உத்தரம் | 1989 (விடை) | V. K. பவித்ரன் | M.T.வாசுதேவன் நாயர்
இயக்குனர் K.G.ஜோர்ஜ் அவர்களின் யவனிகா திரைப்படம் போலவே ஒரு அற்புதமான investigation thriller உத்தரம், இங்கிலாந்து பெண் எழுத்தாளர் Daphne du Maurier எழுதிய அபாரமான சிறுகதை " no motive " அக்கதையில் லயித்த எழுத்தாளர் M.T.வாசுதேவன் நாயர் உத்தரம் திரைக்கதையை கச்சிதமாக எழுத அதை அற்புதமாக இயக்கியிருக்கிறார் இயக்குனர் V. K. பவித்ரன், யவனிகாவில் எப்படி தபலாக்காரன் ஐயப்பன் மர்மமாக காணாமல் போனதும் போலீஸ் இன்ஸ்பெக்டர் சக்காரியா (மம்மூட்டி) ஐயப்பன் சம்மந்தப்பட்ட ஒவ்வொருவரையும் விசாரித்து இறுதியில் ஐயப்பன் காணாமல் போன மர்மத்திரையை விலக்குவார், அப்படிப்பட்ட ஒரு அபாரமான த்ரில்லர் உத்தரம்,இயக்குனர் K.G.ஜோர்ஜின் இரகள் திரைப்படம் எப்படி ஒரு underrated classic படைப்போ அதே போலவே உத்தரம் திரைப்படமும் underrated classic.
முதல் காட்சியிலேயே ரப்பர் தோட்ட முதலாளி மேத்யூவின் மனைவி செலினா இரட்டைக்குழல் துப்பாக்கி முனையை மார்பில் பதித்து விசையை காலால் சுண்டி தற்கொலை செய்து கொள்கிறாள், வெறும் 27 வயது,புதுக்கவிதைகள் அதாவது தரமான தத்துவார்த்தம் பொதிந்த புதுக்கவிதைகள் புனைந்து தரமான கவிதை தொகுப்பு வெளியிட்டவள் செலீனா, கணவன் மேத்யூசிடம் அத்தனை அன்பு கொண்டவள், குழந்தையின்மையைக் கூட குறையாகவே எண்ணாதவள், உலகை உலகத்தாரை இயற்கையை அப்படி நேசிப்பவள், கணவனுடன் காலை உணவு சேர்ந்து உண்டவள் ,மேத்யூஸ் ரப்பர் தோட்டத்திற்கு பார்வையிட புறப்பட்டு சென்ற ஒரு மணி நேரத்தில் இத்தனை கோரமாக தன் கதையை முடித்துக் கொண்டிருக்கிறாள்.
மனைவியின் தற்கொலைக்கு எந்த காரணத்தையும் கண்டுபிடிக்க முடியாததால், மேத்யூ தனது நண்பரான பாலுவை அழைக்கிறார், இருவரும் தில்லியில் டைம்ஸ் பத்திரிக்கையில் ஒன்றாக வேலை செய்தவர்கள், மேத்யூஸ் சப் எடிட்டராக இருந்தவர் இங்கே வந்து ரப்பர் கிருஷி செய்கிறார்,
பாலு திருமணமாகாதவர்,நண்பர் மேத்யூஸுக்கும் அவர் மனைவி செலீனா காட்டிய நட்பிற்கும் அன்பிற்கும் மிகவும் கடமைப்பட்டவர், இவர் புதுக்கவிதைகளின் ஆராதகரும் கூட என்பதால் நண்பனை விட தனக்கு இந்த மர்மத்தை விடுவிக்கப்படவேண்டும் என நினைக்கிறார்.
செலீனா தற்கொலை செய்து இறந்தாலும் அதை கணவர் மேத்யூஸ் குடும்ப மானம் காக்க துப்பாக்கி துடைக்கையில் நேர்ந்த விபத்து என்று போலீஸில் பதிந்து வழக்கை புதைத்திருக்கிறார், இருந்தும் மனைவி இறந்த மர்மத்தை அறிய நினைக்கிறார், நண்பன் பாலுவுக்கு முழு சுதந்திரம் தந்திருக்கிறார்.பாலு இந்த புலன் விசாரணையை துவக்குவதற்கு இரு வாரம் முன்பு தன் டைம்ஸ் பத்திரிக்கை வேலையை விட்டவர்,இங்கு நண்பனுக்காக நேரில் வந்து விட்டார்.
