மாஸ்கோவின் காவிரி

போஸ்டர் மட்டும் இண்டர்நேஷனல் ரேஞ்சுக்கு

நான் பார்த்ததில் பிடித்த படம் பற்றி மட்டுமே என் வலைப்பூவில் எழுதவேண்டும் என்று நினைத்திருக்கிறேன், இருந்தும் இது போல விதிவிலக்குகள் அமைந்துவிடுகின்றன. இதை விமர்சனம் என்னும் சொல்லுக்குள் என்னால் அடக்கமுடியவில்லை. ஒரு உள்ளக்குமுறல் என்று வேண்டுமானால் சொல்லலாம்.

விகடனில் மிஸ்டர் மார்க்ஸ் என்றொரு சிறுகதை, செழியன் எழுதி படித்ததில் மனதை மிகவும் பாதித்தது, மார்க்ஸ் போன்று நல்ல தகுதியும்  திறமையும் பல வருட  திரைஅனுபவமும் இருந்தும், கல்லைகண்டால் நாயை காணோம் ,நாயை கண்டால் கல்லைக் காணோம் என்னும் அதிர்ஷ்டமின்மையால், சில இயக்குனர்கள் சமூகத்தில்  கடைசிவரை சாதிக்க முடியாமல், புள்ளியாய் குறுகி , மறைந்தும் போகின்றனர். அது ஏன்? என்பதற்கான விடை இந்த படத்திலேயே இருக்கிறது, 

மார்க்ஸ் போல திறமையான இயக்குனருக்கு போக வேண்டிய நல்ல வாய்ப்பை இதுபோல ரவிவர்மன்கள் நான் செய்வேன் என்று செய்தால் ஏன்? மார்க்ஸ் போல ஆட்கள் தெரு நாய் போல  ஏழ்மையில் வீழ்ந்து  கடைசி வரை சொந்தபடம் செய்யமுடியாமல் கூனிக்குறுகி செத்துப் போகமாட்டார்கள்?!!!

ல்லவனுக்கு கிடைக்கும் எல்லாமே கெட்டவனுக்கும் கிடைத்துவிடுகிறதே! என்ற கமல்ஹாசனின் ஆதங்கத்துக்கான காரணமும் படத்தில் உண்டு. வேண்டா வெறுப்பா புள்ளைய பெத்து காண்டாமிருகம், என்று பேர் வச்சானாம். என்று எம்.எஸ்.பாஸ்கர் ஒரு படத்தில் சொல்லுவார். அதற்கான அர்த்தமும் இதை பார்த்ததும் விளங்கிக்கொண்டேன்.

யக்குனர் ரவிவர்மன் தமக்கு தாமே இந்தபெயரை சூட்டிக்கொண்டிருந்தால் தயவுசெய்து அதை மாற்றிக்கொள்ளவேண்டும்,  ராஜா ரவிவர்மாவின் ஓவியங்கள் அகில உலக கவனத்தை பெற்றவை. சிறந்த கம்போசிஷன்கள், தனித்துவமான இந்தியக்கலை ஓவிய பாணிக்கு பெயர்போனவை, அவர் பெயரை வைத்துக்கொண்டு இது போல படம் கொடுத்திருப்பது  ஒரு உன்னத கலைஞனுக்கு செய்யும் அவமரியாதை.

மிழகத்தில் ஏனைய புறநகர் பகுதிகளில் வீடு கட்டும் சொந்தக்காரர்கள்,ஆர்கிடெக்டிடம்  போய் டிசைன் வாங்கினால் டிசைன் செய்ய ஃபீஸ் தரவேண்டும், என்று எண்ணி கொத்தனார் மேஸ்திரியிடமே வேலையை ஒப்படைத்து, மிகக் கண்ணறாவியாக ஒரு கட்டிடத்தையும் கட்டி சுற்றுப்புறத்தையும் அசிங்கப்படுத்தி, அதற்கு வாஸ்து வண்ணங்கள் என்று மிட்டாய் ரோஸ், ஊதாப்பூ வண்ணம் போன்ற வண்ணங்களை தான் தோன்றித்தனமாக அடித்து கிரஹப்பிரவேசம் செய்து  நாங்களே முன்ன நின்னு கட்டுனது என்பார்கள் , அந்த வீடு அக்கம்பக்கம்  போவோர் வருவோரை  துன்புறுத்தும் படி இருக்கும். அதுபோல ஒரு மோசமான உதாரணம் இந்த படம்.

