தன்மாத்ரா [2005][இந்தியா]Thanmathra[அணு]

ந்தைகளின் பெருமை பேசும் படங்களில் நிச்சயம் இப்படத்துக்கும் நீங்கா இடமுண்டு, ஒவ்வொரு காட்சியும் உண்மைக்கு வெகு அருகே  பயணிப்பதால் நமக்கு காண்பது திரைப்படம், என்றே மறந்துபோய் அடுத்து என்ன நடக்கும்?!!  என சஸ்பென்ஸை தக்க வைக்கும் , அப்படி ஒரு நேர்த்தி உண்டு  ப்ளெஸ்ஸியின் ஆழ்ந்த அற்பணிப்பினுடன் கூடிய இயக்கத்தில்,


ன் குருநாதர் மலையாள திரையுலக ஜாம்பவான், பத்மராஜனின் கதையான ஓர்மாவை எடுத்து திரைக்கதை எழுதி அழகுக்கு அழகு சேர்த்துள்ளார். சேது ஸ்ரீராமின் காமிரா மிக அழகும் அருமையும், குறிப்பாக திரைக்கதையுடன் ஒட்டி உறவாடும் மூடுக்கு தகுந்தது போல மாறும் ஒளியமைப்பு குறிப்பிடவேண்டியதும் ஆகும் ,

இயக்குனர் ப்ளெஸ்ஸி
டத்தின் பாத்திரங்களின் அற்பணிப்பு,  அடடா!!!, அவர்கள் ஒரு குடும்பமாகவே வாழ்ந்துள்ளதை உணரமுடிகிறது. மோகன்லால், வாவ்!!!என்ன ஒரு ஆளுமை, சமகால இயல்பான நடிப்பின்  அசைக்கமுடியாத  ட்ரெண்ட்செட்டர்!!! இவர் , சிரிக்கையில் நாமும் சிரிக்கிறோம், அழுகையில் உணர்ச்சிவசப்படுகையில் நாமும்.  இப்படி ஒரு கதாபாத்திரம் , அதை எடுத்தாண்ட விதம், அதன் மகத்தான ரிசல்ட், அடடா, வியந்துகொண்டே இருக்க வைக்கும். குறிப்பாக படத்தில் மோகன்லால், மீராவின் நேர்மையான திணித்தலில்லாத கெமிஸ்ட்ரி வியக்கவைக்கும், படத்தின் பக்காபலமாக அப்பா நெடுமுடிவேணுவும், நண்பன் ஜெகதி ஸ்ரீகுமாரும் இப்படி நமக்கு வாய்க்கவில்லையே என ஏங்கவைக்கும்.

கேரளமக்களின் கல்வி முறையில், மத்திய, மாநில அரசு வேலைகளே  இன்னமும் பிரதான தேர்வாகும் , ஆகவே அவர்களை இந்திய மாநிலங்களில் அதிகம் ஆட்சியாளர்களாக, அதிகம் காணமுடிகிறது. அப்படி ஐஏஎஸ் ஆகமுடியாமல் தோற்ற ஒரு தாத்தா, நெடுமுடிவேணுவும்,ஒரு அப்பா ரமேஷன் நாயரும் [மோகன்லால்] , தன் மகன்  மனுவை [அர்ஜுன்லால்] எப்படியும் ஐஏஎஸ் ஆக்கிவிடவேண்டும் எனக் கண்ட கனவு பலித்ததா?  என்பதை மிக அருமையாக மனதை நகர்த்தும் நவரசங்களுடன் கலந்து தந்துள்ளனர்.

படத்தின் கதை:-
கேரள சட்டசபையில் செகரெட்ரியாக பணியாற்றும் ரமேஷன் நாயர்  [மோகன் லால்] நேர்மையாக பணியாற்றி நல்ல பெயரெடுத்தவர், அழகிய மனைவி லேகா [மீராவாசுதேவன்],  படிப்பில் புலியாக மகன் மனு[அர்ஜுன்லால்],அழகு மகள்  மஞ்சு ,வாடகை வீட்டில் இருந்தாலும் கௌரவமான  சிறிய அழகான குடும்பம், மிகுந்த சிரமத்துக்கிடையில் தன் அலுவலக நண்பர் ஜோசப் [ஜெகதி ஸ்ரீகுமார்] மூலம் வங்கியில் வீட்டுக் கடனுக்கு விண்ணப்பிக்கிறார். 

