா!!  எனவே நானும், சின்ன வயதில் எத்தனையோ முறை  ஞாயிறு மதியம் தேசிய ஒளிபரப்பில் போட்ட , ஆர்ட் ஃப்லிம் என சகலரும் ஒதுக்கிய இந்த படத்தை தரவிறக்கி மிகவும்  பொறுமையுடன் பார்க்க ஆரம்பித்தேன். பதேர் பாஞ்சாலி முடிந்த பின்னர் அபரஜிதோ ,அது முடித்து அபுர் சன்சார் என இந்த படங்களை ஒரு பிரமிப்புடனான உந்துதலுடன் பார்க்க ஆரம்பித்தேன், ஆம்!!! சோறு தண்ணியே இல்லாமல்.
ருப்பு வெள்ளை+35 எம் எம், இதை பார்க்க  சிறிது பழக்கம் இருந்தால் போதும், வைட் ஸ்க்ரீன் பார்த்தே பழக்கப்பட்ட கண்களுக்கு 35 எம் எம் பிடிக்குமா? !!! இதை நிவர்த்தி செய்ய மீடியா ப்ளேயரில் வைட்ஸ்க்ரீன் ஸ்ட்ரெட்ச் செய்தேன் , அட ரம்மியம், என்ன சொல்லுவது? கலக்கல்.

ப்போது வெறும் 1.5 லட்சம் ரூபாயில் இப்படி ஓர் படைப்பா? இந்த ட்ரைலாஜிக்காக சத்யஜித் ரே அவர்கள் செலவிட்டது 1950-59 வரை ஒன்பது வருடங்கள்,வேறெந்த படங்களைப்பற்றியும் சிந்திக்காமல்  காலம் சென்ற ஓர் கல்கத்தா வாழ்ந்த ஏழை எழுத்தாளர் பிபூதிபூஷன் பண்டோபத்யாய் அவர்கள் எழுதிய பதேர் பாஞ்சாலி என்னும் சுயசரிதம் கலந்த புதினத்தை செதுக்கி படமாக்குவதிலேயே கழித்தார். இந்த படத்துக்கென அவர் ஒழுங்கான திரைக்கதை வடிவத்தை அமைத்துக்கொண்டதில்லையாம்,
வர் மனதில் தோன்றும் அந்த புதினத்தின் பாகங்களையும், அந்த புதினத்தின் பாகங்களுக்கு இவர் ஸ்டோரி போர்டு சித்திரம் போல வரைந்து வைத்ததையும் கொண்டே படப்பிடிப்பை நடத்தியுள்ளார், தொடர்ந்து படமெடுக்க முடியாத பண நெருக்கடியும் இவரை வாட்ட.கொஞ்சம் கொஞ்சமாக பணம் கிடைக்கும் பொழுதெல்லாம் எடுத்தார். ஐந்து வருடத்தில் முதல் படம் ஒரு வழியாக முடிந்தது.

வனிக்க வேண்டிய விடயம் ஒன்று . இவர் படத்தில் நடித்த அத்தனை பேரும் அமெச்சூர் நடிகர்களே. இவர் பதேர்பாஞ்சாலியில் உபயோகித்த உத்திகள் இன்றளவில் புகழ்பெற்ற இயக்குனர்களால் கையாளப்பட்டு வருகின்றன. அதில் பணிசெய்த கேமராமேன்  உட்பட  அனைவரும் புதுமுகங்களே! [ ஒரு சோற்றுப்பதமாக சிறுமி துர்கா பெரிய பானையிலிருந்து பூனைக்குட்டிகளை வெளியே தூக்குவாள்,அதில் பானையின் வாய் வழியே துர்காவின் முகத்தை பார்க்கலாம்,இதை தான் பின்னர் உலக சினிமா இயக்குனர்கள் இன்று வரை பின்பற்றி வார்ட்ரோபினுள் கேமிரா வைத்து அது வழியே நடிகரை பார்ப்பதுபோல் காட்சி வைக்கின்றனர்]


ந்த படம் மட்டுமல்ல!!! சத்யஜித்ரேயின் மொத்த படைப்புகளையும் மெர்ச்சண்ட் ஐவரி ப்ரொடக்‌ஷன்ஸ் என்னும் நிறுவனத்தார். தேடித்தேடி ஆவண காப்பு செய்துவருகின்றனராம். அவருக்கு கிடைக்காத பெருமையே இல்லை எனலாம், இவர் வாங்காத விருது! என இருந்தால் இனி அறிமுகம் செய்தால் தான் உண்டு போலும் , நாம் ஒதுக்கி தள்ளிய இந்த படைப்பு நியூயார்க்கில்   8 மாதம் ஓடியுள்ளது. ஏன்? இப்படி ஒரு வெற்றி?, உலக சினிமாவில் ஆமை வேகம் தான் உசத்தியா?  ரே,  அப்படி என்ன அவர் சாதித்தார்?

ன்கு பாருங்கள் மக்களே!!! இந்த மனிதர் சினிமா எடுக்கவில்லை,ஒரு சாமானியனின் வாழ்க்கையை  எதோ நாம் பக்கத்து வீட்டில் குடியிருந்தபடி சிரிப்புடனும், ஆசையுடனும், கோபத்துடனும் வேடிக்கை பார்க்க வைத்துவிட்டார். படத்தில் யாரும் நடிப்பை தர தரவென பொழியவில்லை, பிழிய வில்லை, ரே அவர்களை நோக்கி இதுவாயிரு!!! என சொன்னபடி  அவர்கள் அதுவாய் மாறியுள்ளனர். இப்படித்தான்  சாத்தியமாயிற்று இந்த வெற்றி!!! ரேயை பற்றி படிக்க இணையத்தில் மிக அதிகம் உண்டு, எழுதி மாளாது, பின் வரும் பதிவில் மீதம் எனக்கு தோன்றுவதை எழுதுகிறேன்.

50களில் மேடை நாடகத்தனமான அரங்கங்களமைத்து, இசையும் பாடல்களும் படத்தில் திணிக்கப்பட்டு, நடிகர்கள் வானத்தையும், சுவற்றையும் பார்த்து பக்கம் பக்கமாக வசனம் பேசும் பராசக்தி போன்ற படங்கள் அதிகம் எடுக்கப்பட்ட காலத்தில் மேற்கே இப்படி ஒரு ரியாலிச முயற்சி,ரேவுக்கு தான் என்ன ஒரு துணிச்சல்?

படத்தின் கதை:-

1920 களின் வங்காளத்தின் குக்கிராமம், அவ்வூரில் இரண்டே பிரிவினர், 1.ஏழை , 2.பணக்காரர், மூன்று தலைமுறையாக முன்னோர் வாழ்ந்த ஓட்டு வீடு பாழடைந்திருக்க, அதை சரிசெய்யக் காசில்லாமல், எந்த வேலைக்கு போனாலும் தன் சம்பளத்தை கொடு, என கேட்க திராணியில்லாத ஏழை பிராமணன் - ஹரிஹரன். [கனு பேனர்ஜி], பூஜாரியாகவும் , பிராமணார்த்தம் சாப்பிட்டும், ஓய்வு நேரத்தில் வங்காள கவிதைகள்,கதைகள் புணைந்தும் கூட  துக்கானி லேது!!! அதிர்ஷ்டகட்டை.

வரின் மிகப்பொறுப்பான, கீழ்படிதலுள்ள அழகிய மனைவி சர்ப்பஜெயா [கருணா பேனர்ஜி] அப்படி ஒரு பதிவிரதை, கர்ப்பிணி வேறு, இவர்களின் அழகிய பெண்குழந்தை துர்கா [உமா தாஸ்குப்தா] பெற்றொருக்கு பயந்தவள், இருந்தும் சிறு வயதினுக்கே உரிய மிகுந்த சேட்டைகளுண்டு,

சுட்டிப்பெண் துர்காவுக்கு கொள்ளை பிரியம் யார் தெரியுமா? இவளின் விதவை அத்தைப்பாட்டி-இந்திர் [சுனிபலா தேவி ] தன் கூன்போட்ட முதுகோடே தன் வேலைகளை தானே செய்துகொள்ளும் ஒரு 80 வயது ஜென்மம். பாட்டி தனியே தன் எதிர் குடிசையில் சமைத்து சாப்பிட்டும் வருகிறாள். ஆசையாய் ஒரு மாங்கன்றையும் ஊன்றி வளர்க்கிறாள். எந்நேரமும் துர்கா வளர்ப்பு நாயோடும் பூனைக்குட்டிகளோடும் விளையாடுகிறாள்.

