கேட் வின்ஸ்லெட்,மிகவும் அழகும் திறமையும், வாய்ந்த நடிகை,இவரை பிடிக்காது என யாரும் சொல்வாரா?, எல்லாம் அந்த இரண்டு.................!!!!கண்கள் செய்யும் ஜாலம் தான். அம்மணி நடித்ததில் ஐரிஸ், க்வில்ஸ், ஹைடியஸ் கிங்கி, டைட்டானிக், ஜூட், ஹெவன்லி கிரியேச்சர்ஸ் , ஆல் தி கிங்ஸ் மென், ரெவல்யூஷனரி ரோட், எனிக்மா, ரீடர் என ஓரளவுக்கு பார்த்திருக்கிறேன், இந்த படத்தை ஐந்து வருடம் முன்னரே புரியாமல் பார்த்து வைத்திருந்தாலும் எப்படியும் மீண்டும் பார்த்துவிட்டு எழுதிவிடவேண்டும் என எண்ணியிருந்தேன்,அப்பா!!! அவ்வளவு அற்புதமான கலைப்படம்.
மேலே நான் சொன்ன படங்களில் எனிக்மா நீங்கலாக அம்மணி சும்மா புகுந்து விளையாடி இருப்பார். இதிலும் தான், எதில்? என்று நான் சொல்லவும் வேண்டுமா? இந்த படம் நடிக்கும் போது அம்மணியின் வயசு வெறும் 24தானுங்கோ!!!.ரீமா சென்னுக்கு முன்னோடியாக முழு நிர்வாணமாய் நடந்துகொண்டே சிறுநீர் கழிக்கும் காட்சியும் அசலாய்டு உண்டு.
வளர்ந்த உலக நாடுகளில் தான் எதற்கெல்லாம் கவுன்சிலிங் இருக்கிறது? அடேங்கப்பா? ஹெராயின், கோகேய்ன், கஞ்சா, அபின், பிரவ்ன் சுகர்,குடி போதை பழக்கத்திலிருந்து விடுபட கவுன்சிங், ஓரின சேர்க்கையாளர் நேரின சேர்க்கையாளராக (gay to straight) கவுன்சிலிங், பலான திருடர்கள் திருந்த கவுன்சிலிங், புருஷன் பொண்டாட்டி விவாகரத்து வாங்காமல் இருக்க கவுன்சிலிங், சைக்கோபாத் ஆட்கள் திருந்த கவுன்சிலிங், இப்போவே கண்ணகட்டுதே.............!!!இந்தப் படத்தில் இந்தியாவிற்கு போன வெளிநாட்டுப் பெண், நித்தி போல டுபாக்கூர் போலி சாமியாரின் ஹிப்நாடிசத்தில் கட்டுண்டு சாமியாரிணி ஆக, அவரை சாமியாரிணி நிலையிலிருந்து விடுவிக்க ஒரு அமெரிக்க டீ-ப்ரோக்ராமரின் கவுன்சிலிங். அதை சுற்றியே இந்த கதை.
படத்தின் கதை:-
ஆஸ்திரேலியாவில் வசிக்கும், 20களில் இருக்கும் அழகிய ரூத் [கேட்வின்ஸ்லெட்] தன் தோழிகளுடன் இந்திய சுற்றுலா செல்ல,டெல்லியில் சாந்தினி சவுக்கில் ஒரு டுபாக்கூர் ஆசிரமத்தையும்,நித்தியாந்தா போல ஒரு டுபாக்கூர் சாமியாரையும் பஜனையில் வைத்து சந்திக்க நேரிடுகிறது,சாமி எல்லோருக்கும் போதை வஸ்து போல எதையோ பிரசாதமாக தர,ஏற்கனவே அங்கே கட்டுண்டு இருந்த சாமியாரிணிகள் அத்தனை பேரும் மகுடிக்கு மயங்கிய பாம்பாய் ஆடுகின்றனர் .