கனின் படிப்பைப்பற்றியே சதா சர்வகாலமும் சிந்திக்கிறார். மகன் படிக்கையில் கூட அமர்ந்து வினா விடை நடத்தி கூடிப் படிக்கிறார். மொத்தத்தில் வேலை செய்யும் இடத்திலும்,மகனின் பள்ளியிலும், அக்கம்பக்கத்து குடித்தனவாசிகளும் ஆச்சரியப்படும், பொறாமைப்படும் ஆளுமையாக திகழ்கிறார். மகனை நண்பனாகவே நடத்துகிறார். மனைவியை தோழியாகவே நடத்துகிறார். மனைவியிடம் எதையுமே மறைத்ததில்லை,தன் இளமைக்கால அத்தை மகள் ஷோபாவின் மேலான காதல் உட்பட. அதுபோலவே மகனும் தன் பள்ளியில் காதலிக்கும் பெண்ணைப்பற்றி அப்பாவிடம் மட்டும் பகிர்கிறான். மனு பள்ளியில் எல்லா மாணவர்களுக்கும் முன்னுதாரணமாக திகழ்கிறான்,


ரு மனிதனின் வலப்பக்க மூளைதான் கடினமான கணக்குகள்,வாய்பாடுகள் சூத்திரங்களை நினைவு கொள்கிறது, அவற்றை எப்படி விருப்பமான பாடல்கள், சம்பவங்கள், மூலம் நினைவில் ஏற்றுவதன் மூலம் இடப்பக்க மூளையையும் உபயோகிப்பது?!!, என அப்பாவும் மகனும் பள்ளிகளில் விளக்கும் காட்சிகள் அற்புதமாக எடுக்கப்பட்டுள்ளன எனலாம்.

ம் வீடுகளில் பல வருடங்கள் முன்பாக, ஹார்லிக்ஸ் வாங்கியதற்கு ஒரு பூப்போட்ட கண்ணாடி நீர் ஜாடி இலவசமாக வந்திருக்கும். அதை மனு ஒரு காட்சியில் குற்ற உணர்வின் மிகுதியால் கீழே போட்டு உடைத்து விட்டு அழுவான். அம்மா லேகா அது இலவசமாக வந்தது தான்டா ,என தேற்றுவாள், படத்தின் லாஜிக்கலான தள அமைப்புக்கு இக்காட்சி ஒரு உதாரணம். [எத்தனையோ படங்களில் நடுத்தர வீட்டை காட்டுகிறேன் என்று நாடகத்தனமாக லக்ஸுரியான லிவிங்ஸ்டைலை அமைத்துவிடுவர். அவர்கள் இதைபார்த்து கற்றுக்கொள்ள வேண்டும்.]

ன் வயதான டீச்சர் அத்தை இறந்து விட, ரமேஷன் நாயர் வாடகைக்கார் அமர்த்தி குடும்பத்துடன் சொந்த கிராமம் சென்று வருகிறார். அப்பா நெடுமுடிவேணு அப்படி ஒரு பாசக்காரத் தந்தை, நீ ஏன் இவ்வளவு செலவு செய்துகொண்டு வந்தாய்? அத்தை உனக்கு அவள் மகளை மணமுடிக்காமல் துபாய் வேலைக்காரனுக்கு மணமுடித்தது மறந்துவிட்டதா? என கடிந்துகொள்கிறார்.உடனே குட்டிப்பேத்தி மஞ்சு அதனால் தானே அம்மா மருமகளாய் வரமுடிந்தது என மடக்குவது அருமை.இப்படி வசனங்கள் ஒவ்வொன்றும் அழகு,நாம் பல சமயத்தில் உபயோகிப்பவையே!!!


மேஷன், அத்தை மகள் ஷோபா [சீதா] குடிகாரக்கணவனிடம் படும்பாட்டை பார்த்து வருந்துகிறார். மனைவிக்கு அழகாக கொசுவம் வைத்து புடவை கட்டியும் விடுகிறார். நேரம் கிடைக்கையில் சமையலறையில்  புகுந்து நளபாகம் செய்தும் அசத்துகிறார்.அப்பாவுக்கு எண்ணெய் தேய்த்து கால் விரலுக்கு நெட்டும் எடுத்து விடுகிறார். ஷோபாவுக்கும் உள்ளூர தனக்கு இது போல ஆப்த கணவன் கிடைக்கவில்லையே என அதிக வருத்தமிருக்கிறது,

ருக்கு கிளம்புகையில், ரமேஷன் திருவனந்தபுரத்தில் ரெண்ட-காருக்கு நல்ல கிராக்கி இருப்பதாகவும், நண்பன் ஜோசப் மூலம் தான் விரைவில் ஒரு செகண்ட்  ஹாண்ட் கார் வாங்கி வாடகைக்கு விடப்போவதாகவும் அப்பாவிடம் அனுமதிக்குவேண்டி சொல்கிறார், மேலும் கிராம பூர்வீக வீட்டுக்கு எதிரேயே கார் வந்து நிற்கும் படி பாதையும்  அமைக்க சொல்லிகிறார், அப்பாவோ,?!! அதற்காக  பாக்கு தேக்கு மரங்களை வெட்ட முடியாது என்கிறார்.