துர்கா,பாட்டியின் மூத்த மருமகள், ஹரிஹரணிடமிருந்து ஏமாற்றி பிடுங்கிய தோப்பில் இருந்து அவ்வப்போது கொய்யாக்களும், மாம்பழங்களும் எடுத்து வந்து உணவுக்கு கஷ்டப்படும் பாட்டிக்கு தருகிறாள், இருவரும் அப்படி ஓர் அன்பினை பொழிகின்றனர். இருட்டிய பின்னர் , எண்ணெய் விளக்கின் ஒளியில் பல் போன பாட்டி சொல்லும் பேய்க்கதைகள் துர்காவுக்கு உயிர். [ஒரு காட்சியில் கதை சொல்லும் பாட்டியின் நிழலை ரே அருமையாய் கையகப்படுத்தியிருப்பார்] பாட்டி மாங்கன்றும் துர்காவுடன் சேர்ந்து வளர, அதற்கு தான் தாகத்துக்கு நீர் அருந்தியது போக  செடிக்கும் வார்க்கிறாள்.


னோ ? துர்காவின் அம்மா சர்ப்பஜெயா பாட்டியை ஏற்றுக் கொள்ளவே யில்லை, கூடுதல் சுமையென்றோ? பாட்டி அவ்வப்போது சர்ப்ப ஜெயாவின் சமையலறை சென்று மிளகாயும், தளிகை சாமான்களும் எடுத்து செல்வதாலோ? இருக்கும்!!!! இருக்கும். ஒரு நாள் கோபமிகுதியால் சர்ப்பஜெயா பாட்டியை ஏச, ரோஷம் கொண்ட பாட்டி தன் பழைய நைந்த பாயுடனும்,நெளிந்த சொம்போடும் வெளியேறி தெருவில் போய் வசிக்கிறாள்.

அபு[எ]அபராஜிதன் ஜனனம்:-
ப்போது சர்ப்ப ஜெயாவுக்கு பிரசவ வலி கண்டு அழகிய  ஆண்குழந்தையும் பிறக்கிறது, துர்கா எங்கிருந்தோ பாட்டியயும் அழைத்து வருகிறாள். ஹரிஹரனுக்கு மூன்று மாதமாக சம்பளபாக்கி 24 ரூபாய் வரவில்லை, நிலசுவாந்தாரரிடம் தன் சம்பளபாக்கியை கேட்கவும் திராணி இல்லை, சர்ப்பஜெயா உறவினரிடம் 5ரூபாய் கடன் வாங்கி செலவுகளை சமாளிக்கிறாள். பாட்டி தன் நைந்த கயிறுகளை சேர்த்து அழகாய் தொட்டில் செய்து பேரனை கிடத்தி,ராசகுமாரனாக பாவித்து அழகிய தெம்மாங்கு பாடல்களை பாடுகிறாள்.

ர்ப்பஜெயாவும் ஹரிஹரணும்  வரப்போகும் அபுவின் பிறந்தநாளை எப்படியாவது சிறப்பாய் கொண்டாட முயற்சிக்கின்றனர். இதற்கிடையே ஹரிஹரனுக்கு வேறொரு நிலசுவாந்தாரரிடம் பூஜாரி வேலை கிடைக்கிறது. செலவுகளை இழுத்துபிடித்து சமாளிக்கின்றனர், ஹரிஹரணுக்கு புகையிலை போட்டு ஹுக்கா இழுக்கும் பழக்கமுள்ளது, அவர் ஹுக்கா பிடித்துக்கொண்டே இரவில் எண்ணெய் விளக்கின் வெளிச்சத்தில் கவிதைகள்,கதைகள் வடித்தாலும் , படிக்கத்தான் ஆளில்லை!!!மனைவி இவர் திருமணத்துக்கு முன்பிருந்த பனாரஸிலேயே போய் ஈமைச்சடங்கு புரோகிதம் செய்யலாமே என அறிவுறுத்த, அவர் முன்னோரின் வீடு இதை புறக்கணிக்கக்கூடாது,பணம் சேரும்,அப்போது சீரமைப்போம் என்கிறார்.


அபு வளர்தல்:-

ப்போது துர்கா பதின்ம வயதில்அடியெடுக்க,இவளின் அப்பா அம்மாவுக்கு வீட்டை பழுதுபார்க்க வேண்டிய செலவு இருப்பதால்,இவளின் திருமணத்தை பற்றி அவ்வளவாய் யோசிக்கவில்லை, அபுவுக்கு மூன்று வயது,பெண்கள் படித்து என்ன ஆகப்போகிறதென்று யோசித்தோ?பெண்கல்வி அங்கே புழக்கத்தில் இல்லாததாலோ அபு மட்டும் சில பர்லாங் தூரம் கடந்துபோய்,

ரு மளிகைகடையுடன் பிராமணர் நடத்தும் தரைப்பள்ளிக்கூடத்தில் படிக்கிறான், அங்கே படிப்பை விட பிராமண உபாத்தியாயர் செய்யும் கொணஷ்டையிலேயே இவன் கவனம் போகிறது, அவர் சதா இலக்கியத்தையும் , நாடகத்தையும் பற்றியுமே பேசுகிறார். இடையில் வியாபாரமும், உப்பில் சொருகப்பட்ட குச்சி கொண்டு பிள்ளகளுக்கு அடியும் பலே,பலே!!! [வேடிக்கையாக ஒருவர் தலைக்கு எண்ணெயை ஓஸி வாங்கி தேய்த்துக்கொண்டும் செல்கிறார்]

புவும் துர்காவும் தாயும் பிள்ளையும்  போல அப்படி ஒரு அன்பு, அபுவுக்கு  குளிப்பாட்டுதல், சோறூட்டுதல், தலைவாருதல், உடையணிவித்தல் என தாயாய் எல்லா பணிவிடையையும் செய்கிறாள் துர்கா, இருந்தும் அவளின் பொம்மை பெட்டியை மட்டும் அவன் தொட்டால் தீர்ந்தான், அடிதான். அதில் அவளுக்கு பிடித்தமான, சோவிகள், பாசிமணிகள், சிப்பிகள், புளியங்கொட்டை என எழைகளின் விளையாட்டு சாமான்கள் இருக்கின்றன.

துர்காவின் சக வயது தோழியுடன் அடிக்கடி விளையாடப் போகிறாள், அவளுக்கு திருமணம் நிச்சயமானது கேட்டு, இவளுக்கும் அந்த  திருமண  ஆசைகள் எழுகின்றன, ஆனால் வீட்டின் ஏழ்மையை உணர்ந்தவள், தனக்கு ஒருபோதும் திருமணம் ஆகாது!!! என உறுதியாய் நம்புகிறாள்.

அத்தைப்பாட்டியின் சாவு:-

ப்போது குளிர்காலமாதலால் இந்திர் பாட்டிக்கு இரவில் மிகவும் குளிர , பழைய நைந்த கோணிப்பையை வட்டமாய் ஓட்டை போட்டு அதில் தலையை நுழைத்துக்கொண்டு சாலவையாக அணிந்து குளிரிலிருந்து தப்புகிறாள். ஹரிஹரன் சம்பளம் வந்ததும் சாலவை வாங்கித்தருவதாய் சொன்னதை நம்பியவள்,ஒருகட்டத்தில் தாளாமல் மூத்த மருமகன் அளித்த பழைய போர்வை ஒன்றை போற்றிக்கொள்ள, சர்ப்பஜெயாவுக்கு வந்த கோபத்தில், போர்வை மட்டுமா அவர்களிடம் கேட்பது? அவர்களிடமே சாப்பாடும், இருப்பிடமும் கேட்டுக்கொள், என விரட்டிவிடுகிறாள்.

