1987 ஆம் ஆண்டு தயாராகி எடிட்டிங் ரீரெகார்டிங் அனைத்தும் முடிந்து திரைக்கு வராமல் போன படம்
"காதல் விடுதலை", இதன் இயக்குனர் M.ஜெயகுமார் Bsc ஏற்கனவே பாடும் வானம் பாடி 1985 (டிஸ்கோ டான்ஸர் இந்தி ரீமேக்) என்ற ஹிட் படத்தை தந்தவர்,
இப்படத்தில் ராம்கி, ஜனகராஜ், நிழல்கள் ரவி, வெண்ணிற ஆடை மூர்த்தி, நிஷாந்தி, மனோரமா, சுபா உள்ளிட்டோர் நடித்துள்ளனர். இசை S.A. ராஜ்குமார். சென்னை மற்றும் ஊட்டி மற்றும் பிற இடங்களில் படப்பிடிப்பு நடந்தது.
பட ஷூட்டிங் எந்த தடங்கலும் இல்லாமல் நடந்து வந்தது. எடிட்டிங், ரீ-ரிக்கார்டிங் முடிந்து, முதல் பிரதியும் தயாரானது. துரதிர்ஷ்டவசமாக தயாரிப்பாளர்களிடையே சில சர்ச்சைகள் இருந்தன, அது முற்றி
இப்படம் அதன் பின்பு வெளியிடப்படவேயில்லை.
சில வருடங்கள் கழித்து தலைப்பு மாற்றம் செய்யப்பட்டு படம் வெளியாகும் என "விரைவில்" விளம்பரம் வெளியானது, ஆனால் அதுவும் நடக்கவில்லை.
அதன் பிறகு இயக்குனர் M.ஜெயக்குமார் Bsc வேறு எந்தப் படத்தையும் எடுக்கவில்லை, வாழ்வாதாரத்திற்காக சில்லறை வணிகத்தைத் தொடங்கி திரையுலகில் இருந்து மறைந்தார்.
இப்படத்தில் எஸ்பிபி , சித்ரா பாடிய "அடடா அழகே அழகு " என்ற பாடல் யூட்யூபில் உண்டு,
தாஸேட்டா பாடிய போடா உலகமெல்லாம் வெளிவேஷம் பாடலும் யூட்யூபில் உண்டு.
இசையமைத்து பாடல்களும் எழுதியவர் நம் மனம் கவர்ந்த இசையமைப்பாளர் S.A.ராஜ்குமார் அவர்கள்.
படப்பிடிப்பு குழுவினருடன் ஆச்சி மனோரமா உள்ள படம் பாருங்கள்.
நன்றி :
ஒளிப்பதிவாளர் ராமசந்திரபாபு அவர்கள்.