னக்குத்தான் ஜோசப் இருக்கிறானே!! அவனையே கேட்டு எல்லாம் செய், என பொய்யாய் கோபிக்க, ரமேஷன்,சரி உன் பாக்கு,தேக்கு மரத்தை கட்டி அழு, நான் அடுத்த முறை காரை வெளியிலேயே நிறுத்திக்கொண்டு இந்த நூறு படிகளை ஏறிவருகிறேன், என கோபமாக சொல்லிவிட்டு காரில் புறப்பட, மனைவி லேகா  ஏன்? இப்படி ஒவ்வொரு முறையும்,அப்பாவிடம் கோபித்து ஊருக்கு புறப்படுகிறீகள் எனக்கேட்க, அது அப்படித்தான்,அப்பா அப்போதுதான் என் பிரிவுக்கு வருந்தமாட்டார், இன்று முழுக்க என்னை திட்டி தீர்த்துக் கொண்டே கழிப்பார், பிரிவு மறந்து போகும், என ஆறுதல் சொல்லும் காட்சி அற்புதமான ஒன்று.

மேஷன் நாயர் தன் வாழ்வில் மனைவியை மிகவும் ரசிப்பதற்கும் , மதிப்பதற்கும் தான் 10ஆம் வகுப்பில் மனனம் செய்து பாட்டுப்போட்டியில் பாடிய பாரதியாரின்  காற்று வெளியிடைக்கண்ணம்மா என்னும் பாடலே காரணம்., என்று மகனின் பள்ளி பெற்றோர் ஆசிரியர் சந்திப்பில் மிக அழகாக எல்லோருக்கும் அதை பாடியும் காட்டுகிறார்.


[படத்தில் காற்றுவெளியிடை கண்ணம்மா என்று துவங்கும்  பாடல் பரப்ப்ரம்ம ரூபா என்னும் மாண்டேஜ் பாடலாய்  கர்நாடக இசையில் பிரவாகமெடுக்கிறது] நம் தமிழர்கள் எத்தனைபேர் பாரதியார் பாடல்களை மனனம் செய்திருப்போம், அல்லது புரிந்து பாடியிருப்போம்.  இன்னொரு காட்சியில் திருக்குறளை மேற்கோள் காட்டி நிகழ்த்த முடியாதது ஒன்றுமில்லை என்பதும் கவிதை.

ப்படி நன்றாக போய்கொண்டிருந்த குடும்ப வாழ்வில் பேரிடி ஒன்று விழுகிறது, எப்படி தெரியுமா?அல்சிமெய்ர் என்னும் கொடிய நினைவு பிழறல் நோய் வடிவில்.
மேஷன் முக்கியமான ஒரு ஃபைலை வீட்டுக்கு   கொண்டு வந்தவர்,அதை  ஃப்ரிட்ஜின் ஃப்ரீசரில் வைக்கிறார். மனைவியுடன் உடலுறவு கொள்கையில், சுவற்றில்  பல்லியைப்பார்த்துவிட்டு கவனம் சிதறியவர்,அப்படியே எழுந்து ஒரு குச்சியால் சிறுவன் போல பல்லியை தட்டுகிறார். மனைவி லேகா நொறுங்கிப்போகிறாள்.காலையில் பல்துலக்குகையில் மகனின் டூத்ப்ரஷில் பல்விளக்குகிறார்.


ப்படியே சமகால நினைவுகள் சுத்தமாக வடிந்தவர் போலாகிறார். நினைவுகள் வருகின்றன, போகின்றன, எல்லாவற்றுக்கும்  உச்சமாக  ஸ்கூட்டரில் சாவியை டிக்கியில் டிஃபன் பாக்ஸ் வைக்க திறந்து பூட்டியவர், அதை எடுக்காமலே ஸ்கூட்டரை உதைத்து அது ஸ்டார்ட் ஆகவில்லை,என தள்ளிக்கொண்டும் வருகிறார்.


கன் எடுத்துச்சொன்னதும் நம்பவில்லை, சாதிக்கிறார்.  மகனை பள்ளியில் விட வந்தவர், பள்ளி கடந்து போனது  தெரியாமல் ரோடு தாண்டி வந்துவிடுகிறார். மகன் இறங்கிக்கொள்ள, ஆஃபீஸ் விட்டுவிட்டது என நினைத்துக்கொண்டு காய்கறிக்கடையில் கீரையும், தக்காளியும்,காய்கறிகளும் வாங்கியவர், ஸ்கூட்டரை அங்கேயே மறந்து விட்டு ஆட்டோ பிடித்தவர் , போகுமிடம் சொல்லத் தெரியாமல் செகரெட்ரியேட் கட்டிடம் பார்த்து இறங்குகிறார். ஆட்டோகாரர் நிறைய சுற்றவைத்துவிட்டீர்கள், எனச்சொல்லி ரூ 200 கேட்கையில் திகைக்கிறார்.