லையாள பிட்டு படம் தொடர்ந்து பார்ப்பவர்களுக்கு ஜெய் டே வான்[ஜெய தேவன்] என்னும் இயக்குனர் பற்றி தெரிந்திருக்கும். இவரின் மூலதனம் சில லட்சங்கள். ஷகிலா, ரேஷ்மா, மரியா, சிந்து, வெற்றி, ப்ரேம் குமார். ஒரு ஆம்னி வேன்,ஒரு அண்ணாநகர் அல்லது அடையார் பங்களா,மொத்தமே இவை தான் படத்துக்கான ப்ராப், அந்த வகைப் படம் கூட கதை என்ற ஒன்றை கொண்டிருக்கும், பார்ப்பவருக்கு அது ஸ்மூச்சிங் சீன்களுக்கான பிரதான படம் என்ற பிரக்ங்யை இருக்குமாதலால் லாஜிக் பார்க்க தோன்றாது, எப்போடா? சீன் வரும் என்றே பார்க்க தோன்றும், அந்த அளவுக்கு கூட லாஜிக் இல்லாத படத்தை என்ன?  ஒரு ஈகோவுடன் எடுத்து, எல்லோரின் நேரத்தையும் வீணாக்கி பொய்யான மாயை உண்டாக்கி மார்கெட்டிங் செய்து நம்மையும் ஏமாற்றியுள்ளார் ரவிவர்மன்.

டத்தை பற்றி இன்னும் என்னத்த சொல்ல?ஒரு திரைப்படக்கல்லூரி மாணவர் இயக்கும் தீஸீஸ் படம் கூட ஆத்மார்த்தமான அற்பணிப்பை கொண்டிருக்கும். ஒரு நல்ல இயக்குனருக்கு கிடைத்திருக்கவேண்டிய நியாமான வாய்ப்பை இந்த வீணர் பாழ்செய்திருக்கிறார். 

யக்குனர் சேரனின் டூரிங் டாக்கீஸ் தொடரின் ஒரு பகுதியில் பணக்கார பண்ணையார் ஊரிலிருந்து வாராவாரம் படம் எடுக்கிறேன் என்று வந்து ரூம் போட்டு ,டிபன் காபி, ஃபுல்மீல்ஸ் தான் மட்டும் சாப்பிட்டு , கதை கேட்டு, சேரனை ஒருவருடம் அலைக்கழித்ததைப் பற்றி சொல்லுவார், படிக்கையிலேயே உள்ளம் ரணமாகிவிடும். அப்படி சில தயாரிப்பாளர்கள் இருக்கும் உலகில் ,தனக்கு கிடைத்த ஒரு அருமையான தயாரிப்பாளரை இப்படியா ஒருவர் மொட்டையடிப்பது?!!!

க்கள் இனியேனும், போஸ்டர், ட்ரெய்லர், விகடன் பேட்டி, ப்ரொமோஷன், போன்றவற்றை நம்பி ஏமாறாமல், ஜாக்கிரதையாக படத்துக்கு போகவேண்டும், இல்லாவிட்டால் எதிர்ப்பார்த்துப்போகும் படம் இது போல திருஷ்டிப்பரிகாரமாக இருந்து தொலையும். இதுபோல ஹைபட்ஜெட் குப்பைகளால் களவாணி போன்ற நல்ல படைப்புகளை கூட தரவிறக்கி பார்த்துவிட்டு திரையில் பார்க்க வேண்டிய அவலத்தில் நாம் உள்ளோம்.

