எந்திரன் த ரோபோட் [ EndhiranThe Robot]


ண்பர்களே!!!
டித்து பிடித்து பார்க்க வேண்டாம் என நினைத்தாலும் விதி விடவில்லை.  வாழ்வில் முதல் முறையாக ஒரு படத்தை 4-30 மணி அதிகாலை காட்சி அதுவும் ஷார்ஜாவிலிருந்து துபாய்க்கு பயணித்து பார்த்தேன் என்றால் அது எந்திரன் தான், இங்கே ஹயாத் கலேரியாவில் 2 திரைகளிலும் 8 காட்சிகள் தொடர்ச்சியாக எந்திரன் காட்டப்படுகிறது, இங்கே நடிகர்களை ரசிக்கமட்டும் செய்கிறார்கள், யாரும் மொட்டைபோடுதல் , அலகு, சூலம், வேல், பச்சை குத்திக்கொண்டு  தொழுவதில்லை, ஆகையால் எந்த அசௌகரியமும் இன்றி படம் பார்க்கலாம், தவிர யாருக்குமே இங்கு கட்அவுட்  கிடையாது, ஆகையால் அட்டைக்கு பால் ,கழநீர், இளநீர், பீர், சோடா, என எந்த அபிஷேகமும் இல்லை, ரஜினி தன் அறுபதாம் கல்யாணத்துக்கு அழைக்காவிட்டாலும் கவலைப்படப்போவதில்லை, அழைத்தால் தான் எங்களுக்கு தர்ம சங்கடம்.

லையாளிகள் கூட மிகுந்த ஆர்வத்துடன் வந்து பார்த்து ஒவ்வொரு காட்சியிலும் அண்ணா!அண்ணா! என்று கைதட்டி மகிழ்கிறார்கள்.  ஒரு குடு குடு பாட்டி கூட ரஜினி மீதான வசீகரத்தால் ஆவலாய் வந்திருந்தார். அதிகாலை என்பதால் குழந்தைகள் கூட்டம் இல்லை. நீண்ட நாள் எதிர்பார்ப்பு நிறைவேறப்போவதை அனைவரின் கண்களிலும் கண்டேன், எல்லா நடிகர்களுக்கும் , இயக்குனர்களுக்கும் இந்த மரியாதை கிடைத்துவிடாது.
======0000======
ன்ன விசித்திரம் என்றால்?,மெனோபாஸ் நாயகி ,அறுபது வயது கிழ நாயகன் என்று ஏளனம் செய்த என் நண்பர்களே, டிக்கட்டை முந்தி எடுத்து என்னை கூட்டிப்போனது தான். ஒன்றே ஒன்று சொல்ல ஆசைப்படுகிறேன்,நம் நாட்டில் தான் வயதை காரணம் காட்டி இப்படி கீழ்தரமான தாக்குதல் நடைபெறுகிறது, இளமை வயதில் இல்லை, மனதில் தான் இருக்கிறது என்பதை புரிந்து கொண்டால் என்றும் ஒருவர் மார்கண்டேயன் தான்.  எல்லொருக்குமே அறுபது வயது காத்திருக்கிறது.

ங்கு நான் படத்தின் கதையெல்லாம் சொல்ல விரும்பவில்லை. மனித ரஜினியே நாயகனாய், எந்திர ரஜினியே வில்லனாய் முழு படத்திலும் வியாபித்துள்ளார். ரஜினி ரசிகர்களுக்கு ஆசைதீர கைதட்டி விசிலடித்து மகிழும்படியான ஸ்டைல், மாச்சோஸ்,+ அதகளம் நிச்சயம் உண்டு. அதில் என்ன வினோதம்? என்றால் நிறைய ரஜினி ரசிகர்கள் அல்லாதவர்கள் தான் முதல் வாரத்திற்குள்ளேயே படத்தை பார்த்து தள்ளுகின்றனர் என்பது என் எண்ணம்.

ஸ்வர்யா ராயுடன் ஜோடிபோட்டு நடிக்கும் கனவு, ரஜினிக்கு ஒருவழியாக நிறைவேறியேவிட்டது, மணியின் ராவணா  மட்டும் இல்லாமல் இருந்தால் ஐஸின் கால்ஷிட்டுக்கு இப்படி தேவுடு காத்திருக்க வேண்டியிருந்திருக்காது. நேரமும் வீணாயிருக்காது,  நமக்கும் இப்படையல் என்றோ போடப்பட்டிருக்கும்.

காமெடியையும் ரஜினியே செய்திருக்கிறார். வசனங்கள் செம ஷார்ப், சரரரவென வசனம் பாஸாகிக்கொண்டே இருக்கிறது. அமரர் சுஜாதாவின்  கதையும்,இதற்கு அவர் செய்த அவரின் கடைசிகால அசுர உழைப்பின் மகத்துவமும் தெரிகிறது. கருணாஸ் மற்றும் சந்தானம் இவ்வளவு சைலண்டாய் அடக்கி வாசித்ததை நான் பார்த்ததேயில்லை,,செருப்படியே வாங்குகின்றனர். இருந்தாலும் அருமை. படத்தில் அஜ்னபி சீரியல் புகழ் டேனி டான்சாங்கப்பா சிவாஜியின் சுமனை நினைவூட்டிச் செல்கிறார்., செம அழுத்தமான நடிப்பு. இவருக்கு அவசியமே இல்லாமல் எந்திரன் ரஜினியே வில்லன் வேடத்தை முழுதும் அடித்து ஆடிவிட்டார்.பைசெண்ட்டேனியல் மேன் என்னும் ராபின் வில்லியம்ஸ் நடித்த படத்தின் நிறைய பாதிப்பும்,பிற்பாதியில் ட்ரான்ஸ்ஃபார்மர்ஸ் பாதிப்பும் நிறைய தெரிகிறது.

து ரஜினி படமா? ஷங்கர் படமா?என்றால் மிகவும் கடினமான கேள்வியாகும். ஆனால் இது ரஜினி ரசிகர்களுக்கான படம். படத்தின் செலவு 150 கோடி என்கிறார்கள், அது 3000 ப்ரிண்ட்கள் போட்டார்களே? !!! அதையும் சேர்த்தா? சேர்க்காமலா? படத்தில் எந்திரன் ரஜினி, தன் பார்வையிலேயே புத்தகத்தை ஸ்கேன் செய்து கரைத்து குடிக்கும் காட்சி அருமை, படத்தில் 3இடியட்ஸில் வருவது போலவே சிக்கலான நார்மல் டெலிவரியை எந்திரன் ரஜினி அசத்தலாக பண்டைய கால முறைப்படி எலும்பை விலக்கி செய்கிறார். அந்த தொப்புள் கொடியில்  தலை சுற்றிய குழந்தை அனிமேஷன் மட்டும் தத்ரூபமாக இருந்திருந்தால் அக்காட்சி இன்னும் பேசப்பட்டிருக்கும்.

ர்கிடெக்சரில்,கட்டிடங்களில் சிக்கனம் செய்கிறேன் பேர்வழி என்று , முன்பக்கம் + ரோட் ஃபேஸிங் பக்கம் மட்டும் ஸ்ட்ரக்சுரல் க்ளேசிங் செய்துவிட்டு பின் பக்கம் சுவர் கட்டிவிடுவர். ஒரு மேட்சிங்+ கண்டிநியூட்டி இருக்காது, அது போல இரண்டாம் பாதியில் நிறையவும் எதிர்பார்த்துப்போன நமக்கு ஹைடெக் ராமநாராயன் க்ராபிக்ஸ் போலவே தோன்றுகிறது. 

டத்தின் இசை, அடடா!!!  வைரமுத்து+பா.விஜய் ன் பாடல்வரிகளை வித் பிக்சரைசேஷனில் பார்க்கையில் பிரமிக்க வைக்கிறது, எல்லா பாடல்களுமே இப்போது எனக்கு மனனம் ஆகிவிட்டது. டைட்டில் சாங்கான  எஸ்பிபி பாடும்  புதிய மனிதா !!! பாடலிலேயே எந்திரன் உருவாவதை அருமையான  வரிகளில்  பாடி உணர்த்தி விடுகின்றனர், பாடல் வரிகள் மெய்மறக்க, சிந்திக்க  வைக்கின்றன. இசைப்புயல்+ரசுல் பூக்குட்டியின் இசையும், பிண்ணணி இசைக்கோர்வையும் நிச்சயம் இதிலும் பேசப்படும்.  குறிப்பாக அந்த கிளிமாஞ்சாரோ பாடலும் காதல் அணுக்களில், அதிரும் இசையும், ஒளிப்பதிவும், படமாக்கிய விதமும் அந்த பெரு நாட்டின் மச்சுபிச்சு லொக்கேஷனும் மிகவும் அருமை.

ங்கரின் அபார கற்பனை, காட்சிக்கு காட்சி விஸ்வரூபமெடுத்துள்ளது, இவர் தேர்வு செய்த கட்டிடங்கள் ஒவ்வொன்றும் அருமை, ரஜினியின் ஆர்&டி ஆஃபிஸ், வில்லன் டேனியின் ஆர்&டி ஆஃபிஸ்களே அதற்கு சாட்சி. [இது சென்னை மெட்ரோ சோனின் சைட் ஆஃபிஸா?] குறிப்பாக என்னை கவர்ந்த விஷயம். நாயகன் விஞ்ஞானி ரஜினிக்கு சண்டைக்காட்சி வைக்காமல் போனது. மிக நல்ல முடிவு,  தவிர சிவாஜியில் சுவிங்கம் தூக்கிப்போட்டு பிடிப்பதைப்பொல , இதில் அசத்தலாய் டாட் என்கிறார், அதாவது ஃபுல்ஸ்டாப் வைக்கிறாராம்.ரிசல்ட்  அட்டகாசமாய் வந்துள்ளது.