ங்கே சென்ற பாட்டிக்கோ ஏமாற்றமே மிச்சம், இங்கேயே மீண்டும் வந்த பாட்டியை சர்ப்பஜெயா மதிக்காமல் போக ரோஷம் கொண்ட பாட்டி கடைசியாய் தண்ணீர் வாங்கி குடிக்கிறாள். பின் வெளியேறியவள் ஒத்தையடிப்பாதையிலேயே அனாதைப்பிணமாய் செத்தும் போகிறாள்.

கரும்புத்தோட்டமும் ரயில் காணுதலும்:-

துர்காவின் பெட்டியிலிருந்து நெற்றிச்சுட்டியை அப்பு எடுத்து அணிந்துகொள்ள, கோபம் கொண்ட துர்கா, அவனை சீண்டி அடிக்கிறாள், அம்மா சர்ப்பஜெயா கன்றுக்குட்டி கட்டவிழ்த்து ஓடிவிட்டது என அதை தேடச் சொல்ல, துர்காவும், அப்புவும் தொலைதூரம் கன்றுக்குட்டியை தேடிப்போகின்றனர்.வழியில் கரும்பு ஒடித்து தின்கின்றனர். மின்சாரம் கொண்டு செல்லும் ட்ரான்ஸ்ஃபார்மர்கள் தென்பட, அதில் வரும் வினோதமான ஒலியை கேட்கின்றனர்.

தூரத்தில் இப்போது கூஎன சத்தம் கேட்க இவர்கள் என்னவென அங்கே இருப்பு பாதை நோக்கி செல்லும் முன்னரே ரயில் புகையை கக்கி கடந்து சென்றுவிடுகிறது. இருவரும் ஏமாற்றத்துடன் திரும்பி வரும் வழியில் கன்றுக்குட்டியை அழைத்துக்கொண்டு, அனாதைப் பிணமான அத்தைப்பாட்டியையும் பார்த்து அழுதபடி , எழுப்ப முயன்று தோற்கின்றனர். இவர்கள் நினைவு தெரிந்து பார்த்த முதல் சாவு, நெஞ்சில் தீராத வடுவாய் பதிகிறது.இப்போது பாட்டியின் மாங்கன்றுக்கு அப்புவின் வயதும், உயரமும் இருக்கும்,ஆனால் நீர் விடத்தான் ஆளில்லை.

மிட்டாய் காரர் பின் செல்லல்:- 
மாதங்கள் உருண்டோட  , இவர்களின் பாழும் வீட்டிற்கும் எப்போதும் வரும் ஒரு மிட்டாய் வியாபாரி, ஒரு மூங்கில் கம்பில் இருபுறமும் பானைகளை கயிற்றில் கட்டிக்கொண்டு, அதில் பால் கோவா, பால் பேடா, ரசகுல்லா, குலோப்ஜாமுன்,என எச்சில் ஊறவைக்கும் பண்டங்களை சத்தம் போட்டு விற்க, துர்கா எப்போதும் அப்பாவிடம் காசு வாங்க தம்பியையே உபயோகிப்பாள், அவன் மிகுந்த செல்லமாதலால் எப்படியும் காசு பெயர்ந்துவிடும், இப்போது அம்மாவின் கண்டிப்பால் அப்பா பணம் தரத் தயங்க, இருவரும் மிட்டாய்க்காரரின் பின்னே போகின்றனர்,செல்ல நாயும் செல்கிறது.

ங்கே அவர் இவர்களின் உறவினர் வீட்டுக்கு செல்ல, அங்கே அவர்கள் தின்பண்டம் நிறைய வாங்கியும் ஒருதலைபட்சமாக இக்குழந்தைகளுக்கு தரக்கூடாது என கட்டளை இடுகின்றனர். அங்கே இவளின் உறவினர் பெண் ஒரு அழகிய பாசிமாலையை கோர்க்கிறாள், அதை பார்த்த துர்கா, அதை பற்றி விசாரிக்கிறாள். அம்மாவின் கண்டிப்பிருந்தும் இவளுக்கு ஒரு பால் பேடாவை யாரும் பார்க்காவண்ணம் இவளின் தோழி பின்னால் வந்து ஊட்டிச்செல்கிறாள் [குழந்தைகள்,குழந்தைகள் தான்,மிக அருமையான காட்சியது!]

பாசிமாலை திருட்டு:-
ப்போது சர்ப்பஜெயாவின் மூத்த ஓரகத்தி, இவள் குடிசைக்குள் தடாலென புகுந்து துர்காவின் விளையாட்டு சாமான்கள்  அடங்கிய பெட்டியை அற்பத்தனமாய் வெளியே எடுத்துவந்து சோதிக்கிறாள், அதைக் கொட்டி தேட, இவள் தேடி வந்தது தென்படவில்லை, அவமானத்திலும் கோபத்திலும் தவித்தவள், எங்கே துர்கா? அவள் என் மகளின் பாசிமாலையை திருடிவிட்டாள், அவள் தான் அதை அதை கடைசியாய் விசாரித்தாள், என்கிறாள்.

ந்நேரம் பார்த்து துர்கா திருட்டு கொய்யாக்களுடன் வீட்டுக்கு வர,அதை பறித்து கீழேபோட்ட உறவினர் பெண், அவளை அடிக்கப்பாய,சர்ப்பஜெயா தடுத்து, குழந்தையென்றால் பழத்துக்கு அலையும் தான், கொய்யாவில் உன் கொய்யா என பெயரா எழுதியுள்ளது? என வக்காலத்து வாங்க, அந்த பெண்மணி உன் வீட்டில் மொத்தம் இரண்டு திருடிகள், ஒன்று நீ,இன்னொன்று உன் மகள், என தூற்றிவிட்டு,என் பணம் 5 ரூபாயை சீக்கிரம் தரும் வழியைப்பார், என வெளியேறியவள். தெருவில் போவோர் வருவோரிடமும் இவளைப்பற்றி சொல்லி ஏசுகிறாள், சர்ப்பஜெயாவுக்கு வந்தகோபத்தில் துர்காவை அடித்து வெளியேற்றியவள், இருட்டியதும் மனமிறங்கி மகன் அப்புவிடம் சொல்லி திரும்ப வீட்டுக்குள் அழைக்கிறாள்.

ரவு ஹரிஹரன் 3மாத சம்பள பாக்கி 24 ரூபாயுடன் வருகிறார்.இப்போது இருவருக்கும் வீட்டை எப்படியாவது பழுது பார்க்கவேண்டும், இல்லை என்றால் வரும் மழைக்காலத்தை சமாளிப்பது கடினம், என்று சொல்ல, ஹரிஹரன் பக்கத்து நகரத்தில் வேலை தேடிப்போகிறேன் என சொல்கிறார், கண்டிப்பாக வேலை கிடைக்கும், கூலியும் நன்றாயிருக்கும், என ஆறுதல் சொல்கிறார். காலையில் பயணத்துக்கு வேண்டிய சாமான்களை எடுத்துக்கொண்டு புறப்படுகிறார்.

பயாஸ்கோப்பு காணுதல்:-

இப்போது ஊருக்குள் ஒரு பயாஸ்கோப்பு காட்டுபவர் வந்திருக்க, அவரிடம் பிள்ளைகள் தேனைக்கண்ட ஈயைப்போல மொய்க்கின்றனர்,துர்காவும் தம்பி அபுவிடம் ஊருக்கு செல்லும் அப்பாவிடம் காசு கேட்கச்சொல்ல, அவரும் தருகிறார், தன் பிள்ளைகள், சென்னையையும், டில்லியையும், ஆக்ராவையும்,
ஜெய்பூரையும்   பயாஸ்கோப்பில் பார்த்து மகிழ்வதை  கண்டவர் புதிய ஊருக்கு தன் கட்டுசாதத்துடன் செல்கிறார்.