ஃபீஸுக்குள் நுழைந்ததும் நண்பர் ஜோசப் எதிர்கொள்ள, குறுகுறுக்கிறார், சுயநினைவுக்கு வந்தவர் காய்கறியை எங்கே வைக்க?,என்று கேட்க அதை  ஜோசப் வாங்கிச்செல்ல, இவர் அவரின் பின்னே  ஆஃபீசுக்குள் நுழைந்தவர், பெண் ஊழியர்களுக்கு எதிரேயே சட்டையை கழற்றி கப்போர்டில் மாட்டுகிறார். பெண் ஊழியர்கள் அலற ரசாபாசமாகிறது, நண்பர் ஜோசப் பயந்தபடி ரமேஷன் சரக்கடித்திருக்கிறாரா? வாடை வரவில்லையே, ஓட்கா, ஜின் எதானுமா? கஞ்சாவா? என்று பயந்து கழிவறை கூட்டிச்சென்று முகம் கழுவ அனுப்ப,


ள்ளே வந்த ரமேஷன், மேலே ஷவர் இல்லாதது கண்டு திகைத்து பக்கெட் நீரை எடுத்து தலையில் ஊற்றிக்கொள்ள, அங்கே வெளியே இவரின் ஸ்கூட்டரை இவரிடம் திரும்ப கொடுக்க எடுத்து வந்த காய்கறிக்காரர் ஜோசப்பிடம் சாவியை கொடுக்க, ரமேஷன் ஆவேசமாய் வெளியேறியவர். காய்கறிக்காரனை பிடித்து அடிக்கிறார். ஸ்கூட்டரை அவன் திருடிவிட்டான் என பிதற்றுகிறார். ஜோசப் இவரை மருத்துவமனையில் சேர்த்துவிட்டு வீட்டுக்கும் தகவல் அளிக்கிறார்.


மேஷனின் அப்பா பதறியபடி வந்து சேர்கிறார். மனு மாடல் எக்ஸாம்கள் மறுநாள் துவங்க, நான் போகமாட்டேன்,என்று அப்பாவின் தலைமாட்டிலேயே உட்கார்ந்து கொள்கிறான்.  ஒவ்வொரு அணுவிலும்,அசைவிலும் அப்பாவையே உணர்கிறான்.  இப்போது படிப்பைவிட அப்பாவின் உடல்நலனே அவனுக்கு பிரதானம். அம்மா லேகா நொறுங்கிப்போகிறாள்.


இனி என்ன ஆகும்?
1.புத்திசாலியான ரமேஷன் எதனால் இந்நோய்க்கு ஆட்பட்டார்?
2.ரமேஷன் அல்செய்மெய்ர் நோயிலிருந்து விடுபட்டாரா?
3.ரமேஷனின் செகரெட்ரி வேலை என்ன ஆனது?
4.ரமேஷன் விரும்பியபடியே டபுள்பெட்ரூம் ஃப்ளாட்டும்,செகண்ட் ஹாண்ட் காரும்  வாங்கினாரா?
5.மகன் மனு ஐஏஎஸ் ஆஃபீஸர் ஆனானா?


போன்றவற்றை நெகிழ்ச்சியான சம்பவங்களின் கோர்வையுடன் டிவிடியில் பாருங்கள், இன்றைய தமிழ்படங்கள் அப்பாவை டேய் அப்பா, அவன், இவன், ஓத்தா,  என்றெல்லாம் சொல்லுவதை ஊக்குவிப்பது போல காட்சியமைப்பதை நியாயப்படுத்திவருகின்றன. இயக்குனர்கள் இது போல படங்களையும் பார்க்கவேண்டும், இப்படியும் தந்தை மகன் உறவை பின்ன முடியும் என யோசிக்கவேண்டும். அதனால் சமூகத்தில் ஆரோக்யமான மாற்றம் நிச்சயம் வரக்கூடும்.


டத்தில் நடித்த மீரா வாசுதேவன் இதற்காகவே 15கிலோ எடைக்கூடினாராம், படத்தில் இவர்களின் அன்னியோன்யம் கண்டு, இரண்டு வீட்டிலும் சண்டை வந்தாலும் வந்திருக்கும். அப்படி ஓர் யதார்த்தம்.ஒவ்வொரு காட்சியுமே பார்த்துப் பார்த்து செதுக்கியது நன்றாக தெரிகிறது, படத்தின் இசையும் பாடல்களும் பிண்ணணி இசையும் மிக அருமை,


ரு மருத்துவமனைகாட்சியில் இசைபுயலின் warriors of heaven and earth என்னும் இசைக்கோர்வையை அப்படியே  எடுத்து  மோஹன் சித்தாரா பயன்படுத்தியிருப்பார். மனதை உருக்கிவிடும்., மேலே நிலாக்காயல் , காற்று வெளியிடைக் கண்ணமாவும் கேட்க மிக இனிமை. சமகாலத்தில் ஒருபடம் ஒருவரை சிரிக்க, நெகிழ, அழ வைத்திருக்குமானல் அது இதுதான்.  நல்ல படங்களை பார்த்து சிலாகித்து, மோகித்து அதை டைரியில் எழுதுவது போலவே இதை எழுதுகிறேன். ப்லெஸ்ஸியின் பரம்மரம் விரைவில் எழுதப்பார்க்கிறேன்.