" இதனை இதனால் இவன் முடிக்கும் என்றாய்ந்து
அதனை அதன் கண் விடல்."
த்தகைய தன்மையுடைய செயலை, இந்தக் காரணத்தால், இவன் செய்து முடிப்பான் என்பதைத் தெளிவாக அறிந்து கொண்டபின், அப்பணியில் அவனை ஏவுதல் வேண்டும் - தெரிந்து வினையாடல்- குறள் - 517

ப்படி ஒருவர் செய்யத் தவறினால் ஆழம் தெரியாமல் காலை விட்டு சேற்றில் சிக்கிக்கொள்வதற்கு சமம்.  இது அந்த தயாரிப்பாளர், இயக்குனர், அந்த உப்புசப்பில்லாத முகம் செத்த ஹீரோ, எல்லோருக்கும் பொருந்தும், நாயகி சமந்தா விண்ணைத்தாண்டி வருவாயா,பானாகாத்தாடி போன்ற படங்களில் தன் திறமையை நிரூபித்திருப்பதால் எனக்கு  ஒன்றும் சொல்லத் தோன்றவில்லை.
======0000=======
மாஸ்கோவின் காவிரி=காண்போருக்கு கொலைவெறி

இதோ ஆட்டோ ஓரம்போ இயக்குனர்களிடமிருந்து மீண்டும் ஒரு நம்பிக்கை ஒளி:-

வ-குவாட்டர் கட்டிங் பட முன்னோட்ட சலனப்படம்.

25 comments:

ஜோதிஜி சொன்னது…

கார்த்தி மேலே உள்ள குறி சொற்களின் வரிசையை ஏதோ ஒரு பக்கம் பக்காவாட்டில் உருவாக்குங்களேன், இடத்தை அடைத்துக் கொண்டு தள வடிவத்தை உண்டு இல்லை என்று மாற்றிக் கொண்டுருக்கிறது,

பின்னோக்கி சொன்னது…

சமந்தா பொண்ணு க்யூட்டா இருக்கே.. அதுக்காக இந்தப் படம் பார்க்கலாம்னு நினைச்சேன். இந்த காட்டமான விமர்சனத்துக்கு அப்புறம், இந்தப் படத்த பார்த்தாக்கூட உங்ககிட்ட பார்த்துட்டேன்னு சொல்லிடக்கூடாதுன்னு முடிவு பண்ணிட்டேன் :)

ILLUMINATI சொன்னது…

படம் பற்றி நண்பர்கள் சொல்லிக் கேள்விப்பட்டேன்.மகா மொக்கை என்று...

மிஸ்டர் மார்க் கதையை நானும் படித்தேன் நண்பா!மிக அருமையான கதை.அதன் வசனங்கள் சில மனதை அறுக்கும்.

|கீதப்ப்ரியன்|Geethappriyan| சொன்னது…

@ஜோதிஜி
தலைவரே,நிறைய பேர் இது நன்றாக இருக்கிறது,லேபிள்கள் மூலம் எளிதாய் விரும்பியவற்றை படிக்க முடிகிறது என்றார்கள்.நீங்கள் மாற்றச்சொல்லுவது வியப்பாய் இருக்கு.

|கீதப்ப்ரியன்|Geethappriyan| சொன்னது…

@பின்னோக்கி
நண்பரே
சொந்த செலவில் சூனியம் என்பார்கள்.அதை சோதிக்க இதை சிடி வாங்கிபார்த்தால் கூட போதும்.இது காண்டோடு எழுதவில்லை,ஒரு வேதனை,இப்படிதான் குப்பைகளை ஓவர்ரேட்டட் ஆக்க ஊடகங்கள் பாடுபடுகின்றன.

|கீதப்ப்ரியன்|Geethappriyan| சொன்னது…

@இலுமி
நண்பா
படம் நடித்த அல்லாருக்குமே இது மகா த்ராபைன்னு தெரியும் போல,ஒரு ஈடுபாடே இல்லாமல் நடித்துள்ளனர்.
இப்படி கடைசியாக அல்பமான நடிப்பை நான் பார்த்தது நாடோடிகள் படத்தில் வந்த காதல் ஜோடியிடம் தான்.

|கீதப்ப்ரியன்|Geethappriyan| சொன்னது…

@பின்னோக்கி
பாருங்க,ஸ்கிப் பண்ணி சமந்தாவை பாருங்க,சமந்தாவைக்கூட கூட ஃபுல்லா யூஸ் பண்ணலை.

சிவராம்குமார் சொன்னது…

நான்தான் யார் சொல்லியும் கேக்காம இந்த படத்தை பார்த்தேன்.... ஹ்ம்ம்ம்.... நீங்களுமா!