டத்தின் நல்ல சிஜி வேலைகளுக்கு எடுத்துக்காட்டாய் அந்த முற்பாதியில் வரும் எலக்ட்ரிக் ரயில் காட்சியை சொல்லலாம், என்ன ஒரு க்ராபிக்ஸ்,?!!! சுத்தமாக கண்டுபிடிக்கவே முடியவில்லை,ரயில் சண்டைக்காட்சி தூள்,அடடா ஜெட்லியெல்லாம் தோற்றார்.அதிலும் குறிப்பாய் ஷங்கர் பஞ்ச்சாக, ஜன்னல் வழியே பான்பராக் எச்சில் துப்ப எத்தனிக்கும் ஒருவரின் வாயில்,  ரயிலின் பக்கவாட்டில்  சுவர்மேல் ஓடும் ரஜினி பூட்சுகாலால்  ஃபுட்பால் ஆடுவதை குறிப்பிட்டுச்  சொல்ல வேண்டும்.


ங்கரின் தொடர் வெற்றிக்கு முக்கிய காரணமே இவரின் அபார டேஸ்ட் தான்,  இவருக்கு ரசிகர்களின் நாடி பிடித்து பார்க்கத் தெரிகிறது, அதனால் தான் நீண்டகால தயாரிப்பான இந்த படத்தில் கூட எதுவுமே அவுட்டேட்டடாக தோன்றவில்லை, ரஜினி அணிந்து வந்த அத்தனை உடைகளுமே ஆர்மனி, வெர்சாஸ், ப்ரடோ வகை டிசைனர் ஆடைகளே,  ஐ கியர்கள் மட்டும் 10க்கும் மேற்பட்ட வகை,  இவர் அணியும் ஒரு பெவல்காரி கண்ணாடியே 1லட்சம் ரூபாய் இருக்கும்.

ன்னும் ஒரு 100 கோடி ரூபாய் கூட ரஜினியை நம்பி செலவு செய்யலாம். தயாரிப்பாளர்களிடம் இல்லாத பணமா?!!, அவர் பெயரையே கல்லா நிதிமாறன் என்றே வைக்கலாமே!! தவிர என்னதான்? சமையல் அறை நிறைய மளிகை சாமான்கள் காய்கறிகள் வாங்கிப்போட்டு நிறைத்தாலும் ,சமைப்பவன் சரியில்லை, ரசனையில்லாதவனென்றால் அத்தனையும் பாழ்!!!, மணிரத்னம் போல கலைத்துறை பூச்சாண்டிகளுடன் ஒப்பிடுகையில் ஷங்கர் மினிமம் எக்ஸ்பெக்டேஷனையாவது  நிச்சயம் ஈடுசெய்வார். இவரின் காலத்தை வென்ற ரசனை வியப்பூட்டுகிறது.

ருந்தும் ஒரு மெர்சிடெஸ் பென்ஸ் கூப் ரக காரைக்கூட சிதைக்க இவருக்கு மனம் வரவில்லையே?!!!ஏன்?இந்த பிக்காலித்தனம்,சிவாஜியிலும் இதேபோல  ப்ரடோ வகைக்கார் மோதி சிதறுவதற்கு பதில் ஸ்கார்பியோவை சிதறவிடுவார்.இப்படத்தில் அக்காருக்கு ஒரு க்ளோஸ் அப் வேறு வைப்பார் பாருங்கள். காரில் குண்டு துளைத்த அசல் ஓட்டைக்கு பதிலாக அற்பமாக ஸ்டிக்கரிங் செய்திருப்பார்.நன்கு தெரியும்.

விற படத்தின் மோசமான சிஜி வேலைகளுக்கு எடுத்துக்காட்டாய் , பிற்பாதியில்  வரும் ஹெலிகாப்டர்களும், ஏசிபி க்ளாடிங் கட்டிடங்களும் அனிமேஷன் என்பதை நம்மால் எளிதாய் யூகிக்க முடிகிறது,  அந்த பெர்ஃபெக்‌ஷன் எங்கே போனது? !!! ஏன் இப்படி ஒரு காம்ப்ரமைஸ்,முழுக்க நனைந்த பின் எதற்கு முக்காடு? இவர்களுடன் போயா சிக்கன சமரசம்  செய்ய வேண்டும்?!!ஷங்கரிடம் உள்ள வெற்றிக்கான ஃபார்முலாவே படம் பார்க்கும் போது நமக்கு ஏற்படும் பிரமிப்பு,வீட்டுக்கு போனதும் தான் அதில் உள்ள கூதல்கள் புலப்படும்.நிறைய க்ளிஷேக்கள் உள்ள இயக்குனர் இவர்.இதிலும் ட்ராஃபிக் போலீஸ் அமரர் கொச்சின் ஹனிஃபா நோபார்க்கிங் அஃபன்சுக்கு கையூட்டு கேட்டு எந்திரன் ரஜினியிடம் கையறு படுகிறார்.ஆயினும் பிடிக்கிறது.ஆனால் ஏன் எல்லா படத்திலும் தூக்கு தண்டனை?குப்பைதொட்டி, சாக்கடை, ஹீரோயின் ஈவ் டீசிங்? காதல் தோல்வி?அடுத்த படமாவது இந்த மொக்கையான் க்ளிஷேக்களை தவிர்க்கவேண்டும்,இல்லையென்றால் மக்கள் தவிர்த்துவிடுவார்கள்.

விற வார்ட்ரோப், ஆக்சஸரீஸ் என்று மனிதர் கலக்கியேவிட்டார். மற்ற இயக்குனரைப் போல படத்தில் ஒரு காட்சியில் எட்டிப்பார்த்து வசனம் பேசவோ, டான்ஸ் ஆடவோ செய்யாத நேர்மையும் பிடித்திருக்கிறது. பிரம்மாண்டம் என்று பிதற்றும் ஆட்கள் இவரிடம் படிக்க வேண்டிய பாடம் அதிகமுள்ளது.

ரசியலில் மட்டுமல்ல சினிமாவிலும் நிரந்தர எதிரி கிடையாது!!!என்பது நிருபனமாயிருக்கிறது,முதல்வனில் ஷங்கர் இதே கழக மக்களால் எத்தனை ? ஓடி ஒளிந்திருப்பார்? ஆனால் இன்று நிலைமையே தலைகீழ். ல்லாவற்றிற்கும் மேலாக அடுத்த படம் 500 கோடியில் இயக்க வேண்டும் என்றாலும் அதற்கு ப்ரீக்வாலிஃபிகேஷனும்  இவருக்கு வந்துவிட்டது, இதனால் எத்தனை பேர் பயனடைவார்கள்?!!!  எத்தனை பேர் களிப்படைவார்கள்?,  அதனால் தான் பேரலல் சினிமா விரும்பியான எனக்கும் இந்த மெயின் ஸ்ட்ரீம் சினிமாவை பிடித்து விட்டது.

முதல் பாதி ஜெட் வேகம், அந்த கொசு பிடிக்கும் காட்சி குழந்தைகளுக்காக வைத்தார்கள் போல, கலாபவன் மணி எதற்கு திடீரென்று? வழக்கமாக ரஜினி படங்களில் வரும் பெரிய பட்டாளம் இதில் மிஸ்ஸிங். லாஜிக் மீறல்கள் ஏகமாய் இருந்தாலும் , டீம் ஒர்க்கின் முன் பெரிதாய் தோன்றவில்லை, தவிர ஷங்கர் வேண்டுமேன்றே இதுபோல காட்சிகள் வைப்பவர்தானே?[முதல்வன் மீசை+மச்சம்] ரஜினி + ஐஸ்வர்யா ஜோடி மிகவும் அழகு, கெமிஸ்ட்ரி கூடிவரவில்லை என்றாலும் ஓவராக ,  திணிப்பாக இல்லை.

ரண்டாம் பாதியில் குழந்தைகளுக்காகவோ என்னவோ? ஒரே ரோபோ க்ளோனிங் மயம். ரத்னவேலுவின் கேமரா வியப்பை, பிரமிப்பை தருகிறது. நல்ல வேளையாக இந்த படத்தில் காரக்குழம்பு தலையுடன் கனல்கண்ணன் வந்து சண்டை போடவில்லை, அதற்கே சிறப்பு நன்றி. ரஜினியின் அந்த கிடார் வைத்திருக்கும் கெட்டப்பில் என்ன ஒரு வசீகரம்?!!!

டம் வெற்றியோ ? தோல்வியோ ? அது தெரியாது, அரங்கு நிறைந்த காட்சிகளாக இன்னும் ஒரு மாதத்துக்காகவாவது ஓடும். செலவு செய்ததை விடவும் 5 மடங்காவது எடுத்துவிடுவர். அதிலும், இங்கே காம்போ ஆஃபராக 37 திர்காம் டிக்கெட்டில் அரைலிட்டர் பெப்சியும், ஸ்மால் பாப்கானும் தருகின்றனர். அட்டு படமான கோவாவின் டிக்கெட் விலையே 30 திர்காம், இங்கே  மறக்க முடியாத அனுபவமாக இருந்தது இப்படம்.படம் பார்க்க செல்லும் முன் பாடல்களை திரும்ப திரும்ப கேட்டுவிட்டுச்செல்லுங்கள். பாட்டு புக்குக்கு இங்கே  க்ளிக்கவும், திரையில் பார்க்கையில் ஆனந்தமாக இருக்கும்!!!