துர்காவின் தோழி திருமணம்:-

ப்போது ஊரே திரண்டு,யூனிபாரம் போட்டவர்கள் மேளம் தாளம்,ஆல்டோ வகை சாக்ஸபோன் வாசிக்க, கிலோக்கணக்காண கொழுத்த மீன்களை  ஒருவர் பெரிய அரிவாள்மனையில் நறுக்க, காயகறிகள் ஒருவர் நறுக்க, விமரிசையாய் துர்காவின் தோழி திருமணம் நடந்தேறுகிறது, இப்போது துர்காவின் ஆசைகள் பெருக்கெடுக்கிறது, அவளின் திருமணம் போல தன் திருமணம் நடந்தேறுமா? என்னும் எண்ணத்தை துர்கா தன் கண்களாலேயே நயமாய் வெளிப்படுத்துகிறாள். வாரம் ஒன்று உருண்டோட,துர்காவின் தந்தை வேறு நகரத்துக்கு போனவர் அங்கேயும் வேலை சரிவர கிடைக்கவில்லை,என கடிதம் எழுதுகிறார். வீட்டில் வாங்கிப்போட்ட மளிகை சாமான்கள் ரொம்ப நாள் காணாது!!!

சுவை கறந்து தரும் இடைச்சி இவளிடம் பால் வற்றப்போகிறது, பசுவுக்கும் கொஞ்சம் தீனிகாட்டு என்கிறார், துர்கா பூனைக்கு பாலுக்கு பதில் நீர் மட்டும் வைக்கிறாள். இப்போது அழகாக விரதம் மற்றும் பூஜை முறைகளை துர்கா அம்மாவுக்கு பயந்து செய்யத்துவங்குகிறாள். 1 மாதம் உருண்டோட, துர்காவின் தந்தை கடிதத்தில் வேலை கிடைத்துவிட்டது , என்றும் விரைவில் ஊருக்கு வருகிறேன் என்கிறார்.

வீட்டில் இப்போது குந்துமணி அரிசி இல்லை என்பதை சர்ப்பஜெயாவின் ஓரகத்தி கண்டுவிட்டு, இவளை உரிமையுடன் கோபிக்கிறாள்,[ரே நேராக காட்சிக்கு போய்விடுகிறார், நீட்டி முழக்குவதில்லை]  என்னை அந்நியமாய் நினைக்காதே என்றவள், கையில் ரூபாயை திணிக்கிறாள், இவள் அழுதவள் மறுக்கிறாள், அதை கீழே போட்டுவிட்டு அவள் செல்கிறாள்.இப்போது அவள் உதவ வந்தும் ரோஷத்தால் சர்ப்பஜெயா மறுக்கிறாள்.கணவனின் வரவைக்கூறி  இப்போது ஒரு அஞ்சல் அட்டை வர அது இவளுக்கு மிக ஆறுதலாயிருக்கிறது.


பேய்மழைக்காலம்:-

ங்காளம் என்றாலே மழைக்கும் புயலுக்கும் பேர்போனதாயிற்றே!!! பேய்  மழை இங்கே விளாசி எடுக்கிறது, சிறுமி துர்கா மழையில் நனையும் ஆசையில் அபுவையும் அழைத்துக்கொண்டு  பெரிய புளிய மரத்தடிக்கு போகிறாள், அபு அங்கேயே குளிரில் நடுங்கி  நிற்க, இவள் துள்ளி குதித்து ஆசைதீர நனைகிறாள், தன் வயதின் எல்லா ஆசைகளும் பூர்த்தி அடைந்ததாய் உற்சாகம் கொண்டவள், வீடு திரும்ப, 4 நாட்கள் கடும் ஜுரம் வந்து படுத்த படுக்கையாகிறாள்.

வளை சோதித்த மருத்துவர்,ஜன்னி கண்டுள்ளது, இன்னொரு முறை நனையலாகாது என்கிறார். இரவும் பேய்மழை,இவர்கள் வீட்டுக்கோ கதவு சன்னலில்லை, சாக்குப்பைதான். அதுவும் காற்றில் பிய்த்துக்கொள்ள. ஒற்றை எண்ணெய் விளக்கும் அணையப்போக,இவள் சாக்குப்பையை கட்டும்போதே துர்கா எதோ மரண பயத்தில் அழைத்து, குழந்தை போல அம்மாவின் அரவணைப்பை கடைசியாய் வேண்டுபவள் போல அம்மா என அணத்தி கைகளை தூக்குகிறாள், சர்ப்பஜெயா எதோ விபரீதம் என உணர்ந்தவள்,இவளை இறுக்க அணைத்து தேற்றுகிறாள். குழந்தை துர்க்கா அப்படியே உயிரையும் விட்டுவிடுகிறாள். விரைவில் வருவதாய் கடிதம் போட்ட ஹரிஹரன், இவர்களுக்காக பக்கத்து ஊர் சந்தையில் ஆசையாய் பொருட்களும் துணிமணிகளும் வாங்குகையிலேயே  இங்கே துர்காவின் சடங்குகள் முற்றுபெற்றிருக்கிறது.


புத்திர சோகம்:-

சோறு தண்ணீரில்லாமல் அழுது வீங்கிய கண்களுடனும்,கலங்கிய நெஞ்சமுடனும் பிள்ளைக்கு உணவுக்கு கீரை ஆய்ந்து கொண்டிருந்த சர்ப்பஜெயாவுக்கு ஓரகத்தி விட்டிலிருந்து ஒரு சிறுமி காய்கறிகள் கொண்டு வந்து தருகிறாள். மழை செய்த அட்டகாசம் கொஞ்சம் நஞ்சமில்லை, இந்த பாழடைந்த வீட்டை இன்னமும் சிதிலமாக்கிவிட்டது.

பின்னாலேயே துர்கா,துர்கா, அபு!!! என அழைத்தபடி ஹரிஹரன் வந்துவிட, இவள் எதுவும் பேசாமல் அவருக்கு வேண்டிய கூஜா, தண்ணீர், மேல் துண்டு, புகையிலை ஹுக்கா எடுத்து  வைக்கிறாள், முகத்தை மூடி முக்காடும் இட்டுள்ளாள். இவரின் எந்த கேள்விக்கும் பதில் சொல்லவேயில்லை, அவரே தான் வாங்கிவந்த சாமான்களை ஒவ்வொன்றாய் ஆசையுடன் காட்டுகிறார். சப்பாத்திக்குழவியும், மனையும். மகாலட்சுமி படமும் இவளுக்கு. துர்காவுக்கு பனாரஸ் புடவை என ஆசையாய் காட்ட, சர்ப்பஜெயா பொங்கி வீரிட்டு அழுகிறாள்.

ஊரை ,வீட்டை புறக்கணித்தல்:-

ப்போது மிகுந்த மன விரக்தியில் சொந்த ஊரை, முன்னோர் வீட்டை, துறப்பதென்ற முடிவில், ஹரிஹரன் தன் கவிதைகளை, கதைகளை, தூசுதட்டி, தட்டுமுட்டு சாமான்களை, ஏறக்கட்டி எடுத்து வைக்கிறார் .ஊரார் சிலர் ஒன்று கூடி இவர் முன் அமர்ந்து ஊரைவிட்டு போவது நல்லாவா இருக்கு? நாங்கலெல்லாம் இல்லை?மூன்று தலைமுறையாக மனிதர்கள் வாழந்த வீடு, என சொல்ல, இவர் போதும் இந்த வீட்டை புறக்கணிப்பதைத் தவிர எமக்கு வேறுவழியில்லை,சதா ஆசைப்பெண் துர்காவின் முகத்தை நினைவுபடுத்திக்கொண்டிருக்கும் இந்த வீடு.போதும் !!! என்கிறார். எப்போதும் அடுத்தவரின் கையை எதிர்பார்க்கும் வாழ்வு, வாழ்வா? என்கிறார்.