நாஞ்சில் பிரதாப் சொன்னது…

//ஷகிலா, ரேஷ்மா, மரியா, சிந்து, வெற்றி, ப்ரேம் குமார்//

இந்தவரிசையில் பிரதாப் சந்திரன், விஜயன் போன்றவர்களையும் குறிப்பிடாததை வன்மையாக கண்டிக்கிறேன்.:))

படம் அவ்ளோ மொக்கையாவா இருக்கு...

எஸ்.கே சொன்னது…

ட்ரைலரே நல்லாயில்ல! படம் அதுக்கும் மேலேயா!

மரா சொன்னது…

உங்கள் ஆழ்ந்த கருத்தும் வாசிப்பனுபவமும் பிரமிப்பாக இருக்கிறது..உங்கள் கருத்தோடு உடன்படுகிறேன்.

மரா சொன்னது…

நல்ல பகிர்வு.நன்னி.

மரா சொன்னது…

இந்தியாவுக்கு வரும்போது ஒரு கதையோடு வரவும். தயாரிப்பாளர் நிறையா இருக்காங்க.ஸ்கிர்ப்ட், ஸ்க்ரீன்ப்ளே முடித்து எடுத்து வரவும்.
ராஜா சார் தான் மீஜிக்.மறக்காதீங்க.

அன்புடன்
மரா

மரா சொன்னது…

ஒட்டு போட்டாச்சி :)

ஜாக்கி சேகர் சொன்னது…

பிரிச்சி மேஞ்சி இருக்க தம்பி...

வினோத் கெளதம் சொன்னது…

குரு ட்ரைலர் சோக்காகீது..மாஸ்கோவின் காவேரி மகா மொக்கைனு கேள்விப்பட்டேன் கடைசில்ல நீங்களும் அந்த படம் பார்த்துடிங்களா..:(

|கீதப்ப்ரியன்|Geethappriyan| சொன்னது…

@சிவராம்குமார்
கேமராவேலை ஷாட்ஸ் அருமைன்னு விமர்சனம் படித்து தரவிறக்கி பார்த்தேன்,அதுக்கே இந்த கொலைவெறி எனக்கு,உங்கள் போல தியேட்டர்ல பார்த்தா ரவிவர்மன் வீட்டுக்கே போயிருப்பேன்.:)

|கீதப்ப்ரியன்|Geethappriyan| சொன்னது…

@நாஞ்சில்பிரதாப்
எலே மக்கா
ஐடிபார்குன்னு ஒன்னு காட்டுறான்.
ரசனை செத்தபயல்
பானாகாத்தாடியில நிஃப்டை காட்ட்யிருப்பாங்க.
பிரமாதமாருக்கும்,சாதாரண விஜிஏ கேமரால அதை போட்டோ எடுத்தாலும்
பிரமாதமாய் வரும் ஒரு பில்டிங்.
இதுபோல சின்ன சின்ன விஷயம் கூட கோட்டை விட்டுள்ளனர்.

|கீதப்ப்ரியன்|Geethappriyan| சொன்னது…

@எஸ்கே
நான் கேமரா அருமை,ஷாட்ஸ் அருமைன்னவும் சரி பார்ப்போம்னு பார்த்தேன்
ஆனா என்ன ஒரே ஆறுதல் சின்ன படம் 1-30மணிநேரம்

|கீதப்ப்ரியன்|Geethappriyan| சொன்னது…

@மரா
எலே மக்கா
உன் தஞ்சாவூர் குசும்பு நல்லா தெரியுதுலே
என்னை மாதிரி விஷயம் தெரியாதவன் படம் எடுத்தா
பிள்ளையார் பிடிக்கபோய் குரங்காய் ஆன கதை தான்லே
2007ல் பூஜைபோட்ட படத்தை ரசிச்சு எடுக்கறேன் பேர்வழின்னு
இப்புடியாலே கொத்துறது?பரோட்டா மாதிரி?
===
எனக்கு தெரிஞ்ச மொசைக் காண்ட்ராக்டர் ஒருத்தர் தான் கட்டப்போகும் வீட்டுக்கு பல வருடம் முன்னே பளான் கேட்டார். தான் மொசைக் கல் தயார் பண்ணுறோம்னு எல்லொருக்கும் காட்டணும்னு தன் வீட்டின் சுவருக்கும் கூட பல்வேறு டிசைன்களில் டெக்‌ஷர்களில் மொசைக் போட்டுகிட்டார்.