இந்த படம் யாருக்காவது பிடிக்காமல் போகுமானால் அது கல்லாநிதி மாறனின்  பேனரான சன் பிக்சர்ஸ், இயக்குனருக்கு கேட்ட பணத்தை கொடுக்காமல், தன் தொலைக்காட்சிகளில் ஐந்து நிமிடத்துக்கு ஒருமுறை போடப்பட்ட  விளம்பர அலைகள்  செய்த, மக்கள் விரோத சதிலீலைகளாலுமே  தான் இருக்க வேண்டும்.
======0000======
படத்தின் முன்னோட்ட காணொளி:-


இது உலகபுகழ் அலெக்ஸ் மார்டின் என்னும் சண்டைக்கலைஞர் ரஜினிக்கு செய்த ரயில் சண்டை டூப் காட்சி:-

======0000======

இது  எந்திரன் படத்திற்கான ஆனந்தவிகடன் அக்டோபர் 7ஆம்தேதி  வெளியான சினிமா விமர்சனம்:-  படத்தில் நிறைகளும் உள்ளன என சொல்லுவதற்காக இங்கே வெளியிட்டுள்ளேன்.
       
விகடன் விமர்சனக் குழு     

இரும்புக்குள் ஒரு இதயம் முளைத்து, 'எந்திரன்'... தந்திரன் ஆனால், என்ன நடக்கும்? 
அனைத்துக்கும் முன்... தொழில்நுட்ப நேர்த்தியில் ஒரு தமிழ்த் திரைப்படத்தை சர்வதேசத் தளத்துக்குள் அழைத்துச் சென்று இருக்கும் இயக்குநர் ஷங்கர் குழுவினரின் அசுர உழைப்புக்கு ஒரு 'ரோபோ ஹேண்ட் ஷேக்'!

சன் பிக்சர்ஸ் கலாநிதி மாறனின் பிரமாண்டமான முதல் தயாரிப்பு. அச்சுப்பிச்சுப் பாடல்கள், பில்ட்-அப் பிஸ்கோத்து, டூமாங்கோலி டபுள் ஆக்ட்களுக்கு மட்டுமே பயன்பட்டு வந்த கிராஃபிக்ஸ் கலையை, கச்சிதமாக ஒரு திரைக்கதைக்குள் பூட்டி, ரஜினி எனும் மாஸ்க் மாட்டி மாஸ் மார்க்கெட்டுக்கு விருந்துவைத்து இருக்கிறார் ஷங்கர்!

ஒரே ஒரு எஸ்.எம்.எஸ். வரிக் கதை! விஞ்ஞானி ரஜினி உருவாக்கும் 'சிட்டி' ரோபோவுக்கு, ரஜினியின் காதலி ஐஸ்வர்யா ராய் மீது காதல் அரும்புகிறது. இயந்திர-மனித வித்தியாசங்களைக் கடந்து ஐஸ்வர்யாவை அடைய, எந்த எல்லை வரை அந்த ரோபோ செல்கிறது என்பதே எந்திரன் படத்துக்கான புரொகிராம்!

ரஜினியே ஒரு சூப்பர் ஹீரோ. அதிலும், 'ஸ்பீட் ஒன் டெரா பைட்ஸ், மெமரி ஒன் ஜெட்டா பைட்ஸ்' சக்திகொண்ட ரோபோவாக ரஜினி நடிக்கும்போது, திரையில் எப்படி எல்லாம் பட்டாசு வெடிக்கும்? படபடா தடதடா!

கோயில் திருவிழாவில் ரவுடிகளை மிரட்ட 'மேக்னடிக் மோட்' ஆக்டிவேட் செய்து 'ஆயுத அய்யனார்' அவதாரம் எடுப்பது, டிரெயின் தகராறில் வூடு கட்டி அடிப்பது, ஒரே பாடலில் விதவிதமான நடனங்கள் ஆடி அசத்துவது, 'பின்னாடி பார்த்து ஓட்டு' என்றதும், சடாரெனக் கழுத்துக்கு மேல் தலையைப் பின்புறம் திருப்பி கார் ஓட்டுவது, ஐஸ்வர்யா பிறந்த நாளுக்கு ஸ்டைல் ஹேர்ஸ்டைல்ஸ் பொருத்தி அழகு பார்ப்பது, 'அவள் இடுப்பு... குழந்தைகள் உட்காரும் குட்டி நாற்காலி' என்று மிலிட்டரி அதிகாரிகள் முன்னிலையில் கையெறி குண்டுக்குள் ரோஜா காம்பு சொருகிக் காதலில் உருகுவது... என ரோபோ ரஜினியின் கையே படம் முழுக்க ஓங்கி இருக்கிறது.

ஓப்பனிங் பாடல், இன்ட்ரோ பில்ட் - அப்ஸ், பஞ்ச் டயலாக், பறந்து பறந்து அடிப்பது, காலைச் சுற்றும் காதலி என எதுவும் இல்லாமல் ரஜினியின் இமேஜையே புரட்டிப் போட்டு இருக்கும் படம். சொல்லப்போனால், விஞ்ஞானி ரஜினி, உதை வாங்கிக்கொண்டு அமைதியாக இருக்கிறார். ஐஸ்வர்யா ராயிடம் வம்பு பண்ணும் காட்டானை பெண்டு நிமிர்த்துவதற்குப் பதிலாக, பதறிப்போய் போலீஸைக் கூப்பிட போனை எடுக்கிறார். 
ரஜினி, தன் ரசிகர்களை மட்டுமே திருப்திப்படுத்துகிற வழக்கமான ஃபார்முலாக்களைத் தாண்டி, இறங்கி வந்து உழைத்து இருக்கிறார். 'என்னை அழிச்சுராதீங்க டாக்டர்... நான் வாழணும்' என்று கை, கால்கள் பிய்ந்து தொங்கிய நிலையில், தரையில் பின்னோக்கித் தவழ்ந்தபடி ரோபோ ரஜினி கெஞ்சுவதுபோன்ற காட்சிகள் இயக்குநருக்கு முழுசாக அவர் கொடுத்து இருக்கும் ஸ்பெஷல் ஸ்பேஸ்!

'கொச கொச' தாடி விஞ்ஞானி, 'பளபளா' நிக்கல் சிட்டி, 'மின்னல்' கிருதா வில்லன் என மூன்று கெட்-அப்களையும் வித்தியாசப்படுத்தி வெளுத்துக் கட்டுகிறார் ரஜினி. அதிலும் சிட்டி... செம ஸ்வீட்டி. ஆனாலும், அதகளம் பண்ணி, அடித்து நொறுக்குவது நிக்கல் மீது தோல் போர்த்திய இயந்திரம் என்பதும், அதை அடக்குவதற்குப் படாத பாடுபடுவதுதான் ஒரிஜினல் ரஜினி என்பதும் விசில் பார்ட்டி ரசிகர்களின் உற்சாகத்துக்குக் கொஞ்சம் மைனஸ் போடுகிறது!

எந்திரன் கும்பலுக்குள் ஊடுருவிவிட்ட விஞ்ஞானி ரஜினியை 'ஹூ இஸ் த ப்ளாக் ஷீப்?' என்று கண்டுபிடிக்கத் தேடும்போது, 'ரோபோவ்வ்வ்' என்று பழிப்புக் காட்டுவதும், 'ம்ம்ம்ம்மே' என்று ஆடு கணக்காக ராகம் போடுவதுமாக... அபூர்வமாக வெளிப்படும் ரஜினி ஸ்டைல்கள்!

ஓர் இயந்திரத்துக்கே காதல் பூக்கவைக்கும் அழகி கேரக்டரில் ஐஸ்வர்யா... அழகு. பாடல் காட்சிகளில் பல ஃப்ரேம்களில் ரஜினி பக்கம் பார்வையே செல்லவிடாதபடி அதிர்ந்து இழுக்கின்றன ஐஸ்வர்யாவின் அசைவுகள்!

ஏ.ஆர்.ரஹ்மானின் இசை, பாடல்களுக்கு எலெக்ட்ரானிக் துடிப்பையும் பின்னணிக்குப் பதற்றப் பரபரப்பையும் நிரப்புகிறது. 'புதிய மனிதா பூமிக்கு வா', 'அரிமா அரிமா ஆயிரம் அரிமா' என வைரமுத்துவின் கம்பீரத் தமிழ், 'பூம்... பூம் ரோபோடா' எனும் கார்க்கியின் தொழில்நுட்பத் தமிழ், 'கிளிமாஞ்சாரோ' எனும் பா.விஜய்யின் கன்னித் தமிழ் என அத்தனையும் அபார சொல் விளையாட்டுகள். ரோபோவின் பார்வையில் பயணிக்கும் ரத்னவேலுவின் கேமரா கோணங்களும், அதோடு பின்னிப் பிணையும் கிராஃபிக்ஸ் மிரட்டல்களும் தமிழுக்குப் புதுசு. 
ரோபோவின் நட்டு, போல்ட் துவங்கி அதிநவீன ஆராய்ச்சிக் கூடங்கள் வரை படத்துக்கு பிரமாண்டம் சேர்த்ததில் சாபு சிரிலின் கலை இயக்கத்துக்கு அபார பங்கு உண்டு. 'மனுஷன் படைச்சதுலேயே உருப்படியான ரெண்டே விஷயம், ஒண்ணு... நான். இன்னொண்ணு... நீ!', 'இது இயற்கைக்கு எதிரானது இல்லை; இது இயற்கைக்குப் புதுசு', 'எல்லா மனுஷங்களுக்கு உள்ளேயும் ஒரு ரெட் சிப் இருக்கு. அதை எடுத்துட்டா எந்தப் பிரச்னையும் இல்லை' என்று ஓரிரு வரிகளில் கடக்கும் வசனங்கள் 'வாரே வாவ்' ரகம். 'சுஜாதா, ஷங்கர், மதன் கார்க்கி'க்குச் சேர்கிறது பெருமை.

