Fan posters அதாவது ரசிகர்களால் ஒரு படைப்பிற்கு உருவாக்கப்படும் போஸ்டர்கள் அபாரமானவை, படைப்பின் உள்ளடக்கத்தை பூடகமாக பேசுபவை, சிறந்த Fan Poster கான உதாரணமாக இந்த 4months 3 weeks & 2 days படத்திற்கு ஒரு உலக சினிமா ரசிகர் உருவாக்கியதைப் பாருங்கள்.
இப்படைப்பு கருக்கலைப்பு தடை அமலில் இருந்த 1987 ஆம் ஆண்டில் நடக்கும் படைப்பு,
Decree 770 என்பது 1967 ஆம் ஆண்டு கொடுங்கோல் அதிபர் Nicolae Ceausescu கையெழுத்திட்ட கம்யூனிஸ்ட் ரோமானிய அரசாங்கத்தின் ஆணை. இது கருக்கலைப்பு மற்றும் கருத்தடைகளை நாடெங்கும் இரும்புக்கரம் கொண்டு கட்டுப்படுத்தியது,புதிய, பெரிய மக்கள் தொகை மிகுந்த ருமேனியாவை உருவாக்கும் நோக்கில் விரிந்த கால் நூற்றாண்டு தடையாகும்.
இங்கு பனிக்குடத்தில் சிசுவை அழிக்க witch doctor துணையுடன் probe ஐ நுழைக்கின்றனர், இது சட்ட விரோதமானது, ஆனால் இதை விட்டால் வேறு வழியில்லை, இது தான் அரச பயங்கரவாதம், அது தான் ரோமானிய மூவர்ணக்கொடி.
கம்யூனிச ருமானியாவில் ஏழைப் பெண் முதல் பணக்கார சீமாட்டி, பிரபல நடிகை என அனைவரும் தம் வாழ்நாளில் எதிர் கொண்ட கெட்ட கனவு இந்த சட்டவிரோத கருக்கலைப்பு,
இந்த கருக்கலைப்பு தடையால் பிறந்த குழந்தைகளை வளர்க்க முடியாமல் தரமான உணவு கல்வி தர முடியாமல் பல பெற்றோர் தம் வீட்டில் நான்கு குழந்தைகளையும் அரசு காப்பகத்தில் நான்கு குழந்தைகளையும் கொண்டு விட்டு வளர்த்த துயர்மிகு வரலாற்று சோகம் உண்டு, இந்த கால் நூற்றாண்டு பெண்ணடிமைத்தளை அதன் விளைவான மக்கள் தொகை வெடிப்பு 1989 ஆம் ஆண்டு மக்கள் புரட்சிக்கு எரிமலை வெடித்தது போல வித்திட்டது, அந்த வரலாற்றின் மௌனசாட்சியாக இந்த Fan Poster விளங்குகிறது.
மேலும்
4months 3 weeks & 2 days