மேலே வெள்ளித் திங்கள் பாடல் யூட்யூப் காணொளி :-
====0000=====

27 comments:

இராமசாமி கண்ணண் சொன்னது…

இது வரைக்கும் பார்க்கல .. பார்த்துடறேன்.. பரம்மரம்(நான் இத்தன நாள் பிரம்மரம்னு வாசிச்சுட்டு இருந்தேன்) ஒரு அற்புதமான எக்ஸ்பீரியன்ஸ்... முடிஞ்சா கேரளா கபேயும் பாருங்க.. http://satturmaikan.blogspot.com/2010/02/bharamaram2009.html

நேரம் கிடைக்கிறப்ப இத படிங்க.. ரொம்ப நாளைக்கு முன்னாடி நான் எழுதினது.. என்னோட புரிதல்ல சில தவறுகள் இருக்கலாம்.. இருந்ததுன்னா மன்னிதருள்க :)

மரா சொன்னது…

கார்த்து, ப்லெஸ்ஸியோட எல்லா படமுமே அருமையா இருக்கும்.அதுவும்
இப்படம் ஒரு காவியம். கேரள சினிமாவுல பல ஜாம்பவான்கள் சத்தமில்லாமல் இயங்கிக் கொண்டிருந்தார்கள்..இருக்கிறார்கள். நல்ல பகிர்வு நண்பரே.

மரா சொன்னது…

முடிஞ்சா எலிப்பத்தாயம்,தேசாதனம்,
ஆகாசத்தூது பாருங்க சார். நல்லா இருக்கும்.நன்னி.

வினோத் கெளதம் சொன்னது…

மலையாள சினிமா வாழ்க..மக்களின் மூளையை மழுங்கடிக்கும் தமிழ் சினிமா ஒழிக..

|கீதப்ப்ரியன்|Geethappriyan| சொன்னது…

@இராமசாமி,
நண்பா நிச்சயம் படிக்கிறேன் வீக்கெண்டில்,நான் பரம்மரம்னு தான் நினைக்கிறேன்,சரிபார்த்துக்குவோம்,தப்பில்லை.கேரளா கஃபே பாத்துட்டேன்.இங்க கான்கோர்டுன்னு ஒரு தியேட்டர் உண்டு,அங்கே வாரா வாரம் நல்ல படங்கள் திரையிடுவர்.அப்படி பார்த்தது.

|கீதப்ப்ரியன்|Geethappriyan| சொன்னது…

@மரா
எலே மக்கா சௌக்கியமா?
சாட்லயே இல்லியே?
நான் எலிப்பந்தாயம்,தேசாதனம் பார்க்கலை,நல்ல அறிமுகத்துக்கு நன்றி.உனக்கு உள்ள அறிவைகொண்டு நல்ல படங்களை அறிமுகம் செய்யலாமே?இன்னும் கமலை துதிபாடி பதிவுகள் போடுகிறாயேடா மக்கா,சோசேட்.

நாஞ்சில் பிரதாப் சொன்னது…

கலக்கல் படம் கார்த்தி.... என்னை ரொம்ப பாதித்த ஒரு படம்.
தேசிய விருது வாங்குன படம்.
பிள்ஸ்ஸீ தி கிரேட். இந்தப்படத்தை ஒரு நாலுவாட்டியாவது பார்த்த நினைவு.
மோகன்லால் பத்தி என்னச்சொல்ல... இப்படிக்கூட நடிக்கமுடியுமா? கடைசி சீன் நான் கிட்டத்தட்ட
அழுதுட்டேன்... இதுபோன்ற படங்கள் இப்போது ரொம்ப கம்மியாயிடுச்சு தல... அவனங்களும் இப்போ மசாலா படத்துக்கு மாறுனது நல்லபடம் விரும்பிகளுக்கு பெரிய இழப்பு.