முதல் பாதி முழுக்க பரபரவெனக் கதை நகரும் விறுவிறுப்புக்கு, நேர் எதிர் பின் பாதி! அதிலும் பல நூறு வில்லன் ரோபோக்கள் விதவிதமாக உருவம் மாற்றி 'அசுரன்' வடிவில் ஓடி வரும் காட்சிகள் ஒட்டுமொத்த எந்திரமயமாக இருப்பதால்... ஆவ்வ்வ்வ்வ் அயர்ச்சி! கொசுவோடு ரஜினி பேசுவது காமெடியா? ஸாரி! சந்தானம், கருணாஸுக்கும் காமெடியில் தோல்வியே! கோடரியால் வெட்டினாலே கை பிளந்துகொள்கிற ரோபோவுக்கு, லாரிகளை இழுத்து வளைப்பதற்கும், காரைத் தூக்குவதற்கும் எங்கே இருந்து அந்தப் பலம் வந்தது என்பதற்கு சுஜாதா இருந்தால், லைட்டாக விஞ்ஞான விளக்கம் தொட்டுக் கொடுத்திருப்பாரோ?!

தனது கை, கால்களைக் கழற்றிக்கொண்டே சிட்டி 'பை பை உரை' நிகழ்த்தும் அந்த இறுதிக் காட்சிதான் சென்ட்டிமென்ட்டுக்கும் டெக்னாலஜிக்குமான பக்கா பார்ட்னர்ஷிப். ஒவ்வொரு வசனமும் மனதை நெகிழ்த்த, துளியும் அசங்காத அனிமேட்ரானிக்ஸ் கிராஃபிக்ஸ் புருவத்தை உயர்த்துகிறது.

படம் முழுக்கத் தெரியும் பிரமாண்டத்தில், நம்மையும் பாத்திரங்களோடு ஒருவராக்கி, மனசைத் தொட்டுப் பார்க்கிற சென்டிமென்ட் கதை இல்லை எந்திரன். இது எட்ட நின்று வியக்கவைக்கிற ஹாலிவுட் பாணி மந்திரன்!     
 =======0000=======

43 comments:

நாஞ்சில் பிரதாப் சொன்னது…

// அவர் பெயரையே கல்லா நிதிமாறன் என்றே வைக்கலாமே!! //

hahahah பொருத்தமான பெயர்தான் கார்த்தி.... அடுத்த ஜாக்பாட் அடிச்சிடுச்சு...:) பணம் பணத்தோடத்தான் சேருது...:(

ஆர்.கே.சதீஷ்குமார் சொன்னது…

வாழ்வில் முதல் முறையாக ஒரு படத்தை 4-30 மணி அதிகாலை காட்சி அதுவும் ஷார்ஜாவிலிருந்து துபாய்க்கு பயணித்து பார்த்தேன் என்றால் அது எந்திரன் தான்//இதுதான் எந்திரனின் வெற்றி

ஆர்.கே.சதீஷ்குமார் சொன்னது…

இதில் அசத்தலாய் டாட் என்கிறார், அதாவது ஃபுல்ஸ்டாப் வைக்கிறாராம்.ரிசல்ட் அட்டகாசமாய் வந்துள்ளது//
சுஜாதா டச் என நினைக்கிறேன்..எவ்வளவு விஸயங்களை நுணுக்கமாக கவனித்திருக்கிறீர்கள் சிறந்த விமர்சனம்

பின்னோக்கி சொன்னது…

வாவ்.. நல்லா என்ஜாய் பண்ணியிருக்கிறீர்கள். இங்கு 2 வாரத்துக்கு டிக்கெட் கிடைக்கவில்லை :(

எஸ்.கே சொன்னது…

நல்லா விளக்கமாக எழுதியிருக்கீங்க!

கொழந்த சொன்னது…

//ஷங்கரின் தொடர் வெற்றிக்கு முக்கிய காரணமே இவரின் அபார டேஸ்ட் தான், இவருக்கு ரசிகர்களின் நாடி பிடித்து பார்க்கத் தெரிகிறது, அதனால் தான் நீண்டகால தயாரிப்பான இந்த படத்தில் கூட எதுவுமே அவுட்டேட்டடாக தோன்றவில்லை//

ணா..மணிரத்னம் கமல் வகையறாக்கள் காப்பி அடிப்பதை கடுமையாக எதிர்த்த நீங்கள் ஷங்கர பாராட்டுறீங்களே..
எனக்கு தெரிஞ்சு 100க்கு 75% காட்சிகள் சங்கர் படத்தில் வெளிநாடு படங்களை பார்த்துதான் காப்பி அடிச்சிருப்பார். பல உதாரணங்கள் உங்களுக்கே தெரியும். பழைய படங்கள எதுக்கு சொல்வானே..

இந்தப் படத்திலேயே டிவில நான் பார்த்தது...
1. Isac Asimovஇன் கதைகள் + BiCentinnal Man கதை - சுஜாதாவின் என் இனிய இயந்திரா பெருமளவு இந்தக் கதைகளின் சாயலில் இருப்பதை அனைவரும் அறிவர். George Orwell - 1984ல வர ஒரு dystopian உலகம் மாதிரியே என் இனிய இயந்திராவின் உலகமும் இருக்கும்.சுஜாதாவின் கதையை அடிப்படையாக வைத்து எடுத்த படம் என்பதால் படத்தின் கதையில் புதிதாக ஒன்றும் இருக்காது

2)போஸ்டர் முதற்கொண்டு காப்பி..Terminator,Blade Runner படங்களின் போஸ்டர் அச்சு அசலாக இப்படி இருப்பதை பார்த்திருக்கிறேன். குறிப்பாக Blade Runnerஇன் ஒரு போஸ்டர் அப்படியே இருக்கும்.

Terminator Salvationல இதே போல் top angleல நகரத்தின் விளக்குகள் அணைந்து T3இன் முகம் தெரியும். இந்தப் படத்தின் trailerளையும் அதே போல் வருகிறது..அதைப் போன்றே....சரி எதுக்கு.. வேணாம்....

3)I Robotல் அந்த ரோபோவை ஒரு பெரிய ரோபோ படையின் நடுவே வில் ஸ்மித் கண்டுபிடிப்பார். இதிலும் அதைப் போன்றே காட்சியுள்ளதாக நண்பர்கள் சொன்னார்கள். I Robotல் கிளைமாக்ஸில் அணைத்து ரோபோவும் ஒன்று சேர்ந்து கட்டிடங்களை நொறுக்கும். இதில் ரோபோவுக்கு பதில் ரஜினி...

4) சங்கரின் படத்திலெல்லாம் clerk, constable இந்த ரீதியிலயே தண்டிப்பார். அந்நியன்ல வாய் கிழிய லஞ்சத்தப் பத்தி பேசிட்டு - அந்தப் படம் வந்த கொஞ்ச நாள்ல அவர் வீட்டில Income Tax ரைட்ல அள்ளிகிட்டு போனது அனைவருக்கும் தெரியும். 50 ரூபாய் டிக்கெட்ட 500 ரூபாய்க்கு விக்கலாம். அது மட்டும் புண்ணியமான செயல்.

அதுனால எங்கயிருந்து காப்பி அடிச்சாலும் அது யாராக இருந்தாலும்-என்னளவில் காப்பியே. அதுக்காக படத்த பார்க்க மாட்டேன்லாம் சொல்ல மாட்டேன்.
மத்தபடி இது இந்தியாவின் சிறந்த படம், நவீன தொழில்நுட்பத்தின் பிதாமகன் சங்கர்-இந்த மாதிரி விஷயங்கள கண்டிப்பா ஏத்துக்க மாட்டேன். மற்றவர்களையும் ஏத்துக்க சொல்லி பதிவுகள் இட மாட்டேன். இது ஒரு படம் அவ்வளவே.
இந்த பின்னூட்டம் அண்ணன் கார்த்திக்கு சங்கர் பிடிக்குமா..என்று கேட்க நினைத்ததின் விளைவே

5) இத்தன assistant directors, technicians, கேக்குற காச கொடுக்குற producers இருந்தா இதை விட அருமையான Sci-Fi படத்த என்னாலயே எடுக்க முடியும். ஒவ்வொரு ஆங்கில படத்திலிருந்தும் ஒரு காட்சிய சுட்டா கூட 6 மணி நேரம் ஓடக்கூடிய படத்த எடுப்பேன்.

6) பெட்ரோல் விலை ஒரு ரூபாய் ஏத்துனா,பஸ் டிக்கெட்ட ஒரு ரூபாய் ஏத்துனா பொங்கி எழுற மக்கள் 50 ரூபாய் டிக்கட 500 ரூபாய்க்கு வாங்கிட்டோம்னு ரொம்ப பெருமையா சொல்லறத பார்க்குற போது சந்தோசமாகவும் மனதுக்கு நிறைவாகவும் இருக்கு.(காசு இருக்குறவன் எப்படி இருந்தாலும் இதுக்கில்லைனா வேற விஷயத்திற்கு காச செலவழிக்கத் தான் போகிறார்கள்)

பி.கு:
1)இந்த மாதிரி எழுதுறதை எப்பவுமே நான் விரும்ப மாட்டேன். என் கருத்தை ரொம்ப நெருங்கிய நண்பர்களிடம் மட்டுமே பகிர்ந்து கொள்வேன். மேலே குறிப்பிட்ட அணைத்து ஆங்கிலப் படங்களையும் நான் பார்த்திருப்பதால் எனக்கு தோன்றியதை மட்டும் சொன்னேன். மத்தபடி தனிப்பட முறையில் இதை விட சங்கர்-ரஜினி பற்றி எனக்கு பல பல எரிச்சல்கள் உண்டு.