ள்ளே பரணில் எதோ எடுக்க ஏறிய அப்பு, கொட்டாங்குச்சியை எடுக்க அதில் இவனின் உறவுப்பெண்ணின் பாசிமாலை இருக்க, திகைக்கிறான்,உயிரினும் மேலான அக்கா தன்னிடமும் சிலவற்றை மறைத்துள்ளாள். என நினைத்தவன், இறந்தபின்னர்கூட அவளுக்கு அவப்பெயர் வேண்டாம் என நினைத்து ஓட்டை ஜன்னல் வழியே குதித்தவன், அந்த பாசிமணியை தேங்கிய நீரில் எறிகிறான்., இப்போது பரம திருப்தி அபுவின் முகத்தில்.

வலை தோய்ந்த மூன்று முகங்களும் கட்டை மாட்டு வண்டியில் கடையாணி ஓசையுடன்  செல்ல , இதுதான் சாக்கென்று ஒரு நீளமான பாம்பு இவர்கள் வீட்டுக்குள் மெல்ல நுழைவதையும் ரே காட்டத்தவறவில்லை, பண்டிட் ரவிஷங்கரின் சித்தார் ஓசை, எத்தனையோ சங்கதிகளை நமக்கு இப்போது சொல்லுகிறது. உண்மையிலேயே பாவம் துர்கா!!!.
விரைவில் அபரஜிதோவும் அபுசன்சாரும் எழுதப் பார்க்கிறேன்.
==========000===========
சிறு குறிப்பு:-
இந்த படத்தை பற்றி எழுத்தாளர்.எஸ்.ராமகிருஷ்ணன் அவர்கள் தன் தளத்தில்  பதேர் பாஞ்சாலி என்னும் பெயரில் எழுதிய விமர்சனம் இன்று   படித்தேன், மிக அழகான விவரணையும்,சிலாகிப்புகளும்.கண்டிப்பாய் சினிமா காதலர்கள் படிக்க வேண்டிய ஒன்று!!!அவரின் பதிவின் சுட்டி
அவரின் பெயரில்லா பழங்கள் என்னும் கட்டுரையை படிக்க சுட்டி

45 comments:

பின்னோக்கி சொன்னது…

இவ்வளவு விளக்கமாக, இந்தப் படத்தைப் பற்றி எங்கும் படித்ததாக நினைவில் இல்லை. இவ்வளவு நாட்களாக பார்க்கவில்லை என்பதையே, நாம் வெளிநாட்டினர் சொன்னால் தான் ஒருவருக்கு மரியாதை தருகிறோம் என்பதை உணர வைக்கிறது. பார்க்கவேண்டும்.

ஹாலிவுட் பாலா சொன்னது…

//விரைவில் அபரஜிதோவும் அபுசன்சாரும் எழுத பார்க்கிறேன்.//

நீங்க ரொம்ப பாவங்க!! இப்படியா சோறு ‘தண்ணி’யில்லாம டைப்படிப்பீங்க?? :(

|கீதப்ப்ரியன்|Geethappriyan| சொன்னது…

தல,
வாங்க

|கீதப்ப்ரியன்|Geethappriyan| சொன்னது…

@ஹாலிபாலா,
தல, எனக்கு இது இல்லையா?இதை நீங்க சொல்லுவீங்கன்னு நினைச்சேன்

//இன்னும் 1 ரைட்டு, 2 லெஃப்டு. அங்கதான் அத்தனை ஊமைப் படமும் இருக்கு!!! :)//

King Viswa சொன்னது…

இந்த படம் பற்றி இத்தனை விரிவான ஒரு பதிவா? பேசாமல் நீங்கள் ஒரு புத்தகமே வெளியிட்டுவிடலாம்.

இந்த படம் பார்த்து ரொம்ப வருஷமாச்சு. ரெப்ரெஷ் பண்ண மாதிரி உங்க பதிவு. நன்றி.

ஒரு காலத்துல டிடியில் பார்த்த படங்கள் இவை. பின்னர் டிவிடி வந்த பின்னர் தேடிப்பிடித்து பார்த்தேன் (ஒரு குறிப்பிட்ட காட்சியை பற்றி இயக்குனர் மிஷ்கின் சொன்னதால் அந்த தேடல்).

நன்றி.

|கீதப்ப்ரியன்|Geethappriyan| சொன்னது…

@பின்னோக்கி,
நண்பரே,இன்னொரு முறை இந்த படம் போட்டால் மிஸ் பண்ண மாட்டீர்கள் தானே?
நீங்கள் சொன்னது இது வாஸ்தவம்.
//நாம் வெளிநாட்டினர் சொன்னால் தான் ஒருவருக்கு மரியாதை தருகிறோம் என்பதை உணர வைக்கிறது. பார்க்கவேண்டும்.//
இப்படித்தான் ஒரு uk காரன் சொல்லி காந்திமேல் பற்று வந்தது.:)

|கீதப்ப்ரியன்|Geethappriyan| சொன்னது…

@கிங் விஸ்வா,
வாங்க நண்பரே,இந்த படத்தை எத்தனைமுறை மொக்க ப்ளேடு என தவறவிட்டுள்ளேன் என வருந்தினேன். காலம் தான் எவ்வளவு பெரிய காரணி?
வருகைக்கும் நல்ல கருத்துக்கும் நன்றி

கனவுகளின் காதலன் சொன்னது…

நண்பரே,

மிக அருமையான ஆக்கம். அர்ப்பணிப்பு நிறைந்த உழைப்பிற்கு சொந்தக்காரர் நீங்கள். தொடருங்கள்.

கோபிநாத் சொன்னது…

யப்பா...முழுபடத்தையும் பார்த்து மாதிரியே இருக்கு ;)

இயக்குனர் சார்லஸ் சொன்னது…

மிக நல்ல பதிவு. வாழ்த்துக்கள்

ஜெய் சொன்னது…

இதுவும் ரொம்ப நாளா பார்க்கணும்னு நினைச்சு வச்சிகிட்டே இருக்கேன்... பார்த்துடறேன்... நல்ல பதிவு...

|கீதப்ப்ரியன்|Geethappriyan| சொன்னது…

@கனவுகளின் காதலன்,
மிக்க நன்றி நண்பரே,

|கீதப்ப்ரியன்|Geethappriyan| சொன்னது…

@கோபிநாத்,
அருமைத்தம்பி நன்றி

|கீதப்ப்ரியன்|Geethappriyan| சொன்னது…

@இயக்குனர் சார்லஸ்
முதல் வருகைக்கும்,கருத்துக்கும் நன்றி திரு.சார்லஸ்

|கீதப்ப்ரியன்|Geethappriyan| சொன்னது…

@ஜெய்,
கண்டிப்பா பாருங்க,
நீங்க க்யூப்ரிக்குக்கு எழுதினா மாதிரி ரேவுக்கும் எழுதோனும்.

கண்ணா.. சொன்னது…

கலக்கல் தல.... ஆனால் ஓரு பதிவிற்காக நீங்க எடுத்துக்கற நேரமும் உங்க உழைப்பையும் நினைச்சா ஆச்சர்யமா இருக்கு...

Sabarinathan Arthanari சொன்னது…

//அதில் பானையின் வாய் வழியே துர்காவின் முகத்தை பார்க்கலாம்//
நல்லா தொகுத்து இருக்கிங்க.


//ரேயை பற்றி படிக்க இணையத்தில் மிக அதிகம் உண்டு, எழுதி மாளாது//
ஆனா உண்மை தமிழனுக்கு ஒரு போட்டி ஆரம்பிச்சிருச்சுன்னு காட்டி இருக்கிங்க ;)

நன்றி

கருந்தேள் கண்ணாயிரம் சொன்னது…

நண்பா... மிக அருமை ! அட்டகாசம் ! இப்பொழுதுதான் படிக்க நேரம் கிடைத்தது... முழுமையாக ரசித்துப் படித்தேன்..