மலையாள பட விமர்சனத்தில் இறங்கிய தலைவர் கார்த்தி வாழ்க...

|கீதப்ப்ரியன்|Geethappriyan| சொன்னது…

@வினோத்
யோவ் குரு,இதெல்லாம் ஓவரால்ல?
நமக்கு தெரிஞ்சது ரெண்டு,வாழ்க,ஒழிக,சரியா?:)

கொழந்த சொன்னது…

ணா...
பதிவ தட்டிவிட்டுட்டு எஸ் ஆயிர்றீங்க.
செம வேலையோ..இல்ல..பி.ப. ஆயிட்டீங்களா...ஏன்னா பின்னூட்டங்களுக்கு பதிலும் போடுறதில்லயே....

மோகன்லாலின் ஆர்பாட்டமில்லாத நடிப்பு எனக்கு மிகவும் பிடிக்கும். மத்தபடி மலையாள படங்கள் பார்க்குறது கம்மிதான். இந்த படத்தை பார்க்க சீக்கிரம் முயல்கிறேன்.

//முடிஞ்சா எலிப்பத்தாயம்,தேசாதனம்,
ஆகாசத்தூது // அப்படியே வழிமொழிகிறேன். அதோட நிழல்குத்து படத்தையும் சேர்த்துக்கோங்க. (எங்க யூனிவர்சிட்டிக்கு ஒருமுறை அடூர் கோபாலகிருஷ்ணன் வந்திருந்தார். அவர்ட ஆட்டோகிராப் வாங்கிட்டு கொஞ்ச நேரம் பேசினேனே....)

|கீதப்ப்ரியன்|Geethappriyan| சொன்னது…

@நாஞ்சில் ,
மக்கா,உன் உபயத்தில் தான் நிறைய படங்கள் தேடிப்பார்க்க முடிந்தது,நன்றி.மேலும் பார்ப்போம்,அறிமுகம் செய்வோம்,இதை முன்பு எப்போதோ ஏசியாநெட்டில் பார்த்திருந்தாலும்,பெயர் மறந்து போயிருந்தது,நான் அழுதேவிட்டேன். பரம்மரம் செம கலக்கலான ஒன்று,அண்ணாச்சி அதை எழுதியிருக்கிறார்.

ஆர்.கே.சதீஷ்குமார் சொன்னது…

ஆஹா நல்ல பதிவு...மலையாளம் நாலே ஒரு கவிதை படைப்புகள் தான்

|கீதப்ப்ரியன்|Geethappriyan| சொன்னது…

@கொழந்த,
இன்னிக்கு வரேன்,செம வேல,நன்றி

@ஆர்.கே.சதீஷ்குமார்.
ஆமாம் நண்பரே,அதுவும் பாரதியாரையும் திருவள்ளுவரையும் படத்தில் கௌரவித்த பாங்கும் அருமை எனலாம்.நன்றி

எஸ்.கே சொன்னது…

நான் இதுவரைக்கும் மலையாளப் படங்களை தமிழ் டப்பிங்கில்தான் பார்த்துள்ளேன். நீங்க சொல்றதை பார்த்தா இந்த படம் ரொம்ப நல்லாயிருக்கும் போலிருக்கே. பார்க்க முயற்சிக்கிறேன்.

கோபிநாத் சொன்னது…

அருமையான படைப்பு தன்மாத்ரா..மிக அழகாக அழமாக விமர்சனம் செய்துயிருக்கிங்க அண்ணே ;)

தனியாக டிவிடி வாங்கிட்டோம்ல்ல ;))

☀நான் ஆதவன்☀ சொன்னது…

செமையான விமர்சனம் தேவுடு.

கருந்தேள் கண்ணாயிரம் சொன்னது…

இந்தப் படத்தை நான் இன்னமும் பார்க்கவில்லை. நான் பார்த்த மலையாளப்படங்களை விரல் விட்டு எண்ணிவிடலாம் (ஒரே கையில்).

மோகன்லாலின் நடிப்பை, இருவரில் கண்டு வியந்திருக்கிறேன். பள்ளியில் படிக்கையில், மலையாள நண்பர்கள், மோகன்லால், மம்மூட்டி என்று பிரிகையில், மோகன்லாலுக்கே ஆதரவு தெரிவித்து வந்திருக்கிறேன் (காரணமே தெரியாமல்). ..

என்னை ஒரு மலையாள நண்பர், கிலுக்கம், ஹிஸ் ஹைனஸ் அப்துல்லா, ஆறாம் தம்புறான் ஆகிய படங்களைப் பார்க்கச்சொன்னார். இன்னமும் நேரம் வரவில்லை. பார்த்து விடுவேன்...