2) சங்கர் எனக்கு 10ரூ 50pபைசா தர வேண்டயிருப்பதால் அந்த கோபத்திலேயே தனிப்பட்ட முறையில் எழுதியது இந்தப் பின்னூட்டம்

|கீதப்ப்ரியன்|Geethappriyan| சொன்னது…

@நாஞ்சில்
மக்கா, நன்றி,நிச்சயம் ஒரு முறை பார் ,உண்மையான கருத்தை சொல்லு

@ஆர்.கே.சதீஷ்குமார்.
நண்பரே,வருகைக்கும் கருத்துக்கும் மிக்க நன்றி,நிச்சயம் சுஜாதா ஒவ்வொரு ஃப்ரெமிலும் வசனங்கள் ஊடே தெரிகிறார்.

@பின்னோக்கி
ஆமாம் நண்பரே,தூக்கம் சுத்தமாக வரவில்லை,இதே இது மற்ற படமென்றால்
இவ்வளவு சுவாரஸ்யம் இருக்குமா?தெரியாது

@எஸ்.கே
நன்றி நண்பா,பாருங்க அவசியம்.

கொழந்த சொன்னது…

அய்யா..சாமிகளா..ரோபோ ரசிகர்கள் பொங்கிராதீங்க...நீங்க படத்த பார்த்தத பத்தி சொன்னீங்க..நா எனக்கு தோன்றியதை கார்த்தி அண்ணனிடம் பகிர்ந்து கொள்ள நினைத்தேன். 500ரூ டிக்கெட் 50ரூ வரும்வரை காத்திருக்கலாமே...மேலும் பல பேரும் நேத்து டிவில காமிச்ச மாதிரி பால்குடம், மொட்டை இதெல்லாத்தையும் விரும்ப மாட்டீங்க(நீங்க ரஜினி ரசிகரா இருந்தாலும் கூட) அந்த கடுப்பு எனக்கு தாங்க முடியாம போனதினால் எழுந்த பின்னுட்டம்..

அதுனால..உங்களுக்கும் பல வேலையிருக்கும்..எனக்கும் நிறைய வேலையிருக்கு.நண்பர் Babyஆனந்தன் பதிவு மாறி கருத்து மழைகள கொட்டிராதீங்க...இது என் வலைத்தளம் இல்லை. கார்த்திகேயனோடாது.

|கீதப்ப்ரியன்|Geethappriyan| சொன்னது…

@கொழந்த
இது முக்கியமாக உங்களப்போல ஞானக்கொழந்தைங்க பார்க்க வேண்டிய படமும் கூடத்தான்,
நான் உண்மையைதானே சொன்னேன்,அவர் செய்த எனக்கு மோசமாக பட்டவற்றையும் பதிவு செய்திருக்கிறேன். சரி நீங்கள் சொல்லுவது போல அட்டைக் காப்பி என்றால் நீங்கள் படம் பார்த்துவிட்டு ஒப்பீட்டு பார்வை எழுதுங்கள்.மணியை ,கமலை நான் விமர்சித்தேன் தான்,அதற்கென்று ஒரே போலவே சுப்புடு மாதிரியா இருப்பது?ஷங்கர் படோடோபமாக ஆட்டியிருக்கிறோம்,புடுங்கியிருக்கிறோம் என்று பேசியாவது பார்த்திருக்கிறீர்களா?நான் ஷங்கரின் காப்பியை எங்காவது ஆதரித்திருக்கிறேனா?

//
4) சங்கரின் படத்திலெல்லாம் clerk, constable இந்த ரீதியிலயே தண்டிப்பார். அந்நியன்ல வாய் கிழிய லஞ்சத்தப் பத்தி பேசிட்டு - அந்தப் படம் வந்த கொஞ்ச நாள்ல அவர் வீட்டில Income Tax ரைட்ல அள்ளிகிட்டு போனது அனைவருக்கும் தெரியும். 50 ரூபாய் டிக்கெட்ட 500 ரூபாய்க்கு விக்கலாம். அது மட்டும் புண்ணியமான செயல்.//
எதுக்கு இத்தனை பெரிய பின்னூட்டம்?இதை பதிவாய் போட்டாலும் தகுமே?
ஆனால் படத்தை பார்த்துவிட்டு போடுங்க,எனக்கு ஷங்கர் பிடிக்கும்,அதற்கென மணி ரசிகர்கள் போல தொழமாட்டேன்.யெப்பா ,மேலும் நான் அந்த ஐரோபோட்டை இன்னும் பார்க்கலை,பார்க்கவும் மாட்டேன்,ஏனென்றால் அது என்னுடைய கப் ஆஃப் காஃபி அல்ல.


//5) இத்தன assistant directors, technicians, கேக்குற காச கொடுக்குற producers இருந்தா இதை விட அருமையான Sci-Fi படத்த என்னாலயே எடுக்க முடியும். ஒவ்வொரு ஆங்கில படத்திலிருந்தும் ஒரு காட்சிய சுட்டா கூட 6 மணி நேரம் ஓடக்கூடிய படத்த எடுப்பேன்.//
இதை நான் மெச்சூரிட்டியே இல்லாத கருத்து என்பேன் கொழ்ந்த,

உங்கள போல ஆளுக்கும் இது பொருந்தும்.

சமையல் அறை நிறைய மளிகை சாமான்கள் காய்கறிகள் வாங்கிப்போட்டு நிறைத்தாலும் சமைப்பவன் சரியில்லை, ரசனையில்லாதவனென்றால் அத்தனையும் பாழ், மணிரத்னம் போல கலைத்துறை பூச்சாண்டிகளுடன் ஒப்பிடுகையில் ஷங்கர் மினிமம் எக்ஸ்பெக்டேஷனையாவது நிச்சயம் ஈடுசெய்வார். இவரின் காலத்தை வென்ற ரசனை வியப்பூட்டுகிறது.இது எல்லோருக்கும் கைவராது.தசாவதாரம்,கந்தசாமி ராவணன் போன்றவை பல்லிளித்ததை மறக்காதீர்கள்.

கொழந்த சொன்னது…

@கீதப்ப்ரியன்
நீங்க சரியா புரிஞ்சுக்குவீங்கனு நெனச்சேன்.//நான் ஷங்கரின் காப்பியை எங்காவது ஆதரித்திருக்கிறேனா//

உங்களுக்கு ஏன் சங்கர் பிடிக்கும் என்று கேட்க நினைத்தேனே தவிர..நீங்கள் சங்ரயை கண்மூடித்தனமாக ஆதரித்திருக்கீரீர்கள்னு எங்கேயாவது சொல்லியிருக்கேனா?

//நீங்கள் சொல்லுவது போல அட்டைக் காப்பி என்றால் நீங்கள் படம் பார்த்துவிட்டு ஒப்பீட்டு பார்வை எழுதுங்கள்//
//எதுக்கு இத்தனை பெரிய பின்னூட்டம்?இதை பதிவாய் போட்டாலும் தகுமே?//
எனக்கு ஒண்ணு பிடிக்கலைன்னா அப்படியே அதைப் பத்தி பேசுறத தவிர்த்திருவேன். அதைப் பத்தி வாத-விவாதங்களில் ஈடுபட்டு நிறைய குத்து வாங்கியிருக்கேன். இது உங்க பதிவு என்பதாலேயே கொஞ்சம் உரிமையோட எழுதிட்டேன்.Sorry.

//எனக்கு ஷங்கர் பிடிக்கும்,அதற்கென மணி ரசிகர்கள் போல தொழமாட்டேன்// எனக்கு eminem. Led Zeppelin பிடிக்கிற ,மாதிரி உங்களுக்கு சங்கர் பிடிக்குது.(அதுக்குன்னு நீங்க கண்முடித்தனாமாக ஆதரிக்க மாட்டீர்கள் என்று எனக்கு சொல்லாமலே தெரியும்)சங்கர் பத்தி எனக்கு தோன்றியவைகள சொன்னேன்.அவ்வளவே.

//இவரின் காலத்தை வென்ற ரசனை வியப்பூட்டுகிறது//
இது என்னால ஏத்துக்க முடியவே முடியாத..ஏன்..அப்படி யோசிக்ககூட முடியல. இது என் பார்வை. உங்களுக்கு வேற மாதிரி இருக்கலாம். நான் அதை எங்கயும் நான் குறை சொல்வதை போல என் எழுத்தில் தொனி தெரிந்தால்..sorry..


//ஒவ்வொரு ஆங்கில படத்திலிருந்தும் ஒரு காட்சிய சுட்டா கூட 6 மணி நேரம் ஓடக்கூடிய படத்த எடுப்பேன்.//
இதை நான் மெச்சூரிட்டியே இல்லாத கருத்து என்பேன் கொழ்ந்த//
இப்பவும் இந்த கருத்தில் மாற்றமில்லை.

பேநா மூடி சொன்னது…

நெசமாவே நல்லா இருக்கா..,நாளைக்கு தான் போகனும்...

பெயரில்லா சொன்னது…

மிக்க நன்றி திரு. கீதப்ப்ரியன். நாளை பார்க்க வேண்டும்.

இணையத்தில் படித்ததில் மிகச் சிறந்த பதிவு இது.

