அமைச்சர் உதயநிதி ஸ்டாலின் பற்றி

உதயநிதி ஸ்டாலின் தமிழ்நாடு அரசு இளைஞர் நலன்&விளையாட்டு மேம்பாட்டுத் துறை அமைச்சர் ஆனதற்கு இனிய நல்வாழ்த்துகள்.

உதயநிதி ஸ்டாலின் அமைச்சரானதில் நிறைய பேருக்கு விமர்சனமுள்ளதைப் பார்க்கிறேன், பெரிய மனிதர்களின் வீட்டுப் பிள்ளைகளுக்கு கூட  Identity crisis பிரச்சனை உண்டு, காரணம் அவர்கள் அப்பா தாத்தா சேர்த்து வைத்த புகழை மிஞ்சுவதற்கு பகீரத பிரயத்தனப்பட வேண்டும்,

அவர்களுக்கு விரும்பிய எல்லாமே எளிதில் உடனே கிடைத்து விடும் என்று நினைத்தாலும், எதுவும் எளிதில் கிடைத்து விடாது என்பதே உண்மை, காய்த்த மரத்திற்கு  கல்லடி என்றால் பெரிய மனிதர் வீட்டு பிள்ளைகளுக்கு சொல்லடி என்பதே உண்மை.

நான் 2001 ஆம் ஆண்டு கூட்டமிகுந்த 21 G பேருந்தில் ராஜபவன் சாலையில் வேலைக்கு பயணிக்கையில் உதயநிதி ஸ்டாலின்  

ராஜ்பவன் தொலைபேசி இணைப்பகம் எதிரே தொடங்கிய snooker point பார்த்து பேருந்தில் எல்லோரையும் போல வயிறெரிந்திருக்கிறேன், எனக்கு கூட இன்று அது போல ஒன்றை  என் மகனின் சுயதொழிலுக்கு செய்து தர முடியும், நான் சம்பாதித்து வாழ்வில் முன்னேறி தன்னிறைவு பெற்றவுடன் இன்று யோசித்துப் பார்த்தால் என் மாமியார் உடைத்தால் மண்குடம் போன்ற செய்கைக்கு சிரிப்பாக வருகிறது,

பாலு ஜுவல்லர்ஸ் என்பவரை மொட்டையடித்து அவர் நகைக்கடையை வழித்து கொள்ளையடித்து ராஜா அண்ணாமலைபுரத்தையே முழுக்க மூடி அரண் அமைத்து பொது மக்களை அது வழியாக சுமார் ஒரு மாதம் கடந்து போக விடாமல் மயிலை வழியாக சாந்தோமுக்கு சுற்றிப் போக வைத்து வளர்ப்பு மகன் திருமணத்தை புருனே சுல்தான் திருமணம் போல நடத்தினார் அம்மையார் ஜெயலலிதா, மக்கள் இயல்பிலேயே மஸாக்கிஸ்ட்கள் என்பதால் ஆட்சியாளர்கள் இத்தனை குரூரதையுடன் இருந்தால் தான் அவர்களுக்கு இனிக்கும்,இடி அமீன் போன்ற ஆட்சியாளர்களையே மக்கள் இரும்பு பெண்மணி என புகழ்வார்கள்.

நான் திமுகவிற்கு வாக்களித்ததற்கு பெருமைப்படும் விதமாக என் தங்கை  வீட்டார் பத்து வருடங்களுக்கு மேலாக தாழம்பூரில் வருடா வருடம் பெரு மழைநாளில் அனுபவித்த மழைநாள் பேரிடர் திமுக அரசு மேற்கொண்ட மழைநீர் கால்வாய் பணிகள் மூலம் மறைந்தது.

என் பம்மல் வீடு தரைத்தளத்தில் உள்ளது,சாலையை விட மூன்றடி தாழ்வாக உள்ள வீடு, திமுக அரசு மேற்கொண்ட மழைநீர் கால்வாய் பணிகள் மூலம் உள்ளே மழைநீர் புகுமோ என்ற  அச்சம் மறைந்தது, நிம்மதியாக தூங்கினேன்.

