எழுத்தாளர் Rajanayahem R.p. அவர்களின் சினிமா எனும் பூதம் புத்தகம் அமேசானில் வாங்கக் கிடைக்கிறது.
விலை ₹369.
தமிழ் சினிமா முன்னாள் நட்சத்திரங்கள் பற்றிய பூரண தொகுப்புகள் கொண்ட தரமான புத்தகம் இது,
இதில் நமது அபிமான நட்சத்திரங்கள் பற்றிய எழுத்து வெறும் தகவல் களஞ்சியமாக மட்டும் இல்லாமல் இலக்கியத் தரத்தில் தனித் தனி கட்டுரைகளாக உள்ளது,
ஒவ்வொரு கட்டுரையுமே தனித்துவம் வாய்ந்தது, நிபுணத்துவமான எழுத்து ,எழுத்தாளர் மனதின் நினைவடுக்குகளில் இருந்து ஒவ்வொன்றுக்கும் reference தந்து எழுதியவை ,நம்மை திரும்பத் திரும்ப வாசிக்க வைக்கிறது எழுத்தின் வசீகரம்.
இதில் எல்லா கட்டுரையுமே பொக்கிஷம் தான் , உதாரணத்திற்கு நடிகை பத்மினி அவர்களின் அத்தியாயத்தில் எழுத்தாளர் மேற்கோள் காட்டும் "போட்டியாளர்கள்" என்ற சிறுகதை காலஞ்சென்ற எழுத்தாளர் அசோகமித்திரன் எழுதிய ரேர்ஜெம் சிறுகதை,
வஞ்சிக் கோட்டை வாலிபன் படத்தில் சவுண்ட் அஸிஸ்டண்டாக பணிபுரிகையில் எழுத்தாளருக்கு கிடைத்த அந்தரங்க அனுபங்களின் புனைவு,
தமிழ் சினிமா வரலாற்றில் ஒரு உச்ச பட்ச வெற்றி பெற்ற திரைப்படம், இன்றும் கொண்டாடப்படும் இசை, பாடல், நடனம், நடிப்பு, அதில் போட்டி போட்டு நடித்த இரு புகழ்பெற்ற நடிகைகளின் ego, வர்ஜனம்,அந்த போட்டிப் பாடல் உருவான விதம் ,ஒரு டான்ஸ் ரிகர்சலில் சவுண்ட் அஸிஸ்டண்டின் பணி,
ஒரு சக சவுண்ட் அஸிஸ்டண்ட் pervert ஆல் அந்த புகழ்பெற்ற நடிகைக்கு நடன ஒத்திகையில் நடந்த அவமானம், அந்த பெரிய நடிகைக்குள் இருந்த குழந்தைத்தனம்,சமாதான குணம்,தன் மீது ஒரு டெக்னீஷியன் கூட கோபம் கொண்டிருக்கக் கூடாது என்ற நற்குணம், அந்த ரிகர்சல் சம்பவம் முடிந்து படம் வெளியான பின்னான நடிகையின் திடீர் திருமணம் எல்லாம் எல்லாம் மிகச்சிறப்பாக வெளிப்பட்ட சிறுகதை,
அந்த "போட்டியாளர்கள்" சிறுகதையை சினிமா எனும் பூதத்தில் எத்தனை கச்சிதமாக மேற்கோள் காட்டுகிறார் எழுத்தாளர், mesmerizing, இது போல பல பல பின் இணைப்பு நுன்னிய தகவல்களால் இயல்பான நடையில் இழைக்கப்பட்ட கட்டுரைகள் சினிமா ஆர்வலர்கள் கண்டிப்பாக வாசிக்க வேண்டியவை.
அனைவரும் hard copy வாங்கிப் படியுங்கள், அதுவே எழுத்தாளரை சரியாக கௌரவிக்கும் முறை, மென்மேலும் நிறைய பதிப்புகள் காண வேண்டிய புத்தகம் சினிமா எனும் பூதம்.
நடிகை பத்மினி அத்தியாயம் படிக்க
போட்டியாளர்கள் சிறுகதை
#சினிமா_எனும்_பூதம்,#எழுத்தாளர்_RP_ராஜநாயஹம்,#எழுத்தாளர்_அசோகமித்திரன்
#பத்மினி,#போட்டியாளர்கள்,#வஞ்சிக்_கோட்டை_வாலிபன்