நாஞ்சில் பிரதாப் சொன்னது…

//ணா..மணிரத்னம் கமல் வகையறாக்கள் காப்பி அடிப்பதை கடுமையாக எதிர்த்த நீங்கள் ஷங்கர பாராட்டுறீங்களே..
எனக்கு தெரிஞ்சு 100க்கு 75% காட்சிகள் சங்கர் படத்தில் வெளிநாடு படங்களை பார்த்துதான் காப்பி அடிச்சிருப்பார்//

என்ன கொழந்த நீங்க வேற ... ஒருத்தரை பிடிக்கலைன்னா அவரு உலகசாதனையே புரிந்தாலும்
குத்தம் கண்டுபிடிக்கறதும் ஒருத்தரை புடிச்சிருந்துன்னா உலகமகா டகால்டி வேலை பண்ணாலும் அதை பாராட்டி நியாயப்படுத்தறதும் காலங்காலமாக நடந்த வர்ற விசயமாச்சே... இதுல கார்ததி என்னப்பண்ணுவாரு....விடுங்க பாஸ்.... அரசியல்ல இதுல்லாம் ஜகஜம்...

ஷங்கருக்கு டீ வாங்கிகொடுத்த காசு ஒணணேமுக்கால் ரூபா இன்னும் என்க்கு தரல...அந்தகோபத்துல ஏதோ எழுதிட்டேன்....

கருந்தேள் கண்ணாயிரம் சொன்னது…

நண்பா.. எந்திரன் உங்களுக்குப் புடிச்சது குறிச்சி மகிழ்ச்சி. நான் அடுத்த வாரம் தான் பார்க்கப் போகிறேன்.

தர்ஷன் சொன்னது…

ருமையான விமர்சனம் கார்த்திகேயன் அப்புறம் ஷங்கரை பற்றி புகழ்ந்திருப்பது கொஞ்சம் ஓவரோ அவர் ஒரு நல்ல உழைப்பாளி ஒகே நல்ல க்ரியேட்டர் ஆனால் ஆகச் சிறந்தவறல்ல.

|கீதப்ப்ரியன்|Geethappriyan| சொன்னது…

@கொழந்த
உங்க பின்னூட்டத்தில் அதிகமாக தற்பெருமை தொனிப்பதாக தெரிகிறது,அது மிகவும் ஆபத்தானது.தவிர வளர்ந்த கொழந்த என்னும் பெயரில் கமெண்ட் போட்டது நீங்கள் என்றால் அது எனக்கு மிகவும் எரிச்சலை தந்தது,இதில் ஷங்கரை பாராட்டியதன் நோக்கமே ,பெரிய பட்ஜெட்டில் தயாரிக்கப்பட்ட எல்லா படங்களுமே மக்களின் எதிர்பார்ப்பை ஈடுசெய்யாமல் மண்ணைக்கவ்வியதாலும்,இது பாதியேனும் எதிர்பார்ப்பை ஈடுசெய்திருப்பதால் தான்,தவிர நான் ஐரோபோட் அனகோண்டா போன்ற படங்கள் பார்க்கவேயில்லை,எனக்கு அந்த வகைக்ப்படங்கள் ஒவ்வாமை,நீங்கள் பார்த்துவிட்டு ஒப்பீட்டு பார்வை எழுதுங்கள்,ஷங்கரும் படைப்பு திருடன் தான் என்றால் நானும் உங்களை போல கமெண்ட் போடுகிறேன்.அதற்கென நானே படம் எடுப்பேன்,நானே கிரிக்கெட் சச்சின் போல ஆடுவேன் , என்று பயமுறுத்தாதீர்கள்.மிகவும் கடுப்பை கிளப்புகிறது,இனி இப்படி எழுதினால் ஸ்பாமுக்கு அனுப்பிவிடுவேன்.
===
மாபெரும் புடுங்கிகளே மண்ணைக்கவும் உலகம் இது.ப்ரீ க்வாலிஃபிக்கேஷன் இல்லாமல் ஒன்றுமே ஆட்டமுடியா பூமியிது,
===
சுசீந்திரன் என்னும் நல்ல இளம் இயக்குனர் தெரியுமே?அவர் 9 வருடம் சான்ஸ் தேடி,கடைசியில் போர்ட்ஃபோலியோவுக்கு தன் காசைப்போட்டு,வெண்ணிலா கபடி குழு எப்படி இருக்கும் என்று ட்ராஃப்ட் வடிவம் எடுத்து ,அதை பார்த்த பின் தான் அவருக்கே வாய்ப்பு கிடைத்திருக்கிறது,ஆகவே தயவுசெய்து சுசீந்திரன் போல கடும் உழைப்பாளிகளை உங்கள் ஓவர் கான்ஃபிடென்சால் நக்கல் அடிக்காதீர்கள்,இனியும் உங்கள் பின்னூட்டம் தற்பெருமையோடு வந்தால் நான் மிகவும் வருந்துவேன்.

|கீதப்ப்ரியன்|Geethappriyan| சொன்னது…

@பேனாமூடி
நண்பா,முதல்பாதிக்கே உங்கள் காசு ஒர்த் தான்,பிற்பாதி குழந்தைகளுக்கானது,ஆகவே ரொம்ப எக்ஸ்பெக்டேஷன் வேண்டாம்.நன்றி

|கீதப்ப்ரியன்|Geethappriyan| சொன்னது…

@நாஞ்சில்
எலே மக்கா
நான் புகழ்ந்ததை மட்டும் சொல்றீங்க,நெகெடிவ்வா எத்தினி பாயிண்ட்ஸ் சொல்லிருக்கேன்,அதை வசதியாய் மறந்துவிட்டது செல்லாது மக்கா.

இதில் ஷங்கரை பாராட்டியதன் நோக்கமே ,பெரிய பட்ஜெட்டில் தயாரிக்கப்பட்ட எல்லா படங்களுமே மக்களின் எதிர்பார்ப்பை ஈடுசெய்யாமல் மண்ணைக்கவ்வியதாலும்,இது பாதியேனும் எதிர்பார்ப்பை ஈடுசெய்திருப்பதால் தான்,

|கீதப்ப்ரியன்|Geethappriyan| சொன்னது…

@பெயரில்லா
நன்றி

ச.செந்தில்வேலன் / S.Senthilvelan சொன்னது…

நண்பரே..

நல்லது. உங்கள் விமர்சனத்தின் கடைசி வரியை மட்டுமே படித்திருக்கிறேன். படம் நன்றாக இருக்கிறது என்று தான் அனைவரும் கூறுகிறார்கள். வரும் வாரத்தில் பார்க்க வேண்டும்.

நன்றி.

|கீதப்ப்ரியன்|Geethappriyan| சொன்னது…

@கருந்தேள்
நண்பா
ஃபர்ஸ்ட் ஹாஃபுக்கே டிக்கெட் ஒர்த்,செகண்ட் ஹாஃப் குழ்ந்தைகளுக்கானது.இது ஆக்ஸிடெண்டாக அமைந்த வாய்ப்பு ஆனதால் மூன்றாம் நாள் பார்த்தேன்,சிவாஜியில் இருந்த மைனஸ் இதிலும் உண்டு,ஆனால் மற்றவைக்கு எவ்வளவோ தேவலை

|கீதப்ப்ரியன்|Geethappriyan| சொன்னது…

@தர்ஷன்
நண்பா.நன்றி
ஷங்கரை புகழ்ந்தது செயறகையா செய்தது அல்ல,அது ஹார்ட்லேந்து வந்தது,அப்படி உங்களுக்கு தோன்றியிருந்தால் சாரி.

|கீதப்ப்ரியன்|Geethappriyan| சொன்னது…

@செந்தில்வேலன்
நண்பரே,நான் கதையை எங்குமே சொல்லவில்லை,சரி உங்கள் பார்வையில் படம் பார்த்துவிடுங்கள்

கொழந்த சொன்னது…

இப்பதான் கடைக்கு போயிட்டு வரேன்..அதுக்குள்ள இவ்வளவா...
//கொழந்த
உங்க பின்னூட்டத்தில் அதிகமாக தற்பெருமை தொனிப்பதாக தெரிகிறது,அது மிகவும் ஆபத்தானது//
இந்த கமெண்ட் "வளர்ந்த கொழந்த" போட்ட கமெண்டுகளை விட அதிகமாக வருத்தத்தை தருகிறது. இதோடு முடித்துக் கொள்கிறேன்.

ணா...//தவிர வளர்ந்த கொழந்த என்னும் பெயரில் கமெண்ட் போட்டது நீங்கள் என்றால்//
எனக்கு அதுக்கு அவசியமேயிள்ளயே...ரொம்ப வருத்தமாயிருக்க..பரவாயில்ல

உங்களுக்கு சங்கர புடிச்சதே தப்பு என்று குற்றம்சாட்டும் ரீதீல நான் எழுதவில்லை.உங்களுக்கு அப்படி தோணியிருந்தால்..sorry....பேசுவதை விட எனக்கு எழுதவது சரியா வராது..எதுக்கு மேல் இதை தொடர விரும்பவில்லை...misunderstanding இருக்கும் போது மேற்கொண்டு எது சொன்னாலும் தவறாகவே தெரியும்....

கொழந்த சொன்னது…

@வளர்ந்த கொழந்த..
இதுக்கு மேல உங்களுக்கு பதில் சொல்லி இதை வளர்க்க விரும்பவில்லை..
நான் செய்த ஒரே தவறு என் கருத்துகளை பிறரின் தளத்தில் இட்டது. என்னால் கார்த்திகேயனின் தளத்திற்கு வந்த கமெண்ட்களுக்கு அவரிடம் மன்னிப்பு கேட்டுக் கொள்கிறேன்.