ஆனால், என்னுடைய வருத்தம் என்னவெனில், சத்யஜித் ரே புகழ்பெற்ற அளவு, ரித்விக் கட்டக் புகழ்பெறவில்லை. இத்தனைக்கும், கட்டக்கின் முதல் படம், ரேயின் படத்தை விடவும் முன்னரேயே எடுக்கப்பட்டு விட்டது. இதற்கு ஒரு காரணமாக, கட்டக்கின் விளிம்புநிலை வாழ்க்கையைக் காரணமாகச் சொல்லலாம் என்று தோன்றுகிறது. அவரது Rebel Mentality, யாருக்கும் பணியாத குணம் ஆகியன. ரே, ஒரு அரிஞர் போல் வாழ்ந்தவர். மெத்தப் படித்தவர். ஜெண்டில்மேனாகத் தன்னை முன்னிறுத்திக் கொண்டவர்.. எனவே, அவரது படங்கள் சினிமா ‘பண்டிதர்களால்’ எடுத்துக்கொள்ளப்பட்டன. ஆனால், கட்டக், கடைசிவரை ஏழ்மையில் வாடி இறந்தார். . .

இந்தப் பதிவு அருமை. மிகவும் ரசித்தேன். பட்டையைக் கிளப்புங்கள் !!!!

|கீதப்ப்ரியன்|Geethappriyan| சொன்னது…

@கண்ணா,
நன்றி நண்பா.

@சபரிநாதன் அர்த்தநாரி,
நண்பரே,நீளமா எழுதினாலே பாவம் உ.தமிழனை எல்லோரும் இழுத்து விடுகின்றனர்.:))
இதை அவர் க்ரெடிட்டாய் எடுத்துக்கொண்டால் சரி.
நன்றி நண்பரே.

@கருந்தேள்
ஆமாம் நண்பா,கட்டக் பற்றியும் நிறைய எழுத வேண்டும்,செய்வோம்,
நான் சொல்வதெல்லாம் ஒன்று தான். அருமையான படங்களை சர்வதேச சந்தையில் லாபி செய்யவேண்டும். ப்ரெசெண்டேஷன் வேண்டும். இதில் ரே திறமையாலும் ப்ரெசெண்டேஷனாலும் வெற்றிபெற்றுள்ளார்.

கட்டக்கின் நல்ல படங்களுக்கு போஸ்டர்கள் கூட ஆங்கிலத்தில் இல்லை.எல்லா தரப்பு மக்களிடமும் கொண்டு சென்று சேர்க்க தவறிவிட்டனர்.அது தான் துயரம்.:(
மேலும்,இந்தியாவிலேயெ அவரின் படங்களை அப்பட்டமாக திருடி படமும் செய்துள்ளனர்.எனவே உண்மையான படைப்புக்குரிய அங்கீகாரம் கிடைக்காம்ல போயிற்று.

ஜாக்கி சேகர் சொன்னது…

அன்பின் கார்த்தி ஒரு படத்தை பற்றி ரொம்பவும் அதில் மூழ்கி போய் பார்த்தால் ஒழிய இப்படி எழுத கிஞ்சித்தும் வாய்ப்பு இல்லை..

ரொம்ப நன்றாக அனுபவித்து எழுதி இருக்கின்றாய்... கருந்தேள் சொன்னது போல் கட்டக் பற்றி கேள்வி பட்டு இருக்கின்றேன்... அவர் பற்றி முழுதாய் அரியவில்லை...

என்ன செய்வது எதையும் புரோமோட் செய்ய சில விஷயங்கள் தேவையாய் இருக்கின்றன...திறமையை நிறுபிக்க கூட அதிஷ்டம் வேண்டும்தான்..

நல்ல விஷயத்தை சொன்ன கருந்தேளுக்குடம என் நன்றிகள்..

பிரசன்னா சொன்னது…

பல மேதைகள் நம் பக்கத்திலேயே இருக்கிறார்கள்.. பார்க்க வேண்டும்..
மொழி புரியுமா?

|கீதப்ப்ரியன்|Geethappriyan| சொன்னது…

@ஜாக்கி சேகர்,
அண்ணே வருகைக்கும் நல்ல கருத்துக்கும் மிக்க நன்றி.
கட்டக் படங்களை தொகுத்தால் 10 அருமையான படங்கள் தேறும். நல்ல ப்ரெசெண்டேஷன் இல்லாததால் அகில உலக கவனம் பெறமுடியவில்லை.
//கருந்தேள் சொன்னது போல அவரது Rebel Mentality, யாருக்கும் பணியாத குணம் ஆகியன.//
கூட இவரின் படைப்புகள் வெளியே தெரியாமல் போனதற்கு காரணிகள்,இவரின் மேக் தாக் தாரா தான் அவள் ஒரு தொடர்கதை,அதை இவருக்கு க்ரெடிட் தராமலே கன்னடம்,தமிழ் என எடுத்துள்ளனர்,என படிக்கையில் ப்ளேகாரிசத்துக்கு பேர் போனது இந்தியா என தான் நினைக்க தோன்றுகிறது.

|கீதப்ப்ரியன்|Geethappriyan| சொன்னது…

@பிரசன்னா,
ஆமாம் நண்பரே,இந்த படத்துக்கு சப்டைட்டிலை சின்க்ரோனைஸ் செய்தே ரிப் செய்துள்ளனர்.சப் டைட்டில் பணியை உணர்ந்து செய்தது பிரிடிஷ் சினிமா கவுன்சில்.

படம் நன்றாக புரியும்.
http://isohunt.com/torrent_details/24049195/The+Apu+Trilogy?tab=summary

மீனாட்சி சுந்தரம் சொன்னது…

நண்பர் கார்த்தி.
அருமையான படைப்பிற்கு ஓர் அருமையான பதிவு. ரே ஆஸ்கர் வாங்கிய சமயம் ஸ்டார் டிவியில் அவர் பேட்டி ஒளிபரப்பானது, அதில் அவர் பேசிய விஷயங்கள் என்னுள் பெரிய தாக்கத்தை ஏற்படுத்தியது. இந்த படம் பார்த்த பிறகு தான் அவர் எவ்வளவு பெரிய மேதை என்று உணர்ந்தேன். சிமெண்ட் பூசாத செங்கல் கட்டிடம் எப்படி வயது ஆக ஆக மெருகு கூடிகொண்டே போகுமோ அதே மாதிரி கருப்பு வெள்ளையில் இந்த படத்தின் அழகு காலத்தால் அழியாது. உலக திரைப்பட ஆர்வலர்களின் பெரிய மனக்குறை இவர் படங்கள் தரமான "Restoration" செய்யப்படவில்லை என்பது தான். மெர்ச்சன்ட் ஐவரி நிறுவனம் அதை செய்கிறது என்று அறிந்து மிக உற்சாகமடைந்தேன்.
சுபர்தா மிஸ்ரா பின்னாளில் இந்தியாவின் தலைசிறந்த ஒளிபதிவாளர் ஆனார். பனாரஸ் நகரத்தை இவர் கருப்பு வெள்ளையில் காட்டிய அழகு வேறு வண்ணப் படத்திலும் காண முடியாது.

இரண்டாம் பாகமும் எனக்கு மிகவும் பிடித்தது.

அன்புடன்,
மீனாட்சிசுந்தரம்

|கீதப்ப்ரியன்|Geethappriyan| சொன்னது…

@மீனாட்சி சுந்தரம்,
நண்பரே,அருமையாய் மேலதிக தகவல்கள் தந்தீர்கள்,இது மிகவும் பயனுள்ள தகவல்.அந்த அவசியம் பேட்டியை தேடிப்பார்க்கிறேன்.சுபர்தா மிஸ்ரா பற்றி எழுத மறந்துவிட்டேன்.உங்கள் பின்னூட்டம் அதை நிறைவு செய்தது.அடிக்கடி உங்கள் மனம்கவர்ந்த சினிமா பற்றி எங்களிடம் பேசுங்கள்.கேட்டுக்கொண்டே இருப்போம்.:)

சுரேஷ் கண்ணன் சொன்னது…

அன்பான கீதப்பிரியன்,

நான் பார்த்த ரேயின் முதல்படமே அவருடைய முதல்படமாயும் அமைந்தது தற்செயல்தான். அந்த இரவை என்னால் மறககவே முடியாது. ரே மருத்துவமனையில் இருந்ததும், ஆஸ்கரும் இந்திய அரசும் விருதுகள் அந்தச் சமயத்தில்தான். தூர்தர்ஷன் தோந்தெடுக்கப்பட்ட ரே படங்களை ஒரு வாரத்திற்கு ஒளிபரப்பியது. பதேர்பாஞ்சாலியை பார்த்து முடித்து திக்பிரமையோடு அமர்ந்திருந்தேன். உடனே டைரியில் நான் என்னுடைய எண்ணங்களை குறித்து வைத்தேன்.