பின்னோக்கி சொன்னது…

மலையாளப் படங்களைப் பார்த்ததில்லை. இந்தப் படம் பார்க்கவைக்கும் போல இருக்கிறது.

|கீதப்ப்ரியன்|Geethappriyan| சொன்னது…

@எஸ்கே,
நண்பா,நலமா?நிச்சயம் பாருங்க,நான் முன்பு மோகன்லால் படங்கள் தொடர்ந்து பார்த்துக்கொண்டிருந்தேன்,அவர் எப்போது பாப்கார்ன் போல படங்களில் நடித்தாரோ அப்போதே,பார்ப்பதை விட்டுவிட்டதால் அப்டேட் இல்லாமல் போனது.இதோ மீண்டும் துவங்கிவிட்டேன்.

|கீதப்ப்ரியன்|Geethappriyan| சொன்னது…

@கோபிநாத்
தம்பி அப்படியா?
சூப்பரு
நன்றி

@ஆதவன்
தேவுடு,உனக்குதான் நிறைய படங்கள் தெரிந்திருக்கும்,எனக்கு ஒரு பெரிய லிஸ்டை மெயிலவும்,குறிப்பாக அந்த மம்மூட்டி ஸ்த்ரி லோலனாய் நடித்த படம்.:)

|கீதப்ப்ரியன்|Geethappriyan| சொன்னது…

@கருந்தேள்
நண்பா,கிலுக்கம், ஹிஸ் ஹைனஸ் அப்துல்லா, ஆறாம் தம்புறான் பழைய படங்கள் என்றாலும் பொக்கிஷங்கள் இவற்றை என் அண்ணன் ஒருவர் மதுரையில் ஷா என்னும் தியேட்டரில் கூட்டிப்போயுள்ளார்.மலரும் நினைவுகள்.

===
நீங்கள் அவசியம் மலையாளம் பார்க்க துவங்கவேண்டும்,கிம்கிடுக்குடன் சேர்த்து இதையும் கவனிக்கவேண்டும்:)

|கீதப்ப்ரியன்|Geethappriyan| சொன்னது…

@பின்னோக்கி
நண்பரே
அவசியம் பார்க்க துவங்குங்கள்,நல்ல மாறுதலாக இருக்கும்

|கீதப்ப்ரியன்|Geethappriyan| சொன்னது…

மேலும் மோகன்லாலின் ஸ்படிகம் என்னும் படம் வைரம் என்னும் பெயரில் டப்பிங் ஆனது,மிகக்கலக்கலான படம்,ஆடுதாமஸ் என்னும் கேரக்டர் மறக்கமுடியாதது,அதை குஸ்புவின் புருசன் மிகதிராபையாக தமிலாக்கம் செய்து குதறியிருப்பார்.சத்யராஜ் நக்கலாக தமிழகத்தின் மோகன்லால் என்று வேறு பட்டம் கொடுத்தது நண்பர்களுக்கு நினைவிருக்கலாம்.:)காலத்தின் கோலம்

|கீதப்ப்ரியன்|Geethappriyan| சொன்னது…

அதுதவிர
90களில் மோகன்லால் வாழ்ந்த கிரிடம் படத்தை , அஜித்தும்,மதராசபட்டனம் இயக்குனரும் சுதப்பியதும் நினைவிருக்கலாம்.

bogan சொன்னது…

படத்தில் வரும் பாரதியின் காற்று வெளியிடைக் கண்ணம்மா பாடலைப் பற்றி எழுத விட்டுவிட்டீர்களே..[நாம் மலையாளிகளைப் பற்றி தமிழில் அவதூறுகளை மட்டுமே பிரசுரிக்கிறோம் என்று என் மலையாள நண்பர் சொன்னார்.உண்மையோ என்று தோன்றியது]படத்தில் மோகன்லால் திருக்குறள் வேறு சொல்வார்.இதையும் பதிவு செய்யுங்கள்.

|கீதப்ப்ரியன்|Geethappriyan| சொன்னது…

@போகன்
நண்பரே,முழுதும் படித்தீர்களா?
சரி மீண்டும் படியுங்கள்,தெளிவாய் எழுதியுள்ளேனே!!!

//ரமேஷன் நாயர் தன் வாழ்வில் மனைவியை மிகவும் ரசிப்பதற்கும் , மதிப்பதற்கும் தான் 10ஆம் வகுப்பில் மனனம் செய்து பாட்டுப்போட்டியில் பாடிய பாரதியாரின் காற்று வெளியிடைக்கண்ணம்மா என்னும் பாடலே காரணம்., என்று மகனின் பள்ளி பெற்றோர் ஆசிரியர் சந்திப்பில் மிக அழகாக எல்லோருக்கும் அதை பாடியும் காட்டுகிறார்.