வளர்ந்த கொழந்த...இதுக்கு மேல உங்களுக்கு எதுவும் சொல்லனும்னா என் தளத்தில் சொல்லுங்க...எப்படியிருந்தாலும் அதுக்கு நான் பதில் சொல்லப் போவதில்லை

|கீதப்ப்ரியன்|Geethappriyan| சொன்னது…

@கொழந்த
நீங்க போடவில்லைன்னாலும் எப்படி நீங்களே போட்டது போல செட்டப் பண்ணுறாங்க,நக்கலடிக்கிறாங்க பாருங்க.அதுவும் பிறருக்கு கோபம் வருமாறு அடிச்சிருக்காங்க,
சரி கொழ்ந்த இதுக்கு போய் மன்னிப்பெல்லாம் வேண்டாம்,எனக்கு இயல்பாவே தற்பெருமை அடிக்கிறவங்களை ஆகாது,அது தான் கொஞ்சம் பொங்கிட்டேன்.அதுக்காக சாரி.

கொழந்த சொன்னது…

@|கீதப்ப்ரியன்...
எவ்வளோவோ உலகப் படங்கள் பார்கிறீங்க..Sci-Fi படங்கள் அதிகமா பார்த்திருப்பீங்க. அதுனால கண்டிப்பா இந்தப் படத்தின் காட்சிகள் குறித்து உங்களுக்கு அதிகமாக தெரியும்னு நெனச்சேன். அதையும் மீறி உங்களை சங்கர் ஈர்த்தாரானு தெரிஞ்சுக்கவே பின்னுட்டம் போட்டேன்.நீங்க I Robot பார்த்திருப்பீங்கன்னு நெனச்சேன்.

//எனக்கு இயல்பாவே தற்பெருமை அடிக்கிறவங்களை ஆகாது,அது தான் கொஞ்சம் பொங்கிட்டேன்.அதுக்காக சாரி// என் பின்னுட்டங்கலிலேயே பல முறை சொல்லியிருக்கேன். பல விஷயங்களில் நான் கொழந்த அதுனலயே இந்தப் பேருன்னு..எனக்கு
Sci-Fi படங்களின் மீதும் கதைகளின் மீதும் மிகுந்த ஆர்வம உண்டு. அதைப்பற்றி ஒரு பதிவே போட்டிருக்கேன்.
http://saravanaganesh18.blogspot.com/2010/07/sci-fi.html
நேரமிருந்தால் படித்துப் பாருங்கள்.
எனக்கு கொஞ்சம் பரிட்சயமான ஏரியா என்பதால் அந்தப் படங்களையும் பெயர்களையும் குறிப்பிட்டேனே தவிர "எனக்கு எல்லாம் தெரியும்" நெனப்பு எல்லாம் இல்லவேயில்லை. தற்பெருமை-னு சொன்னது எனக்கு வருத்தமே-இல்லையினு சொன்னா பொய்..என் எழுத்தில் கூட அது மாதிரி தொனி இருந்திருக்காலம்..தெரியல..

மத்தபடி..//அது தான் கொஞ்சம் பொங்கிட்டேன்.அதுக்காக சாரி.// ணா..எதுக்கு இதெல்லாம்..உள்ளொன்று வைத்து புறம் ஒன்று பேசுவதற்கு பதில் எல்லோருமே இந்த மாதிரி அப்பப்ப பொங்கிட்டா பல பிரச்சினைகளை தவிர்த்து விடலாம்.எனக்கும் இந்த பழக்கம் தான்(இத என்னமோ பெரிய கெட்ட பழக்கம் மாதிரி எங்க வீட்டில திட்றாங்க).

எப்பா..வளர்ந்த கொழந்த...உளவுத்துறை அளவுக்கெல்லாம் நான் ஓர்த்தில்ல..என்ன மதிச்சு எனக்காக ஒரு profileலயே ஆரம்பிச்சிருக்கீங்களே.....ரொம்ப பெருமையா இருக்கு...

|கீதப்ப்ரியன்|Geethappriyan| சொன்னது…

@கொழந்த
ஃப்ரீயா விடுங்க
உங்க பதிவுகள் எப்போவுமே ஒர்த் தான்,அதுக்கான பெருமைக்கான தகுதி உங்களுக்கு உண்டு,நான் கடுப்பானது நானே படம் எடுப்பேன்னு சொன்னதால தான்,அதை தான் பாருங்க பெருசும் கிண்டல் பண்ணிருக்கார் போல.

சரி நண்பா,இதுக்குபோய் எக்ஸ்ப்ளெய்ன் பண்ணவேணாம்.தவிர இது போல ப்ரொஃபைலை ஏற்கனவே கூட க்ரியேட் பண்னி வச்சி மாட்றவங்களுக்கு தகுந்தாற்போல ரீநேம் பண்ணுவாங்கன்னு கேல்விப்பட்டிருக்கேன்.அப்பாவை பார்த்துக்கோங்க,நேரம் கிடைக்கும் போது படம் பார்த்து எழுதுங்க,என்ன என்ன சுருட்டுனதுன்னு தெரிஞ்சிக்கலாம்.சங்கரிடம் உள்ள வெற்றியே படம் பார்க்கும் போது ஏற்படும் பிரமிப்பு,வீட்டுக்கு போனதும் தான் அதில் உள்ள கூதல்கள் புலப்படும்.நிறைய க்ளிஷேக்கள் உள்ள இயக்குனர்.இதிலும் ட்ராஃபிக் போலீஸ் அமரர் கொச்சின் ஹனிஃபா கையூட்டு கேட்டு எந்திரன் ரஜினியிடம் கையறு படுகிறார்.

கொழந்த சொன்னது…

ணா..பரவாயில்லை.உடனே பேசி தீர்த்துக்குறீங்க...உங்களுக்கு Sci-Fi படங்களில் ஆர்வம் இல்லையா..எப்படி I Robot மிஸ் பண்ணீங்க...
(என் நெட் ஸ்லோ-அதுனாலேயே தாமதமா பின்னுட்டம்)

|கீதப்ப்ரியன்|Geethappriyan| சொன்னது…

கொழந்த
நல்ல படமா எழுதி அறிமுகம் செய்யுங்க,இன்னும் ஒருவாரத்துக்கு இந்த அலை இருக்கும்,நீங்க யாருக்கும் தெரியாத படங்களை அறிமுகம் செய்யுங்க.ஐரோபோட் நான் பார்க்கறேன்.நான் இது போல ஏகம் படங்கள் டவுன்லோட் செய்திருக்கேன்,எல்லாம் இருக்கு,அதுக்கான மூடுக்கு வெய்ட்டிங்,ஐலாண்ட் என்னும் ஒரு படமும் பார்க்காமல் மூன்று வருடமாய் வைத்துள்ளேன்.ஏனோ அந்த பொறுமை வரவில்லை,இடையில் நண்பர்கள் கட்டாயத்துக்காக சில படங்கள் 2009 எர்த் ஸ்டண்ட் ஸ்டில்,ட்ரான்ஸ்ஃபார்மர்ஸ் போன்றவை தியேட்டரில் பார்த்தேன்.
ஆனால் அவதார் மட்டும் பிடித்தது.2001 ஸ்பேஸ் ஒடிஸியை ஒரு முறை பார்த்தும் விளங்காமல் மறுமுறை பார்க்க வைத்துள்ளேன்.

கொழந்த சொன்னது…

ணா..நேரம் கிடைக்கும் போது http://saravanaganesh18.blogspot.com/2010/07/sci-fi.html படிச்சு பாருங்க..எனக்கு ரொம்ப பிடித்த பட Genre Sci-Fi தான்..இந்த பதிவிலயே சொல்லியிருப்பேன்..

சரி....இன்னைக்கு லீவ் தான...இதுக்கு மேல மொக்க போட்டு உங்க நேரத்த வீணடிக்க விரும்பல..நல்லா சாப்பிட்டு ரெஸ்ட் எடுங்க...நாளைக்கு பாப்போம்..
Take care & Goodnight

denim சொன்னது…

எனக்கு படம் அந்த அளவுக்கு புடிக்கல, கிளைமாக்ஸ் இன்னும் massive வ காட்டி இருகனுமோனு தோணுது, எல்லாரும் இப்படி புகழர அளவுக்கு ENTHIRAN நல்ல படம் கிடையாது.Enthiran our answer to Hollywood எல்லாரும் சொல்லுறாங்க, இத அவங்க 40 50 வருசத்துக்கு முன்னாடியே பண்ணிட்டாங்க, நம்மனால இன்னும் கூட அந்த quality குடுக்க முடியல, பணம் தான் ஒரு மேட்டர்னா low budgetla நல்ல quality யான படங்கள் நெறைய அங்க வருதே

|கீதப்ப்ரியன்|Geethappriyan| சொன்னது…

நண்பர் ட்ரீம்
நிச்சயம் இரண்டாம் பாதியில் நீங்கள் ஃபீல் செய்ததை நானும் ஃபீல் செய்தேன்,இன்னும் போகவேண்டிய தூரம் மிக அதிகம்,நான் குறைகளை முடிந்த வரை சுட்டிக்காட்ட்யுள்ளேன்.நன்றி

மைதீன் சொன்னது…

கீதப்ரியன், என்னை இந்தப்படம் அவ்வளவாக கவரவில்லை. தூக்கி வைத்து கொண்டாடும் அளவு ஷங்கர் நல்ல படம் கொடுக்கவில்லை. அதும் போக படத்தில் சந்தானம்,கருணாஸ்,கலாபவன்மணி,டோனி,கதா பாத்திர அமைப்பும் மற்றும் காட்சி அமைப்பும் மற்றும் ஐஸ்,ரஜினி காதல் காதல் காட்சிகளும் கடுப்பை கிளப்புகின்றன.பத்து வருடம் மெருகேற்றிய கதை,லட்சிய படம்.என்பதெல்லாம் சிரிப்பைத்தான் வரவழைக்கிறது. ட்ரெயினில் வரும் சண்டைக்காட்சியில் தொடக்கத்தில் வம்பிழுத்து சண்டையிடும் குப்பத்து ரௌடிகள், எப்படி வெள்ளைக்காரர்களாக மாறினார்கள்? இப்படி கண்டினியூட்டி இல்லாத காட்சிகள்.லாஜிக் மீறல்கள் படம் நெடுக. இது சிறு உதாரணம்தான். முழுக்க சொல்ல வேண்டுமென்றால், நீங்கள் சொல்வது போல் தனி பதிவு எழுதவேண்டும்.ஆகையால் இத்துடன் முடிக்கிறேன்.நான் கொழந்தையின் கருத்தை ஆமோதிக்கிறேன்...