இன்று அனகாபுத்தூர் வழியாக குன்றத்தூர் செல்கையில் அடையாற்றில் வெள்ளம் அப்படி கரைபுரண்டு ஓடுவதை போகையிலும் திரும்ப வருகையிலும் பாலத்தின் மீதிருந்து பார்த்தேன்,வெறும் வினாடிக்கு 2000 கன அடிக்கே அத்தனை வேகம் கண்டேன், அத்தனை விசை இருந்தது, அம்மையாரும் அடிபொடிகளும் 2015 டிசம்பர் 1 நடு இரவில் வினாடிக்கு 29,400 கன அடி நீரை திறந்து விட்டதை நினைத்துப் பார்த்தேன்,ஒரு நிரந்தர சென்னைவாசியாக  அத்தனை வயிறு கலக்கியது, எத்தனை பெரிய மனிதர்கள் வீடு கூட தரைத்தளம் மூழ்கி படகில் தப்பியதை மறக்க மாட்டார்கள், பால் வாங்கி வருகிறேன் என தெருவில் இறங்கியவர்கள் வெள்ள சுழலில் சிக்கி அடையாறு கழிமுக புதைகுழி சேற்றில் JCB ல் வாறப்பட்டு கண்டெடுக்கப்பட்டதை நினைவுகூறுகிறேன்.

இன்று மாலை மகனை அழைக்க குரோம்பேட்டை sunshine பள்ளி போனேன்,  அந்த பள்ளியை சுற்று சுவரை சுற்றி தெருவாசிகள் தத்தம் கார்களை ஒட்டி நிறுத்தி உள்ளனர், ஒரு ஹார்ட்வேர் கடைக்காரர் தான் விற்கிற செங்கல் திப்பைகளை , ஹாலோ ப்ளாக் திப்பைகளை, aac block திப்பைகளை, 3/4 ஜல்லி, 1 1/2" ஜல்லி , m.sand என பள்ளி சுற்று சுவரை சுற்றி ஆக்கிரமித்து வைத்து விற்கிறார், முதல்வரின் மகளின் பள்ளி இது,பள்ளி சுற்றத்தில் வசிக்கும் மக்கள் எல்லோரும் அமைதியாக இயல்பாக வாழட்டும் என ஒரு உருட்டல் மிரட்டலில்லை, இயல்பாக உள்ளது அந்த 4 நெரிசல் மிகு தெருக்கள் , ஒரு கூடுதல் சிறப்பு வசதி கிடையாது, ஒன்றுமில்லை போன ஆட்சியில் போலீஸ் கமிஷனர் மனைவி நினைத்தால் கூட பக்கத்து வீட்டுக்காரரை கஞ்சா வழக்கு அல்லது கைபிடித்து இழுத்த வழக்கு பதிந்து உருட்டி மிரட்டலாம், அப்படிப்பட்ட சம்பவங்களை அனு தினம் கேட்டிருக்கிறேன்.

மக்களுக்கு எதிர் கட்சி தலைமைக்கு  மண்டபத்தில் தூங்கிக்கொண்டு இருந்த விலாசமில்லாதவருக்கு தலைமை பதவி தந்தால் கூட ஏற்றுக் கொள்வர்,ஆனால் ஆளும் கட்சியில்  நாற்பது வருடமாக கண்முன்னால் பார்ப்பவர்கள் தலைமை பதவிக்கு வருவதை அவர்களால் பொறுத்துக் கொள்ள முடியாது,மாமியார் உடைத்தால் மண்குடம் மருமகள் உடைத்தால் பொன்குடம்.

உதயநிதி ஸ்டாலின் விளையாட்டு துறை அமைச்சர் ஆனதற்கு இனிய நல்வாழ்த்துகள்,அவரின் இந்த எளிமை தொடர்ந்தால் அது அவரை கல்லடிகளிலிருந்தும் சொல்லடிகளிலிருந்தும் காக்கும்,செஸ் ஒலிம்பியாட் என்ற பெருமைமிகு நிகழ்விற்கும் தன் சேப்பாக்கம் - திருவல்லிக்கேணி தொகுதிக்கும்  பின்னிருந்து உழைத்தது போல இந்த தமிழ்நாடு அரசு இளைஞர் நலன்&விளையாட்டு மேம்பாட்டுத் துறைஅமைச்சர் பதவிக்கு அவர் உளமார திறம்பட  உழைத்தால் தமிழக மக்கள் அனைவர் மனதிலும் இடம் பிடிப்பார், பகைவர் உள்ளங்களையும் வெல்லுவார் என்பது திண்ணம்.

இது தாழம்பூர் வெள்ள வடிகால் பணிகள் பற்றி  உணர்ந்து எழுதியது.

https://www.facebook.com/750161339/posts/10160730481806340/?mibextid=Nif5oz

அண்ணாசாலையில் சாலை ஆக்கிரமித்து செய்த ராட்சத உயர் திமுக கொடிகம்பம் ,அறப்போர் இயக்கத்தினர் புகார் எதிரொலியால் இன்று  அகற்றப்பட்ட பதிவு 

https://www.facebook.com/100070041472363/posts/446574051020640/?mibextid=Nif5oz