[படத்தில் காற்றுவெளியிடை கண்ணம்மா என்று துவங்கும் பாடல் பரப்ப்ரம்ம ரூபா என்னும் மாண்டேஜ் பாடலாய் கர்நாடக இசையில் பிரவாகமெடுக்கிறது] நம் தமிழர்கள் எத்தனைபேர் பாரதியார் பாடல்களை மனனம் செய்திருப்போம், அல்லது புரிந்து பாடியிருப்போம். இன்னொரு காட்சியில் திருக்குறளை மேற்கோள் காட்டி நிகழ்த்த முடியாதது ஒன்றுமில்லை என்பதும் கவிதை.//
இதை கண்டபின் அவர்கள் மேல் மரியாதை கூடியது எனலாம்

Senthil Prabu சொன்னது…

Wow!!! Super Geetha priyan... nan pakaraen.... thanks

Karthikeyan Vasudevan சொன்னது…

நண்பர் செந்தில் பிரபு நன்றிங்க

Related Posts Plugin for WordPress, Blogger...

குறிச்சொற்கள் வைத்து தேடிப்படிக்க

உலக சினிமாபார்வை (142) சமூகம் (99) தமிழ் சினிமா (47) கே.பாலசந்தர் (41) சினிமா (28) உலக சினிமா (23) விமர்சனம் (22) ஃப்ராடு (17) கமல்ஹாசன் (17) மலையாளம் (16) சினிமா விமர்சனம் (15) இசைஞானி (13) திரைப்படம் (12) கோயன் பிரதர்ஸ் (9) கலை (8) சத்யஜித் ரே (8) அயல் சினிமா (7) நட்பு (5) ஆக்கம் (4) இனப்படுகொலை (4) ஹாலிவுட் (4) அஜய் தேவ்கன் (3) சென்னை (3) தமிழ் (3) திரைவிமர்சனம் (3) ஃப்ரென்சு சினிமா (2) அடோன்மெண்ட் (2) அபர்ணா சென் (2) ஆமென் (2) இந்தியா (2) இனவெறி (2) இளையராஜா (2) உலகம் (2) எரோடிக் கல்ட் க்ளாஸிக் (2) ஓவியம் (2) சரசம் சல்லாபம் சாமியார் (2) சிந்தனை (2) சொத்துக் குவிப்பு வழக்கு (2) ஜெயமோகன் (2) டார்க்ஹ்யூமர் (2) டாஸ்மாக் (2) திரை விமர்சனம் (2) தீர்ப்பு (2) தொடர் பதிவு (2) பதிவுலகம் (2) மோசடி (2) ரிசெஷன் (2) ஹவ் டு நேம் இட் (2) ஹிந்தி (2) K.E.ஞானவேல் ராஜா (1) chennai (1) அமீரகம் (1) அமெரிக்க நகைசுவை (1) அரசியல்வாதி (1) அறிஞர்கள் சொன்ன முத்தான பத்து (1) அழகி (1) இன அழிப்பு (1) ஈழம் (1) எந்திரன் (1) ஏழாம் உலகம் (1) ஐபேட் (1) கட்டுரை (1) கதை (1) கற்பழிப்பு (1) கலக்கல் காமெடிகள் (1) காசாவில் நிலவும் துயரம் (1) காசி மாநகரில் அழகிய கங்கை நதி (1) காசி மாநகரில் அழுகிய கங்கை நதி (1) காந்தி மகான் சில நினைவுகள் (1) கார் லைசென்சு (1) கேட் வின்ஸ்லெட் (1) கொடூரம் (1) கொலை (1) சப் டைட்டில் (1) சப் டைட்டில் சேர்ப்பது எப்படி? (1) சித்ராங்கதா சிங் (1) சிரிக்கலாம் வாங்க (1) சிரிப்பு (1) சிறுகதை (1) சீட்டிங் (1) செல்போன் (1) சோகம் (1) ஜெசிக்கா லால் (1) ஜெட் ஏர்வேஸ் (1) ஜேவியர் பர்டம் (1) டரியோ மரியனல்லி (1) டாக்மி 95 (1) டிம் ராப்பின்ஸ் (1) டெக்ஸாஸ் (1) தண்டனை (1) தனி மனித ஒழுக்கம் எவ்வளவு முக்கியம் ? (1) துபாய் (1) நரபலி (1) நாஜி (1) பதேர் பாஞ்சாலி (1) பறக்கும் ரயில் (1) பல்கலைக்கழகம் (1) பாரிஸ் (1) பேரழிவு (1) போபால் (1) மரண தண்டனை (1) மாத்தி யோசி (1) மார்கன் ஃப்ரீமேன் (1) மிருகவதை (1) முற்பகல் செய்யின்.. (1) மூடநம்பிக்கை (1) ராஹுல் போஸ் (1) ரூபாய் குறியீடு (1) லஞ்சம். (1) விமான விபத்து (1) விம் வாண்டர்ஸ் (1) விஷவாயு (1) ஷார்ஜா (1) ஹட்சக்கர் ப்ராக்ஸி (1) ஹல்லாபோல் (1) ஹிட்லர் (1) ஹோட்டல் ருவாண்டா (1) ஹோலிஸ்மோக் (1)