அந்த சாமியார் கண்ணாலேயே இவளை உற்று நோக்கி வசியம் செய்து , இவள் நெற்றிப்பொட்டையும் தொட, இவளுக்கு பேரானந்தம் பிறக்கிறது, “எல்லாமே என் சாமி தான்” என சாமியாரின் பதின்ம மனைவிகளில் ஒருத்தியாக தயாராகிறாள், இவளுக்கு அப்ரெண்டிஸ்ஷிப்பும் தரப்படுகிறது, பெயரும் மடத்தாரால் நஸ்னி என மாற்றி வைக்கப்படுகிறது, அழகிய வெள்ளைச் சேலையும், ரவிக்கையும் அணிந்துகொண்டு ஒயிலாய் புகையும் பிடிக்கிறாள்,இவள் தோழி கொண்டு வந்து தந்த போட்டோவில் ரூத்தை இப்படி சீலை ரவிக்கையுடன் பார்த்த பெற்றவயிறு பற்றி எரியத்தொடங்க, இந்தியாவுக்கு டு அண்ட் ஃப்ரோ டிக்கெட் தனக்கும்,மகள் வருவாள் என அவளுக்கும் சுமார் 10,000 ஆஸ்திரேலிய டாலர் செலவு செய்து ,அங்கே டெல்லி சாந்தினி சவுக் போய் பார்த்தால்!!!!,[இந்த படத்திலும் நம் தேசிய மானங்களை நன்றாகவே வாங்கியுள்ளனர்.] மகள் ரூத் சுத்தமாய் மாறிவிட்டிருக்கிறாள்,[சேலையில் கேட் அவ்வளவு அழகு-வார்த்தையால் வர்ணிப்பது சுத்த வேஸ்ட்,நேரில் பார்த்துக்கொள்ளுங்கள்]அப்பாவுக்கு பக்கவாதம், உடம்பு சீரியஸ் என்று சொல்லியும் ரூத் மனமிறங்கவில்லை, அடுத்த ஜென்மம் என்று இருந்தால் அப்பாவை பார்த்துக்கொள்கிறேன் . என்கிறாள்,
அம்மாவுக்கு தூசி ஆகாமல் ஆஸ்துமா முற்றுகிறது, சாமியார் அலர்ஜியும் இந்தியாவின் முட்டிபோட்டு , போகும் ஒரிஸ்ஸா பேன் கக்கூஸும் குய்யோ முறையோ என கதறி ஓட வைக்கிறது, ஓடும் போது குட்டி பிச்சைக்காரர்கள் தொந்தரவு வேறு, சகதியில் புரண்டவள்,ஆஸ்துமாவுக்கு அடிக்கும் ஃப்ரெஷ்னர் ஸ்ப்ரேயை தேடித்தரும்படி கெஞ்சிவிட்டு, மயங்க,கேட் வேறு வழியில்லாமல் அம்மாவுடன் விமானத்தில் துணைக்கு பயணிக்க வேண்டியிருக்கிறது.
சிட்னியில்,ருத்தின் ஓரினசேர்க்கையாளர் அண்ணனும், அவனின் காதலனும், அவள் அப்பாவின் நண்பரும்,அப்பாவின் இளம் காரியதரிசியும்,இவளை பழைய நிலைக்கு கொண்டு வர எவ்வளவோ முயற்சி எடுத்தும்,இவள் இந்தியா திரும்பிப்போவதிலேயே குறியாய் இருக்கிறாள், அப்போது தான் தன் 40களில் இருக்கும் , PJ வாட்டர்ஸ் என்னும் டீப்ரோக்ராமர் ஒருவரை அமெரிக்காவிலிருந்து வரவழைக்கின்றனர். பெரும்பணம் ஃபீஸாக பேசப்படுகிறது, ஒரே நிபந்தனை ரூத் சேலையை உருவி எறியனும்.!
வந்தவர் மூன்றே நாள் கவுன்சிலிங் போதும்,என வீறு கொண்டு ரூத்தை ஊருக்கு ஒதுக்குப்புறமாயிருக்கும் ஒரு செம்மண் பாலைவனத்தின் தனித்த வீட்டுக்கு கூட்டிப்போய் , பலவாறாய் இவளுக்கு கவுன்சிலிங் செய்கிறார் .முழுதாய் ஒத்துழைப்பேன் என ரூத்திடம் சத்தியம் வாங்கியவர், அவளின் செருப்புகளையும் வாங்கி வைத்துக்கொள்கிறார்.