ரிசல்டை பார்த்தபின் அவர்கிட்ட நான் கேட்டது ஒண்ணே ஒண்ணுதான்.
நான் இதுக்கு பளான் போட்டு குடுத்தேன்னு தயவுசெஞ்சு வெளிய சொல்லக்கூடாதுன்னு.

|கீதப்ப்ரியன்|Geethappriyan| சொன்னது…

@ஜாக்கிசேகர்
அண்ணே,இதை எழுதும் போதே நீங்கள் மற்றும் எனக்கு தெரிந்த ஏனைய திரை வல்லுனர்கள் நினைவில் வந்து போனீர்கள்,அண்ணே,அது தான் படம் பற்றி சொல்லாமல் வித்தியாசமா சாடினேன்.

|கீதப்ப்ரியன்|Geethappriyan| சொன்னது…

@வினோத்
குரு,நான் படத்தை தரவிற்க்கி தான் பார்த்தேன்,இதைவேற தேட்டர்ல போய் பார்ப்பானா?மனுஷன்.

பாரதிக்குமார் சொன்னது…

மாஸ்கோவின் காவிரி பேரை பார்த்தோன்ன நான் கூட ஏமாந்துட்டேன். பாக்கலாம்னு நெனச்சேன் . ஆனா சரியான நேரத்துல உஷார் பண்ணிட்டிங்க. உங்க ப்ளாக் ல உலக சினிமா ஆயிரம் அப்படிங்கற லேபிள்-ல நிறைய படங்கள் தந்திருக்கிங்க ரொம்ப பயனுள்ளதா இருக்கு. மொத்ததுல உங்க வலைப்பூ ஒரே மலைப்பு. வாழ்த்துக்கள் சார்

கருந்தேள் கண்ணாயிரம் சொன்னது…

நண்பா... ஒன்று, படங்கள் டோட்டல் மொக்கை. அல்லது, படங்கள் டோட்டல் ஈயடிச்சாங்காப்பி. இதுதான் தமிழ்சினிமாவின் அவலநிலை. இப்படியிருக்கையில், உங்களது இப்பதிவைப் போன்றவைகளைப் படிப்பதன் மூலம் நல்ல படங்களையும் குப்பைகளையும் தரம்பிரித்துப் பார்த்தல் மிக எளிதாக இருக்கிறது.

அடித்துத் துவைத்துப் பெண்டெடுக்கும் வேலையைத் தொடரவும் ;-) .. உங்களை முற்றிலுமாக வழிமொழிந்து, உங்கள் தடத்தில் நானும் வந்துவிடுகிறேன் ;-)

பெயரில்லா சொன்னது…

இப்படி புலம்பும் இவர்கள் படம் பொதுவில் வெளியிடுவதற்கு முன்பாக திரை விமர்சகர்களை கூப்பிட்டு திரையிட்டு காட்டி ,அங்கே வெளியாகும் கருத்துக்களை கேட்டு. தகவல் பிழைகள்,குறைகளை உண்மையிலேயே களையலாம் இல்லையா? இதை ஹாலிவுட்டில் பின்பற்றி வருகின்றனர். அதை விரிவாக அறிய What Just Happened (2008)படம் உதவும். பட்டத்து யானை பேரே பயமாக இருக்கிறது,தீராத விளையாட்டுப் பிள்ளை ,குட்டி சிக்குபுக்கு,மாஸ்கோவின் காவிரி ,ராஜபாட்டை போன்ற அறுவை லாஜிக் இல்லா படங்களின் தொடர்ச்சியாகத்தான் இருக்கும்,இது போல படங்களை ஐயம் திரிபற விமர்சித்து அடுத்த முறை இது போல படம் எடுக்கவே யோசிக்கும் அளவுக்கு செய்யவேண்டும்,அப்போது தான் நல்ல இயக்குனர்களுக்கு பாதை பிறக்கும்.நல்ல ரசனையும் வளரும்.நீங்க தீக்குளிக்கும் பச்சைமரத்துக்கு செஞ்ச விமர்சனம் தான் அநியாயம்.அது போல வித்தியாசமான ஷாக் வேவ் முயற்சிகளை உங்களுக்கு பிடிக்காத பட்சத்தில் ஒன்னு எழுத வேண்டாம்,இல்லாட்டி மட்டமாவது தட்ட வேண்டாம்.