இந்த தனக்குப் பிடித்த கவிதாயினி தோழியின் தற்கொலையை அவள் குடும்பத்தார் தோழி பார்வதி உறைவிடப் பள்ளி என ஒவ்வொருயிடமாக பயணித்து விசாரணை என்பதே தெரியாமல் நிறைய பொய்கள் சொல்லி நடித்து துப்பு துலக்கி விசாரணை நடத்துகிறார், செலினா தற்கொலைக்கு பின்னால் உள்ள நோக்கத்தைக் கண்டறியும் ஒயிலான திடீர் ஷெர்லாக் ஹோம்ஸ் பாலகிருஷ்ண நாயரின் விசாரணையை இத்திரைப்படம் அத்தனை இயல்பாக பதிவு செய்திருக்கிறது,
படத்தின் ஒளிப்பதிவு ராமசந்திரபாபு அவர்கள், படத்தின் இசை ஜான்ஸன் மாஸ்டர், படத்தில் மேத்யூவாக நடிகர் சுகுமாரன் நடிப்பு ஒண்ணாந்தரம், சமையல்காரராக சங்கராடி, செலீனாவாக சுபர்ணா ஆனந்த் (இயக்குனர் பரதனின் வைஷாலி பட நாயகி ) செலீனாவின் உயிர்த்தோழியாக பார்வதி , செலீனாவின் தந்தை ஃபாதர் ரெவனன்டாக கரமன ஜனார்த்தனன் நாயர் என அற்புதமான cast கொண்ட படம், சினிமா ஆர்வலர்கள் மாணவர்கள் no motive ஆங்கில் சிறுகதையை கண்டிப்பாக தேடி வாசியுங்கள் ,இந்த gripping and moving thriller படத்தை தவறாமல் பாருங்கள்,
இந்த படத்தை இன்னொரு முறை பார்த்தால் சிறிய சிறிய nuances பற்றி எழுதலாம், எம்.டி.வாசுதேவநாயரின் சிறிய சிறிய டீடெயல் அபாரமானது, ஒரு காட்சியில் நடிகை சுகுமாரியின் கணவர் நோயில் படுத்த படுக்கையாக இருக்கிறார்,அவர் அருகே அந்தரத்தில் தொங்கும் கயிறு,படுத்த படுக்கையாக இருக்கும் அவர் பிடித்து எழுவதற்கு, இதை நிஜத்தில் சிறுப்பத்தில் ஒரு வீட்டில் பார்த்துள்ளேன், சினிமாவில் இப்போது தான் பார்த்தேன்.மௌனம் சம்மதம் போல மம்மூட்டி துப்பறியும் ஏகம் படம் பார்த்தாலும் இதில் அத்தனை ஸ்டைல், அத்தனை நம்பகத்தன்மை அழகியலுடன் கைகூடியுள்ளது.
இப்படத்தின் இயக்குனர் வட்டம்பரம்பில் கிருஷ்ணன் பவித்ரன், இவர் திரைப்பயணம் அலாதியானது, அர்த்தமுள்ள ஐந்து படைப்புகள் மட்டும் தந்த படைப்பாளி,மனம் முழுக்க சினிமா ஆர்வம் கொண்டவர், இவர் கேரளத்தில் பட்டப்படிப்பு முடிந்ததும் புனே திரைப்பட கல்லூரிக்குச் சென்று அனுமதி பெற முயன்றவர் , இரண்டு முயற்சிகளும் தோல்வியுறவே புனேவில் உள்ள திரைப்பட கல்லூரிக்கு அருகிலுள்ள புனே சட்டக் கல்லூரியில் சேர்ந்துவிட்டார்.அங்கே சட்டம் படிப்பதற்குப் பதிலாக,சட்ட வகுப்பை கட் அடித்து விட்டு உலக கிளாசிக் மற்றும் திரைப்படங்கள் எவ்வாறு தயாரிக்கப்பட்டன என்பதைப் பார்க்க அவர் புனே திரைப்படக் கல்லூரியில் தனது முழுநேரத்தையும் செலவிட்டார்.ஏகலைவன் போல கிடைத்த இந்த வாய்ப்பை அவர் புனே திரைப்படக்கல்லூரி மாணவர்களுடன் நட்பு கொள்ளவும், சினிமாவை நெருக்கமாக புரிந்து கொள்ளவும் பயன்படுத்தினார், இவர் தீவிர கம்யூனிஸ்ட்,இவரது இயக்கத்தில் முதலில் வெளியான திரைப்படம் யாரோ ஒராள் 1978 ஆம் ஆண்டு வெளியானது, கபினி நதி சுவன்னதுபோல் என்ற கம்யூனிஸ்ட் போராட்ட திரைப்படத்தை தயாரித்தவர் , உப்பு என்ற தலைசிறந்த திரைப்படத்தை 1986 ஆம் ஆண்டு இயக்கி வெளியிட்டார்,பலி என்ற திரைப்படத்தை 1991 ஆம் ஆண்டு இயக்கி வெளியிட்டார், இவரது கடைசி திரைப்படம் குட்டப்பன் சாட்சி 2002 ஆம் ஆண்டு வெளியானது,
26 February 2006 மறைந்தார், இவர் மனைவி நடிகை கலாமண்டலம் ஹேமாவதி.
படம் யூட்யூபில் உள்ளது
https://youtu.be/nxUt1exBXx8
#உத்தரம்,#மம்மூட்டி,#சுகுமாரன்,#ராமசந்திரபாபு,#ஜான்ஸன்_மாஸ்டர்,#பார்வதி,#VK_பவித்ரன்,#MT_வாசுதேவன்_நாயர்