ரூத் டீ-ப்ரோக்ராமிங்கை குலைக்க என்ன என்ன செய்ய முடியுமோ?அத்தனையையும் செய்கிறாள், செருப்பை இவர் தராததால் தப்பி ஓட முடியாமல் போக, இவள் வெள்ளை கற்களைக் கொண்டு HELP என பெரிதாய் எழுதி வைக்க, உள்ளே இவர் இவளுக்கு வகுப்பெடுக்க, வெளியே ஒரு போலீஸ் ஹெலிகாப்டர், தாழ பறந்து,பின்னர் இவர்களின் பிரதான வீட்டுக்கு, தொலைபேச, குடும்பத்தார்,அது ஒரு விளையாட்டு,என சொல்லி மழுப்புகின்றனர்.
இது போல ரூத்தும் வாட்டர்ஸும் செத்து செத்து விளையாடுகின்றனர். என்ன தான் சேட்டை செய்தாலும்,அழகிய ரூத்தை இவரால் கோபிக்கவே முடியவில்லை, [படத்தில் அருமையான வசனங்களுக்கு பஞ்சமே இல்லை, இருவரின் நடிப்பு தான் படத்தின் பெரும்பான்மை பலம்.எனலாம், ஒரு காட்சியில் உனக்கு என் பெர்சனாலிட்டி பிடித்திருக்கிறதா?அல்லது என் மார்புகள் பிடித்திருக்கிறதா? என ஒரு கூர்மையான வசனமும் உண்டு.]வாட்டர்ஸ் மூன்று நாளில் மெல்ல அவளின் உறுதியை உடைக்கிறார், அவள் சாமியார் நம்பிக்கையை குலைக்கிறார், அவளின் சேலையையும் தூங்கும் போது மெல்ல உருவுகிறார்,ரூத்தின் அப்பாவுடைய இளம் காரியதர்சிக்கு போன் செய்தவர், ரூத்திற்கு மாற்றுதுணிகள் கொண்டுவர சொல்கிறார், வந்தவள் இவரிடம் அசடு வழிகிறாள்,அவளுக்கு ரூத்தின் அப்பாவுடனும் இன்னொரு சகோதரனிடமும் இருக்கும் உடல் தொடர்பையும் இவரிடம் ஆத்மார்த்தமாய் பகிர்ந்தவள், படுக்கையிலும் விருந்து கொடுத்து விட்டு போகிறாள்.
இவர் ரூத்தின் ஒரே சேலையை வெளியே எட்டாத உயரத்தில் கட்டுகிறார். காலையில் ரூத் சேலையை தேட மிகவும் கடுப்பானவள், இவரை ஏசி,வசைபாடுகிறாள், மளையாள பெண் போல,பிடிவாதமாய் ரவிக்கையும் துண்டுமாய் வலம் வருகிறாள்.
வாட்டர்ஸ் மெதுவாய் தன் பாடத்தை ஆரம்பித்தவர்,இறுதியில் வென்று ரூத்துக்கு ஆஸ்திரேலிய தேசிய உடையான கவுனையும் அணிய வைக்கிறார். கவுனில் ரூத்தை பார்த்த அவர்கள் வீட்டாருக்கு சந்தோஷம் பிடிபடவில்லை. வாட்டர்ஸ் அவளுக்கு சித்தாந்தத்தால் உந்தப்பட்டவர்கள் செய்த தொடர் கொலையையும், குண்டுவெடிப்புகளையும், அவர்கள் தண்டிக்கப்படும் முன்னர் அவர்கள் தாங்கள் செய்த கொலைபாதகத்துக்கு வருந்தாததையும் , அவள் வீட்டுக்கு கூட்டிப்பொய் ப்ரொஜெக்டரில் சினிமாவாக காட்டுகிறார்.
அன்று இரவு இவர்கள் பண்ணை வீட்டுக்கு திரும்ப , இவர் தூங்குகையில் அவள் தன் வெளியே காயப்போட்டிருந்த சேலையை கொளுத்திவிட்டு மாயமாயிருக்க, இவர் பதறிப்போய் இருட்டில் தேடுகிறார். பார்த்தால் குளித்துவிட்டு அம்மணி ரூத் , பிறந்தமேனியுடன், என்னை யாரும் விரும்பவில்லை, என் எண்ணங்கள் நம்பிக்கைகள்,சுக்குநூறாகிவிட்டன, நான் உடைந்துவிட்டேன், என்னை தேற்று,ஆறுதல் படுத்து,காதல் செய் என, விரக தாபத்துடன் ஒயிலாக சிறுநீர் கழித்துக்கொண்டே இவரிடம் வருகிறாள் . [ ரீமா, நீயெல்லாம் ஜுஜூபி], வாட்டர்ஸ் தன் வாடிக்கையாளருடன் உடலுறவு கொள்வதில்லை, என்னும் பெரிய கொள்கையையும் கடைசியில் தளர்த்தி விட்டு, தன்னில் பாதி வயதே கொண்ட பெண்ணிடம் உறவும் கொள்கிறார்.