இத்தாலியா நியோ - ரியலிஸப்படமான 'பை சைக்கிள் தீவ்ஸ்-ஸின் பாதிப்பில்தான் ரே பதேர் பாஞ்சாலியை உருவாக்கினார். முன்அனுபவமில்லாத சுபர்த்தோ மித்ராவி்ன் ஒளிப்பதிவு பிரமிக்கச் செய்கிறது. எஸ்.ராவின் நூல் இத்திரைப்படத்தைப் பற்றின முழுமையான பார்வையை முன்வைக்கிறது.
ரேவின்' சாருலதா' பார்த்திருப்பீர்கள். அதைப்பற்றியும் எழுதுங்கள்.

படத்தின் நிகழ்வுகள் முழுவதையும் எழுதுவதை விட அது உங்களை எந்தவிதத்தில் பாதித்தது என்பதற்கு அதிக முக்கியத்துவம் தருமாறு கேட்டுக் கொள்கிறேன். :)

குசும்பன் சொன்னது…

எப்படி ராசா? இவ்வளோ டைப் செஞ்ச? படிக்க ஆசையாகதான் இருக்கு, ஆனா இந்த மாதிரி பட போஸ்டரை கூட என்னால் ஒரு நிமிடம் பார்க்க முடியமாட்டேங்குது. அது ஏன்னு தெரியல.

|கீதப்ப்ரியன்|Geethappriyan| சொன்னது…

அன்பின் சுரேஷ்கண்ணன்,
உங்கள் வருகையும் மிக அருமையான கருத்தும் மெத்த மகிழ்ச்சியளிக்கிறது,அபுவை பார்த்த சூட்டோடு எழுத வேண்டும் என நினைத்து நாட்கள் ஓடிவிட்டது, இதை எழுதாமல் விடக்கூடாது,என்று விடாப்பிடியாக வேலை தேடும் படலத்தின் நடுவிலும் மனக்கண்ணிலேயே காட்சிகளை அசைபோட்டு ,புன்முறுவலுடன் எழுதியும் விட்டேன். இவ்வளவு நாள் இவற்றை தவறவிட்டோமே என்று குற்ற உணர்வே கடிசியாக மேலோங்கி நிற்கிறது, இதே உணர்வை எனக்கு ஷஷாங்க் ரிடெம்ப்ஷன் தான் கடைசியாய் கொடுத்தது, இரண்டும் வெவ்வேறு வகை,பாதிப்பை சொல்லவந்தேன்.

ஆம்! நானும் நீங்கள் சொன்னவாறே என்னை எப்படியெல்லாம் சத்யஜித் ரே வின் ஆக்கங்கள் பாதித்தது என்பதையும் எழுதிவிடுகிறேன்,திரு. எஸ்ரா அவர்களின் புத்தகம் அவசியம் வாங்கி படிக்கிறேன். மேலான தகவல்களுக்கும் கருத்துக்கும் நன்றி.

|கீதப்ப்ரியன்|Geethappriyan| சொன்னது…

@குசும்பன்,
ஏண்ணே,அப்படியா சங்கதி?
இருங்க அண்ணிகிட்ட சொல்றேன்.அண்ணே இந்த குசும்பன்னு பேர் வச்சிருந்தாலே இப்புடித்தான் மாத்த முடியாது:))எப்போ பதிவர் மீட்டிங்?அதை ஃபைனல் பண்றது?

ஹாலிவுட் பாலா சொன்னது…

//ரேவின்' சாருலதா' பார்த்திருப்பீர்கள். அதைப்பற்றியும் எழுதுங்கள்//

கஷ்டமடா சாமி.....!!

ஹாலிவுட் பாலா சொன்னது…

ஒரு மனுசன் நிம்மதியா... 18+ எழுதிகிட்டு இருந்தாரு. அது பொறுக்கலையா சுரேஷ் கண்ணன்??

மீனாட்சி சுந்தரம் சொன்னது…

//படத்தின் நிகழ்வுகள் முழுவதையும் எழுதுவதை விட அது உங்களை எந்தவிதத்தில் பாதித்தது என்பதற்கு அதிக முக்கியத்துவம் தருமாறு கேட்டுக் கொள்கிறேன். :)//

இதை நானும் ஆமோதிக்கிறேன்.

மற்றொரு கொசுறு: தலை சிறந்த பிரெஞ்சு ஓவியர் (Impressionist) ரென்வாரின் மகனான ஜீன் ரென்வார் "தி ரிவர்" படம் எடுக்க கல்கத்தா வந்தார். அப்போது அவருக்கு ரே பல உதவிகளை செய்தார், ரென்வார் ரேவின் திரைபட அறிவை பார்த்து விட்டு நீங்கள் ஏன் படம் இயக்கக் கூடாது என்று கேட்டார். அப்போது ரே பதேர் பாஞ்சாலி எடுக்க தயாராகிக் கொண்டிருந்த சமயம், ரென்வார் "ஹாலிவூட் குப்பைகளை ஒதுக்கி விட்டு உணர்வுப் பூர்வமாக படம் எடுங்கள்" என்று சொல்லி ரே வை உற்சாகப் படுத்தினாராம்.

அதுமட்டுமல்லாமல் அவருக்கு உதவியாக "தி ரிவர்" படத்தில் பணிபுரிய அழைத்தார் ஆனால் ரேவால் முடியவில்லை. சுபர்தோ மிஸ்ரா நிழல் பட கலைஞராக "தி ரிவர்" படத்தில் பணியாற்றி உள்ளார். இஸ்..அப்பா.. இப்பவே கண்ணக் கட்டுதே!..எப்படி தான் மயில் கணக்கில் டைப் அடிக்கிறீங்களோ?

|கீதப்ப்ரியன்|Geethappriyan| சொன்னது…

@மீனாட்சி சுந்தரம்,
நண்பரே கண்டிப்பாக இதை செய்கிறேன்.இதை ஒரு முழுப்பதிவாக போட்டதன் நோக்கமே பொறுமையோடு பார்க்கபிடிக்காத பலர் அடுத்தமுறையேனும் இதை தவறவிடக்கூடாது என்பதால் தான்.

ரே ரென்வாரின் பள்ளிக்கூடத்தில் கற்ற பாடத்தை அருமையாய் தன் படைப்புத்திறமையில் வெளியிட்டார் என்றால் மிகையில்லை,ரே மட்டும் இத்தாலிக்கு குடிபெயர்ந்திருந்தால் இந்திய பேரலல் சினிமாவிற்கு மிகப்பெரிய வெற்றிடம் ஏற்பட்டிருக்கும்,இன்னொன்றும் படித்திருக்கிறேன்,ரே புகழின் உச்சத்தில் இருந்த போதும் ரித்விக் கட்டக்கை பெரிய அளவில் சர்வதேச அரங்குகளில் விடாமல் முன் மொழிந்தார் என்று!ஆனாலும் அதிர்ஷ்டம் என ஒன்றும் உள்ளதே!! பாலிவுட் என்னும் பெரிய திமிங்கிலத்தால் அதைத்தான் இந்தியாவின் சினிமா என பல பேர் நினைக்கின்றனர்.அதை முதலில் உடைக்கனும்,:).
=====
உங்கள் பின்னூட்ட தகவல்கள் இந்த பதிவுக்கு மேலும் பலம்,மிக்க நன்றி நண்பரே

|கீதப்ப்ரியன்|Geethappriyan| சொன்னது…

@ஹாலிவுட் பாலா,
தல நீங்க தயவு செஞ்சு ஒரு 18+அல்லது 20+ அல்லது 40+ எழுதனும்,மூணில் எதாவது ஒண்ணு சீக்கிரம் எழுதுங்கள்:))இது சங்கத்தின் அவா