Sabarinathan Arthanari சொன்னது…

நடுநிலையான விமர்சனம்

நன்றி

பெயரில்லா சொன்னது…

//வாழ்வில் முதல் முறையாக ஒரு படத்தை 4-30 மணி அதிகாலை காட்சி அதுவும் ஷார்ஜாவிலிருந்து துபாய்க்கு பயணித்து பார்த்தேன் என்றால் அது எந்திரன் தான்//

பொழப்பத்த நாசவன் பொண்டாட்டி மயித்த செரச்சானாம்! இந்த பழமொழி தான் நியாபகத்துக்கு வருது அண்ணே.

சி.பி.செந்தில்குமார் சொன்னது…

நல்ல விமர்சனம் சார்,கதையை பற்றி சொல்லாமல் இண்ட்ரஸ்டாக விமர்சனம் எழுதுவது எப்படி என உங்களிடம் இருந்து கற்றுக்கொண்டேன்,எனக்குப்பிடித்த வரிகள்

>>>>
இது ரஜினி படமா? ஷங்கர் படமா?என்றால் மிகவும் கடினமான கேள்வியாகும்.

.அதே

மரா சொன்னது…

உங்க விமர்சனம் படம் பார்க்க தூண்டுகிறது :)

மரா சொன்னது…

ஒருதாட்டி ‘ஐ ரோபோட்’ பாக்கமாட்டேன்ங்கிறீங்க அப்புறம் கொஞ்ச நேரம் கழிச்சு நான் பாக்குறேன்றீங்க. நான் நெனைக்கிறேன் நிறைய காசு போட்டு ‘எந்திரன்’ படத்த பாத்துட்டீங்களாயிட்டிருக்கு.
விடுங்கண்ணே....

மரா சொன்னது…

ஏம்ல கொழந்த மேல இந்த காண்டு :) அவரால படம் எடுக்க முடியும் முடியாதுன்னு எத வெச்சு மக்கா டிசைட் பண்ணுன?

|கீதப்ப்ரியன்|Geethappriyan| சொன்னது…

@நண்பர் டெனீம்
உங்கள் பெயரை ட்ரீம் என்று தவறாக அடித்துவிட்டேன்
நிச்சயம் இரண்டாம் பாதியில் நீங்கள் ஃபீல் செய்ததை நானும் ஃபீல் செய்தேன்,இன்னும் போகவேண்டிய தூரம் மிக அதிகம்,நான் குறைகளை முடிந்த வரை சுட்டிக்காட்ட்யுள்ளேன்.நன்றி

@மைதீன்
நண்பரே
அதிக எதிர்ப்பார்ப்புடன் போனீர்களா?ஏன்?நான் போகும் போதே சங்கர் படத்தை பார்க்க தான் போனேன்,நான் எதிர்ப்பார்த்தது கிடைத்தது,
இரண்டாம் பாதி இழுவையே,நான் உணர்ந்த நெகடிவ்களை தெளிவாக சொல்லியிருக்கிறேன்.நீங்களும் தனிபதிவிட்டு சொல்லுங்கள்.நன்றி

@சபரிநாதன் அர்த்தநாரி
நன்றி நண்பரே

@சிபி செந்தில்குமார்
நண்பரே,உங்கள் அனுபவம் என்ன?வயதென்ன?என்னை இப்படி சார் என்று அழைக்காதீகள்,மிகவும் சங்கடமாய் உள்ளது,நீங்கள் என்னை இனி பெயரிட்டே அழைக்க வேண்டும்

@மரா
எலே மக்கா
நீ பதிவையும் படிக்கலை,
பின்னூட்டத்தையும் படிக்கலைன்னு உன் பதில்லேந்தே தெரியுது
உன் கண்ண நோண்டிடுவேன்,காலைல போட்ட 2அனானி கமெண்டு உன்னுதுதானே?:))

உலக சினிமா ரசிகன் சொன்னது…

சங்கர் படம் எல்லாவற்றையும் உடனே பார்த்துவிடுவேன்.உடல்நிலை இன்னும் சரியாகாததால் இன்னும் பார்க்கவில்லை.அடுத்தவாரம் பார்க்க இறையருள் வேண்டும்.

vaarththai சொன்னது…

//...தவிர சிவாஜியில் சுவிங்கம் தூக்கிப்போட்டு பிடிப்பதைப்பொல , இதில் அசத்தலாய் டாட் என்கிறார், ...//

renovation of ...கதம்...கதம்...?

Related Posts Plugin for WordPress, Blogger...

குறிச்சொற்கள் வைத்து தேடிப்படிக்க

உலக சினிமாபார்வை (142) சமூகம் (99) தமிழ் சினிமா (47) கே.பாலசந்தர் (41) சினிமா (28) உலக சினிமா (23) விமர்சனம் (22) ஃப்ராடு (17) கமல்ஹாசன் (17) மலையாளம் (16) சினிமா விமர்சனம் (15) இசைஞானி (13) திரைப்படம் (12) கோயன் பிரதர்ஸ் (9) கலை (8) சத்யஜித் ரே (8) அயல் சினிமா (7) நட்பு (5) ஆக்கம் (4) இனப்படுகொலை (4) ஹாலிவுட் (4) அஜய் தேவ்கன் (3) சென்னை (3) தமிழ் (3) திரைவிமர்சனம் (3) ஃப்ரென்சு சினிமா (2) அடோன்மெண்ட் (2) அபர்ணா சென் (2) ஆமென் (2) இந்தியா (2) இனவெறி (2) இளையராஜா (2) உலகம் (2) எரோடிக் கல்ட் க்ளாஸிக் (2) ஓவியம் (2) சரசம் சல்லாபம் சாமியார் (2) சிந்தனை (2) சொத்துக் குவிப்பு வழக்கு (2) ஜெயமோகன் (2) டார்க்ஹ்யூமர் (2) டாஸ்மாக் (2) திரை விமர்சனம் (2) தீர்ப்பு (2) தொடர் பதிவு (2) பதிவுலகம் (2) மோசடி (2) ரிசெஷன் (2) ஹவ் டு நேம் இட் (2) ஹிந்தி (2) K.E.ஞானவேல் ராஜா (1) chennai (1) அமீரகம் (1) அமெரிக்க நகைசுவை (1) அரசியல்வாதி (1) அறிஞர்கள் சொன்ன முத்தான பத்து (1) அழகி (1) இன அழிப்பு (1) ஈழம் (1) எந்திரன் (1) ஏழாம் உலகம் (1) ஐபேட் (1) கட்டுரை (1) கதை (1) கற்பழிப்பு (1) கலக்கல் காமெடிகள் (1) காசாவில் நிலவும் துயரம் (1) காசி மாநகரில் அழகிய கங்கை நதி (1) காசி மாநகரில் அழுகிய கங்கை நதி (1) காந்தி மகான் சில நினைவுகள் (1) கார் லைசென்சு (1) கேட் வின்ஸ்லெட் (1) கொடூரம் (1) கொலை (1) சப் டைட்டில் (1) சப் டைட்டில் சேர்ப்பது எப்படி? (1) சித்ராங்கதா சிங் (1) சிரிக்கலாம் வாங்க (1) சிரிப்பு (1) சிறுகதை (1) சீட்டிங் (1) செல்போன் (1) சோகம் (1) ஜெசிக்கா லால் (1) ஜெட் ஏர்வேஸ் (1) ஜேவியர் பர்டம் (1) டரியோ மரியனல்லி (1) டாக்மி 95 (1) டிம் ராப்பின்ஸ் (1) டெக்ஸாஸ் (1) தண்டனை (1) தனி மனித ஒழுக்கம் எவ்வளவு முக்கியம் ? (1) துபாய் (1) நரபலி (1) நாஜி (1) பதேர் பாஞ்சாலி (1) பறக்கும் ரயில் (1) பல்கலைக்கழகம் (1) பாரிஸ் (1) பேரழிவு (1) போபால் (1) மரண தண்டனை (1) மாத்தி யோசி (1) மார்கன் ஃப்ரீமேன் (1) மிருகவதை (1) முற்பகல் செய்யின்.. (1) மூடநம்பிக்கை (1) ராஹுல் போஸ் (1) ரூபாய் குறியீடு (1) லஞ்சம். (1) விமான விபத்து (1) விம் வாண்டர்ஸ் (1) விஷவாயு (1) ஷார்ஜா (1) ஹட்சக்கர் ப்ராக்ஸி (1) ஹல்லாபோல் (1) ஹிட்லர் (1) ஹோட்டல் ருவாண்டா (1) ஹோலிஸ்மோக் (1)