இன்று ஒவ்வொரு பணியிலும் காணும் தரக்கட்டுப்பாட்டில் மெத்தனம்

இன்று பூந்தமல்லியில் கண்டது, கட்டி ஒரு வருடம் ஆன கட்டிடம், 

அதற்குள் CONVENTION  ல்  E காணவில்லை , விழுந்து விட்டதைப் பாருங்கள்.

இன்று எங்கு நோக்கிலும்  தரக்குறைபாடும் மெத்தனமும் தலையாய பிரச்சனையாக உள்ளது, அதுவும் எல்லா துறைகளிலும் நீக்கமற நிறைந்து உள்ளது, 

வெளிநாடுகளில் ஒரு துறையில் விற்பன்னர் அல்லாதவர் அந்த வேலையை தங்க தட்டில் வைத்து தந்தாலும் கூட எடுத்து செய்ய மாட்டார்கள், இதில் எனக்கு pre qualification இல்லை என மறுப்பார்கள், காரணம் ஒரு தொழில் பற்றி தெரியாமல் அந்த பணியை சிறப்பாக தரக்கட்டுப்பாடுகளுடன் செய்யவே முடியாது, தரம் பல்லிளித்துவிடும்.

ஆனால் இங்கே என்ன நடக்கிறது, கடிகாரம் தயாரிக்கும் orpat நிறுவனத்தாருக்கு 150 ஆண்டுகள் பழமையான மோர்பி தொங்கு பாலத்தின் conservation பழமை மாறாமல் புதுப்பிக்கும்  பணி கிடைக்கும், அவர்களும் லஜ்ஜையின்றி துணிந்து எடுத்து செய்வர்,140 பேரைக் கொல்லுவர்.

இந்த signage பணியை way finding design என்று வகைப்படுத்துவர், 3D typeface font வடிவமைக்கையில் அதற்கு ஏற்ற heavy duty  anchorage ,fasteners உபயோகித்து பொருத்துவர், இங்கே technical shop drawing என்றால் என்ன என்று தெரியாது, அடுத்தவன் செய்தால் தானும் செய்யனும், அந்த business model அறிவு இருக்காது, எப்படியாவது அவனுக்கு போட்டியாக கடை போட்டு அவன் business ஐ கெடுத்து இறுதியில் இவனும் நசிவான், 

இன்று தெருவில் போகிறவன் professional ஆன prequalification கொண்ட நிறுவனத்தை விட பாதி விலையில் செய்கிறேன் என்று சொன்னால் உடனே அந்த பணியை தந்துவிடுகின்றனர் Client ,

அவனுக்கு தகுதி உள்ளதா என்ற  background check, prequalification check ,technical specification, bidding ,value engineering என எதுவும் இங்கு செய்யத் தேவையில்லை, snagging இல்லை, மெத்தனமான வேலைகளுக்கு penalty இல்லை,  விளைவு இப்படி மெத்தனமான வேலைகள்.