மயில்ராவணன் சொன்னது…

@ஹாலிவுட் பாலா,
தல நீங்க தயவு செஞ்சு ஒரு 18+அல்லது 20+ அல்லது 40+ எழுதனும்,மூணில் எதாவது ஒண்ணு சீக்கிரம் எழுதுங்கள்:))இது சங்கத்தின் அவா

மயில்ராவணன் சொன்னது…

@ஹாலிவுட் பாலா,
தல நீங்க தயவு செஞ்சு ஒரு 18+அல்லது 20+ அல்லது 40+ எழுதனும்,மூணில் எதாவது ஒண்ணு சீக்கிரம் எழுதுங்கள்:))இது சங்கத்தின் அவா

மயில்ராவணன் சொன்னது…

@ஹாலிவுட் பாலா,
தல நீங்க தயவு செஞ்சு ஒரு 18+அல்லது 20+ அல்லது 40+ எழுதனும்,மூணில் எதாவது ஒண்ணு சீக்கிரம் எழுதுங்கள்:))இது சங்கத்தின் அவா

மயில்ராவணன் சொன்னது…

கார்த்து,
வழமைப்போல் அருமையான விக்கி டைப் விமர்சனம். இந்தியா வரும்போது சொல்லுங்க.புத்தகம் போட்ரலாம். இல்லைனா மணிரத்னத்துகிட்ட சேர்த்துவிடுறேன் இணை இயக்குனராகிவிடுங்கள்.நன்றி.

மயில்ராவணன் சொன்னது…

ஃபார்மாலிட்டி டன்.

கீதப்ப்ரியன் சொன்னது…

@மயில் ராவணன்,
என்ன கொடும,சொந்த பதிவிலயே அனானியா கமெண்ட் போடவேண்டிருக்கு!!!லாக் இன் ஆகமாட்டேங்கிது.:(யாருக்கும் கருத்ஹ்டும் போட முடில.

கீதப்பிரியன் சொன்னது…

யாருக்காவது இந்த பாஸ்வேர்ட் பிரச்சனை கூகிளில் இருக்காஆஆஆஆஆஆஆஆஆஅ?

பெயரில்லா சொன்னது…

sooriya udayattai parrkathtu evvalavu kutramo
avvalavu kutram rayin padathai parrkathathu
-akira kurasawa-

江婷 சொன்னது…

閒來無聊逛逛blog~~跟您打聲招呼~~.................................................................

|கீதப்ப்ரியன்|Geethappriyan| சொன்னது…

@அனானி
உண்மைங்க,நன்றி

@கிம் கி டுக்
நீங்க என்ன சொல்லவர்ரீங்க சார்?

பெயரில்லா சொன்னது…

நண்பரே,
நல்லா எழுதியிருக்கீங்க,
நான் இந்த படத்தை எத்தனையோ முறை தவற்விட்டுள்ளேன்,இதை சென்னை லேண்ட்மார்க்கில் ட்ரைலாஜி டிவிடியாய் பார்த்த போது ,செம செம சிரிப்பு , கழுதைக்கு எதற்கு சிங்காரம்னு தோணுச்சு.

இந்த பதிவை பார்த்த பின்னர் எனக்கு தோன்றியதை அப்படியே எழுதுகிறேன். பூனை கண்ணை மூடிக்கொண்டால் உலகம் இருண்டுவிடாது. நான் மொக்கை என வெகுநாள் நினைத்தது அடுத்தவருக்கு பொக்கிஷமாயுள்ளது,நான் பொக்கிஷம் என நினிப்பது அடுத்தவர்கு மொக்கையாயிருக்கு.

இதுபோல முழுக்கதையை நான் முன்னமே படித்ததில்லை,ஒருவேளை படித்திருந்தால் முன்னமே பார்த்திருக்கலாம்.நன்றி.

Related Posts Plugin for WordPress, Blogger...

குறிச்சொற்கள் வைத்து தேடிப்படிக்க

உலக சினிமாபார்வை (142) சமூகம் (99) தமிழ் சினிமா (47) கே.பாலசந்தர் (41) சினிமா (28) உலக சினிமா (23) விமர்சனம் (22) ஃப்ராடு (17) கமல்ஹாசன் (17) மலையாளம் (16) சினிமா விமர்சனம் (15) இசைஞானி (13) திரைப்படம் (12) கோயன் பிரதர்ஸ் (9) கலை (8) சத்யஜித் ரே (8) அயல் சினிமா (7) நட்பு (5) ஆக்கம் (4) இனப்படுகொலை (4) ஹாலிவுட் (4) அஜய் தேவ்கன் (3) சென்னை (3) தமிழ் (3) திரைவிமர்சனம் (3) ஃப்ரென்சு சினிமா (2) அடோன்மெண்ட் (2) அபர்ணா சென் (2) ஆமென் (2) இந்தியா (2) இனவெறி (2) இளையராஜா (2) உலகம் (2) எரோடிக் கல்ட் க்ளாஸிக் (2) ஓவியம் (2) சரசம் சல்லாபம் சாமியார் (2) சிந்தனை (2) சொத்துக் குவிப்பு வழக்கு (2) ஜெயமோகன் (2) டார்க்ஹ்யூமர் (2) டாஸ்மாக் (2) திரை விமர்சனம் (2) தீர்ப்பு (2) தொடர் பதிவு (2) பதிவுலகம் (2) மோசடி (2) ரிசெஷன் (2) ஹவ் டு நேம் இட் (2) ஹிந்தி (2) K.E.ஞானவேல் ராஜா (1) chennai (1) அமீரகம் (1) அமெரிக்க நகைசுவை (1) அரசியல்வாதி (1) அறிஞர்கள் சொன்ன முத்தான பத்து (1) அழகி (1) இன அழிப்பு (1) ஈழம் (1) எந்திரன் (1) ஏழாம் உலகம் (1) ஐபேட் (1) கட்டுரை (1) கதை (1) கற்பழிப்பு (1) கலக்கல் காமெடிகள் (1) காசாவில் நிலவும் துயரம் (1) காசி மாநகரில் அழகிய கங்கை நதி (1) காசி மாநகரில் அழுகிய கங்கை நதி (1) காந்தி மகான் சில நினைவுகள் (1) கார் லைசென்சு (1) கேட் வின்ஸ்லெட் (1) கொடூரம் (1) கொலை (1) சப் டைட்டில் (1) சப் டைட்டில் சேர்ப்பது எப்படி? (1) சித்ராங்கதா சிங் (1) சிரிக்கலாம் வாங்க (1) சிரிப்பு (1) சிறுகதை (1) சீட்டிங் (1) செல்போன் (1) சோகம் (1) ஜெசிக்கா லால் (1) ஜெட் ஏர்வேஸ் (1) ஜேவியர் பர்டம் (1) டரியோ மரியனல்லி (1) டாக்மி 95 (1) டிம் ராப்பின்ஸ் (1) டெக்ஸாஸ் (1) தண்டனை (1) தனி மனித ஒழுக்கம் எவ்வளவு முக்கியம் ? (1) துபாய் (1) நரபலி (1) நாஜி (1) பதேர் பாஞ்சாலி (1) பறக்கும் ரயில் (1) பல்கலைக்கழகம் (1) பாரிஸ் (1) பேரழிவு (1) போபால் (1) மரண தண்டனை (1) மாத்தி யோசி (1) மார்கன் ஃப்ரீமேன் (1) மிருகவதை (1) முற்பகல் செய்யின்.. (1) மூடநம்பிக்கை (1) ராஹுல் போஸ் (1) ரூபாய் குறியீடு (1) லஞ்சம். (1) விமான விபத்து (1) விம் வாண்டர்ஸ் (1) விஷவாயு (1) ஷார்ஜா (1) ஹட்சக்கர் ப்ராக்ஸி (1) ஹல்லாபோல் (1) ஹிட்லர் (1) ஹோட்டல் ருவாண்டா (1) ஹோலிஸ்மோக் (1)