Related Posts Plugin for WordPress, Blogger...

குறிச்சொற்கள் வைத்து தேடிப்படிக்க

உலக சினிமாபார்வை (142) சமூகம் (99) தமிழ் சினிமா (47) கே.பாலசந்தர் (41) சினிமா (28) உலக சினிமா (23) விமர்சனம் (22) ஃப்ராடு (17) கமல்ஹாசன் (17) மலையாளம் (16) சினிமா விமர்சனம் (15) இசைஞானி (13) திரைப்படம் (12) கோயன் பிரதர்ஸ் (9) கலை (8) சத்யஜித் ரே (8) அயல் சினிமா (7) நட்பு (5) ஆக்கம் (4) இனப்படுகொலை (4) ஹாலிவுட் (4) அஜய் தேவ்கன் (3) சென்னை (3) தமிழ் (3) திரைவிமர்சனம் (3) ஃப்ரென்சு சினிமா (2) அடோன்மெண்ட் (2) அபர்ணா சென் (2) ஆமென் (2) இந்தியா (2) இனவெறி (2) இளையராஜா (2) உலகம் (2) எரோடிக் கல்ட் க்ளாஸிக் (2) ஓவியம் (2) சரசம் சல்லாபம் சாமியார் (2) சிந்தனை (2) சொத்துக் குவிப்பு வழக்கு (2) ஜெயமோகன் (2) டார்க்ஹ்யூமர் (2) டாஸ்மாக் (2) திரை விமர்சனம் (2) தீர்ப்பு (2) தொடர் பதிவு (2) பதிவுலகம் (2) மோசடி (2) ரிசெஷன் (2) ஹவ் டு நேம் இட் (2) ஹிந்தி (2) K.E.ஞானவேல் ராஜா (1) chennai (1) அமீரகம் (1) அமெரிக்க நகைசுவை (1) அரசியல்வாதி (1) அறிஞர்கள் சொன்ன முத்தான பத்து (1) அழகி (1) இன அழிப்பு (1) ஈழம் (1) எந்திரன் (1) ஏழாம் உலகம் (1) ஐபேட் (1) கட்டுரை (1) கதை (1) கற்பழிப்பு (1) கலக்கல் காமெடிகள் (1) காசாவில் நிலவும் துயரம் (1) காசி மாநகரில் அழகிய கங்கை நதி (1) காசி மாநகரில் அழுகிய கங்கை நதி (1) காந்தி மகான் சில நினைவுகள் (1) கார் லைசென்சு (1) கேட் வின்ஸ்லெட் (1) கொடூரம் (1) கொலை (1) சப் டைட்டில் (1) சப் டைட்டில் சேர்ப்பது எப்படி? (1) சித்ராங்கதா சிங் (1) சிரிக்கலாம் வாங்க (1) சிரிப்பு (1) சிறுகதை (1) சீட்டிங் (1) செல்போன் (1) சோகம் (1) ஜெசிக்கா லால் (1) ஜெட் ஏர்வேஸ் (1) ஜேவியர் பர்டம் (1) டரியோ மரியனல்லி (1) டாக்மி 95 (1) டிம் ராப்பின்ஸ் (1) டெக்ஸாஸ் (1) தண்டனை (1) தனி மனித ஒழுக்கம் எவ்வளவு முக்கியம் ? (1) துபாய் (1) நரபலி (1) நாஜி (1) பதேர் பாஞ்சாலி (1) பறக்கும் ரயில் (1) பல்கலைக்கழகம் (1) பாரிஸ் (1) பேரழிவு (1) போபால் (1) மரண தண்டனை (1) மாத்தி யோசி (1) மார்கன் ஃப்ரீமேன் (1) மிருகவதை (1) முற்பகல் செய்யின்.. (1) மூடநம்பிக்கை (1) ராஹுல் போஸ் (1) ரூபாய் குறியீடு (1) லஞ்சம். (1) விமான விபத்து (1) விம் வாண்டர்ஸ் (1) விஷவாயு (1) ஷார்ஜா (1) ஹட்சக்கர் ப்ராக்ஸி (1) ஹல்லாபோல் (1) ஹிட்லர் (1) ஹோட்டல் ருவாண்டா (1) ஹோலிஸ்மோக் (1)