" The Killing of a Sacred Deer"(2017) என்ன அருமையான படம்?ஒரு படம் வெகு நாள் கழித்து யாரும் பேசா பொருளைப் பேசியிருக்கிறது .
தந்தையை குடிபோதை கவனக் குறைவால் அறுவை சிகிச்சையின் போது கொன்ற டாக்டரை உணர்வு ரீதியாக பழி வாங்கும் மகனின் கதை.ஆனால் இது வரை வந்த பழிவாங்கல் படங்களில் இருந்து மிகவும் மாறுபட்ட கதை.
டாக்டர் ஸ்டீவனாக வந்த Collins Farrel மனம் கவர்ந்த நடிகர். In Bruges படத்தில் இருந்து பார்க்கிறேன், இக் குற்ற உணர்வு கொண்ட டாக்டர் கதா பாத்திரத்திற்கு மிகவும் பொருத்தம், அடர்ந்த தாடியையும் மீறி உணர்ச்சிகளைப் பிரதிபலிக்கிறார், மனைவியாக Nicole Kidman பிரமாதமான நடிகை , இது போல சைக்காலஜிக்கல் தரில்லர்களான eyes wide shut போன்ற படங்களில் நிரூபனமானவர்.நடிப்பில் இருவருக்கும் சமரமே நடக்கின்றது.
படம் முழுக்க எனக்கு நிறைய டேஜாவூ, ஸ்டீவன் கதாபாத்திரம் 21 க்ராம்ஸ் படத்தின் Paul கதாபாத்திரத்தை நினைவு படுத்துகிறது, மகனாக வந்த சிறுவன் அப்படியே shining படத்தின் danny கதாபாத்திரத்தை நினைவூட்டினான்.மகள் அமெரிக்கன் பியூட்டி படத்தின் ஜேன் கதாபாத்திரத்தை நினைவூட்டினாள்.
படத்தின் மைய கதாபாத்திரமான மார்ட்டின் borgman என்ற டச்சுப்படத்தில் வரும் camiel என்ற கதாபாத்திரத்தை நினைவூட்டினான், படத்தின் ஒளிப்பதிவு எனக்கு shining படத்தில் பிதாமகர் John Alcott ன் பணிக்கு ட்ரிப்யூட் செய்தார் போல அத்தனை நிறைவாக இருந்தது.
இப்படி உலக கல்ட் க்ளாசிக்களின் தாக்கம் படம் நெடுக இருந்தாலும் எல்லாமே ட்ரிப்யூட் தரத்தைக் கொண்டுள்ளது, ஒரிஜினலான கதை திரைக்கதையைக் கொண்டு பார்வையாளரை அசரடிக்கிறது, அடுத்து இது நடக்கும் என ஊகித்தால் அதை அழகாக உடைக்கிறது,
படம் நெடுக குறியீடுகள் , உலக சினிமா ரசிகர்கள் விவாதம் நடத்தலாம். படம் அற்புதமான சைக்காலஜிக்கல் ரிவன்ஜ் த்ரில்லர் என வகைப்படுத்தியுள்ளனர். ஆனால் இது எதற்குள்ளும் அடங்காமல் இயக்கியுள்ளார் இயக்குனர் Yorgos Lanthimos ,இவரின் lobster படமும் பாருங்கள்.
Iphigenia என்ற கிரேக்க வாய் மொழிக் கதையில் இருந்து திரியையும் படத்தின் டைட்டிலையும் எடுத்துக் கொண்டு, மெயின் ஸ்ட்ரீம் ஆடியன்ஸுக்கு எந்த விளக்கமும் அளிக்காமல் லாஜிக் கேள்விகள் எதற்கும் பதில் சொல்லாமல் இரண்டு மணி நேரம் நம்மை கட்டிப் போடுகிறார்.படம் பாரத்தவர்கள் borgman 2013 படத்தை அவசியம் பாருங்கள், டபுள் டிலைட்டாக இருக்கும்.
#The_Killing_of_a_Sacred_Deer,#Yorgos_Lanthimos
,#மீள்பதிவு
,#மீள்பதிவு
