ஹேராம் | ஷாரூக்கான் சம்பளம்

ஹேராம் படத்தில் தயாரிப்பாளர் மற்றும் இயக்குனரான கமல்ஹாசன் சக நடிகர் ஷாருக்கானுக்கு தந்த சம்பளம் எவ்வளவு   தெரியுமா? ஒரு கைக்கடிகாரம்.

கமல்ஹாசன் 2018 ஆம் ஆண்டு அடிகா ஃபரூக்கி (atika farooqui )என்ற rishtey ciniplex தொலைக்காட்சி நிகழ்ச்சி தயாரிப்பாளரிடம் பகிர்ந்த அதிகாரபூர்வமான தகவல் இது, இந்தி மற்றும் ஆங்கிலத்தில் அமைந்த உரையாடலாக இருந்தது , 

அடிகா , கமல்ஹாசனிடம் தூய இந்தியில் பல நீண்ட கேள்விகள் கேட்கிறார், அவற்றை உள்வாங்கி ஆங்கிலத்திலும் சிலவற்றுக்கு இந்தியிலும் பதிலுரைத்தார் கமல்ஹாசன்,

இதில் ஷாருக்கான் பற்றி கேட்டதும், ஷாரூக்கான் ,  ஹேராம் படத்தில் நடித்ததற்கு சம்பளம் எதுவுமே பெறவில்லை என்றவர், நான் எத்தனை முறை நினைவூட்டியும் விடுங்க கமல்ஜி என்றே  சொல்வார், ஒரு கைக்கடிகாரம் மட்டும் சம்பளமாக பெற்றார் என்றார்.

சில வருடங்களுக்கு முன் ஷாரூக்கான் ஹேராம் படத்தின் இந்தி உரிமையை அதன் மூல தயாரிப்பாளர் பரத்ஷாவிடமிருந்து  விலைக்கு வாங்குகையில் நான் அது என்ன விலை ?எனக் கேட்கவில்லை,  நூறு கோடி? எதுவாயிருந்தால் என்ன? அவர் அந்த உரிமையை வைத்துக் கொள்ள மிகவும் தகுதியான நபர், தரப்பட்ட விலை நூறுகோடியானால் என்ன?  இருநூறு கோடியாக அவருக்கு கிடைக்க வேண்டும் , அத்தனை பெரிய குணவான் அவர் ,

எல்லோரும் பொதுவில் பேசுகையில் எனக்கு இப்படத்தில் நடிக்க சம்பளம் வேண்டாம் என்பார்கள் , கமல்ஜியை தொட்டால் மட்டும் போதும் என்பார்கள், இந்த படத்தில் நானும் ஒரு அங்கமாக இருந்தால் போதும் என்பார்கள், ஒருவரை ஒருவர் மகிழ்விக்க இதையெல்லாம் சொல்வார்கள் சினிமாவில், ஆனால் பாத்ஷா ஷாரூக்ஜி இதைச் செய்து காட்டினார், அவர் ஹேராம் படத்தில் பங்குதாரர் ஆவதற்கு தகுதியானவர், என்றார், மிக அழகான பேட்டி இது

படம் துவக்குகையில் நடிகர் ஷாரூக்கான் இருபது நாட்கள் கால்ஷீட் தந்திருந்தாராம்,முதல் படம் இயக்கம் , அதன் திட்டமிடல்கள், எதிர்பாராத தடங்கல்கள் தாமதங்களால் அவர் நடிக்கவேண்டிய பகுதி முடிவடையாமல் இருக்க,படம் இன்னும் இழுக்கிறதே என்று  தயங்கியபடி மீண்டும் கால்ஷீட் கேட்க தயங்காமல் மீண்டும் இருபது நாள் கால்ஷீட் தந்தாராம்.

மேலும் ஷாருக்கான் இப்படத்தின் வசனங்களை மனப்பாடம் செய்து நடிக்கவில்லையாம், இயக்குனர் கமல்ஹாசன் காட்சியை விவரித்து விளக்கியதைப் பிடித்துக் கொண்டு எத்தனை நீண்ட வசனங்களையும் மனதில் பதிந்து கொண்டு நடித்துத் தந்தாராம்.

https://youtu.be/LGCs0XdF5q0

#ஹேராம்,#ஷாரூக்கான்,#சம்பளம்,#கைக்கடிகாரம், #wristwatch,#atika_farooqui