மறுநாள் கேட் ஹாலின் கவுச்சில் நிர்வானமாய் தூங்கிக்கொண்டிருக்க, வாட்டர்ஸ் வெளியில் ஷவரில் ஆனந்தமாய் குளித்துக்கொண்டிருக்கிறார், அவரின் காதலி டீப்ரோக்ராமிங்கில் இவருக்கு உதவ தனி விமானம் பிடித்து வந்தவள், ரூத்தின் கோலத்தை பார்த்துவிட்டு, இவருடன் சண்டை போட்டு விட்டு, உண்டவீட்டுக்கு இரண்டகம் செய்கிறாயே!!பாவி, என கோபத்தில், வெளியேறியவள், ரூத்தின் வீட்டுக்கு போகிறாள். இப்போது தன் காதலி தன்னை விட்டுப்போனாலும் பரவாயில்லை,ரூத் தான் இனி எல்லாம் !!என்ற நிலைக்கு வாட்டர்ஸ் வந்து விட்டார். இனி என்ன ஆகும்?
===========000===========
1.ரூத் உண்மையிலேயே சாமியாரிணி நிலையிலிருந்து விடுபட்டாளா?
2.வாட்டர்ஸுக்கு பிடித்த ரூத் மோகம் விட்டதா?காதலியுடன் இணைந்தாரா?
3.ரூத்தின் குடும்பத்தார் என்ன ஆனார்கள்?
போன்றவற்றை டிவிடி வாடகைக்கு எடுத்து பாருங்கள்!!!!
இனி மேல் தான் பல சுவாரஸ்யமான திருப்பங்கள் வரப்போவதால் முழுக்கதையையும் சொல்லவில்லை.
படத்தில்-ஏஞ்சலோ படலமெண்டியின் பிண்ணனி இசை அதிகம் குறுக்கிடவே இல்லை, யதார்த்தமான காட்சிகள் என நம்பும் படியான முயற்சி. படத்தின் ஒளிப்பதிவு -டியான் பீபி, முழுக்க மஞ்சள் தீமில் விளையாடி வந்திருக்கிறது கேமரா, இந்திய சுற்றுப்புற காட்சிகள் ரசிக்கும் படி இல்லை,தவத்திரு நாட்டின் மேல் என்ன கோபமோ? மிக அழுக்கான தீமில் ஓல்டு டெல்லியை போய் காட்டியுள்ளனர், கொல்கத்தாவை விட மோசமாயுள்ளது. ஆனால் மஞ்சள் பாலைவனமும், இரவின் பிடியில் கேட் வின்ஸ்லெட்டும் அடடா. வாட்டர்ஸாக வந்த ஹார்வே கெய்ட்டல் ஒரு சாயலின் ஷான் பென்னை நினைவூட்டுகிறார், நடிப்பு அமர்க்களம்,இனி இவரை தேடிப்பிடித்து பார்க்க வேண்டும்.படத்தின் உள்ள தீபறக்கும் வசங்களில் சும்மா இரண்டு சாம்பிள்:-
வாட்டர்ஸ்: I don't hate women. I love ladies.
ரூத்: Ha! Ladies! You wouldn't know any. I bet you date little Barbie dolls, don't you? "Oh, you're so brainy, you're so big! Can I suck your dick?" Can I be alone now?
===========
வாட்டர்ஸ்: I was young once, too, and handsome. You'd have been impressed.
ரூத்: I wasn't born!
===========
படத்தின் முன்னோட்ட காணொளி யூட்யூபிலிருந்து:-
============
கலைஞர்கள் விபரம் விக்கிபீடியாவில் இருந்து
| Directed by | Jane Campion |
|---|---|
| Produced by | Jan Chapman |
| Written by | Anna Campion Jane Campion |
| Starring | Kate Winslet Harvey Keitel |
| Music by | Angelo Badalamenti |
| Cinematography | Dion Beebe |
| Editing by | Veronika Jenet |
| Distributed by | Miramax Films |
| Running time | 115 minutes |
|---|---|
| Country | Australia |
| Language | English |
